ЖИА бизнес-ассоциациясынын аткаруучу директору Фархат Пакыров

Пакыров: өзгөчө абал киргизилбеген аймактарда өндүрүш иштеши керек

298
ЖИА бизнес-ассоциациясынын аткаруучу директору Фархат Пакыров ишкерликти токтотуу чоң жоготууларга алып келерин айтты.
Пакыров: өзгөчө абал киргизилбеген аймактарда өндүрүш иштеши керек

Өзгөчө абал киргизилбеген аймактарда өндүрүш иштей бериши керек. Анткени өлкөдө жумушсуздук күндөн-күнгө күч алып, абал оорлошуп бара жатат. Бул тууралуу Фархат Пакыров Sputnik Кыргызстан радиосуна маек куруп жатып билдирди.

Анын айтымында, жумушсуздардын санынын көбөйүшүнө чет жактагы мигранттардын кайтып келүүсү дагы түрткү болууда.

"Ошол эле жеткирүү, азык-түлүк тармагындагы көптөгөн ишкерлер өткөрмө кагаздарын ала албай жатканын айтып, ЖИА бизнес-ассоциациясына кайрылышууда. Мындан тышкары курулуш тармагындагы айрым компаниялар ишин улантууга уруксат сурашууда. Себеби алардын кээ бир участокторунда техникасы иштей берет. Өзгөчө абал киргизилген аймактарда мейли, түшүнсө болот. Бирок мындай абал киргизилбеген аймактардагы ишканалардын ишмердүүлүгүн улантууга уруксат бериш керек. Мисалы, Ысык-Көлдөн курулуш тармагындагы компания кайрылды. Алар жумушчуларыбызды сыртка чыгарбай, ишмердүүлүктү уланта берсек деп жатышат. Ошол эле Чүй облусундагы жеңил өнөр жай тармагындагы ишканалардын ишмердүүлүгүнө жергиликтүү тургундар эле тоскоолдук жаратып жаткан учурлар болуп жатат. Ошондуктан бул боюнча тийиштүү тараптар кеңешип, кандайдыр программаларды кабыл алуу зарыл. Чукул арада тийиштүү аракеттерди жүргүзүү боюнча макулдашуу керек. Эгерде кырдаал ушул таризде улана турган болсо, өкмөт тарабынан берилип жаткан азык-түлүк себети деле түгөнөт. Ишкерлерди дагы жоготуп алышыбыз мүмкүн. Анда экономика чоң жоготууга учурайт", — деди Пакыров.

Ошондой эле ал учурда тийиштүү органдар көбүнчө "баарын штаб чечет" деп пассивдүү иш алып барып жатканын кошумчалады.

298
Белгилер:
кагаз, өткөрмө, Фархат Пакыров
Тема боюнча
Пакыров: ишкерлерди колдоо иштери чабал болууда
Улуттук статистика комитетинин статистикалык каттоолор бөлүмүнүн башкы адиси Жолдошбек Соодаев. Архив

Соодаев: эл каттоодо мигранттар тууралуу маалыматтар топтолот

40
Улуттук статистика комитетинин статистикалык каттоолор бөлүмүнүн башкы адиси Жолдошбек Соодаев элди жана турак жайды каттоо 96 пайыз даяр болуп калганын айтты.
Соодаев: эл каттоодо мигранттар тууралуу маалыматтар топтолот

Бул жолку жүргүзүлө турган элди жана турак жайды каттоодо мигранттар тууралуу маалыматтар топтолот. Бул тууралуу Жолдошбек Соодаев Sputnik Кыргызстан радиосуна маек куруп жатып билдирди.

Анын айтымында, аталган өнөктүктү жүргүзүү эпидемиологиялык абалдан улам белгисиз мөөнөткө жылдырылган.

Эл каттоо: үйгө шылуун эмес, каттоочу келгенин кантип айырмаласа болот

"КМШга мүчө-мамлекеттер 2019-жылдын күзүнөн 2020-жылдын жазына чейин эл каттоо өткөрүш керек болчу. Анын ичинен Кыргызстан алгачкылардан болуп ушул жылдын 21-мартынан 1-апрелине чейин жүргүзө турганын расмий белгилеген. Аны өткөрүү үчүн тийиштүү даярдыктар жүргүзүлүп, бирок коронавирустук пандемияга байланыштуу убактылуу жылдырылды. Мерчемделгени боюнча, эл каттоо бул жолу электрондук форматта, телефон аркылуу жүргүзүлөт. Ошондой эле бул жолку өнөктүктө эмгек мигранттары тууралуу кеңири малыматтар топтолот. Бул мекендештерибиздин агымы кайсы өлкөгө күч болуп жатканын жана эмне менен алектенерин билүүгө шарт түзөт", — деди Соодаев.

