Кыргыз фондулук биржасынын директорунун орун басары Медет Назаралиев

Назаралиев: өткөн жылы фондулук биржа 2700 соода ишин жүргүздү

104
(жаңыланган 15:54 07.07.2020)
Кыргыз фондулук биржасынын директорунун орун басары Медет Назаралиев биржа аркылуу соода жүргүзүү кыйла ыңгайлуу экенин айтты.
Назаралиев: өткөн жылы фондулук биржа 2700 соода ишин жүргүздү

2019-жылы баалуу кагаздар рыногунда фондулук биржа тарабынан 2700 соода иши жүргүзүлүп, алардын жалпы көлөмү алты миллиард сомдон ашкан. Бул тууралуу Медет Назаралиев Sputnik Кыргызстан радиосуна маек куруп жатып билдирди.

Анын айтымында, Кыргыз фондулук биржасы 1994-жылы уюштурулуп, иш алып бара баштаган.

"Фондулук биржа өлкөнүн экономикасынын күзгүсү делинет. Ушул жерден экономикага кандай таасирин берет деген суроо жаралышы ыктымал. Белгилүү болгондой, фондулук биржа негизинен баалуу кагаздар менен дагы иштейт. Ал каржы рыногунун бир бөлүгү болуп, өлкөгө инвестиция тартууга шарт түзөт. 2019-жылы баалуу кагаздар рыногунда тегеренген каржынын көлөмү 6 миллиард сомдон ашып, 2700дөн ашуун соода келишими  жүргүзүлдү. Мындан тышкары, биздин каржы рынокто акция жана корпоративдик облигациялар популярдуулукка ээ. Акыркы учурда мамлекет тарабынан бул тармакты өнүктүрүүгө басым жасалууда. Анткени биржалык рынокту өнүктүрбөй, экономиканы өстүрө албайбыз. Маселен, чет элдик инвесторлор биржада кандай компаниялардын акциясы сатылып жатканына да көз салып турушат. Ошондой эле 2018-жылы президенттин буйругу менен фондулук биржада товардык сектор дагы ачылган. Бул кадам аймактарды өнүктүрүү, дыйкандардын продукциясын ыңгайлуу баада сатуусу үчүн жасалган. Анткени биздин электрондук система аркылуу товарды экспортко чыгарууга да мүмкүн. Мисалы, Майлуу-Суу электр-лампа заводу өз продукциясын биздин электрондук платформа аркылуу сатышууда. Ошондой эле айыл чарба продукциялары дагы фондулук биржанын товардык секторуна жайгаштырылууда", — деди Назаралиев.

Ошондой эле ал атамекендик продукцияларды экспорттоо үчүн башка өлкөлөрдүн биржалары менен келишимдер түзүлүп жатканын кошумчалады.

104
Белгилер:
Медет Назаралиев, инвестициялар, экспорт, биржа, рынок, баалуу кагаздар
Тема боюнча
Татиков: акчаны мамлекеттик баалуу кагаздарга салуу ишенимдүү
Ветеринардык жана фитосанитардык коопсуздук боюнча мамлекеттик инспекциясынын эпизоотияга каршы иштерди көзөмөлдөө башкармалыгынын башкы инспектору Дайыркул Саткынов

Саткынов: мал күзгү эмдөөдөн өтүп жатат

34
Ветеринардык жана фитосанитардык коопсуздук боюнча мамлекеттик инспекциясынын эпизоотияга каршы иштерди көзөмөлдөө башкармалыгынын башкы инспектору Дайыркул Саткынов кышка карата малды кайсы ылаңдардан эмдетүү керектигин айтып берди.
Саткынов: мал күзгү эмдөөдөн өтүп жатат

Учурда шарпка, бруцеллезго, кара санга, күл ылаңына, оспага, паразитардык илдеттерге жана оорунун очогу бар жерлерде эхинококкозго каршы эмдөө иштери жасалууда. Бул тууралуу Дайыркул Саткынов Sputnik Кыргызстан радиосуна маек куруп жатып билдирди.

Анын айтымында, тогуз айдын планы дээрлик аткарылып, жугуштуу мал ылаңдары боюнча эпизоотиялык кырдаал өлкө боюнча туруктуу.

Ошто жыл башынан бери алты жаныбардан кутурма табылган

"Азыр малды күзгү эмдетүү иштери массалык түрдө жүргүзүлүүдө. Алсак, ири мүйүздүүлөргө шарпка, ал эми ача туяктууларга бруцеллезго, паразитардык ооруларга жана айрым жерлерде эхинококкозго каршы эмдөө иштери жасалууда. Мындан тышкары, майда жандыктарга кара сан, күл жана оспа ылаңдарына каршы сайылууда. Бул иштер атайын пландын негизинде аткарылып жатат. Райондук ветеринардык кызматтарда 10-11ден жалпы республика боюнча 300дөй ветеринардык инспектор бар. Аларга жогорку жана атайын орто билими бар, ветеринардык палатадан каттоодон өткөн, райондук жана шаардык ветеринардык башкармалыктар менен келишими бар расмий ветеринардык адистер жардамдашат. Мындай адистердин жалпы саны өлкө боюнча 1200 адам. Булар кан алуу, ийне саюу иштерин жүргүзөт", — деди Саткынов.

