Тулпар долбоорунун ЖМК менен иш алып баруу боюнча адиси Бекжан Акматбеков

Акматбеков: "Тулпар" карталары 1-марттан кийин дагы таратылат

304
(жаңыланган 13:04 01.03.2020)
"Тулпар" долбоорунун ЖМК менен иш алып баруу боюнча адиси Бекжан Акматбеков 1-марттан баштап муниципалдык транспортко жол кирени төлөө электрондук карталар аркылуу жүргүзүлө турганын айтты.
Акматбеков: "Тулпар" карталары 1-марттан кийин дагы таратылат

1-мартка чейин "Тулпар" төлөм карталарын алууга жетишпей калган пенсионерлер муниципалдык транспортто эски күбөлүгүн колдоно алышат. Бул тууралуу Бекжан Акматбеков Sputnik Кыргызстан радиосуна маек куруп жатып билдирди.

Анын айтымында, жарандардын категориясына жараша жалпы колдонуучуларга көк, жеңилдик алуучуларга кызыл жана окуучуларга жашыл электрондук карталар берилет.

"Жалпы жарандар үчүн багытталган көк түстөгү электрондук карталар уюлдук операторлордун кеңселеринде жана автобус, троллейбустарда сатылууда. Ал эми учурда коомчулукта талкуу жаратып жаткан кызыл түстөгү карталарды таратууда оорчулуктар болду. Себеби туура эмес маалыматтардан улам пенсионерлер массалык түрдө карта алууга умтулуп, кезектер пайда болду. Ошондой эле пенсионерлер үчүн Социалдык фонддон мөөр бастырып келүү шарты алып салынды. Анткени бул жагдай кыйынчылык жаратып жатканы колдонуучулар тарабынан айтылган эле. Натыйжада пенсияга чыккандыгы тууралуу күбөлүктүн негизинде "Тулпар" картасын таратып жаткан пункттардан алса болот. Кезектин азайбай жатканын эске алып, 1-марттан кийин дагы таратуу чечимин чыгардык. Ал эми карта алууга жетишпей калгандар учурдагы күбөлүктөрүн колдоно беришет. Эми окуучуларга таратууга акыркы даярдыктар көрүлүүдө. Алар билим берүү мекемелерине арыз жазып документтерин топтоп берсе, төлөм карталары берилет", — деди Акматбеков.

Адис долбоор январдан тарта борбор калаада сынамык иретинде иштеп, аныкталган кемчиликтер учурда жокко чыгарылганын кошумчалады.

304
Белгилер:
"Тулпар" электрондук төлөм системасы, тулпар, коомдук транспорт, электрондук билет
Тема:
"Тулпар" электрондук төлөм системасы (8)
Тема боюнча
Бишкекте коомдук транспортко электрондук билет кабыл алчу жабдыктар орнотулууда
Аламүдүн айылы эл ташыган 8 автобустуу болду. Сүрөт
Ветеринария инспекциясына караштуу мал ылаңына мониторинг жүргүзүү бөлүмүнүн башчысы Чыңгыз Романов

Романов: кутурма жуктуруп алгандан кийин андан айыгуу кыйын

16
Ветеринария инспекциясына караштуу мал ылаңына мониторинг жүргүзүү бөлүмүнүн башчысы Чыңгыз Романов мамлекетте каражат жетишсиз болгондуктан жапайы жаныбарлар арасында кутурма оорусуна каршы алдын алуу иш-чараларын жүргүзүүгө мүмкүнчүлүк жок экенин айтты.
Романов: кутурма жуктуруп алгандан кийин андан айыгуу кыйын

Ветеринария инспекциясы кутурманы алдын алуу максатында аталган илдет тууралуу кыска видеороликтерди жер-жерлерде көрсөтүп келет. Андан тышкары, үй жаныбарларын кармоо, багуу шарттары боюнча окуучулар, студенттер арасында түшүндүрүү иштерин жүргүзүп жатат. Ошондой эле эл көп топтолгон коомдук жайларга кутурма оорусу тууралуу буклет, брошюралар таркатылууда. Бул тууралуу Чыңгыз Романов Sputnik Кыргызстан радиосунун эфиринде маек куруп жатып билдирди.

