Кыргыз билим берүү академиясынын инновация жана илим бөлүмүнүн башчысы Дамира Жумабаева

Педагог дистанттык окутууда ата-энелерге бир нече кеңеш берди

5062
Кыргыз билим берүү академиясынын инновация жана илим бөлүмүнүн башчысы Дамира Жумабаева окуучунун үйдөн билим алуусуна ата-энелерди жоопкерчиликтүү мамиле кылууга чакырды.
Педагог дистанттык окутууда ата-энелерге бир нече кеңеш берди

Учурдагы абалга байланыштуу кыска убакыттын ичинде дистанттык билим берүү ата-энелер, окуучулар үчүн эле эмес, педагогдор үчүн да чоң жаңылык болду. Мындай пикирин Дамира Жумабаева Sputnik Кыргызстан радиосуна маек берип жатып билдирди.

Анын айтымында, балдардын үйдөн окушуна ата-энелер биринчи кезекте шарт түзүп бериши керек.

"Онлайн окутуу баарыбыз үчүн эле жаңылык болуп жатат. Ошентсе да мугалимдер дилгирлик менен чымырканып, өз иштерин жасоодо. Ата-энелер да түшүнүү менен кабыл алып, бир үйдөн бир нече бала окуганына карабай шарт түзүп бергенге аракеттенип жатканына күбө болуудабыз жана бул үчүн аларга педагогдор ыраазычылык билдиребиз. Балдарын компьютер, жок эле дегенде жакшы смартфондор менен камсыздап, керектелүүчү бардык буюмдарды таап бергенге аракет кылып жатышат. Бирок муну менен катар эле майда нерселерге маани бербей калган учурлар болушу мүмкүн. Мисалы, мүмкүнчүлүк болсо баланын сабак окуганына өзүнчө бир бөлмөнү даярдаган жакшы. Ал жерде окуучунун дене боюна ыңгайлашкан столу болуп, ага терезеден күндүн нуру тийип турушу керек. Колдончу китеп, компьютер, дептер, калем саптары столдун үстүнө алдын ала даярдалып коюлушу шарт. Окуучу онлайн билим алып жатканда тынчтыкты камсыздоо да өтө маанилүү", — деди Жумабаева.

Педагог дистанттык окутууда ар бир сабак 20 мүнөткө созулуп, ортолорунда тыныгуу каралганын кошумчалады.

5062
Белгилер:
эреже, окутуу, мектеп, Дамира Жумабаева
Тема боюнча
Москвада окуучу кааласа мектепке барбай койсо болот. Жаңы эреже
Туризм ассоциациясынын төрагасы Эрмек Мырзабеков

Мырзабеков: кышкы туризм дагы кризиске кептелүү коркунучунда

1
Туризм ассоциациясынын төрагасы Эрмек Мырзабеков өлкөдө кышкы туризм да киреше алып келе албай тургандыгын айтып, бул тармактагы ишкерлерге тынчсызданды.
Мырзабеков: кышкы туризм дагы кризиске кептелүү коркунучунда

Коронавирустун таасиринен улам болгон туризм тармагындагы кризистин таасири алдыда билинет. Мындай пикирин Эрмек Мырзабеков Sputnik Кыргызстан радиосуна маек берип жатып билдирди.

Анын айтымында, коронавирус туризм бизнесин эки доорго бөлүп койду.

Кыргызстанда туризм тармагында канча адам ишсиз калды. Кейиштүү сандар

"2019-жылга салыштырмалуу туризм багытындагы өнүгүү тескери динамиканы көрсөтүп калды. Көпчүлүгү кризис деп жатат. А чынында каатчылык эми болот. Себеби туризм менен жан баккан аймактарыбыз бар. Алсак, Ысык-Көл облусунун тургундары, ишкерлери турсезондо каражат таап, аны менен бир жыл жашайт. Быйыл андай болгон жок. Демек, алар мурда топтолгон, катылган каражаттарын колдонушууда. Ал акчалар деле акыры түгөнөт. Мына ошондо биздин экономика, коом үчүн кыйын убак келет. Албетте, учурда кышкы туризмди тосуп алууга даярдыктар көрүлүп жатат. Бирок медиктер боолголоп жаткандай эпидемиологиялык абал кайрадан начарласа, кышкы туризм тармагында кызмат көрсөткөн ишкерлер дагы катаал күнгө туш болушу ыктымал. Негизи эле бул вирус дүйнө жүзүндөгү туризмди эки доорго бөлүп койду", — деди Мырзабеков.

