Данакер үй-бүлөнү бекемдөө борборунун психологу Нуриза Батырбекова

Батырбекова: бала ата-эненин жүрүм-турумун толугу менен көчүрүп алат

163
(жаңыланган 15:46 19.06.2020)
"Данакер" үй-бүлөнү бекемдөө борборунун психологу Нуриза Батырбекова эгер ата-эне урушуп кетип, балдарынын көзүнчө бири-биринен кечирим сураса, бул аларга үлгү болуп берерин айтты.
Батырбекова: бала ата-эненин жүрүм-турумун толугу менен көчүрүп алат

Үй-бүлө мүчөлөрү менен пикир келишпестик болуп кетсе, "биз эмне үчүн урушуп жатабыз, бизге бул нерсе эмне берет?" деп өзүңөргө суроо узатсаңар, болбогон нерсеге урушуп жатканыңарды түшүнүп, конфликт да токтоп калат. Эгер адам биринчи кечирим сураса, бул анын күчтүү экенин белгилейт. Бул тууралуу Нуриза Батырбекова Sputnik Кыргызстан радиосунун эфиринде маек куруп жатып билдирди.

Анын айтымында, ата-эне үйдө өзүнүн жүрүм-турумуна көңүл бөлүшү керек. Себеби бала чоңдор кылган нерсени толук көчүрүп алат.

"Эгер жолдошуңуз же жубайыңыз менен араздашып калсаңыз, ошол жерден өзүңүздү дароо токтотуп, "мен бул адам менен гана ушинтип уруша беремби же башкалар менен деле конфликтке барамбы?" деген суроого жооп издеши керек. Чын эле адам үйдө отура берип буулуктубу же өзүнүн мүнөзү ушундайбы? Эгер үйдө телевизор же башка нерсе талашып урушкан болсо, анда келишип алган туура. Мисалы, кинону саат үчтөн алтыга чейин мен көрөм, жетиден кийин сен көрөсүң деген сыяктуу. Үй жумуштарын аткарып жатканда деле бөлүшүп алган жакшы. Колдон келсе график түзүп алсаңар абдан сонун болот. Алсак, эртең менен туруп гимнастика, андан соң тамак жасоо, түштө китеп окуу же болбосо эшикке чыгып дем алуу, андан кийин үй тазалоо деген сыяктуу. Ушул жерден кошумчалап кетсем, үйдө биргеликте кооздоп даамдуу, пайдалуу тамак жасап жесе, бул дагы кубаныч гормонун бөлүп чыгарганга жардам берет. Эгер кызык болсо, когнитивдүү жүрүм-турум терапиясы тууралуу жетон экономикасынан интернеттен кененирээк окуп алсаңар болот. Буга кошумча, үйдө отурган адам өзүн-өзү өнүктүргөнгө аракет кылып, ошону менен бирге балдардын окуусуна көңүл бөлүшү керек. Бул ошол эле онлайн-курстар, китептер, анан балдар менен бирге сүрөт тартуу. Мисалы, сүрөттү чоңдор да, балдар да түрдүү боектор менен тартса, ичтеги терс энергияларды чыгарып салууга мүмкүнчүлүк бар. Андан тышкары, тигүү, түймө түйүү, машина же башка техникаларды оңдоо адамга жакшы энергия берет", — деди Батырбекова.

Психолог азыркы кырдаал өзүмчүл балдарды адамдар менен аралашып, чогуу иш кылганга көндүрүүгө ыңгайлуу учур экенин белгиледи.

163
Белгилер:
Нуриза Батырбекова, Конфликт, карантин, психолог
Тема боюнча
Батырбекова: ар бир нерсенин позитивдүү тарабын алганга аракет кылуу керек
Дарыгер-офтальмолог Өмүрбек Жолдошев. Архив

Жолдошев: коронавирус көз аркылуу жугат деген божомолдор бар

58
(жаңыланган 18:42 07.08.2020)
Дарыгер-офтальмолог Өмүрбек Жолдошев коронавирустун симптомдорунун бири конъюнктивит, тактап айтканда, көздүн кызаруусу экенин айтты.

Коронавирус көз аркылуу жугат деген божомолдор бар. Ошондуктан дарыгерлер коргонуучу көз айнектерди кийип иштешет. Бул тууралуу Өмүрбек Жолдошев Sputnik Кыргызстан радиосуна маек куруп жатып билдирди.

Жолдошев: коронавирус көз аркылуу жугат деген божомолдор бар

Анын айтымында, бул илдет адамдан адамга, бир көздөн экинчи көзгө жугушу мүмкүн.

