Алыкул Осмонов атындагы улуттук китепкананын жетекчиси Жылдыз Бакашева

Бакашева: эриш-аркак жылдын алкагында мерчемделген 30дай иш-чара жылды

67
(жаңыланган 11:24 07.05.2020)
Алыкул Осмонов атындагы улуттук китепкананын жетекчиси Жылдыз Бакашева карантинге байланыштуу туш болгон тоскоолдуктар тууралуу айтты.
Бакашева: эриш-аркак жылдын алкагында мерчемделген 30дай иш-чара жылды

Кыргызстан — Россия эриш-аркак жылынын алкагында мерчемделген 30га чукул иш-чара карантинге байланыштуу жылдырылды. Бул тууралуу Жылдыз Бакашева Sputnik Кыргызстан радиосуна маек куруп жатып билдирди.

Анын айтымында, пландалган иштердин долбоору түзүлгөн, коронавируска байланышкан карантин бүтсө көпчүлүгү аткарылат.

"2020-жыл — Кыргызстан менен Россиянын эриш-аркак жылы деп жарыяланган. Анын алкагында бир катар мамлекеттик деңгээлдеги иш-чаралар мерчемделип, китепканалардын ортосунда дагы көптөгөн иштерди өткөрүү каралган. Февралдын башында Россиянын мамлекеттик китепканасынын фонддогу документтеринин негизинде "Россия жана Кыргызстан маданий диалогу" деген көргөзмө өттү. Тилекке каршы, карантин андан кийинки өтө турган иш-чараларды токтотууга мажбур кылды. Алсак, "Кыргызстан жана Хабаровск крайы" деген улуттар аралык көпүрө Алыкул Осмоновдун туулган күнүнө карата өткөрүлмөк. Мындан тышкары, кыргыз жана орус тилдеринде китеп алмашуу, Жеңиштин 75 жылдыгына арналган, Чыңгыз Айтматовдун чыгармалары боюнча иш-чаралар, Россиянын тарых китепканасынын Кыргызстандагы күндөрү, китепкананын базасында Россиянын ЖОЖ бүтүрүүчүлөрүнүн жолугушуусу болуп, жалпысынан 30га чукул иш-чараларды өткөрүүнү пландаганбыз", — деди Бакашева.

Ошондой эле ал Улуттук китепкана көптөгөн долбоорлорду онлайн өткөрүп жатканын кошумчалады.

67
Белгилер:
Кыргызстан, Россия, китепкана, Жылдыз Бакашева
Тема боюнча
Бакашева: эриш-аркак жылда китепканалар арасында 40ка чукул иш-чара өтөт
Транспорт жана жолдор министрлигинин маалымат кызматынын жетекчиси Кылычбек Досумбетов

Досумбетов: Бишкек Кара-Балта жолун оңдоо 2021-жылы аяктайт

48
Транспорт жана жолдор министрлигинин маалымат кызматынын жетекчиси Кылычбек Досумбетов Бишкек — Кара-Балта жана Түндүк — Түштүк альтернативалуу трассасында курулуш иштери кызуу жүрүп жатканын айтты.
Досумбетов: Бишкек — Кара-Балта жолун оңдоо 2021-жылы аяктайт

Бишкек — Кара-Балта унаа жолу план боюнча быйыл ишке берилмек. Бирок учурдагы пандемияга байланыштуу, ошондой эле жол жээгиндеги түркүктөрдү которууда жакын жайгашкан кожолуктардын мүлкүнө залалы тийгендиктен ишке берүү мөөнөтү 2021-жылга жылдырылды . Бул тууралуу Кылычбек Досумбетов Sputnik Кыргызстан радиосуна маек куруп жатып билдирди.

Анын айтымында, мындан сырткары, Ош — Баткен — Исфана унаа жолунун 8-75-чакырымында курулуш иштери жүрүп жатат. Ал эми Бишкек — Ош трассасынын төртүнчү фазасына кирген Жалал-Абад — Маданият жолунун 20 чакырымга чукул жери асфальт жана бетон куюуга даяр турат.