Ошто жыл башынан бери алты жаныбардан кутурма табылган

Анын айтымында, кутурма дарты дүйнөнүн 53 мамлекетинде кездешет, андан жылына 70 миңден ашык адам каза табат.

"Кутурма ылаңы менен карышкыр, ит, чөө, ийри мүйүздүү жаныбарлар, келемиш, түлкү, суур, чымчыктар, адам, кыскасы, жылуу кандуу жандыктын баары ооруйт. Жаратылышта кутурманы козгоочу вирустар жапайы жырткычтар арасында сакталып келет. Кутурган жаныбар адамды тиштегенде вирус шилекейи аркылуу жугат. Шилекей адамдын денесиндеги жарага түшүп же мурунга, оозго кирип кетсе да оору козголот. Адамдарга көбүнчө вирус ит-мышык тиштегенде өтөт. Өзгөчө күз-кыш жана жаз мезгилинде токойдогу ачка жапайы жаныбарлар айыл аралап кетип, үй жаныбарлары менен контакт болот. Жылына мамлекеттик бюджеттин эсебинен 500 миңдин тегерегинде вакцина сатып алынып, аймактарда кутурмага каршы эмдөө жүргүзүлөт. Ал эми адамдар өз учурунда эмдөө алып ооруну алдын алса болот. Илдет жуктуруп алгандан кийин андан айыгуу кыйын", — деди Романов.

Адис кайсы жаныбар тиштебесин, жаракат алган жерин самындап жууп, йод же таза спирт менен сүртүп, дароо ооруканага кайрылуу керектигин эске салды.

16
Белгилер:
оору, кутурма, Чыңгыз Романов
Тема боюнча
Кутурмага кабылган адам айыкпайт. Дарыгер илдеттен сактануу жолдорун айтты
Стилист Акмарал Алмазбек

Акмарал Алмазбек: кийинүү образы, стилдин үстүнөн иштөө үч этаптан турат

306
Стилист Акмарал Алмазбек алдыга умтулган, коомчулук менен мамиле кыла билген адам жарашыктуу, стилдүү жана модалуу кийине билиши керектигин айтты.
Акмарал Алмазбек: кийинүү образы, стилдин үстүнөн иштөө үч этаптан турат

Мода — бул модельер жана дизайнерлердин жеке көз карашы жана табити. Ал эми стилдүү кийинүү бул жан дүйнөбүздү жана өзгөчөлүгүбүздү белгилеп, модалык тенденцияларды эсепке алуу менен курулган образ десек болот. Мындай пикирин Акмарал Алмазбек Sputnik Кыргызстан радиосунун эфиринде маек куруп жатып билдирди.

Аял-эркектики деп бөлүнбөйт. Парфюмер атыр тандоонун сырын ачты

Анын айтымында, стилдүү кийинүү үчүн жалаң гана саркеч буюмдарды сатып алуу талап кылынбайт.

"Акыркы бир жылда Кыргызстанда стилисттер көбөйүп, аны менен кошо бул кызматты колдонгон адамдар да арбыды. Мен 25 жаштан 40 жашка чейинки айымдардын образдарынын үстүнөн иштейм. Негизи стилисттин кардардын кийинүү образынын үстүнөн иштөөсү үч этаптан турат. Алгач жеке консультацияда кардар кызыккан суроолоруна жооп алат. Өзүнүн негизги көйгөйлөрү менен бөлүшөт. Стилист анын келбети, фигурасы жана кызмат ордун эске алып өзүнүн сунуштарын берет. Андан соң гардеробду талдоо этабы кардардын үйүндө өтөт. Анда эски, жарашыксыз, батпай калган кийимдер өзүнчө бөлүнөт. Калган кийимдерди бири-бирине айкалыштырып комплект түзүлөт да, ошол жерден жетишсиз элементтер белгилүү болуп калат. Ага жараша тизме түзүлүп, дүкөндөргө барып кошумча жарашыктуу кийимдер сатып алынат. Ал эми күзүндө аба ырайы туруксуз болгондуктан "кабаттап" кийинүү ыкмасы ыңгайлуу болот. Мисалы, футболка, көйнөк, жилет, анын үстүнөн пальто кийип алуу керек. Бул жерде стилдик градус көтөрүлөт жана үшүп да калбайсыз", — деди Алмазбек.

