Дарыгер-реаниматолог Мээрзат Үсөн кызы

Дарыгер-реаниматолог: адамдын өлүмүнө көнүү кыйын

182
(жаңыланган 13:13 17.03.2020)
Дарыгер-реаниматолог Мээрзат Үсөн кызы башка дарыгерлерден айырмаланып реаниматолог бейтаптын абалына жараша тез чечим чыгарып, аз убакыттын ичинде өмүрүн сактап калууга аракет кыларын айтты.
Дарыгер-реаниматолог: адамдын өлүмүнө көнүү кыйын

Менин практикамда бейтап реанимацияда эң аз жарым күн, эң көп 68 күн жаткан. Бул тууралуу Мээрзат Үсөн кызы Sputnik Кыргызстан радиосунун эфиринде маек куруп жатып билдирди.

Айтымында, ал экстрим, тез кыймылдоону жактыргандыктан реаниматолог болууну чечкен.

"Биздин бөлүмгө жаңы төрөлгөн ымыркайдан баштап кары-картаңдар жана башка түрдүү адамдар түшөт. Эгер адамдын аң-сезими ордунда болбой, дендароо тартып, өз алдынча дем ала албаса, инфаркт, инсульт болгондор, ар кандай олуттуу кырсыкка кабылгандар болсо, анда ал биздин бейтап болуп эсептелет. Албетте, жумушта бир топ кыйын учурлар болот. Ар бир бейтапка сарсанаа болуп, жүрөгүң ооруйт. Бизде "реаниматолог эки жолу өлөт" деп коюшат. Биринчиси — колун кармап, анын ден соолугун жакшыртууга аракет кылган бейтап каза болгондо, экинчиси — ал кабарды туугандарына айткан учурда. Бир-эки жума бою каза болгон бейтап тууралуу ойлоносуң. Мен көбүнчө наристелер чарчап калганда жаман болом. Эми 10 жыл мурдагыга салыштырмалуу эмоцияларды башкарып, өзүмдү кармап калдым. Ошентсе да адамдын өлүмүнө көнүү мүмкүн эмес", — деди Үсөн кызы.

Дарыгер көчөдө адам кулап жаткан болсо, мейли спирт ичимдиги жыттанып жаткан болсо дагы басып кетпей, медиктерге кабар берип коюуга чакырды.

182
Белгилер:
реанимация, дарыгер
Тема боюнча
Аборттон ичеги-карды чубалган кызды көрүп үрөй учту. Дарыгер менен маек
Кыргыз билим берүү академиясынын илим жана инновация бөлүмүнүн башчысы Дамира Жумабаева. Архив

Жумабаева: коом билимсиз эмес, тарбиясыз болуп баратат

20
Кыргыз билим берүү академиясынын илим жана инновация бөлүмүнүн башчысы Дамира Жумабаева коомчулукта кыздардын тарбиясына өзгөчө көңүл буруу зарылдыгын айтты.
Жумабаева: коом билимсиз эмес, тарбиясыз болуп баратат

Ата-бабаларыбыз кагазга түшүрүлбөгөн этнопедагогика менен эле канчалаган муунду тарбиялап келген. Бүгүнкү күндө, тилекке каршы, бул салттык тарбия берүүгө көңүл бурулбай жатат. Мындай пикирин Дамира Жумабаева Sputnik Кыргызстан радиосунун эфиринде маек куруп жатып билдирди.

Анын айтымында, тарбияны сөзсүз эле коомдон же ата-энеден күтүп отура бербей, адабият, интернет булактары аркылуу да алса болот.

"Советтер Союзу мезгилинде өсүп келе жаткан муунду мамлекет тарбиялачу эле. Азыр ар бир бала өзүнчө бир инсан катары каралып, анын келечекте кандай болору толугу менен ата-энеге жүктөлгөн. Ал эми мугалим билим бериши керек. Көп учурда коомдо баланын тарбиясын да мугалимден күтүп отура беришет. Ооба, канчалык бир деңгээлде окутуучулары деле тарбиялашат, бирок алар негизинен билим берүүчүлөр болуп эсептелет. Кыргыз коомунда баланын тарбиясы үй-бүлө мүчөлөрүнүн бардыгынын жоопкерчилиги астында жүргүзүлгөн. Жазылбаган мыйзамдары менен эле көөдөнү кенен, көкүрөгү терең адамдар өсүп жетилген. Биз учурда мына ушул этнопедагогиканы унутуп калдык. Экинчиден, азыр адамдардын көпчүлүгү жалкоо, кайдыгер болуп, баласына мыкты тарбия бериш үчүн китеп барактамак турсун, өзүнүн жүрүм-турумун оңдоого кызыккандар өтө аз", — деди Жумабаева.

