Улуу Ата Мекендик согуштун ардагери Омор Үмөтовдун небереси Нарынгүл Асаналиева

Асаналиева: чоң атам Ленинград шаарын фашисттерден коргогон

201
Улуу Ата Мекендик согуштун ардагери Омор Үмөтовдун небереси Нарынгүл Асаналиева чоң атасы согуш майданына 1941-жылы 41 жашында аттанганын айтты.
Асаналиева: чоң атам Ленинград шаарын фашисттерден коргогон

Чоң атам 1941-жылы 10-июлдан тарта 1944-жылдын 9-августуна чейин созулган Ленинград, азыркы Санкт-Петербург шаарын фашисттерден коргоо үчүн болгон салгылаштарга катышкан. Ал үчүн 1943-жылы 6-июнда "Ленинграды коргогону үчүн" ("За оборону Ленинграда") медалы менен сыйланган. Бул тууралуу Нарынгүл Асаналиева Sputnik Кыргызстан радиосунун "Туяк" программасында маек куруп жатып билдирди.

Анын айтымында, Омор Үмөтов 741-мотоаткычтар полкунда аскердик кызматын өтөгөн.

"Чоң атам 1900-жылы Ош облусунда туулган. Бирок кийин Нарынга жер которуп келип, Ак-Талаа районундагы ошол кездеги Ленин колхозунда, азыркы Чолок-Кайың айылында отурукташып калат. Согуш башталганда 41 жашта экен. Орто жашка таяп калган чоң атам ошол эле жылы кан майданга аттанып, Ленинград шаарын фашисттерден коргоо үчүн болгон салгылаштарга катышкан. Ал үчүн 1943-жылы 6-июнда "Ленинграды коргогондугу үчүн" деген медаль менен сыйланган. Ошондой эле чоң атамдын "Эрдик үчүн" ("За отвагу") деген медалы бар, аны дагы 1943-жылы алыптыр. Мындан сырткары, 1947-жылы 4-майда "Эрдик үчүн" медалы менен дагы бир ирет сыйланган. "Сталинградды коргогондугу үчүн" ("За оборону Сталинграда") деген да медалы бар. Анан дагы бир чоң сыйлыгы — Улуу Ата Мекендик согуштун 50 жылдыгына арналган медалы. Чоң атам 1944-жылдын 2-ноябрына чейин согушта болуп, кийин жанынан мина, аны менен кошо колундагы граната жарылып, 1-топтогу майыптыгы менен согуштан үйүнө жөнөтүлөт. Ошентип ал кайра кичи мекенине кайтып келип, ал жактагы колхоздо эсепчи болуп эмгектенген. Чоң атам 84 жашында дүйнө салды, бирок маңыздуу жашады. Анткени артына жети уулду калтырып кетти", — деди Асаналиева.

Ошондой эле ал чоң атасы жаш кезинде тигип кеткен алма багы бар экенин жана ал Ак-Талаанын суугуна карабай бүгүнкүгө чейин мөмө берип келерин кошумчалады.

201
Белгилер:
Ленинград, ардагер, Улуу Ата Мекендик согуш
Тема:
Улуу Ата Мекендик согуштагы Жеңиштин 75 жылдыгы (107)
Тема боюнча
Согуштун ардагерлерине жардам катары 75 миң сомдон бөлүнөт
Ардагер: сатылган китептеримдин акчасын кайрымдуулукка жумшайм
Оштун коменданты: үйдө отурбай, тартип бузгандар обсервацияга жаткырылат
Адис Бекжан Шакенов

Шакенов: телефонду кубаттоодо эки эрежени сактаса көпкө чейин жетет

65
(жаңыланган 20:54 27.02.2021)
Адис Бекжан Шакенов Кыргызстандын рыногунда iPhone, Samsung жана Xiaomi брендинин телефондору көп сатыларын айтып, смартфон тандоодо көңүл бөлүү керек болгон негизги факторлорду атады.

Эгер телефондун кубаттуулугу кармабай калса алмаштырса болот. Бирок Кыргызстанга оригинал аккумуляторлор алып келинбегендиктен, бир аз начарласа анда алмаштырбай эле койгон оң. Себеби кубаттуулугу ашып кетсе бир саатка көбүрөөк жетип калат. Бул тууралуу Бекжан Шакенов Sputnik Кыргызстан радиосунун эфиринде маек куруп жатып билдирди.

Шакенов: телефонду кубаттоодо эки эрежени сактаса көпкө чейин жетет

Анын айтымында, башка смартфондорго салыштырмалуу Redmi компаниясынын аппараттарынын батарейкасы көпкө чейин жеткендиктен бул гаджет студенттерге ылайыктуу.