Стилист базалык гардеробдо бир өңдүү, жөнөкөй тигилген, ыңгайлуу кийимдер болушу керектигин кошумчалады.

306
Белгилер:
Акмарал Алмазбек, кийим, мода
Тема боюнча
Тебетей кийип, шуру тагынып... Салттуу кийимди көркүнө чыгарган бөбөктөрдүн 14 сүрөтү
Эркек киши. Архивдик сүрөт

Дарыканадан акчаны ала качып, бирок кайра кайтарып камалган жарандын маеги

0
Балдары ооруп, дарыга акчасы жок болуп дарыканадан акча уурдай качкан Токмоктогу жигит эсиңиздердеби? Окуянын өзү, фемида өкүлдөрүнүн ага чыгарган чечими коомчулукта чоң талкуу жараткан.

Каарманыбыз Замирбек Кожоканов 2019-жылдын 12-мартында балдары ооруп, дарыканадан курткасын күрөөгө коюп дары берүүсүн өтүнгөн. Дарыканачы баш тартканда акча алып чыгып кеткен. Бирок көп өтпөй акчаны кайтарып берип, милицияга өзү барган. Дарыкананын ээси доом жок деп жазып бергенине карабай, Кожоканов беш жылга эркинен ажыратылган. Кийин ал жаза 2,5 жылга кыскарган.

Учурда 34 жаштагы Кожокановго ырайым берилип, бир жылдык жазасы кыскарып эркиндикке чыккан.

Sputnik Кыргызстан агенттиги Замирбек Кожокановдун учурдагы абалы, жашоосу тууралуу өзү менен сүйлөштү.

— Учурда эмне менен алек болуп жатасыз?

— Бишкекте курулуш тармагында иштеп жүрөм. Мурдатан эле курулушта ички жасалгалоо, евроремонт менен алектенчүмүн. Азыр иштеген жеримде эле жатып, көп кабаттуу үйдөгү батирдин ичин жасап жатабыз.

— Үй-бүлөңүз Токмоктобу?

— Ооба, эки кызымды апам карап жатат. Эки кыз, бир уулум бар. Келинчегим менен кичүү уулумду эки жылдан бери көрө элекмин. Аялым менен таарынышып кеткенбиз. Эми ага ар кандай себептер болуп калды. Убактылуу кармоочу жайда жатканымда бир эле жолу телефон аркылуу сүйлөшкөнбүз. Ошондон кийин байланышкан жокпуз. Абактан чыккандан кийин издеп барган да жокмун. Баргым да келген жок.

Чыңгыз Анарбек уулу: качпасам өлтүрүп коюшмак

— Көңүлүңүз ооруп калган окшойт?

— Ошондой болуп калды. Көчөдөн көрүп калсам деле артынан чуркап барбайт болчумун. Азыр баары жакшы, кыздар ата-энемдин колунда. Иштерим деле, кудай буюрса, жакшы болуп жатат.

— Апаңыз сиз камалганда насыя алганын айтып жатты эле…

— Азыр карыздардан толук кутула элекпиз. Бир аз бересем бар. Токмоктогу убактылуу кармоочу жайда жатканда тергөөчүгө дос балам 20 миң сом берген. 

— Кандайча тергөөчүгө акча бердиңер?

— Токмокто жатканда тергөөчү камераны ачып туруп "сотко сүйлөшүп, абактан бошоттуруп берем" деп 20 миң сом сураган. Мен дароо дос балама байланышып, ал машинасын күрөөгө коюп, эртеси эле акчаны алып келип берген. Көрсө мени алдап коюшуптур. Ошентип досум кийин тергөөчүгө чалып жүрдү. Ал акыры номерин алмаштырып койду окшойт, өчүк болуп калды.

— Абакта толук бир жыл отурдуңузбу?

