Мусулмандар дин башкармалыгынын окуу бөлүмүнүн башчысы Акимжан Эргешов

Эргешов: зекетти электрондук түрдө берсе болот

159
Мусулмандар дин башкармалыгынын окуу бөлүмүнүн башчысы Акимжан Эргешов карантин убагында ооз ачырып эл чакырбоого, намазды үйдө окууга үндөдү.
Эргешов: зекетти электрондук түрдө берсе болот

Коронавируска байланыштуу өлкө башынан оңой эмес күндөрдү өткөрүп жатканда орозодо аткарылчу эл топтоло турган бардык жөрөлгөлөргө тыюу салынат. Орозонун эң чоң милдеттеринин бири болгон таравих намазы да үйдөн окулушу шарт. Бул тууралуу Акимжан Эргешов Sputnik Кыргызстан радиосуна маек куруп жатып билдирди.

Анын айтымында, Рамазан айында берилчү зекетти орозо айынын ичинде бардык күнүндө бере берсе болот.

"Быйылкы орозо жылдагыдан башкача болуп карантин учуруна туш келди. Мындай убакта эл чогултуп жасалуучу жөрөлгөлөрдү өткөрүүгө тыюу салынат. Четтик өткөрмөй, ооз ачар, керек болсо эркектердин милдеттүү түрдө жамаат менен окулчу намаздарын дагы үй-бүлө мүчөлөрү менен окууга чакырып жатабыз. Анткени бардыгынан элдин, улуттун ден соолугу жогору турушу керек. Муну менен катар эле Рамазан айында берилчү битир-садаканы да электрондук түрдө которсо болот. Биз РСК банкы менен келишим түздүк. Анын электрондук капчыгын колдонуу менен зекеттен кутулуу мүмкүнчүлүгү бар. Ал эми мындай шарты жок, алыскы аймактагылар өздөрү жашаган жердеги мечиттерге берсе, ал жердеги биздин кызматкерлер колун койдуруп каттап коёт", — деди Эргешов.

Ал быйылкы зекеттин баасы адамдардын мүмкүнчүлүгүнө жараша жан башына 35 сомдон 512 сомго чейин деп белгиленгендигин кошумчалады.

Аймактарда ооз ачуу менен ооз бекитүүнүн убактысы айырмаланып турат. Sputnik Кыргызстан агенттиги дал ушул өзгөчөлүктү эске алып орозо календарын жасаган.

159
Белгилер:
Орозо ыйык айы, календарь, капчык
Тема:
Орозо — 2020 (21)
Тема боюнча
Эргешов: карантин орозо кармоого ыңгайлуу учур
Улуттук статистика комитетинин маалымат катчысы Асел Акматалиева

Акматалиева: БУУ 2030-жылга чейин туруктуу өнүгүү максаттарын кабыл алды

139
(жаңыланган 11:45 15.01.2021)
Улуттук статистика комитетинин маалымат катчысы Асел Акматалиева БУУнун өлкөлөрдө туруктуу өнүгүү максаттарын ишке ашыруу кадамдары камтылган документи 2015-жылы ага мүчө мамлекеттер тарабынан колдоого алынганын айтты.
Акматалиева: БУУ 2030-жылга чейин туруктуу өнүгүү максаттарын кабыл алды

Туруктуу өнүгүүгө жетүү үчүн дүйнөлүк деңгээлде 17 глобалдык максат кабыл алынган. Бул максаттар экономикалык бирдей өсүү, инновация, туруктуу керектөө, тынчтык жана адилеттик сыяктуу маанилүү багыттарды камтыйт. Бул тууралуу Асел Акматалиева Sputnik Кыргызстан радиосунун эфиринде маек куруп жатып билдирди.

Анын айтымында, туруктуу өнүктүрүү максаттарын ишке ашырууда Улуттук статистиканын ролу чоң.

"БУУ тарабынан кабыл алынган, өлкөлөрдү туруктуу өнүгүү жолуна салуу программасын камтыган документ бар. Кыргызстан дагы улуттук деңгээлде аталган документтеги коюлган максаттарды ишке ашырууга далалаттанып келет. 2020-жылы БУУнун Экономикалык жана социалдык кеңешинин (ЭКОСОС) Туруктуу өнүгүү боюнча жогорку деңгээлдеги саясий форумунда Кыргызстандын 2030-жылга чейинки ишке ашырышы керек болгон милдеттемелери сунушталды. Бул документте теңсиздикти, кедейчиликти кыскартуу, ачкачылыкты жоюу, адам укуктары жана соттук коргоону камсыз кылуу, жаратылышка болгон тобокелчиликти азайтуу, коомго пайдалуу көндүмдөрдү жана билимди арттыруу, жумуш орундарын түзүү, гендердик теңчилик боюнча улуттук планды ишке ашыруу пландары камтылган", — деди Акматалиева.

