Саясат таануучу, Пикир регионалдык эксперттер клубунун тең төрагасы Шерадил Бактыгулов. Архив

Бактыгулов: ЕАЭБ ичинде жеңилдиктерди киргизүү каралууда

120
(жаңыланган 15:44 01.05.2020)
Саясат таануучу, "Пикир" регионалдык эксперттер клубунун тең төрагасы Шерадил Бактыгулов ЕАЭБге мүчө мамлекеттердин ортосунда жүк ташуу жеңилдетиле турганын айтты. 
Бактыгулов: ЕАЭБ ичинде жеңилдиктерди киргизүү каралууда

ЕАЭБдин ичинде жеңилдик процедураларын киргизүү боюнча иштер жүрүп жатат. Эгерде аталган уюм болбогондо, Кыргызстанга ар бири менен өзүнчө сүйлөшүүлөрдү жүргүзүүгө туура келмек. Бул жагынан алганда пандемия учурунда ЕАЭБ өзүн жакшы тарабынан көрсөтүп жатат. Мындай пикирин Шерадил Бактыгулов Sputnik Кыргызстан радиосуна маек куруп жатып билдирди.

Анын айтымында, 28-апрелде “Коронавирус пандемиясынын ЕАЭБ өлкөлөрүнө тийгизген экономикалык таасири” деп аталган онлайн-конференция өттү.

“Кыргызстанда эпидемиологиялык абал боюнча жакшы көрсөткүчтөр бар. Мисалы, Нарын шаарында жана Кара-Суу, Ноокат, Сузак райондорунда өзгөчө абал токтотулду. Бул вирус менен күрөшүүдө позитивдүү натыйжалар бар экендигинен кабар берет. Ошондой эле жүк ташуу үчүн чек араларыбыз ачык. Албетте дыкат текшерүүлөр жүргүзүлүүдө, бул пандемиядан улам экенин түшүнүшүбүз керек. Бирок санитардык-көзөмөл пункттарынан болушунча тез өткөрүү үчүн ЕАЭБдин ичинде процедураларды жеңилдетүү боюнча аракеттер көрүлүп жатат. Автоунааларды бажыдан тоскоолдуксуз өткөрүү боюнча маселелер каралууда. Башкача айтканда, жүк чыга турган жерден текшерилип, багытталган пунктуна чейин жашыл коридор менен өткөрүлөт. Ушундай көйгөйлөрдү жамаат менен чечкенде тездейт. Бул жагынан алганда ЕАЭБ өзүн жакшы тарабынан көрсөтүп жатат. Бул уюм болбогондо Казакстан, Россия, Белоруссия, Армениянын ар бири менен өзүнчө сүйлөшүүлөрдү жүргүзүүгө туура келмек. Андай учурда убактыбыз дагы, каражат дагы абдан коромжу болмок”, — деди Бактыгулов.

Серепчи ошондой эле учурда Евразиялык экономикалык комиссияда Кыргызстандын өкүлү иштеп жатканын кошумчалады.

120
Белгилер:
коронавирус, Евразиялык экономикалык биримдик, Шерадил Бактыгулов
Тема:
ЕАЭБдеги Кыргызстан (204)
Тема боюнча
Путин: Батыш атаандаштыктан коркуп, ЕАЭБ менен диалогго баргысы келбейт
Мамлекеттик ипотекалык компаниянын төрайымы Элмира Абжапарова ЕАЭБ

Абжапарова: ипотекалык насыя боюнча Кыргызстан ЕАЭБде үчүнчү орунда

18
(жаңыланган 14:01 21.09.2020)
Мамлекеттик ипотекалык компаниянын төрайымы Элмира Абжапарова ЕАЭБ өлкөлөрүндөгү турак жай менен камсыздоо программаларына саресеп салды.
Абжапарова: ипотекалык насыя боюнча Кыргызстан ЕАЭБде үчүнчү орунда

Мамлекет тарабынан калкты үй менен камсыздоо саясаты Кыргызстанда Евразия экономикалык биримдигине кирген өлкөлөр арасында жаман эмес позицияда турат. Мындай иликтөөсү менен Элмира Абжапарова Sputnik Кыргызстан радиосунун "Ачык кеп" программасында бөлүштү.

Абжапарова: 10 пайыз менен каалаган жаран ипотека ала алат

Анын айтымында, ЕАЭБ өлкөлөрүндө ИДП менен алганда Армения биринчи орунга чыгып, жалпы ички дүң продукциясынын 5,5 пайызын ипотека берүүгө жумшайт. Экинчиде 2,7 пайыз менен Россия турса, Кыргызстан жарандарын турак жай менен камсыз кылууга ИДПсынын 1,6 пайызын коротот.

"ЕАЭБ мамлекеттеринин калкты турак жай менен камсыздоо программалары бири-биринен кескин айырмаланып турат. Бул калкынын санынан, географиялык жайгашуусунан жана кардарлардын төлөө мүмкүнчүлүгүнөн, өлкөнүн ички экономикасынан көз каранды. Кыргызстан бул багытта өтө эле артта эмес. Жалпысынан алганда уюмга мүчө-өлкөлөрдө ипотекалык насыянын орточо пайызы Россия, Казакстанда төрт, Кыргызстанда алты пайыз, Арменияда жети, Беларуста 11 пайызга жакындап барат. Ал эми төлөө мөөнөтү да 10-30 жылды камтып, ар өлкөнүн өзүнө ылайыкташкан программасы бар. Ошондой эле уюмга мүчө бизден башка мамлекеттерде калкты турак жай менен камсыздоо багытында бир гана компания алектенбей, комплекстүү иш алып барышат. Маселен, документтерин чогулткан өзүнчө мекеме болсо, курулуш жагын караган башка ишкана жардамдашат. Кыргызстандан башка өлкөлөрдө мына ушундай системалашкан. Бизде азырынча болгону жалгыз МИК иштеп жатат, себеби өлкөнүн ипотекалык саясатты баштаганына беш гана жыл болду", — деди Абжапарова.

