Бишкек шаардык мамлекеттик санитардык-эпидемиологиялык кɵзɵмɵл борборунун башкы дарыгеринин орун басары Курманбек Өмүралиев

Өмүралиев: Бишкектеги коомдук транспорттор дезинфекциядан өтүүдө

51
(жаңыланган 14:46 16.03.2020)
Бишкек шаардык мамлекеттик санитардык-эпидемиологиялык кɵзɵмɵл борборунун башкы дарыгеринин орун басары Курманбек Өмүралиев аталган мекеменин адистери COVID-19дун алдын алуу үчүн коомдук транспорттордун тазалыгын күндө текшерип, дезинфекциялап жатканын айтты.
Өмүралиев: Бишкектеги коомдук транспорттор дезинфекциядан өтүүдө

Коронавирустун алдын алуу багытында тийиштүү мамлекеттик ведомстволор иш алып барып, бардык талап аткарылып жатат. Бирок коомчулук да четте калбай, бул инфекциялык оорудан оолак болуу үчүн санитардык-эпидемиологиялык эрежелерди эске алуу менен өздүк гигиенаны сакташы керек. Бул тууралуу Курманбек Өмүралиев Sputnik Кыргызстан радиосунун "Ачык кеп" программасында маек куруп жатып билдирди.

Анын айтымында, коронавирус респиратордук вирустук инфекция болуп саналат.

"Бишкек боюнча коомдук транспорттордун 1700дөн ашык айдоочусу күн сайын каттамга чыгат. Калаадагы мамлекеттик санитардык-эпидемиологиялык кɵзɵмɵл борборунун адистери күндө эл ташып иштеген коомдук транспорттордун тазалыгын жана айдоочулардын саламаттыгын текшерип турат. Бишкекте маршруттук таксилер 35 каттам боюнча жүрөт. Бүгүнкү күндө айдоочуларга түшүндүрүү иштери жүргүзүлүп, алар айдаган коомдук тарнспорттор дезинфекцияланууда. Мындан сырткары, биз коомдук жайларда да түшүндүрүү иштери менен алек болуудабыз. Бул жерде белгилей кетчү бир жагдай, калаа тургундары жана жалпы эле коомчулук илдетти алдын алуу багытында жүргүзүп жаткан иштерди күтүп отура бербестен өздөрү да ден соолугуна кам көрүшү керек. Мисалы, фитосанитардык эрежелерди эске алып, гигиенаны сактаган киши бир эле коронавирус эмес, бардык илдеттерден оолак болот. Ошондой эле эл көп топтолгон жайлардын кожоюндары да санитардык-эпидемиологиялык талаптарды аткарып туруусу шарт ", — деди Өмүралиев.

Ал ошондой эле 2018-жылы өкмөттүн токтому менен ишкерлерди текшерүүгө бөгөт койгон мораторийдин кириши менен айрым коомдук жайларда фитосанитардык эрежелер сакталбай калганын айтып, учурда Санэпидем борборунун кызматкерлери ошондой жерлерге барып, профилактикалык түшүндүрүү иштерин жүргүзүп жатканын кошумчалады.

51
Белгилер:
коронавирус, Ветеринария жана фитосанитардык коопсуздук боюнча мамлекеттик инспекциясы, Бишкек
Тема:
Коронавируска байланыштуу Кыргызстандагы кырдаал (2759)
Тема боюнча
Уезбаев: тазалыкты камсыздоо вирустун жайылышына бөгөт коёт
Мотор майларын чет өлкөдөн ташып ишкерлик кылган Нурлан Кадыралиев

Кадыралиев: туура эмес тандалган мотор майы көп чыгымга учуратат

93
(жаңыланган 14:33 20.06.2021)
Мотор майларын чет өлкөдөн ташып ишкерлик кылган Нурлан Кадыралиев туура эмес тандалган мотор майы унааны мөөнөтүнөн мурда жарактан чыгарып, көп чыгымга алып келерин айтты.

Автоунаадан бөлүнүп чыккан кара түтүндүн экологияга тийгизген терс таасири абдан жогору. Анын негизги себеби сапатсыз мотор майларынын тандалышынан келип чыгат. Мындай пикирин Нурлан Кадыралиев Sputnik Кыргызстан радиосунун эфиринде маек куруп жатып билдирди.

Кадыралиев: туура эмес тандалган мотор майы көп чыгымга учуратат

Анын айтымында, Кыргызстанда 2000-2010-жылдарда чыгарылган унаалар көп болгондуктан 5W-40 синтетикалык мотор майын куюу сунушталат.

"Мен 2004-жылдан бери мотор майларын чет өлкөдөн Кыргызстанга ташып ишкерлик кылам. Элде туура маалымат жок болгондуктан көп көйгөй жаралып келет. Мисалы, туура эмес тандалган мотор майы автоунааны мөөнөтүнөн мурда жарактан чыгарып, көп чыгымга учуратат, мотор эрте бузулат. Кыргызстанда 2000-жылдан кийин чыгарылган машиналар көп. Анын жылына, техникалык мүнөзүнө карап май куюш керек. Айдоочулар көп учурда ушул этапта жаңылышат. Алсак, кыймылдаткыч майы жарым синтетикалык жана синтетикалык деп бөлүнөт. 2000-жылга чейинки автокөлүктөргө негизинен жарым синтекалык мотор майын колдонушат. Ал ысык, суукка чыдамдуулугу начар. 20 градус ысыкта май суюлуп кетет. Ага жараша унаанын кетирген чыгымы эселеп көбөйө баштайт. Мисалы, бизде 2000-2010-жылдарда чыгарылган унаалар көп болгондуктан 5W-40 синтетикалык мотор майын куюуну сунуштайм. Анткени климаттык ар түрдүү шартта реакция бербейт", — деди Кадыралиев.

