Жаштар үйү долбоорунун социалдык кызматкери Бейбитгүл Алиева

Алиева: балдар үйүнүн бүтүрүүчүлөрүн колдогон атайын долбоор иштеп жатат

82
(жаңыланган 13:41 29.02.2020)
"Жаштар үйү" долбоорунун социалдык кызматкери Бейбитгүл Алиева аталган долбоор балдар үйүнүн бүтүрүүчүлөрүн колдоо максатында иштелип чыкканын билдирди.
Алиева: балдар үйүнүн бүтүрүүчүлөрүн колдогон атайын долбоор иштеп жатат

Балдар үйүн бүтүргөндөрдү коомго адаптациялоо, аларга колдоо көрсөтүү максатында "Жаштар үйү" долбоору ишке кирген. Анын алкагында шаардын четинде жайгашкан үйдө сегиз кыз жашайт. Былтыр белгисиз адамдар казаныбызды уурдап кетишкен. Ошондон бери кыздардын коопсуздугунан чочулап келебиз. Бул тууралуу Бейбитгүл Алиева Sputnik Кыргызстан радиосуна маек куруп жатып билдирди.

Анын айтымында, жаш балдар үчүн дагы ушундай эле долбоор өз ишин баштады.

"Игорь Беляев "Жаштар үйү" долбоорун түзүп, 1,5 жылдан бери сынамык иретинде иш алып барууда. Ал өзү да балдар үйүнөн чыккан коомдук активист. Долбоордун алкагында балдар үйүн бүтүргөндөргө окууга өтүүгө, жашоого адаптация болууга көмөк көрсөтүлөт. Демөөрчүлөр ар кандай тренинг, окутуу, семинарларды уюштуруп, материалдык жардам көрсөтүшөт. Бир жолу демөөрчүбүз белек кылган казаныбызды уурдап кетишкен. Ошондон бери кыздардын коопсуздугуна тынчсызданып келебиз. Бирок үйгө камералар коюлган, жакшы кошуналарыбыз бар", — деди Алиева.

Ал ошондой эле долбоордун алкагында тигүүчү цех иштеп, анда балдар үйүнүн бүтүрүүчүлөрү эмгектенерин кошумчалады.

82
Белгилер:
жаштар, коопсуздук, долбоорлор
Тема боюнча
Беляев: КРде балдар үйүндө багылган бөбөктөрдүн 96 пайызынын ата-энеси бар
Балдар менен ар кыл тилде сүйлөшкөн болбойт. Логопед-дефектолог менен маек
Кыргызстандагы KyrSEFF туруктуу энергияны каржылоо программасынын менеджери Нурзат Абдырасулова

Абдырасулова: күндүн, суунун же шамалдын кубатынан энергия алуу керек

77
Кыргызстандагы KyrSEFF туруктуу энергияны каржылоо программасынын менеджери Нурзат Абдырасулова атмосферага бөлүнүп чыккан уулуу заттарды азайтса болорун айтты.
Абдырасулова: күндүн, суунун же шамалдын кубатынан энергия алуу керек

Электр энергиясын үнөмдөө менен экологияга пайда келтире алабыз. Бул тууралуу Нурзат Абдырасулова Sputnik Кыргызстан радиосуна маек куруп жатып билдирди.

Анын айтымында, Париж келишиминде дагы ар бир өлкө өз мүмкүнчүлүгүнүн жетишинче экологиялык көйгөйлөр менен күрөшүүсү зарыл экендиги көрсөтүлгөн.