Ал Кыргызстанда МИК тарабынан берилчү ипотеканын мөөнөтүн кийинки беш жылдыктан тарта 20 жылга узартуу сунушу өкмөткө жиберилгендигин кошумчалады.

18
Белгилер:
Элмира Абжапарова, Мамлекеттик ипотекалык компания, Евразиялык экономикалык биримдик, ипотекалык насыя
Тема боюнча
Бизде акча бар! МИК жарандарды мамлекеттик ипотека алууга чакырды
Кыргызстандын банктар союзунун президенти Анвар Абдраев

Абдраев: банк сектору анчалык деле пайдалуу эмес

20
(жаңыланган 13:58 21.09.2020)
Кыргызстандын банктар союзунун президенти Анвар Абдраев өлкөдө айрым кредиттер КМШ мамлекеттерине салыштырмалуу төмөн пайызда бериле турганын белгиледи.
Абдраев: банк сектору анчалык деле пайдалуу эмес

Банк аманаттарды чогултуп, насыяга берет. Ортодо түшкөн каражат ар кандай кызматтарга бөлүнүп отуруп, банктардын пайдасы өтө деле чоң эмес. Бул тууралуу Анвар Абдраев Sputnik Кыргызстан радиосуна маек берип жатып билдирди.

Анын айтымында, насыянын пайызына таасир берүүчү бир нече объективдүү жана субъективдүү себептер бар.

Кыргызстанда пандемия маалында кредит алгандар менен депозиттердин саны өстү

"Айыл чарбаны колдоо максатында ипотека боюнча насыялардын пайыздары Кыргызстанда КМШ боюнча төмөн болуп эсептелет. Өнөктөш мамлекеттердин ичинде кредиттердин пайызы деле биздегиден бир аз эле жогору. Айрымдарында төмөнүрөөк, мындайча айтканда, чоң айырма жок. Алсак, Россияда пайыздык чен орточо 8,11 пайыз, Беларуста 10,4 пайыз, Арменияда 10,5 пайыз. Ал эми калган өлкөлөрдө биздегиден жогору. Ал тургай бизден экономикасы күчтүү Казакстанда 16,7 пайыз менен берилет. Ал эми бизде орточо көрсөткүч 16,75 пайыз. Дүйнө боюнча ала турган болсок, бизде жогору делинет. Буга бир канча себеп бар. Алсак, Кыргызстанда аманаттардын пайызы 13 пайызга чейин жетип, салыштырмалуу кыйла жогору. Банк ортомчу катары иш алып барып, элден аманаттарды алат. Ага ар кандай банктык кызматтарды кошуп, бир аз пайдасын эсептеп, насыяга берет. Бул жагдайдан алганда банк сектору анчалык деле киреше таппайт. Демек, өлкөдө насыянын пайызы төмөн болуш үчүн аманаттардын пайызы дагы ылдый болушу керек", — деди Абдраев.

Ошондой эле ал өлкөдөгү 23 банктын экөө мамлекеттик, бирөө Улуттук банкка караса, калгандары менчик болуп саналарын кошумчалады.

20
Белгилер:
аманат, насыя, банк
Тема боюнча
Кыргызстанда сомдун көлөмү 150 миллиарддан ашып, жаңы рекорд койду
Кара-Сууда жүк ташуучу беш унаа топурак менен жүктөп бараткандар кармалды

Кара-Сууда 5 машина топурак жүктөп бараткандар кармалып, жазага тартылды

0
(жаңыланган 16:17 21.09.2020)
Мамлекеттик экотехинспекция жергиликтүү тургундардын кайрылуусунун негизинде 15-сентябрда рейд уюштурган.

БИШКЕК, 21-сен. — Sputnik. Кара-Суу районунун Папан айыл өкмөтүндө Howo үлгүсүндөгү жүк ташуучу беш унаа менен кара топурак жүктөп бараткандар кармалды. Бул тууралуу Экотехинспекциянын Кара-Суу районундагы бөлүмү билдирди.

Маалыматта жергиликтүү тургундардын кайрылуусунун негизинде 15-сентябрда рейд уюштурулуп, түнкү саат 12лер чамасында жерди мыйзамсыз түрдө казып кара топурак жүктөгөндөр аныкталганы айтылат.

Бийлик уруксат берген. Чаткалда алтын казган компания арчаларды кыюуда

Аларга Эреже бузуулар кодексинин 170-беренесинин ("Жерлерди пайдалануу эрежелерин бузуу") негизинде 15 миң сом айып пул салынган.

Мындан сырткары, жер кыртышын бузгандыгы үчүн 5 670 сом доо коюлуп, толугу менен өндүрүлдү. Ал эми топурактар кайра ордуна төгүлгөн.

0
Белгилер:
айып пул, кармоо, Мамлекеттик экотехинспекция, топурак, Кара-Суу району
Тема боюнча
Алайда талкаланган петроглифтер маданий баалуулуктар тизмесинде жок болуп чыкты
Кара-Кечедеги трассаны тазалоо мүмкүн болбой калды. Айланма жол курулат