Ошондой эле адис айдоочулар көп учурда акча аяп, сапатсыз мотор майын колдонуу менен чыгаша болорун кошумчалады.

93
Белгилер:
Нурлан Кадыралиев, автоунаа, май, мотор
Тема боюнча
Ысыкта жолдо калбайын десеңиз... Автоунаа өчүп калбаш үчүн эмне кылуу керек
Side attack drift team эл аралык дрифт командасынын капитаны Дайыр Казыбаев

Казыбаев: кышында Сочиге барып дрифт боюнча мелдешке катышабыз

15
Side attack drift team эл аралык дрифт командасынын капитаны Дайыр Казыбаев Кыргызстанга автоспорттун бул түрү 2000-жылдардын башында келгенин айтты.

Дрифт – бул автоспорттун бир түрү. Азыр дүйнө жүзүндө өнүгүп келе жатат. Мында көрүүчү унаанын жана айдоочунун техниканы башкаруу мүмкүнчүлүгүн көрө алат. Бул тууралуу Дайыр Казыбаев Sputnik Кыргызстан радиосунун эфиринде маек куруп жатып билдирди.

Казыбаев: кышында Сочиге барып дрифт боюнча мелдешке катышабыз

Анын айтымында, учурда өлкөдө дрифт менен профессионалдуу түрдө 25 бала алектенет.

"Дрифт бул трассадагы траекторияга карата бурулуштардан айланып өтүү техникасы десек болот. Мелдештер кургак асфальтта, бурулуштары көп трассаларда өтөт. Мында көбүнчө арткы дөңгөлөгү тарткан унаалар колдонулат. Негизи жөнөкөй автосүйүүчүлөр унааны 2000 долларга жасап алып катышса болот, ал эми профессионалдар 10 миң долларга чейин сарпташат. Башында автосүйүүчүлөр автослалом (фигуралык айдоо), джимхана (убакытка айдоо) түрлөрү боюнча машыгып келишкен. Кийин пилоттор, автоунаалар да даяр болуп, чыныгы дрифт менен алектене баштадык. Азыр биздин төрт кишиден турган (Дайыр Казыбаев, Акылбек Өмүракунов, Тимур Губаев, Алексей Вокурин) Side attack drift team эл аралык профессионалдуу дрифт командабыз бар. Ар бир пилот автоспорт федерациясы тарабынан берилген сертификатка ээ. Бул эл аралык жарыштарга катышууга мүмкүнчүлүк берет. Ошону менен бирге Кыргызстанда да дрифт мелдештерин уюштуруудабыз. Учурда көптөгөн адамдардын колдоосунда аэропорттун жака белинде автодром салынып жатат. Быйыл ачылышы болот", — деди Казыбаев.

Кышында дрифт боюнча команда Сочиге барып мелдешке катышары кошумчаланды.

15
Белгилер:
жарыш, унаа, дрифт
Тема боюнча
Вильнюста жашаган автоспортчу Данас Азикеев: "Литвадагы күлүк кыргыз" дешет
Бишкектеги Чыңгыз Айтматов көчөсүндө жайгашкан көп кабаттуу үйлөр. Архивдик сүрөт

Дүйшөмбүгө карата аба ырайы

0
(жаңыланган 21:04 20.06.2021)
21-июнга караган түнү республиканын тоолуу райондорунда өткүн өтүп, күн күркүрөшү, бийик тоолуу райондордо кар жаашы күтүлөт. Баткен, Талас облустарында жана өлкөнүн дыйканчылык аймактарында күн ачык болот.

БИШКЕК, 20-июн. — Sputnik. Дүйшөмбүдө тоо этектеринде жана тоолуу райондордо өткүн өтүп, күн күркүрөшү, бийик тоолуу райондордо кар жаашы ыктымал. Өрөөндөрдө жана дыйканчылык аймактарда жаан-чачын болбойт. Бул тууралуу Кыргызгидромет маалымдады.

Маалыматка ылайык, батыштан соккон шамалдын ылдамдыгы секундасына 4-9 метрден 15-20 метрге чейин жетет.

Абанын температурасы Чүй өрөөнүндө +26...+31, Ош, Жалал-Абад, Баткен облустарында +28...+33, Талас жергесинде +31...+36, Ысык-Көлдө +19...+24, Нарын аймагында +18...+23 градус болору айтылды.

Термометрдин көрсөткүчү Бишкекте +29...+31, Ош калаасында +33...+35, ал эми Чолпон-Ата шаарында +20…+22 градуска чейин жетет.

0
Белгилер:
аба ырайы, Кыргызстан, июнь
Тема боюнча
Маал-маалы менен өткүн өтүп турат. Бир жумага карата аба ырайы