ЖИА бизнес-ассоциациясынын аткаруучу директору Фархат Пакыров. Архив

Пакыров: ишкерлерди колдоо иштери чабал болууда

108
(жаңыланган 14:15 03.04.2020)
ЖИА бизнес-ассоциациясынын аткаруучу директору Фархат Пакыров ишкерлерди колдоо багытында жасалып жаткан аракеттер жетишсиз болуп жатканын айтты.
Пакыров: ишкерлерди колдоо иштери чабал болууда

Билим берүү, туризм, жеңил өнөр жай тармагында иш такыр токтоду. Айыл чарба, азык-түлүк, логистика багытындагы ишкерлер кичине кыймылдап жатышат. Иши уланып жаткан ишкерлер деле айрым тоскоолдуктарга туш болушууда. Мындай пикирин Фархат Пакыров Sputnik Кыргызстан радиосуна маек куруп жатып билдирди.

Анын айтымында, учурда өлкөдө бизнес тармагы "иштеген" жана "иштебеген" болуп экиге бөлүнүп калды.

"Коронавируска байланыштуу дүйнө жүзү боюнча экономикада өзгөрүүлөр болуп жатат. Кыргызстанда да мындай көйгөй жок эмес. Мындан улам мамлекет өндүрүштү токтотпогонго аракет кылып,  өкмөт тарабынан ишкерлерге фискалдык, социалдык төлөмдөр боюнча жеңилдиктер жасалды. Учурда билим берүү, туризм тармагы такыр токтоп, жеңил өнөр жайында дагы сырьенун жетишсиздиги байкалууда. Ал эми айыл чарба, азык-түлүк, логистика жааты бир аз иш алып барууда. Алардын көйгөйлөрү башка. Алсак, штабдан чыккан буйруктарды жер-жерлердеги блокпосттордо ар башкача түшүнүп калышууда. Айрым айылдарда жергиликтүү тургундар, активисттер деле пост коюп алышууда. Мындан улам айыл чарба тармагында ошол эле көчөт, урук, техника, азык-түлүк продукциялары, медикаменттерди айрым аймактарга киргизе албай калып жатышат. Мындан тышкары, Монополияга каршы жөнгө салуу мамлекеттик агенттиги тарабынан баалар белгилүү чектен өтпөшү керектиги айтылган. Бирок эл аралык рынокто нарк күндөн-күнгө көтөрүлүүдө. Бул дагы ишкерлерге татаалдыктарды жаратууда", — деди Пакыров.

Ошондой эле ал бизнесмендердин 90 пайызы насыя алып иштей турганын белгилеп, бул багытта дагы аракеттер көрүлөт деп үмүттөнүп жатышкандыгын кошумчалады.

108
Белгилер:
өкмөт, логистикалык борбор, ишкердик, Фархат Пакыров
Тема боюнча
Өкмөт ишкерликти кантип колдой турганын айтты. Иш-чаралардын тизмеси
Улуттук банктын Төлөм системалары башкармалыгынын Санариптик финансылык технологиялары боюнча бөлүмүнүн башчысы Айбек Султаналиев

Султаналиев: идентификацияланган электрондук капчыктын иши токтобойт

79
Улуттук банктын Төлөм системалары башкармалыгынын Санариптик финансылык технологиялары боюнча бөлүмүнүн башчысы Айбек Султаналиев 1-октябрдан тарта идентификациядан өтпөгөн электрондук капчыктардын иши токтой турганын айтты.
Султаналиев: идентификацияланган электрондук капчыктын иши токтобойт

Электрондук капчыкты идентификациялоо — ишкерликти чектөө эмес. Анткени алардын иши токтоп калбайт. Бул тууралуу Айбек Султаналиев Sputnik Кыргызстан радиосуна маек берип жатып билдирди.

Анын айтымында, эл аралык электрондук капчыктар дагы идентификациялануусу зарыл.

КРде 1-октябрдан тарта айрым электрондук капчыктардын иши токтойт. Себеби

"Улуттук банктын башкаруучулугунун 2019-жылдын 30-сентябрында кабыл алынган токтомуна ылайык, ушул жылдын 1-октябрынан баштап идентификациядан өтпөгөн электрондук капчыктар тейленбейт. Бул чара айрым тобокелчиликтердин алдын алуу жана аларды минималдаштыруу максатында киргизилүүдө. Тактап айтканда, террорчулукту каржылоого жана кылмыштуу кирешелерди адалдоого каршы мыйзамдын талаптарын аткаруу, тыюу салынган товарларды сатып алуунун алдын алуу мерчемделүүдө. Мындан тышкары, автоматташтырылган системалар иштен чыкса, идентификацияланбаган капчыктардын ээсине алардын акчасын кайтарып берүү кыйынчылык жарата турганын тажрыйба жүзүндө көрдүк. Электрондук капчыктарды милдеттүү түрдө идентификациялоо ишкерликти чектөө болуп саналбайт. Анткени алар өз ишмердигин токтотпойт. Тескерисинче, төлөм системаларынын ишин коопсуз жана ишенимдүү кылат", — деди Султаналиев.

Адис өлкөдө электрондук капчыктарды колдонуучулардын саны жылдан-жылга өсүп жатканын белгилеп, бул төлөм системасынын келечеги кең экенин кошумчалады.