Ал Улуттук статистика комитети туруктуу өнүктүрүү максаттарына жетүүгө мониторинг жүргүзүү боюнча жооптуу орган болуп саналарын кошумчалады.

139
Белгилер:
БУУ, Өнүгүү, Кыргызстан, Асел Акматалиева
Тема боюнча
Кыргызстанда баалуу металл рудасын экспорттоо тонналап өстү
Мамлекеттик каттоо кызматына караштуу Архив агенттигинин бөлүм башчысы Ашырали Ырысалиев

Ырысалиев: улуттук архивдин сактоочу жайлары толду, орун жок

29
Мамлекеттик каттоо кызматына караштуу Архив агенттигинин бөлүм башчысы Ашырали Ырысалиев аталган мекемеге тиешелүү республика боюнча 65 архив бар экенин айтты.

Өлкөдө түрдүү иш кагаздарын, кино, фото, фоно документтерди сактай турган архивдик жай толуп калган. Учурда жаңы имарат куруу маселеси курч болуп турат. Бул тууралуу Ашырали Ырысалиев Sputnik Кыргызстан радиосуна маек куруп жатып билдирди.

Ырысалиев: улуттук архивдин сактоочу жайлары толду, орун жок

Анын айтымында, аймактарда республикалык маанидеги 65 архив бөлүмү бар. Мындан сырткары, 3000ден ашуун ар кайсы мекемелердин өздүк архивдеринин ишмердүүлүгүн жүргүзүүнү да аталган агенттик көзөмөлдөйт.

"Архив агенттигинде 4 миллиондон ашуун сактоо көлөм бирдигиндеги документтер бар. Улуттук архив фонду күндөн-күнгө чоңоё берүүчү мамлекеттик мекеме болуп эсептелет. Ар бир тарыхый окуяны тастыктаган иш кагаздары мына ушул жерде сакталган. Эгемендүүлүк алгандан кийинки материалдар өзгөчө баалуулукка 50-60 жылдан кийин жетет. Бирок, тилекке каршы, биздеги чоң көйгөй мындан ары архивдик документтерди сактай турган жердин жоктугу болууда. Бардык мекеме, жайларыбыз толуп калды. Архив агенттиги дотацияда отурган мамлекеттик орган болгондуктан көп жылдан бери жаңы имарат куруу боюнча маселе көтөрүлүп, бирок ишке ашпай жатат", — деди Ырысалиев.

Адис жер тилкеси бөлүнгөнүн, аны документтештирүү иштери жыйынтыкталып калганы менен курулушу качан башталары белгисиз болуп жатканын кошумчалады.

29
Белгилер:
көйгөй, курулуш, архив
Тема боюнча
"Ак кемеде" жашаган Бала. Тасмадагы таберик сүрөт
Бишкектеги Токтогул Сатылгановтун эстелиги. Архивдик сүрөт

Ишембиге карата аба ырайы

0
16-январга караган түнү республика боюнча күн ачык болуп, жаан-чачын күтүлбөйт. Жолдор тоңуп, тайгак болот.

БИШКЕК, 15-янв. — Sputnik. Ишемби, 16-январда, күндүзү өлкө аймагында күн ачык болот. Бул тууралуу Кыргызгидромет маалымдады.

Түштүк-чыгыштан соккон шамалдын ылдамдыгы секундасына 5-10 метрден кээ бир райондордо 15-20 метрге жетет.

Абанын температурасы Чүй өрөөнүндө +11...+16, Талас жергесинде +13...+18, Ош, Жалал-Абад, Баткен облустарында +12...+17, Ысык-Көлдө +4...+9, ал эми Нарын аймагында -1...-6 градус болору айтылды.

Күндүн табы Бишкекте +13...+15, ал эми Ошто +15...+17 градусту көрсөтөт.

0
Белгилер:
аба ырайы, Кыргызстан, январь
Тема боюнча
Жерге муз доору кайтышы мүмкүн