"Коронавирустун көзгө тийгизген таасири конъюнктивит деген оору аркылуу билинет. Конъюнктивит – бул көздүн сыртындагы жука чел. Ал көздүн кургашынан же кандайдыр бир соккудан сактап турат. Адамга COVID-19 жукканда сезгенип, кызарып, кычышып, көздөн ириң сыяктуу суюктук дагы агышы мүмкүн. Бирок бул адамдын көрүүсүнө же көздөгү эң маанилүү органдарга терс таасирин тийгизбейт. Ошол эле учурда коронавирус көз аркылуу жугат деген ыктымалдуулук бар. Мындан улам дарыгерлер иштеп жатканда бет кап же коргоочу көз айнектерди колдонушат. Божомол боюнча жөтөлгөндө же сүйлөгөндө ооздон чыккан шилекей чачырап вирустар көздүн сыртындагы жука чел кабыкка жабышып, организмге кирип кетиши мүмкүн", — деди Жолдошев.

Чылым чеккендер коронавирусту жеңил көтөрөбү? Пульмонологдун жообу

Дарыгер конъюнктивит коронавирустун эле эмес башка да көптөгөн оорулардын симптому болушу ыктымалдыгын кошумчалады.

58
Белгилер:
симптом, коронавирус, көз
Тема:
Дүйнөгө жайылган коронавирус
Тема боюнча
Россия COVID-19га каршы вакцинаны ноябрда өндүрө баштайт
Өкмөттүн Ош облусундагы ыйгарым укуктуу өкүлү Узарбек Жылкыбаев. Архив

Жылкыбаев: быйыл Ош облусунда 41500 гектарга кылкандуу дан эгиндери себилген

33
(жаңыланган 13:52 07.08.2020)
Өкмөттүн Ош облусундагы ыйгарым укуктуу өкүлү Узарбек Жылкыбаев аталган аймактагы оруп-жыюу иштери боюнча айтып берди.
Жылкыбаев: быйыл Ош облусунда 41500 гектарга кылкандуу дан эгиндери себилген

Быйыл жалпысынан 41500 гектарга кылкандуу дан эгиндери себилген. Учурда оруп-жыюу иштери аяктап калды. Бул тууралуу Узарбек Жылкыбаев Sputnik Кыргызстан радиосуна маек куруп жатып билдирди.

Анын айтымында, облуста буудай, арпанын түшүмдүүлүгү былтыркыдай эле деңгээлде.

"Февраль айында коронавирусту Кыргызстанга киргизбөө чараларын көрүү жана инфекция республикада катталып калган учурда азык-түлүк тартыштыгын алдын алуу боюнча өкмөттө жыйын болгон. Ошол жерден аймактарга кылкандуу дан эгиндерин жылдагыдан көбүрөөк себүү тапшырмасы берилген. Биз бул тапшырманы дыйкандарга түшүндүрүп, сунуш киргизгенбиз. Жыйынтыгында быйыл жалпысынан 41500 гектар жерге арпа, буудай себилген. Бул былтыркыга салыштырмалуу 4000 гектарга көп. Анын 27000дей гектары буудай, калганы арпа. Буудайдын түшүмү былтыркыдай эле болууда, андыктан салыштырмалуу 5500 тоннага көп жыйналды. Ал эми арпаныкы бир аз төмөнүрөөк, бирок аянтынын көптүгүнө карап, тартыштык жаралбайт деп ойлойм", — деди Жылкыбаев.

Аткаминер аталган облуста айдап-себүү жана оруп-жыюу иштеринде көйгөйлөр жаралбагандыгын, сугат маселелеринде гана бир аз тартыштык болгонун кошумчалады.

33
Белгилер:
түшүм, Буудай, Узарбек Жылкыбаев
Тема боюнча
Жээнбеков: экономикалык кыйынчылыктар элге таза суу жеткирүүгө тоскоол болбойт
Ысык-Көл. Архив

Ишембиге карата аба ырайы

0
(жаңыланган 21:07 07.08.2020)
8-августта түнкүсүн жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

БИШКЕК, 7-авг. — Sputnik. Эртең, 8-августта ишембиде күндүз Талас облусунун айрым райондорунда жана Чүйдүн тоо этектериндеги аймактарында өткүн өтөт. Республиканын башка облустарында күн ачык болот. Бул тууралуу Кыргызгидромет билдирди.

Абанын температурасы Чүйдө +32...+37, Талас өрөөнүндө +30...+35, Ош, Жалал-Абад жана Беткенде +33…+38, Ысык-Көл аймагында +24...+29, Нарын жергесинде +25...+30 градус болот.

Ал эми Бишкек, Ош жана Чолпон-Ата шаарларында жамгыр жаабайт. Күндүн табы борбор калаада +35...+37, Ош шаарында +36 ...+38,  Чолпон-Атада +24...+26 градусту көрсөтүп турат.

0
Белгилер:
аба ырайы, Кыргызстан
Тема боюнча
Күн ачык болобу? Дем алышка карата аба ырайы