Мамлекеттик салык кызматынын маалыматтык камсыздоо бөлүмүнүн башчысы Эркин Сазыков

Сазыков: ишкерлер салыкты кечиктиргени үчүн үч айга чейин айып салынбайт

(жаңыланган 13:53 10.04.2020)
Мамлекеттик салык кызматынын маалыматтык камсыздоо бөлүмүнүн башчысы Эркин Сазыков коронавирус пандемиясына байланыштуу салык төлөөчүлөргө бир топ жеңилдиктер каралгандыгын айтты.
Сазыков: ишкерлер салыкты кечиктиргени үчүн үч айга чейин айып салынбайт

Мамлекеттик жана муниципалдык кызматкерлер мыйзам боюнча ушул жылдын 1-апрелине чейин декларация тапшырышы керек болчу. Бирок келип чыккан кырдаалга байланыштуу бир жылга, тактап айтканда, 2021-жылдын апрель айына чейин жылдырылды. Бул тууралуу Эркин Сазыков Sputnik Кыргызстан радиосунун эфиринде маек куруп жатып билдирди.

Анын айтымында, аталган кызматкерлер эмдиги жылы эки жылдын декларациясын тапшырышат.

"Өлкөдөгү пайда болгон абалга байланыштуу ушул жылдын 3-апрелинде президент мыйзамга кол койду. Анын негизинде салык төлөөчүлөргө бир топ жеңилдиктер каралган. Мисалы, ишкерлер айлык же кварталдык салыктарын төгүп турчу. Кечиктирген учурда 0,09 пайыз туум жазылчу. Эми ушул жылдын июнь айына чейин өтүп кеткен айларга туум эсептелбейт жана бөлүп төлөө мүмкүнчүлүгү бар. Ошондой эле салыктык санкциялар колдонулбайт. Башкача айтканда, жеке жактарга 1000, юридикалык тараптарга 5000 сом өлчөмүндө салык төгүүнү кечиктиргендиги үчүн салынчу айып пулдар да ушул аралыкта жокко чыгарылды. Бул мыйзамдын ЕАЭБ өлкөлөрүнөн импорт менен алектенген ишкерлерге тиешеси жок. Анткени алар товарларын мурдагыдай эле Кыргызстанга алып келип, сатып жатышат. Бирок эгер бул ишкерлердин арасында медициналык керектелүүчү заттарды ташыгандар болсо, кошумча нарк салыгынан бошотулат ", — деди Сазыков.

Ал өлкөгө буудай ташып келип, республиканын ичинде ун кылып саткан ишкерлерди да кошумча нарк салыгынан бошотуу боюнча иштер жүрүп жаткандыгын кошумчалады.

Белгилер:
коронавирус, салык, экономика, Эркин Сазыков
Тема:
Коронавируска байланыштуу Кыргызстандагы кырдаал (2672)
Тема боюнча
Кыргызстанда декларация тапшыруу мөөнөтү жылдырылмай болду
ЕАЭБ өлкөлөрүнө азык-түлүктүн айрым түрлөрүн салыгы жок киргизүүгө уруксат берилди
Өкмөт бизнеске жеңилдиктерди бергени жатат. Сунуштардын тизмеси
Эне жана баланы коргоо борборунун патология бөлүмүнүн неврологу, медицина илимдеринин кандидаты Нурмухамед Бабажанов

Бабажанов: өлкөдө полиомиелит менен ооруган бала жок

(жаңыланган 10:44 23.04.2021)
Эне жана баланы коргоо борборунун патология бөлүмүнүн неврологу, медицина илимдеринин кандидаты Нурмухамед Бабажанов шал менен ооруган бейтап акыркы жолу 1993-жылы катталганын айтты.

Балдар арасында церебралдык шал, талма жана бала эненин курсагындагы кезинде же төрөлүп жатканда алган жаракатынан улам баш мээнин жабыркашы эң негизги көйгөй. Нерв ооруларынын пайда болушунун себептери баланын тубаса кемтик менен төрөлүшү, аны шарттаган тукум кууган оорулар, ата-эненин ден соолугу, жашоо образы, эненин канынын аздыгы себеп болот. Бул тууралуу Нурмухамед Бабажанов Sputnik Кыргызстан радиосунун эфиринде маек куруп жатып билдирди.

