КРдин Инвестицияларды илгерилетүү жана коргоо боюнча агенттигинин жетекчиси Шумкарбек Адилбек уулу

Адилбек уулу: энергетикага инвестиция тартуу үчүн бардык шарттар бар

77
КРдин Инвестицияларды илгерилетүү жана коргоо боюнча агенттигинин жетекчиси Шумкарбек Адилбек уулу өлкөнүн гидроэнергетикалык потенциалы жогору экендигин айтты.
Адилбек уулу: энергетикага инвестиция тартуу үчүн бардык шарттар бар

Гидроэнергетика тармагына инвестиция тартуу үчүн бардык шарттар бар. Иштеш гана керек. Бул тууралуу Шумкарбек Адилбек уулу "Гидроэнергетика. Борбордук Азия жана Каспий — 2020" конгрессинен Sputnik Кыргызстан радиосуна маек куруп жатып билдирди.

Анын айтымында, өлкөдө 80ге чукул чакан жана ондон ашуун чоң ГЭС курууга мүмкүнчүлүктөр бар.

"Гидроэнергетика. Борбордук Азия жана Каспий — 2020" абдан маанилүү иш-чара. Анткени өлкөдө энергияга болгон суроо-талап күн санап жогорулоодо. Ал эми буга чейин курулган ЖЭБ, кичи жана чоң ГЭСтердин техникалык мүмкүнчүлүгү жетишпейт. Аларды жаңыдан салып, кеңейтип, өздөштүрүү зарыл. Бул тармакка инвестиция тартууга жакшы шарттар түзүлгөн. Мисалы, инвесторлор кичи ГЭС, күн нурунан, шамалдан электр энергия өндүргөн станцияларды курса, мамлекет чыгарылган энергияны сатып алууну кепилдейт. Жакында мыйзамга өзгөртүүлөр киргизилип, өз наркынан 1,3 эсе кымбат ала турган болду. Бул инвестор үчүн бир аз ыңгайсыз болушу мүмкүн, бирок сатып алуу убактысы 10 жылга чейин узартылды. Мурда сегиз жыл болчу. Муну да аталган тармактагы жылыш катары бааласак болот", — деди Адилбек уулу.

Ошондой эле ал конгрес энергетика тармагында болуп жаткан тренддерди алып, маалымат алмашуу үчүн жакшы аянтча экенин кошумчалады.

Белгилей кетсек, Бишкекте 19-февралда "Гидроэнергетика. Борбордук Азия жана Каспий — 2020" конгресси өз ишин баштаган. Анда гидроэнергетика тармагындагы ири компаниялар өз продукцияларын көрсөтүүдө. Аталган иш-чара эки күнгө уланып, ушуну менен төртүнчү ирет өтүп жатат.

77
Белгилер:
ГЭС, инвестициялар, энергетика, иш-чара
Тема боюнча
Россиянын ири электр компаниясы Кыргызстандагы эки долбоорго кызыкдар
"Камбар-Ата ГЭС-1" өзүн-өзү 12 жылда акташы мүмкүн
Акыйкатчы аппаратынын балдардын, аялдардын жана үй-бүлөнүн укугун коргоо бөлүмүнүн башчысы Гүлзина Бообекова

Бообекова: иш ордунда укугу тебеленген кыз-келиндер жардам ала алат

290
(жаңыланган 14:54 04.12.2020)
Акыйкатчы аппаратынын балдардын, аялдардын жана үй-бүлөнүн укугун коргоо бөлүмүнүн башчысы Гүлзина Бообекова кыз-келиндер жумуш ордунда укугу тебеленген учурда тиешелүү органдарга көп кайрылбай келерин айтты
Бообекова: иш ордунда укугу тебеленген кыз-келиндер жардам ала алат

Кыргызстанда адам укугу бузулган учурда 115, 111 же 102 телефондоруна чалса болот. Бул тууралуу Гүлзина Бообекова Sputnik Кыргызстан радиосунун эфиринде маек куруп жатып билдирди.

Анын айтымында, өлкөдө жарандык жоопкерчилик төмөн болууда.

"Бизде балдардын же аялдардын укугу бузулган учурлар көп. Анткени бул маселелер боюнча коомчулук тартынбай кайрылганга үйрөнүп калды. Бирок ошол эле учурда кыз-келиндердин кызмат ордунда укугу бузулса, ачык айткандан уялышат. Буга биздин менталитет бир жагынан жол бербесе, экинчиден, кайрылган күндө да тергөөчүлөр ишти дыкат карабай коюп жатышат. Андыктан биз коомчулукту бул маселеде ачык болууга үйрөтүшүбүз керек. Эгер жумуш ордунда аялга карата орой мамиле, ыксыз тийишүүлөр болсо, тартынбай 115 номерине чалыңыздар", — деди Бообекова.