— Жок, бир жарым жыл отурдум. Беш жыл менен "централкага" (СИЗО-1 — ред.) киргем. Ал жактан бир ай өтпөй эле Бакыт жана Тилек (Тилек Мамбетов — ред.) деген эки адвокат мени облустук сотко чакыра баштады. Ошол эки адвокатым чуркап жүрүп, беш жылды эки жарым жылга кыскартып берди. Андан кийин Жалал-Абаддагы абакта 1,5 жыл отургандан кийин, так датасы эсимде жок, бир күнү эле микрофондон фамилиямды айтып чакырды. Барсам, адвокатым Тилек Мамбетов президентке кайрылып, жаза өтөөчү бир жылымды алдырып бергенин айтышты.

Токмоктогу дарыканадан акча уурдай качкан жигитке ырайым кылынды

— Сизди алгач беш жыл эркиңизден ажыратуу менен кошо 70 миң сом айып салды эле. Кийин 50 миң сомго азайган…

— Ооба, аны да төлөдүм. Ишимди тергөөчү, орусча айтканда, чалды-куйду толтуруп салыптыр да. Мурда бандиттер менен байланышы болгон өңдүү жалаа жаап салышкан экен. Бирок сотто мурун армияда кызмат өтөгөнүм, үй-бүлөлүк абалым каралды.

— Ошол каргашалуу күнү балаңыз аябай ооруп жатты беле? Эмнеге мындай ишке баргансыз?

— Ошол күнү акчага аябай муктаж болуп калдым. Бир жерде иштеп, ал жактан да иштеген акчамды бербей алдап кетишти. Негизи ал күнү ошол кишини издеп жүргөм. Ортодон бирөөлөргө жолугуп ачуум менен бир аз ичимдик да ичип алгам. Иччү эмесмин. Балам да грипп болуп ооруп жаткан. Анан ушундай окуя болуп кетти.

— Кыздарды жалгыз багып, бир чети сизге чуркап ортодон апаңыз кыйналыптыр. Сиз жалгыз уулсузбу?

— Жок, жети бир тууганмын. Эки эркек, беш кыз. Ата-энем пенсия курагындагы адамдар. Мен үй-бүлөм менен бөлүнүп, Токмоктун кичи районунда батирде турчумун.

— Баарынан кыйыны эмне болду?

— Башымдан өткөн күндөрдүн ичинен эң кыйыны соттолуп кеткеним, беш жылга эркимден ажыратуу тууралуу соттун чечимин угуу болду. Кийин 2,5 жыл бергенде беш жылга караганда шүгүр дедим. Жаза өтөө мөөнөтүмдүн бир жылы кыскартылган соң эки айдан кийин абактан чыктым. Азыр толугу менен пробация да бүттү. Айдын башында жана аягында келип турасың дешкен. Ушул жылдын 18-августунда Жалал-Абаддан бошоп чыктым. Кечинде коё берди. Алар да убакыт-сааты менен чыгарат экен. Анан ошол жакта отурган балдар жардам беришти, үйдөгүлөр акча салып маршрутка менен Чүйгө келип алдым.

"Братва" менен бир жайга жайгаштырууну өтүндүм. Максат Чакиев менен ачык маек

— Алгач кандай сезимде болдуңуз?

— Бошоп чыкканда эле эркиндикти сездим. Баа-баркы билинди.

— Алдыда пландарыңыз барбы?

— Эми кайрадан үйлөнүп, жаңы жашоо баштоону чечтим. Балам чоңойсо кийин издеп келер. Кыздарымды багып эле өз алдымча жаңы жашоо баштайм.

— Абактан кийин кандай ойдо калдыңыз?

— Баарын акча чечип калыптыр. Оор кылмыш кылган адам деле акчасы болсо кутулуп кетет турбайбы. Абакта деле кээ бир балдар менен сүйлөшүп калдым. Ал жакта деле ак жеринен отургандар бар. Көчөдө кетип бара жаткан жеринен кармалып, кылмышты мойнуна алып калган. Айтор, оор тагдырлар көп экен.

0
Белгилер:
акча, Жалал-Абад, абак, Токмок, сот
Тема боюнча
Дарыкананы тоноп кесилген кишинин апасы: 40 миң сомум болсо уулумду алып калмакмын