Медицина илимдеринин доктору, Кыргыз-Россия Славян университетинин акушерлик жана гинекология кафедрасынын профессору Арсен Аскеров

Аскеров: илим боюнча эне болууга даярдыкты үч ай мурун баштоо керек

637
Медицина илимдеринин доктору, Кыргыз-Россия Славян университетинин акушерлик жана гинекология кафедрасынын профессору Арсен Аскеров балалуу болууга даярдыкты үч ай мурун баштоо керектигин айтты.
Аскеров: илим боюнча эне болууга даярдыкты үч ай мурун баштоо керек

Болочоктогу энелердин ден соолугуна сырткы чөйрө, тамак-аш, экология, стресс терс таасирин берип жатат. Бул тууралуу Арсен Аскеров Sputnik Кыргызстан радиосунун "Ачык кеп" программасында маек куруп жатып билдирди.

Анын айтымында, түйүлдүк жаткан тондун оорусу эрте же кеч жана экинчи ирет турмушка чыккан аялдарда кездешет, ооруп калган учурда дарылоого мүмкүнчүлүк болбогондуктан, аны алдын алуу гана керек.

"Аймактарда жана калаабыздагы жашаган аялдардын ден соолугуна генетикалык, иммундук таасирден тышкары сырткы факторлор көбүрөөк зыянын тийгизип жатат. Учурда эне болчу келиндердин салмагы жетпей же ашып кетип, кош бойлуулук салмактан да көз каранды болууда. Бул нерсе репродуктивдүү  өзгөрүүгө алып келет. Болочоктогу эне туура тамактанып жана булчуңдар алсыз болуп калбашы үчүн көп кыймылдоону сунуштайт элем. Кош бойлуулукка сөзсүз түрдө даярдануу керек. Медицинада бул үч ай убакытты түзөт. Бул аралыкта организмге керектүү заттарды чогултуу зарыл. Балалуу болууну пландаган келин өзү эле же өнөктөшү менен көзөмөлдөн өтүп, алдын ала чараларды көрө башташы керек. Өзүнүн организми тууралуу толук билип, өнөкөт оорусу бар болсо, аны дарылап, дени сак болсо профилактика катары пайдалуу заттар менен организмди күчтөнтүү зарыл. Дени сак аялдан дени сак ымыркай төрөлөт. Көбүнчө кош бойлуу аялдар заарадагы микробдордун көбөйүшүнөн, кандын аздыгы жана тондун оорусунан жабыркайт", — деди Аскеров.

Дарыгер кош бойлуу учурда кездешкен ооруларды дарыгерге кайрылуу менен жеңсе болорун кошумчалады.

637
Белгилер:
төрөт, профессор, гинеколог, акушер
Тема боюнча
Орозалиева: "Коопсуз төрөт" мобилдик тиркемеси интернетсиз иштейт
Төрөттөн коркуп арак ичип алган келинди сактай албай калдык. Гинекологдун маеги
Мамлекеттик каттоо кызматына караштуу Архив агенттигинин бөлүм башчысы Ашырали Ырысалиев

Ырысалиев: Кыргызстанда архивист билимин алган 12 гана адис бар

15
Мамлекеттик каттоо кызматына караштуу Архив агенттигинин бөлүм башчысы Ашырали Ырысалиев Мамлекеттик архив агенттиги Россияга билимин тереңдетип келүүгө адистерди жиберүү боюнча макулдашуулар жүрүп жатканын айтты.

Өлкөдө 65 мамлекеттик, 3000ден ашуун ведомстволук архивдер болсо, анда иштеген адистердин 12синин гана тиешелүү багытта диплому бар. Бул тууралуу Ашырали Ырысалиев Sputnik Кыргызстан радиосуна маек куруп жатып билдирди.

Ырысалиев: Кыргызстанда архивист билимин алган 12 гана адис бар

Анын айтымында, Архив агенттигинин өзүндө эле республика боюнча 500дөй кызматкер эмгектенет.

"Архив агенттигиндеги башкы көйгөйлөрдүн бири — кадр маселеси. Учурда архивист деген дипломдун ээси, башкача айтканда, мамлекеттик иш кагаздарын жүргүзүү жана сактоо боюнча атайын билими бар 12 гана кызматкерибиз иштейт. Алар мындан бир топ жыл мурда Кусеин Карасаев атындагы БГУда ачылган архивист факультетинен билим алгандар. Тилекке каршы, бул окуу бөлүмү 4-5 жылдан кийин жабылып калган. Азыр республикадагы бир дагы окуу жай бул кесипке адис даярдабайт. Андыктан биз башка мамлекеттер менен келишим түзүп, адистерибизди кыска мөөнөттүү же квалификациясын жогорулатуу боюнча окууларга жиберүүгө аргасызбыз. Бул маселе боюнча Түркия жана Россия менен тыгыз иштешүү алдында турабыз. Россияга аспирантурадан билимин тереңдетип келүү үчүн бизде иштеп жаткан ошол дипломдуу 12 адисти жиберүү боюнча макулдашылды", — деди Ырысалиев.