Адис ошондой эле каттоодо турак жай жана анын ичиндеги шарттар тууралуу маалыматтар чогултула турганын кошумчалады.

40
Белгилер:
мигранттар, Кыргызстан, каттоо
Тема боюнча
Соодаев: эл каттоодо мүмкүнчүлүгү чектелгендер тууралуу маалымат топтолот
Экономика илимдеринин доктору, профессор Төлөнбек Абдыров

Абдыров: Кыргызстан ЕАЭБдин мүмкүнчүлүктөрүн колдоно албай жатат

39
Экономика илимдеринин доктору, профессор Төлөнбек Абдыров ЕАЭБге кирген беш жылдын ичинде Бажы кодексине Кыргызстан анча маанилүү эмес сунуштарды берип келе жатканын айтты.
Абдыров: Кыргызстан ЕАЭБдин мүмкүнчүлүктөрүн колдоно албай жатат

Кыргызстан Евразиялык экономикалык биримдиктин мүмкүнчүлүктөрүн тийиштүү деңгээлде колдоно албай жатат. Мындай пикирин Төлөнбек Абдыров Sputnik Кыргызстан радиосуна маек куруп жатып билдирди.

Анын айтымында, ЕАЭБ менен түздөн-түз иш алып барган Экономика министрлигинде бир башкармалык жана бир эле сектор бар.

Казакова: ЕАЭБ мигранттары Россияда жергиликтүүлөр менен теңата иштешет

"Эгемендүүлүк алгандан бери Кыргызстан бир топ экономикалык, соода жүргүзүү боюнча уюмдарга кирген. Бирок алардын пайдасын көрө албайт. Себеби бул багытта иш алып баруу боюнча стратегиялык пландар түзүлбөйт. Евразиялык экономикалык биримдигинин алкагында деле ошондой болуп жатат. Мисалы, уюмга мүчө-мамлекеттер Бажы кодексине 1500дөй сунуш берген. Ал эми Кыргызстан "үтүрдү алып койгула, бул сөздү кошуп койгула" деген сыяктуу анча маанилүү эмес 10го жетпеген сунуш айткан. Башкача айтканда, ЕАЭБдин алкагында тийиштүү деңгээлде Кыргызстандын таламын талашып, уюмдун мүмкүнчүлүктөрү толук кандуу колдонулбай жатат", — деди Абдыров.

Ошондой эле ал ЕАЭБдин алкагында иш алып баруучу Кыргызстандын кадрлары чабал иштеп жатышканын кошумчалады.

39
Белгилер:
кадрлар, Евразиялык экономикалык биримдик, экономика
Тема боюнча
Бактыгулов: ЕАЭБ, Кытай соода алакасы Кыргызстанга 3 млрд. сом пайда берет
Абсолюттук мушкерлер чемпионаты (UFC) россиялык чемпион Хабиб Нурмагомедов менен америкалык Жастин Гэтжинин көз караштар таймашы

Гэтжи менен Нурмагомедов көз караштар таймашын өткөрдү. Видео

0
(жаңыланган 23:08 21.10.2020)
Нурмагомедов менен Гэтжинин чемпиондук наам үчүн кармашы саналуу күндөрдөн кийин Абу-Дабидеги "Мушкерлер аралы" аренасында болот.

БИШКЕК, 21-окт. — Sputnik. Абсолюттук мушкерлер чемпионаты (UFC) россиялык чемпион Хабиб Нурмагомедов менен америкалык Жастин Гэтжинин көз караштар таймашынын видеосун жарыялады.

Бүгүн, 21-октябрда, мушкерлер маалымат жыйын өткөрүп, андан кийин салтка айлангандай бетме-бет жолугушту. Атлеттер бири-бирине сес көрсөтпөй, сый менен тике карашкан.

Посмотреть эту публикацию в Instagram

Публикация от ufc (@ufc)

Промоутерлик компания жүктөгөн экинчи видеодон Гэтжи утурумдук чемпион болгондогу бел курун тагынбай койгонун көрүүгө болот. Аны башында көтөрө келген. Ал эми чыныгы чемпион атыккан Нурмагомедов курун кармап кадрга түшкөн.

Посмотреть эту публикацию в Instagram

Публикация от ufc (@ufc)

Нурмагомедов менен Гэтжинин чемпиондук наам үчүн кармашы 24-октябрда UFC 254 турниринин алкагында Абу-Дабидеги "Мушкерлер аралы" аренасында болмокчу. Россиялык мушкер бел курун сактап калганга жан үрөйт.

0
Белгилер:
таймаш, видео, Жастин Гэтжи, Хабиб Нурмагомедов, UFC
Тема боюнча
Уайт: Нурмагомедов — Гэтжи беттеши UFC тарыхындагы эң ири таймаш болот