Саясат таануучу Марс Сариев. Архив

Сариев: Кыргызстандагы партияларда туруктуулук жок

59
(жаңыланган 13:40 27.02.2020)
Саясат таануучу Марс Сариев саясий партияларды мамлекеттик колдоого алууга өлкөнүн экномикалык абалы туура келбей турганын айтты.
Сариев: Кыргызстандагы партияларда туруктуулук жок

Саясий партияларды мамлекет тарабынан каржылоо өнүккөн өлкөлөрдүн тажрыйбасында кездешет. Бирок Кыргызстандагы партияларда туруктуулук жок. Ошондуктан аларга өлкө казынасынан кандайдыр бир каражаттын бөлүнүүсү сапатын жакшыртып жибербейт. Мындай пикирин Марс Сариев Sputnik Кыргызстан радиосуна маек куруп жатып билдирди.

Анын айтымында, каржылоо мамлекет тарабынан жүргүзүлсө, "ким төлөсө, ошонун ырын ырдайт" деген саясат жүрүп, демократия түшүнүгү жоголот.

"Саясий партиялар жөнүндө" мыйзамына өзгөртүүлөрдү сунуштап жатышканын шайлоонун алдындагы пропаганда катары кабылдап жатам. Бийликке ыктаган партия шайлоодон өтсө, өкмөт тарабынан каржылоо болот деген түшүнүк жаралууда. Анткен менен өлкөдөгү партияларда туруктуулук жок. Социалдык болобу, либералдык болобу, туруктуу көз карашы, сунушталган конкреттүү программасы, анын кызыкчылыгын коргоо, ошол программа менен жылдар бою иш алып баруу деген жок. Ошондуктан мамлекет тарабынан каржылоого алына турган болсо, бийликтин саясатын жүргүзүп калышат. Бул партияларды өнүгүүгө жетелебей эле тескерисинче чектеп, парламенттик системага терс таасирин тийгизет", — деди Сариев.

Ошондой эле эксперт бул сунушту колдобой турганын белгилеп, демилгенин өтүшү арсар экенин кошумчалады.

Эске сала кетсек, Жогорку Кеңештин депутаттары Айнуру Алтыбаева, Мирлан Бакиров, Нурбек Алимбековдор "Саясий партиялар жөнүндө" мыйзамына өзгөртүүлөрдү сунуштап, ага ылайык, шайлоодо эки пайыздан көп добуш алган партиялар мамлекет тарабынан колдоого алынышы керектигин айтышкан. Кийинчерээк Мирлан Бакиров Sputnik Кыргызстан радиосунун эфирине келип, өзүнүн жеке пикиринде эки пайызды беш пайызга чейин көтөрүүнү жана бюджеттен эмес, шайлоого катышып жаткан партиялардын күрөө катары койгон акчасын ошол беш пайыздан көп добуш алган партиялар ортосунда бөлүштүрүп берүүнү мыйзам долбоорунун экинчи окуусунда сунуштай тургандыгын белгилеген.

59
Белгилер:
саясый партия, мыйзам, шайлоо, Марс Сариев
Прозаик, драматург, киносценарист Токтобек Үсөнов

Үсөнов: өлкөдө сценаристтерди окутуу колго алынган эмес

84
(жаңыланган 14:11 14.05.2021)
Прозаик, драматург, киносценарист Токтобек Үсөнов кыргыз киносунун пайдубалы катары Чыңгыз Айтматовдун чыгармалары турганын белгиледи.

Кыргызстанда топ жарган сценаристтер дээрлик жокко эсе. Анткени бул багытта окутуу, үйрөтүү колго алынган эмес. Мындай пикирин Токтобек Үсөнов Sputnik Кыргызстан радиосуна маек куруп жатып билдирди.

Үсөнов: өлкөдө сценаристтерди окутуу колго алынган эмес

Анын айтымында, аталган тармакта окууга умтулуп, аны өнүктүрүүнү каалаган жаштарга тийиштүү колдоо дагы болбойт.

"Стивен Спилберг "кинодогу эң маанилүү нерсе — сценарий" деген. Ошондуктан кино тартууда сценарийге өзгөчө маани берүү зарыл. Маселен, кыргыз киносунун өнүгүү тарыхын алып карасак, анын пайдубалы катары Чыңгыз Айтматовдун чыгармалары турат. Ал эми соңку учурда өлкөдө топ жарган ийигиликтүү сценаристтер жокко эсе. Себеби бул багытта окутуу, үйрөтүү колго алынган эмес. Аталган тармакта окууга умутулуп, аны өнүктүрүүнү каалаган жаштарга тийиштүү колдоо көрсөтүлбөйт. Мындан сырткары, өлкөдө киноиндустрия рыногу абдан чакан болуп, сценаристтерге тажрыйба топтоосуна мүмкүнчүлүк жок. Башкача айтканда, сценаристтикти толук кандуу кесип катары алып кетүү абдан татаал. Жөнөкөй аңгеме жазуу жеңилирээк. Анда жүрөктөн чыккан окуяны эмоция менен сүрөттөп берсе болот. Ал эми сценарий үчүн ошол окуянын үстүнөн абдан тыкыр иш алып баруу талап кылынат. Кыймыл-аракетти, эмоцияны атайын ыкмалар менен кооздоо зарыл", — деди Үсөнов.