"Жыл сайын технология өнүгүп турат. iPhone, Samsung жана Xiaomi компаниялары бири-биринен өзгөчөлөнүп смартфондун жаңы версияларын чыгарууда. Gorilla Glass 5-муундагы чыккан смартфондор кымбат келип, жалпы корпусу темирден, алды-арты айнектен жасалат. Желим жана темирден жасалгандары орто бюджетте болот. Негизинен мындай телефондорду Samsung, Redmi өндүрөт. Жаңы телефон алып жатканда тандоодо эч кандай маселе деле жаралбайт. Мүнөздөмөсүн интернеттен окуп, сизге керектүүсүн алсаңыз болот. Ошондой эле сатуучу кепилдик берип, эгер өндүрүштүк кемчиликтер болсо алмаштырып берет. Ал эми колдонулган телефон аларда кылдат текшерип алган оң. Өзгөчө iPhone аппаратынын көп нерсеси оңой алмашат. Алгач тескөөсүнө кирип батарейканын абалын караңыз. Эгер 100 болсо жаңы салынган. Сырткы абалына, чийиктерине көңүл бөлүңүз. Сырткы камерасынын объективинин ичинде чаң туруп калса анда смартфон ачылган", — деди Шакенов.

Адис смартфонду таптакыр өчө электе кубаттап жана 100 пайызга жеткирбей токтон чыгарса батарейка көпкө жетерин кошумчалады.

65
Белгилер:
компания, тандоо, смартфон
Тема боюнча
Xiaomi зымы жок смартфон кубаттагыч чыгарды. Видео
Юридикалык клиникалар ассоциациясынын жетекчиси, илимдин кандидаты Артур Бакиров. Архивдик сүрөт

Айдоочу орой мамиле кылса эмне кылуу керек? Юристтин кеңеши

16
Юридикалык клиникалар ассоциациясынын жетекчиси, илимдин кандидаты Артур Бакиров коомдук транспорттун айдоочусу орой мамиле кылса, жоопкерчиликке тартса болорун айтты.
Айдоочу орой мамиле кылса эмне кылуу керек? Юристтин кеңеши

Таксист орой мамиле кылса жоопкерчиликке тартуу үчүн аны далилдөө зарыл. Бул тууралуу Артур Бакиров Sputnik Кыргызстан радиосуна маек куруп жатып билдирди.

Анын айтымында, мындай учурда тартиптик жана кылмыш жоопкерчилигине тартуу мүмкүн.

"Такси же коомдук транспорттун айдоочусу орой сүйлөп, урушса, маскараласа аны далилдөө зарыл. Ал үчүн видео, күбөлөрдүн көрсөтмөсү жана башка далилдер тиркелет. Кылмыш жоопкерчилигине тартуу үчүн тийиштүү далилдер менен милицияга кайрылуу шарт. Ички иштер органдары кандай учур болбосун карашат жана бул нерсе укук бузуу экендигин аныкташат", — деди Бакиров.

Юрист орой айдоочуну тартип жоопкерчилигине тартуу үчүн транспорттук мекеменин жетекчилигине кайрылуу керектигин кошумчалады.

16
Белгилер:
милиция, мамиле, такси, юрист, Артур Бакиров
Тема боюнча
Саатына жараша төлөнөт. КРде эмгек акы тутумун өзгөртүү каралууда
Кыргызстандык грек-рим күрөшүнүн балбаны Жоламан Шаршенбеков. Архивдик сүрөт

Жоламан Шаршенбеков Киевде өтүп жаткан эл аралык мелдештин финалына чыкты

0
(жаңыланган 00:13 28.02.2021)
Мелдештин жүрүшүн аталган өлкөнүн спорттук күрөш ассоциациясынын расмий сайты түз алып көрсөттү. Эртең ал алтын байге үчүн ирандык Али Нажети менен кармашат.

БИШКЕК, 28-фев. — Sputnik. Кыргызстандык грек-рим күрөшүнүн балбаны Жоламан Шаршенбеков Киевде спорттук күрөштүн түрлөрү боюнча Украинанын чыгаан балбандарынын жана машыктыруучуларынын элесине арналган XXIV эл аралык мелдештин финалына чыкты. Мелдештин жүрүшүн аталган өлкөнүн спорттук күрөш ассоциациясынын расмий сайты түз алып көрсөттү. 

Жоламан жарым финалда украиналык Виктор Петрикти 12:4 эсебинде таза техникалык артыкчылык менен утту. Эртең ал алтын байге үчүн ирандык Али Нажети менен кармашат.

Кыргызстандык балбан 1/16 финалда алжирлик Абдельжеббар Жеббарини утса, 1/8 финалда грузиялык Дато Чхартишвилини жеңди. Ал эми чейрек финалда Иво Ангеловду (Болгария) утуп алган.

0
Белгилер:
мелдеш, Киев, грек-рим күрөшү, Жоламан Шаршенбеков
Тема боюнча
Өлкөнүн грек-рим жана эркин күрөшү боюнча 29 балбаны Киевде намыс талашат
Элдин моокумун кандырышты. Топ жарып чыккан балбандардын чемпионаттагы сүрөттөрү