Педагог экономикалык кризис, миграция маселелери бала тарбиялоодо тоскоолдук жаратат деген пикир жөн гана шылтоо деп эсептээрин кошумчалады.

20
Белгилер:
мектеп, келечек, педагогика, Дамира Жумабаева
Тема боюнча
Педагог дистанттык окутууда ата-энелерге бир нече кеңеш берди
Улуттук кардиология жана терапия борборунун директорунун орун басары, кардиолог, ревматолог Назгүл Омурзакова

Омурзакова: артрозго тар бут кийим дагы себепчи болушу мүмкүн

95
Улуттук кардиология жана терапия борборунун директорунун орун басары, кардиолог, ревматолог Назгүл Омурзакова артрит менен жаштар көбүрөөк ооруса, артроз улуу муунда көп кездешерин айтты.
Омурзакова: артрозго тар бут кийим дагы себепчи болушу мүмкүн

Ата-апаларыбыз муун ооруларына колдонгон койдун же кашкулактын майынын ооруну басуучу мүмкүнчүлүгү бар. Анын эч кандай зыяны жок. Бирок ооруну толук айыктыруу үчүн дарыгерге кайрылуу талап кылынат. Бул тууралуу Назгүл Омурзакова Sputnik Кыргызстан радиосунун эфиринде маек куруп жатып билдирди.

Анын айтымында, этек кири токтогондон кийин эстроген гармону азайгандыктан артроз менен аялдар көп ооруйт.

"Артроз бул муундардын өнөкөт оорусу. Көбүнчө улгайган адамдарда кездешет. Ал эндокриндик бузулуу, муун травмасы, организмдеги зат алмашуунун бузулушу, ашыкча салмактан улам пайда болот. Ошондой эле муундарга дайым күч келип, кемирчек жешилгендиктен спортсмендер да артроз менен оорушат. Тар бут кийим дагы артроздун себеби болушу мүмкүн. Ал тизе, жамбаш сыяктуу ири жана майда муундарды, анын ичинде омурткаларды жабыркатат. Муунга бириккен сөөктөрдүн учундагы кемирчек жукара баштайт, суюктук аз бөлүнүп, ошондой эле сөөк тканы жана муун баштыкчасынын ички бети бузулуп жакшы иштебей калат. Муундардын мезгил-мезгили менен оорушу дарттын белгиси болуп саналат. Айрыкча өтө күч келгенде же узакка кыймылсыз абалда болгондон кийин оору күчөйт. Муундар шишимик тартып, ага тийгенде ооруйт, бүккөндө, сунганда кырсылдайт. Дарылоо кайсы муундун жабыркаганына жана оорунун абалына жараша жүргүзүлөт. Ал эми дарыканаларда муун оорулары үчүн сатылган салттуу медицинага таандык дары-дармектер ооруну убактылуу гана басат", — деди Омурзакова.

Туздалган бадыраңды кандай оорусу барлар жебеш керек? Дарыгердин кеңеши

Ревматолог артрозу барлар организмдеги зат алмашуу процессин калыбына келтирүү жана жабыркаган муунга күч келтирбөө керектигин кошумчалады.

 

95
Белгилер:
себеп, бут кийим, оору
Тема боюнча
Омурзакова: артрит жүрөк, бөйрөк, өпкөнү да жабыркатат
Парктагы бакта клен жалбырактары

Шейшембиге карата аба ырайы

0
27-октябрга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 26-окт. — Sputnik. 27-октябрь, шейшембиде, күндүз өлкө аймагында күн ачык болот. Бул тууралуу Кыргызгидромет билдирди.

Абанын температурасы Чүй өрөөнүндө +17…+22, Таласта +16…+21, Ош, Жалал-Абад, Баткен облустарында +18…+23, Ысык-Көл жана Нарын аймактарында +11…+16 градус болору айтылды.

Ош менен Баткенде бүгүн жер силкинди

Бишкек жана Ош шаарларында жаан-чачын күтүлбөйт. Күндүн табы Бишкекте +20…+22 градус, Ош шаарында +21…+23 градуска чейин жетет.

0
Белгилер:
Кыргызстан, октябрь, аба ырайы
Тема боюнча
Адаттагыдан суук болот. Ноябрга карата аба ырайы