Ошондой эле ал соңку учурларда өлкөдө тартылып жаткан кассалык кинолордун сценарийи атайын голивуддук стандартка ылайыкталып жазылып, бирок алардын оригиналдуулугу маселе жарата турганын кошумчалады.

84
Белгилер:
Токтобек Үсөнов, маданият, кино, сценарий
Тема боюнча
Учуп жүргөн кыргызга таң калып... "Ак илбирстин тукумунан" таберик сүрөт
Павлония дарагын өстүрүп, жайылтып жүргөн Эрмек Кубатаев

Кубатаев: павлония дарагын көмүр ордуна колдонсо болот

42
(жаңыланган 14:10 14.05.2021)
Павлония дарагын өстүрүп, жайылтып жүргөн Эрмек Кубатаев аталган дарактын пайдалуу жактарын санап берди.

Павлония дарагы кызыл карагайга салыштырмалуу үч эсе бышык болуп, аны мите курт жебейт. Бул тууралуу Эрмек Кубатаев Sputnik Кыргызстан радиосуна маек куруп жатып билдирди.

Кубатаев: павлония дарагын көмүр ордуна колдонсо болот

Анын айтымында, павлония климатка жараша бир сезондо үчтөн тогуз метрге чейин өсөт.

"Павлония дарагы кызыл карагайга салыштырмалуу эки эсе жеңил, үч эсе бышык жана бир топ ийилчээк болот. Курамында танин жана павлонин болгондуктан мите курт жебейт. Ошондуктан серфинг үчүн такталар жана яхта, кемелер жасалат. Мындан тышкары, курамында чайыр жок болгондуктан өрткө туруктуу. Алсак, карагай, кадимки жыгач отундар 230-250 градуста жалындап күйсө, павлония 420-430 градуста гана дүркүрөп күйөт. Ысык-Көлдө бир жылкы сөңгөгүн кесип, күйгүзүп көрсө тутанбай койгон экен. Ошондо отунга да жарабайт турбайбы деген пикирге келишкен. Чынында анын табы күч болгондуктан тутантып алып, анан жагыш керек. Натыйжада көмүрдөй эле тап берет. Европада аны био отун катары колдонушат. Павлония Кыргызстандын шартында климатка жараша жаздан күзгө чейин үчтөн тогуз метрге дейре өсө турганы аныкталган. Андан Америкада биоэтанол чыгарганы дагы белгилүү. Ошондой эле айрым өлкөлөрдө үч жылдан кийин павлония гүлдөгөндө андан бал өндүрүүнү колго алышкан. Натыйжада абдан сапаттуу жана кымбат бал чыгарууга мүмкүндүк бар", — деди Кубатаев.

Ошондой эле ал павлония урукка салыштырмалуу көчөттөн тез өсүп, сапаттуурак боло турганын кошумчалады.

42
Белгилер:
бал, отун, павлония, Эрмек Кубатаев
Тема боюнча
Талаада ыйлаган күндөр болду. Чөлдү кирешелүү бакка айланткан Маджиковдун маеги

Жыгылып баратып тепти. Австралиялык футболчунун гол киргизген видеосу

0
Германия чемпионатынын 32-турунун алкагында "Айнтрахт" өз үйүндө "Майнц" клубун кабыл алган. Беттеш 1:1 тең эсеп менен аяктаган.

Германия чемпионатындагы "Айнтрахт" клубунун оюнчусу Айдин Хрустич жыгылып жаткан жеринен тээп гол киргизди. Кызыктуу учур Бундеслиганын Youtube каналына жарыяланды.

Чемпионаттын 32-турунун алкагында "Айнтрахт" өз үйүндө "Майнц" клубун кабыл алган. Коноктор биринчи бөлүктө эле эсепти ачып, алдыга чыккан. Талаа ээлери беттештин акыркы мүнөттөрүндө эсепти теңеди.

Австралиялык футболчу капталдан чыгарылган топту дарбазаны көздөй тээп, ошол учурда атаандаштын бутуна чалынып жерге кулаган. Топ коргоочуга тийип, кайра өзүнө келген. Жерде кулап жатканына карабай Хрустич топту сол буттап дарбазага багыттаган. Топ асманга көкөлөгөн бойдон голго айланган. Дарбазачы бийик секирип, тосууга аракет кылганына карабай аны тосо алган эмес.

"Майнтс" Бундеслигада калуу аракетинде болсо, "Айнтрахт" Европа кубокторуна ойноо мүмкүнчүлүгүн алууга умтулган.

0
Белгилер:
видео, гол, футбол
Тема боюнча
Футболчу Кайраттын "Каганатка" киргизген голу мыкты деп аныкталды. Видео