Адис эл аралык же жеке менчик багыттагы компаниялар да архив кызматкерин жумушка алуу боюнча кайрылуу жолдошорун, бирок бул багытта кадрдык резерв жок экендигин кошумчалады.

15
Белгилер:
көйгөй, кадрлар, архив
Тема боюнча
"Ак кемеде" жашаган Бала. Тасмадагы таберик сүрөт
Саламаттык сактоо министри Алымкадыр Бейшеналиев

Бейшеналиев: тармакты реформалоо медиктерди жумушсуз калтырбайт

26
Саламаттык сактоо министри Алымкадыр Бейшеналиев медициналык кызмат көрсөтүүлөрдү оптималдаштыруу боюнча иш баштаганынын себебин айтты.

Үй-бүлөлүк дарыгерлер тобун, стоматологиялык клиникаларды аймактык ооруканаларга кошуу, саламаттык сактоо уюмдарын бириктирүү жолу менен кайра уюштуруу эч бир дарыгерди жумушсуз калтырбайт. Бул тууралуу Алымкадыр Бейшеналиев Sputnik Кыргызстан радиосунун эфиринде маек куруп жатып билдирди.

Бейшеналиев: тармакты реформалоо медиктерди жумушсуз калтырбайт

Анын айтымында, кыскартуу административдик-башкаруу курамына гана таасирин тийгизет.

"Изилдөөнүн натыйжасында республиканын дээрлик бардык аймактык ооруканалары жана үй-бүлөлүк медицина борборлору бир эле аймакта жайгашкандыгы, функциялардын кайталанышы, лабораториялык жана диагностикалык жабдуулардын толук колдонулбаганы аныкталды. Азыркы учурда өлкөдө 380ге жакын дарыгер башчылары бар. Бир эле кичинекей аймакта 12 дарыгерлер жетекчиси, алардын 24 орун басары иштейт. Ошолордун бардыгы бир эле аймакта болуп бири-бири менен байланыш болбой калган. Анализдеп келсек баягы коронавирус пандемиясынын биринчи толкунунда бул система начар натыйжа берген. Азыр 356 медициналык уюмдардын 125и, 51 санэпидстанциянын 23ү калды. Ошентип кыскаруунун натыйжасында бир миллиард сом үнөмдөп, каражат саламаттыкты сактоо тутумунун актуалдуу көйгөйлөрүнө жумшалат", — деди Бейшеналиев.

Министр үй-бүлөлүк дарыгерлер борборлорун өнүктүрүү үчүн Бүткүл дүйнөлүк банктын өкүлдөрү менен сүйлөшкөнүн, алар 37 миллион доллар бөлгөнүн жана жакын арада дагы 13 миллион доллар берилерин кошумчалады.

26
Белгилер:
министр, кыскартуу, медицина, Алымкадыр Бейшеналиев
Тема боюнча
КРде медициналык мекемелерди кайра түзүү боюнча реформа башталды
Кармалган шектүү киши. Архив

Бишкекте кылмыштуу топтун "Карышкыр" каймана аты бар мүчөсү кармалды

0
(жаңыланган 13:23 20.01.2021)
Мырсалым Умырзаков 1975-жылы Ысык-Көл облусунун Түп районунда туулган. Уюшкан кылмыштуу топтун активдүү мүчөсү катары ИИМдин каттоосунда турат.

БИШКЕК, 20-янв. — Sputnik. Бишкекте "Карышкыр" каймана аты менен таанымал уюшкан кылмыштуу топтун мүчөсү Мурсалым Умырзаков кармалды. Бул тууралуу ИИМден билдиришти.

Маалыматка караганда, Умырзаков Кылмыш-жаза кодексинин 204-беренеси ("Алдамчылык") боюнча Кылмыш жана жоруктардын бирдиктүү реестрине катталган сотко чейинки өндүрүштүн алкагында колго түшүрүлдү.

Учурда тергөө амалдарын улантуу үчүн "Карышкыр" Жаза аткаруу мамлекеттик кызматынын Тергөө кызматына жеткирилди.

Мырсалым Умырзаков 1975-жылы Ысык-Көл облусунун Түп районунда туулган. Уюшкан кылмыштуу топтун активдүү мүчөсү катары ИИМдин каттоосунда турат. 2018-жылдын июнь айынын башында эле Россияда баңгизат сактоо боюнча жаза мөөнөтүн өтөп келген. Милициянын маалыматы боюнча, Умырзаков буга чейин бир нече жолу соттолгон: 1998-жылы каракчылык беренеси менен 10 жылга кесилген, 2005-жылы карактоо боюнча 9 жылга соттолгон, 2010-жылы уурулук кылып 5 жылга эркинен ажыратылган.

0
Белгилер:
уюшкан кылмыштуу топ, карышкыр, Бишкек, Кыргызстан
Тема боюнча
УКМК "Алтуха" каймана аты бар криминалдык авторитетти кармады
Спецназдын Ошто кримтөбөлдү кармаган учуру. Видео