Бабажанов: өлкөдө полиомиелит менен ооруган бала жок

Анын айтымында, полиомиелитке каршы балдарды массалык түрдө эмдөөдөн улам азыр өлкөдө бул илдет менен ооруган адам жок.

"Полиомиелит же шал оорусу курч өтүүчү жугуштуу оору. Көбүнчө кичинекей балдар менен өспүрүм курактагылар оорушат. Ошентсе да кичинесинде полиомиелитке каршы эмдөөдөн өтпөй калган чоңдор да ооруну жуктуруп алган учурлар бар. Оору борбордук нерв системасын, биринчи кезекте жүлүндү жабыркатып, өтүшүп кетсе шалга кептей тургандыгы менен кооптуу. Вирус кан аркылуу жүлүнгө барып булчуңдарды иштете турган мотордук клеткаларды талкалайт. Ошондуктан баланын колу-буту иштебей майып болуп калат. Ошондой эле кээде жутуу жана дем алуу булчуңдары да шал болуп, өлүмгө алып келген учурлар бар. Эгер бала шал болуп калса кайра толук калыбына келе албайт. Кыргызстанда 1960-жылдары полиомиелит менен ооруп калып мүмкүнчүлүгү чектелген балдарды реабилитациялоо үчүн Ак-Сууда санаторий ачылган. Акыркы жолу шал менен ооруган бейтап 1993-жылы катталган. Ал эми 2010-жылы коңшу Тажикстанда ооругандар катталып, биз үчүн кооптулук жаралган эле. Мурда төрөт үйүндө эле балдардын оозуна шал оорусуна каршы дары тамчылатып койчу элек. Азыр, кудайга шүгүр, аталган илдет менен жабыркаган балдар жок. Бирок дүйнө жүзүндө оору дагы деле бар. Алсак, Кыргызстанга вирустун очогу бар Индия, Пакистандан адамдар келип-кетип жатышат. Ошондуктан азыр улуттук календарь боюнча балдар жылына төрт ирет полиомиелитке каршы вакцина алышы зарыл", — деди Бабажанов.

Дарыгер 2010-жылдан бери шал илдетинин белгилери болгон балдардын анализи тоңдурулуп Москвадагы Чумаков институтуна жөнөтүлүп, ал жактан диагноз коюлуп жатканын кошумчалады.

Белгилер:
өспүрүм, бала, илдет, вирус, нерв, полиомиелит, Нурмухамед Бабажанов
Тема боюнча
Өлкөдө балдарга полиомиелитке каршы вакцина сайыла баштады
Электромобиль долбоорунун түзүүчүсү жана жетекчиси Дастан Чаргынов

Чаргынов: электромобилдин чыгымы жөнөкөй унаадан 70 эсе аз болот

"Электромобиль" долбоорунун түзүүчүсү жана жетекчиси Дастан Чаргынов аталган унаалардын пайдалуу жактарын атап берди.

Электромобилдердин чыгымы кадимки унаалардан 50-70 пайызга аз. Тактап айтканда, бензинге кетирген акчанын ушунча көлөмүн үнөмдөп калууга болот. Бул тууралуу Дастан Чаргынов Sputnik Кыргызстан радиосуна маек куруп жатып билдирди.

Чаргынов: электромобилдин чыгымы жөнөкөй унаадан 70 эсе аз болот

Анын айтымында, учурда Бишкек шаарында 200дөй электромобиль айдоочулары бар.

"Электромобилдер шаар ичинде айдоого абдан ыңгайлуу. Биринчиден, экологиялык жактан таза жана күйүүчү майга болгон чыгымды үнөмдөйт. Мисалы, автоунааны 100 чакырымга айдап баруу үчүн 500-700 сом каражат жумшалат. Ал эми электромобиль менен ушул эле аралыкка 10-11 сом коротуп, жетип алууга мүмкүн. Мен өзүм аталган унаанын айдоочусумун. Бизде көпчүлүк адамдар алыс жолго чыга албай калабыз деп кооптонушат. Бирок мен бир жолу кубаттап алып, электр унаам менен Балыкчыга чейин жетип алам", — деди Чаргынов.

Ал ошондой эле электромобилдер коопсуздук жагынан кадимки автоунаалардан кем калбай тургандыгын кошумчалады.

Белгилер:
экология, шаар, каражат, электромобиль
Тема боюнча
Кыргызстанда автоунаа импортунун көлөмү эки эсеге азайды