Ошондой эле ал кутурма, күйдүргү, бруцеллез, күл, кыргын ылаңдары милдеттүү түрдө эмдетилип, аларга каршы сайыла турган вакциналар мамлекеттен бериле турганын кошумчалады.

34
Белгилер:
ветеринария, мал, эмдөө
Тема боюнча
Романов: сибирь жарасы жер кыртышында кылымдап жата берет
Улуттук кардиология жана терапия борборунун директорунун орун басары, кардиолог, ревматолог Назгүл Өмүрзакова

Өмүрзакова: артрит жүрөк, бөйрөк, өпкөнү да жабыркатат

250
Улуттук кардиология жана терапия борборунун директорунун орун басары, кардиолог, ревматолог Назгүл Өмүрзакова артритти туура дарылоо менен ооруну толук айыктырса болорун айтты.
Өмүрзакова: артрит жүрөк, бөйрөк, өпкөнү да жабыркатат

Артрит бул муундардын сезгенүү оорусу. Илдет бир муунда болсо моноартрит, бир нече муун ооруса полиартрит деп айырмаланат. Бул тууралуу Назгүл Өмүрзакова Sputnik Кыргызстан радиосунун эфиринде маек куруп жатып билдирди.

Анын айтымында, артритте муундун айланасы, периартикулярдык ткандар сезгенет.

"Артриттин түрү бар. Мисалы, инфекциялык, подагра, остеоартрит жана ревматизм, полиартрит болуп бөлүнөт. Бул оорунун өрчүшүнө суук тийүү, организмдин коргонуу функциясынын төмөндөшү түрткү берет. Негизги белгилери муундар ооруп кызарат, анда сезгенүү суюктугу чогулуп шишик пайда кылат. Кээде оорулуу көпкө дарыланбай жүрө берет же өз алдынча дарылануудан күчөп, муундар кыйшайып, өнөкөт түрүнө өтүп кетет. Мындан сырткары, артрит жүрөк, бөйрөк, өпкө сыяктуу ички органдарга да доо кетирет. Илдетти дарылоо максатында атайын көнүгүүлөрдүн комплекси бар. Ошондой эле хирургиялык дарылоо да кеңири колдонулат. Муун ооруларына таманын жука алып жүргөн, базарда, унаа жуучу жайда жана башка ушул сыяктуу муздак жерлерде иштегендер көбүрөөк чалдыгат. Өткөрүп жибербей врачка кайрылып, дарттан толугу менен айыгып кетүүгө болот", — деди Өмүрзакова.

Туздалган бадыраңды кандай оорусу барлар жебеш керек? Дарыгердин кеңеши

Дарыгер артриттин алдын алууда жугуштуу ооруларды өз убагында дарылоо, ооз көңдөйүн дайыма карап жүрүү маанилүү экенин кошумчалады.

 

250
Белгилер:
оору, муунтуу, артрит
АКШнын Чикагосундагы Trump Tower имараты. Архив

АКШ: "Трамп" имаратында салаңдап турган кишинин Кыргызстандан экени айтылды

0
(жаңыланган 23:52 19.10.2020)
Окуя 13 саатка чукул созулган. Социалдык тармактын бир катар колдонуучулары акциянын демилгечиси Black Lives Matter кыймылынын активисти Эдил Элиев аттуу жигит экендигин айтышты.

БИШКЕК, 19-окт. — Sputnik. АКШнын Чикагосундагы Trump Tower деп аталган көз жеткис бийик имаратта 13 саат бою аркан менен байланып, салаңдап турган адамдын полицияга багынып бергенин Chicago Tribune жазды.

Буга чейин коомдук тартипти бузган киши асман тиреген имараттын 16 кабатынан белине аркан байланып алып, жекшембиден тарта, болжол менен саат 17:30дан бери илинип тургандыгын жазган. Ал АКШ президенти Дональд Трамптын өзү менен жолугууну ниет кыларын, болбосо өзүн бийиктен таштап жибере тургандыгын айтып коркуткан.

Буту тайып... Бийик имараттын кырында туруп кулап кеткен жигиттин видеосу

"Абал сүйлөшүүлөрдөн улам жакшы жагына чечилди. Шектүү кармалды. Эч ким жабыркаган жок", — деген Чикаго полициясынын кызматкери Том Ахерн.

​Басылманын маалыматына таясак, окуя 13 саатка чукул созулган. Социалдык тармактын бир катар колдонуучулары акциянын демилгечиси Black Lives Matter кыймылынын активисти Эдил Элиев (Eddil Eliev) аттуу жигит экендигин билдиришкен.

Полиция кызматкерлери абалды жөнгө салгыча Trump Tower имаратынын айланасындагы кыймыл токтотулган. Басылма анын тегерек-четине кызыгып келгендердин тобу чогулуп, кээ бирлери "Бэтмен" киносу тартылып жаткан жокпу деген суроолорду да беришкен.

Буга чейин Pledge Times жигиттин курагы 20 жаштын тегерегинде жана ал болжол менен Кыргызстандан экендигин билдирген.

0
Белгилер:
полиция, кыргызстандыктар, Дональд Трамп, АКШ
Тема боюнча
Карантинде Москвадагы мигранттар арасында кылмыштуулук күчөдүбү? Мэрдин жообу