"Өлкөдө экологиялык маселелер менен улуттук деңгээлде иш алып баруу боюнча атайын документтер кабыл алынган. Анда айлана-чөйрөгө уулуу заттардын таасирин минималдаштыруу каралган. Ошол эле көмүр жагууну, автоунаалардан бөлүнүп чыккан уулуу газдарды атмосферага таркашын азайтуу зарыл. Мүмкүнчүлүккө жараша электр кубаты менен иштеген автоунааларга өтүп, күндүн, суунун же шамалдан алынган энергиянын түрлөрүн көбөйтүү керек. Бул технологиялар дүйнөдө жакшы өнүгүп, баасы арзан болуп калды. Өкмөт тарабынан жакшылап көңүл бурулуп, туура саясат жүргүзүлүшү шарт. Эң негизгиси, энергияны үнөмдөп колдонуу зарылчылыгы келип чыгууда. Эгер сарамжалдуу колдоно турган болсок, коңшу өлкөлөрдөн сатып албайбыз. Ошондой эле экологияга тийген терс таасирди азайтууга мүмкүнчүлүк түзүлөт", — деди Абдырасулова.

Ошондой эле ал учурда туруктуу энергияны каржылоо программасынын алкагында бир катар долбоорлор ишке ашырылганын кошумчалады.

77
Белгилер:
Кыргызстан, экология, электр энергиясы
Тема боюнча
Казакстандан 500 млн. кВт/саат энергия импорттоо макулдашылды. Баа өзгөрөбү
Билим берүү жана илим министринин орун басары Нурлан Өмүров

Өмүров: ЖОЖго онлайн тапшыруунун биринчи туру 20-июлда башталат

2105
Билим берүү жана илим министринин орун басары Нурлан Өмүров жогорку окуу жайга аралыктан тапшыруу үчүн онлайн-платформа иштелип чыкканын айтты.
Өмүров: ЖОЖго онлайн тапшыруунун биринчи туру 20-июлда башталат

Быйыл пандемиядан улам элдин ден соолугуна кам көрүү жана санариптештирүү жылында технологияларды толук пайдалануу максатында министрлик тарабынан жогорку окуу жайларга кабыл алууну аралыктан өткөрүү макулдашылды. 3-4 ай мурун даярдыктарды баштап, долбоор иштеп чыктык. Бул тууралуу Нурлан Өмүров Sputnik Кыргызстан радиосунун эфиринде маек куруп жатып билдирди.

Анын айтымында, жылына жалпы ЖОЖдор үчүн 5700 бюджеттик орун берилет.

"Жогорку окуу жайга аралыктан тапшыруу үчүн онлайн-платформа иштелип чыкты. Жылына абитуриенттер Жалпы республикалык тестирлөөнүн жыйынтыгын алгандан кийин ЖОЖго барып, каалаган кесибин тандап, кутучага талондорун таштачу. Алар ошондой эле тандаган факультетине кандай балл менен канча абитуриент тапшырып жатканын монитордон көрүп турушчу. Быйыл мунун баары онлайн түрдө өтөт. Абитуриенттер өлкөбүздүн каалаган чекитинен системага кирип, ЖОЖдор тууралуу толук маалымат ала алат. Окуу жайлардагы факультеттер, андагы бюджеттик, контракттык орундардын саны менен таанышат. Талонун онлайн-каттоодон өткөрүп, кадимкидей эле башка абитуриенттер кайсы адистикке канча талон, кандай балл менен тапшырып жатканын көрө алышат. Окууга онлайн тапшыруунун биринчи туру 20-25-июль аралыгында өтөт. Экинчи тур 27синен 31-июлга чейин, ал эми 3-7-август күндөрү үчүнчү тур менен жыйынтыкталат. Система өзү бүтүрүүчүнүн билим алган аймагына карап мурдагыдай эле автоматтык түрдө жеңилдиктерди берет", — деди Өмүров.

Ал өкмөттүн чечими менен кайсы кесипке канчадан орун берилери жана ар бир университетке канча бюджеттик орун бөлүнгөндүгү тууралуу токтом чыгарыларын кошумчалады.