Ошондой эле ал туризм тармагына өкмөт тарабынан бөлүнгөн каражат жеткиликтүү деңгээлде таканчык боло албастыгын кошумчалады.

1
Белгилер:
каатчылык, коронавирус, туризм
Тема боюнча
Карап эле турсаң!.. Бирде бар, бирде жок болгон Көл-Суунун укмуш сүрөттөрү
Ветеринария инспекциясына караштуу мал ылаңына мониторинг жүргүзүү бөлүмүнүн башчысы Чыңгыз Романов

Романов: кутурма жуктуруп алгандан кийин андан айыгуу кыйын

33
Ветеринария инспекциясына караштуу мал ылаңына мониторинг жүргүзүү бөлүмүнүн башчысы Чыңгыз Романов мамлекетте каражат жетишсиз болгондуктан жапайы жаныбарлар арасында кутурма оорусуна каршы алдын алуу иш-чараларын жүргүзүүгө мүмкүнчүлүк жок экенин айтты.
Романов: кутурма жуктуруп алгандан кийин андан айыгуу кыйын

Ветеринария инспекциясы кутурманы алдын алуу максатында аталган илдет тууралуу кыска видеороликтерди жер-жерлерде көрсөтүп келет. Андан тышкары, үй жаныбарларын кармоо, багуу шарттары боюнча окуучулар, студенттер арасында түшүндүрүү иштерин жүргүзүп жатат. Ошондой эле эл көп топтолгон коомдук жайларга кутурма оорусу тууралуу буклет, брошюралар таркатылууда. Бул тууралуу Чыңгыз Романов Sputnik Кыргызстан радиосунун эфиринде маек куруп жатып билдирди.

Ошто жыл башынан бери алты жаныбардан кутурма табылган

Анын айтымында, кутурма дарты дүйнөнүн 53 мамлекетинде кездешет, андан жылына 70 миңден ашык адам каза табат.

"Кутурма ылаңы менен карышкыр, ит, чөө, ийри мүйүздүү жаныбарлар, келемиш, түлкү, суур, чымчыктар, адам, кыскасы, жылуу кандуу жандыктын баары ооруйт. Жаратылышта кутурманы козгоочу вирустар жапайы жырткычтар арасында сакталып келет. Кутурган жаныбар адамды тиштегенде вирус шилекейи аркылуу жугат. Шилекей адамдын денесиндеги жарага түшүп же мурунга, оозго кирип кетсе да оору козголот. Адамдарга көбүнчө вирус ит-мышык тиштегенде өтөт. Өзгөчө күз-кыш жана жаз мезгилинде токойдогу ачка жапайы жаныбарлар айыл аралап кетип, үй жаныбарлары менен контакт болот. Жылына мамлекеттик бюджеттин эсебинен 500 миңдин тегерегинде вакцина сатып алынып, аймактарда кутурмага каршы эмдөө жүргүзүлөт. Ал эми адамдар өз учурунда эмдөө алып ооруну алдын алса болот. Илдет жуктуруп алгандан кийин андан айыгуу кыйын", — деди Романов.

Адис кайсы жаныбар тиштебесин, жаракат алган жерин самындап жууп, йод же таза спирт менен сүртүп, дароо ооруканага кайрылуу керектигин эске салды.

33
Белгилер:
оору, кутурма, Чыңгыз Романов
Тема боюнча
Кутурмага кабылган адам айыкпайт. Дарыгер илдеттен сактануу жолдорун айтты