Ал жарандар кошунанын үйүндө же көчөдө болуп жаткан ызы-чууга кайдыгер карабай тиешелүү органдарга кайрылуусу зарыл экендигин кошумчалады.

290
Белгилер:
мамиле, кызмат, укук
Тема боюнча
Көлөпов: ИИМдин убактылуу кармоочу жайында 30 адамдан пневмония чыкты
Саякбай Каралаев атындагы сыйлыктын ээси, манасчы Замир Баялиев

Баялиев: манасчылар медициналык жактан изилдене баштады

69
(жаңыланган 14:06 04.12.2020)
Саякбай Каралаев атындагы сыйлыктын ээси, манасчы Замир Баялиев манасчылар жыл бою мектепке, университетке барып, бардык чакырган жерден калбай манас айтып, сөз милдетинен кутулуп жатканын айтты.
Баялиев: манасчылар медициналык жактан изилдене баштады

Манасты жайылтуу боюнча иштер чабал жүрүп жатат. Бирок бул багытта иштер башталып, манасчылардын ден соолугу медициналык жактан изилдене баштады. Бул тууралуу Замир Баялиев Sputnik Кыргызстан радиосуна маек берип жатып билдирди.

Анын айтымында, эпос илимдин бардык багытында ар тараптуу изилденсе, көптөгөн ачылыштарды жасоого болот.

"Манасты" жайылтууда манасчылардын орду толгус. Аларга манас айтуу боюнча талап коюлбайт. Бул тууралуу өкмөткө же тийиштүү министрликке отчет дагы бербейт. Ошентсе дагы мектепке, университетке, деги эле чакырган жерге калтырбай барып, манас айтып берип сөз милдетинен кутулуп жатышат. Аны эч кимге колко кылган жок. 2013-жылы 4-декабрда "Манас" эпосу ЮНЕСКОнун материалдык эмес мурастар тизмесине катталгандан кийин бул багытта ишти күчөтүү керек эле. Бирок "Манасты" жайылтуу боюнча иштер чабал болуп жатат. Ошентсе дагы учурда бул багыттагы алгачкы кадамдар ташталып, Иса Ахунбаев атындагы медициналык академия тарабынан манасчыларды изилдөө иштери башталды. Мындан тышкары, эпосто кездешкен урма, үйлөмө жана башка музыкалык аспаптарды жасоо колго алынууда", — деди Баялиев.

Манасчы эпосту мамлекеттик деңгээлде даңазалоо 4-декабрь күнү эле жүргүзүлбөстөн, жыл бою ишке ашуусу керектигин кошумчалады.

Белгилей кестек, 2013-жылдын 4-декабрында "Манас", "Семетей", "Сейтек" үчилтиги ЮНЕСКОнун "Адамзат маданиятынын материалдык эмес маданий мурастарынын" тизмесине кирген. Ал эми 2015-жылы өкмөттүн токтому менен 4-декабрь —"Манас" эпосунун күнү деп жарыяланган.

69
Белгилер:
Манас, медицина, Манас эпосу, эпос
Тема боюнча
Саякбай манасчы жандай көргөн "Карачологу" менен. Таберик сүрөт
Бышырылган жумуртка. Архив

Адис: жумуртка диабеттен жабыркагандар үчүн пайдалуу тамак

16
Дарыгерлер жумурткадан жасалган эртең мененки тамак адамды узак убакытка ток кармап, денедеги майдын азайышына өбөлгө болорун белгилешет.

БИШКЕК, 5-дек. — Sputnik. Жумуртка экинчи типтеги диабет менен жабыркагандар үчүн пайдалуу азык. Бул тууралуу РИА Новости Америкалык диабет ассоциациясына шилтеме берип жазды.

Адистер тооктун бир жумурткасында бир граммга жетпеген углевод жана жети граммга жакын белок бар экендигин айтышат. Мындан сырткары, жумуртка нервди жана булчуңдарды чыңдап, жүрөк-кан тамыр системасын жакшыртуучу калийдин булагы экендигин белгилешет.

"Жумуртканы ачкарын такай жеп туруу экинчи типтеги диабет менен жабыркаган адамдардын канындагы глюкозанын деңгээлин жакшыртууга мүмкүн экенин изилдөөлөр көрсөттү", — деп айтылат маалыматта.

Дарыгерлер жумурткадан жасалган эртең мененки тамак адамды узак убакытка ток кармап, ашыкча тамак жеп алуудан сактап, денедеги майдын азайышына өбөлгө болорун белгилешет.

16
Белгилер:
жумуртка, кеңеш, диабет, диета, ден соолук
Тема боюнча
Кант диабети менен ооругандар арзандатылган тесттерди сатып алса болот
Немец диетологдору ачкарын жегенге болбой турган азыктарды атады