2105
Белгилер:
онлайн, пандемия, абитуриент, ЖОЖ, Нурлан Өмүров
Тема боюнча
Аттестат качан берилип, ЖОЖдор кантип кабыл алат? Бүтүрүүчүнүн 8 суроосуна жооп

Кыргыз-казак чек арасындагы тыгын. Айдоочулардын көйгөйүн баяндаган видеорепортаж

0
Кыргыз-казак чек арасы. Бишкек — Торугарт жолу менен калаадан чыгып баратканда жүк ташуучу автоунаалардын узун кезеги алыстан көзгө даана көрүнөт. Кезек күткөн айдоочулардын көбү Казакстандан Кыргызстанга товар алып келип, кайра кете албай калгандар.

Казакстанга кирүү май айынын аягынан тарта кыйындай баштаган. Акыркы үч күн ичинде коңшу мамлекетке саналуу эле айдоочу кирген. Бирок 3-июндан тарта кыймыл бир аз жанданып, жүк ташыгандар чекесинен өтө баштаган.

Баарынан да тез бузулуп кетчү азыктарды ташыган айдоочулар санааркап жатышат. Жашылча-жемиштери чирип кетпеш үчүн күнү-түнү автоунаанын муздаткычтарын өчүрбөй жаткандыктарын айтышты.

"Россияга 22 тонна сабиз алып бара жаткам, тыгында турганыма үч сутка болду. Күн болсо кайнап, көчөдө 35 градус ысык. Көлөкө жок, талаада 40 градус ысыктай эле сезилип атат. Кондиционер жок болсо сабиз биринчи күнү эле чирип кетмек. Жашылча соолубай турсун деп муздаткыч иштеттим. Ага эле май сатып алганга алты миң сомдой чыгым болдум. Бул чыгымды эч ким төлөп бербейт. Эгер соолуган сабиз алып барсам, анда мага акча да төлөп беришпейт", — деди айдоочулардын бири Умар Ханмончи.

Ысыктын күнү кезек күтүп Умарга окшоп тургандар жүздөп саналат. Алардын баары өз акчасына күйүүчү май алып, кайсы маалда өткөрүп жиберет деп уйку бетин көрбөй кезегин күтүп турган чактары.

Мамлекеттик чек ара кызматынын маалыматы боюнча, азыркы тапта "Ак-Тилек" жана "Чон-Капка" өткөрмө пункттары гана иштеп жатат. Жүк ташуучу автоунаалардын узун кезегине ушул да себеп болушу ыктымал.

"Автоунаалар дезинфекциядан өтүп, айдоочулардан коронавируска анализ алып жатышат. Муну да эске алыш керек. Кыргыз тарап автоунааларды тез өткөрүү үчүн болгон күчүн жумшап жатканын баса белгилеп кетели", — дешти чек ара кызматынан.

Кыргызстандын жүк ташуучулар ассоциациясынын башчысы Темирбек Шабданалиев буга пандемиянын деле тиешеси жок деп эсептейт.

"Бул көйгөйгө үч жыл болду. Коронавирус Кыргызстан, Казакстанда пайда болгонго чейин эле айдоочулар чек арадан өтө албай 4-5 күндөп турушчу. Баарынан да үч суткалап тургандарга жаман болду. Дагы жакшы аларга жакын жашаган аймактагылар бекер тамак-аш алып келип берип жатышат", — деди Шабданалиев.

Кыргызстандын Экономика министрлигинин кызматкерлери жүк ташуучу автоунаалардын айдоочулары менен жолукканын айтып, алардын көйгөйүн укканын билдиришти.

"Жүк ташуучулардын ассоциация өкүлдөрү менен вице-премьер Эркин Асрандиев жолугат. Мындан тышкары казак тарап менен дагы сүйлөшүүлөр жүрөт. Ал жактан чечим кабыл алынгандан кийин гана жыйынтыгын билдире алабыз", — дешти маалымат кызматынан.

Экономика министрлигинин маалымат катчысы эксперттер көйгөйдү чечүү жолун издеп жаткандыктарын кошумчалады.

0
Белгилер:
жүк, айдоочу, чек ара, Казакстан, Кыргызстан
Тема боюнча
Казакстанга өткөрчү "Акжол" бекетинде ремонт качан бүтөрү айтылды