79
Белгилер:
мыйзам, ишкердик, электрондук капчык
Тема боюнча
Көпчүлүк билбейт. Адис электрондук капчыктын артыкчылыгын санап берди
Улуттук илимдер академиясынын президенти, академик Мурат Жуматаев

Жуматаев: ЕАЭБдин алкагында илимди интеграциялоо бизге пайдалуу

47
(жаңыланган 15:19 30.09.2020)
Улуттук илимдер академиясынын президенти, академик Мурат Жуматаев ЕАЭБдин алкагында илимди интеграциялоо боюнча аракеттер көрүлүп жатканын маалымдады.
Жуматаев: ЕАЭБдин алкагында илимди интеграциялоо бизге пайдалуу

ЕАЭБдин алкагында илимди интеграциялоо биздей экономикасы чакан өлкөгө пайдалуу. Анткени уюмдун ичинде бул тармакта каражат, жабдууларды бирге колдонсо болот. Мындай пикирин Мурат Жуматаев Sputnik Кыргызстан радиосуна маек берип жатып билдирди.

Анын айтымында, Евразия экономикалык комиссиясынын алдында түзүлгөн илимий-техникалык кеңештин алгачкы отуруму 10-сентябрда болгон.

Вице-премьер: интеграциялык процесстер өлкө эгемендигине коркунуч келтирбейт

"Көйгөйлөр көбүнесе бир эле мамлекет менен чектелбейт. Айрым маселелер бир аймакта жашаган же чектеш өлкөлөрдүн баарына өз таасирин тийгизет. Азыр "Евразиялык жол", "Бир алкак — бир жол" деген долбоорлор бар. Алардагы кездешкен айрым маселелерди чечүү үчүн илимий колдоо зарыл. Ошондуктан илимди интеграциялоо биздей экономикасы чакан өлкө үчүн абдан керек болууда. Анткени бул тармак чоң каражатты талап кылат. Ал эми бизде СССР тарагандан бери илимди каржылоо өтө солгун жүрүп келет. Эгер уюмдун алкагында кызматташуу күч алса, бири-бирине ар тараптан колдоо көрсөтүүгө мүмкүнчүлүк түзүлөт. Себеби бирликтин ичиндеги өлкөлөрдүн биринде каражат менен камсыздоо жакшы болсо, башкасы заманбап жабдууланган. Интеграциялоо ишке ашса ушуларды бирге колдонуу жолдорун карап көрсө болот. Ал үчүн бири-бирине карама-каршы турган улуттук мыйзамдарды шайкеш келтирүү зарыл", — деди Жуматаев.

Академик илимди интеграциялоону ишке ашыруу үчүн ортодо атайын фонд түзүү сунушталганын кошумчалады.

47
Белгилер:
көйгөй, кызматташуу, илим, Евразиялык экономикалык биримдик, Мурат Жуматаев
Тема боюнча
ЕАЭБ өлкөлөрү илим менен техниканы биргеликте өнүктүргөн кеңеш түздү
АКШнын Киевдеги элчилигин имараты. Архив

Киевде АКШ элчилигинде иштеген аялдын өлүмүнүн себеби иликтенип жатат

0
(жаңыланган 22:52 30.09.2020)
Алгач полиция аялды өлтүрө сабап кетишкенин билдирсе, кийинчерээк жергиликтүү басылмага укук коргоо органдарындагы ишенимдүү адам аны поезд коюп кетиши мүмкүндүгүн маалымдаган.

БИШКЕК, 30-сен. — Sputnik. Украинанын борбору Киевде АКШ элчилигинин кызматкеринин өлүмү иликтенип жатат. Бул тууралуу РИА Новости жазды.

Киев Улуттук полициясынын маалымат кызматы дипөкүлчүлүктүн кызматкери ооруканага токмок жеп түшкөндөн кийин каза тапканын билдирген. Укук коргоо органдары окуянын жагдайын тактап жатат.

Трамп: полиция кызматкерлерин жөн жерден атып кеткен киши өлүм жазасына тартылат

Полициядан билдиришкендей, шаршемби күнү Киев шаарынын Шевченко районундагы темир жол каттамына жакын жердеги токойлуу аймакта башынан жаракат алган аял жатканы тууралуу маалымат түшкөн. Ал жакка полиция кызматкерлери жана башка кызматтардын өкүлдөрү жөнөп кеткен.

"Аял эс-учун жоготкон абалда ооруканага жаткырылып, кийин ал ошол жерден көз жумган. Жабырлануучунун буюмдарын текшерүү учурунда анын АКШ элчилигинде иштей турганын тастыктаган күбөлүк табылган. Ыкчам иликтөө иш-чараларынын натыйжасында кызматкерге кол салышы ыктымал делген адамдын болжолдуу портрети түзүлүп, изделип жатат", — деп айтылат маалыматта.

Украина полициясынын өкүлдөрү РИА Новостиге маркумдун жарандыгы тактала электигин билдиришкен. Жергиликтүү маалымат каражаттарынын жазышынча, аялдын аты Санвер Никаело болгон.

Андан кийин "Цензор.НЕТ" басылмасы укук коргоо органдарындагы ишенимдүү адамга таянуу менен элчиликтин кызматкерин поезд коюп кетиши ыктымалдыгын жазган. Аял кулакчын тагынып алып темир жол жакта чуркаганы божомолдонгон.

Ошондой эле маалымат берген киши элчиликтин кызматкери желке тушунан оор жаракат алганын кошумчалаган.

0
Белгилер:
иликтөө, өлүм, кызматкер, элчилик, АКШ, Киев, Украина
Тема боюнча
Киев: бомба жардырам деген өзбекстандыкты аскерлердин кармаган учуру. Видео