"Өлкөдөгү ири трассалардын катарына кирген Бишкек — Кара-Балта жана Түндүк — Түштүк альтернативалуу унаа жолдорунда курулуш иштери үзгүлтүккө учураган жок. Бүгүнкү күндө ал жерлерде иш жүрүп жатат. Бирок пандемияга байланыштуу курулуш иштеринин графиги өзгөрдү. Андыктан ишти аяктоо мөөнөтү да жылып кетти. Мунун башка да себептери бар. Курулуш учурунда колдонулган оор техникалардан улам жакын жайгашкан турак жайлардын дубалынан жарака кетип, ага компенсация төлөө маселеси жаралды. Ошондой эле ал жерде көчө бойлой жайгашкан түркүктөрдү жылдыруу иштери убакытты алып жатат. Ушуга байланыштуу Бишкек — Кара-Балта унаа жолу 2021-жылы колдонууга берилет. Мындан сырткары, Кытайдан жол куруучу адистер келмек. Чек ара жабылып, алар да кечигип жатышат. Бирок бүгүнкү күндө 139 кытайлык куруучу Кыргызстанга келди. Учурда алар обсервацияда. Коңшу өлкөдөн келген адистер чыгары менен курулуш иштери тездетилет. Алар Түндүк — Түштүк альтернативалуу жолундагы туннель жана эстакаданын курулушун башташат", — деди Досумбетов.

Ал Кытайдан Түндүк — Түштүк альтернативалуу жолун курууга 450дөн ашык, Бишкек — Кара-Балта жолунун курулушуна 42 жана Бишкек — Нарын — Торугарт жолун салууга төрт адис келери пландалганын кошумчалады.

48
Белгилер:
пандемия, курулуш, жол, Кылычбек Досумбетов
Тема боюнча
Кылычбек Досумбетов: Бишкек — Нарын — Торугарт жолу толугу менен декабрда бүтөт
Саламаттык сактоо министрлигинин Республикалык эмдөө борборунун эпидемиолог-дарыгери Азим Кыргызбаев

Кыргызбаев: ата-энеси эмдетпей койгон бала Америкага окууга бара албай калган

37
Саламаттык сактоо министрлигинин Республикалык эмдөө борборунун эпидемиолог-дарыгери Азим Кыргызбаев убагында эмделбей калган балдар чоңойгондо чет мамлекетке бара албай калышы мүмкүндүгүн айтты.
Кыргызбаев: ата-энеси эмдетпей койгон бала Америкага окууга бара албай калган

Учурунда ата-энеси баш тартып койгон балдар кийин чет мамлекетке окууга, эс алууга, иштөөгө бара албай калышы толук ыктымал. Мындай окуя бизде болгон. Бул тууралуу Азим Кыргызбаев Sputnik Кыргызстан радиосуна билдирди.

Анын айтымында, убагында алынбаган эмдөөнү жылдар өткөн соң калыбына келтирүү мүмкүн эмес.

"Эмдөөдөн ата-энелер тигил же бул жүйөнү келтирип баш тартып коё беришет. Биз аларды мажбурлай албайбыз. Бирок ошол эле учурда балдарынын келечегин ойлошпойт. Анткени тиешелүү вакциналарды албаган балдар баралына жеткенде чет өлкөгө окууга, иштөөгө, ал тургай саякатка да чыга албай калышат. Мындай окуя бизде болгон. Бала мектепте жакшы окуп Америкага окууга гранттык орунга ээ болот. Жөнөй турган учуру келгенде тиешелүү эмдөөлөрдү албаганы билинет. Көрсө, ата-энеси ал кичинекей кезинде баш тартып койгон экен. Бала апасына капа болот. Апасы бизге келип, дарыгерлерди урушуп "кийин балаң чет мамлекетке бара албай калат деп айтпайт белеңер" деп чуу көтөргөн. Андыктан ата-энелер баш тартар алдында өз чүрпөмдүн келечегине балта чаап албаймынбы деп ойлонуп коюшса жакшы болот эле", — деди Кыргызбаев.

Дарыгер өзгөчө билим алууга же иш менен чыгарда, айрым өлкөлөр саякатчылардан да белгилүү бир оорулардан эмделгендиги тууралуу маалым кат сурарын кошумчалады.

37
Белгилер:
чет мамлекет, Азим Кыргызбаев, ата-эне, эмдөө
Тема боюнча
Абдраманов: унаабыз жок, бейтаптарды такси менен ташыйбыз
Баткен облусунда Исфана — Сулюкта жолунда тоолор. Архив

Сүлүктүдө жер көчүп, автоунаа жолун тосуп калды. Видео

65
(жаңыланган 23:33 06.07.2020)
Жолду тазалоо үчүн бир жүктөгүч, эки самосвал тартылып, бир тараптуу ачылган. Тазалоо иши эртең дагы улантылат.

БИШКЕК, 6-июл. — Sputnik. Баткен облусунун Сүлүктү шаарында жер көчүп, автоунаа каттаган чоң жолду тосуп калды. Бул тууралуу Өзгөчө кырдаалдар министрлигинин маалымат кызматы кабарлады.

Билдирмеге караганда, бүгүн саат 17:40 чамасында Кызыл-Бел тилкесинде болжол менен 1000 метр куб жер сүрүлүп, жолду бөгөп салган. Жабыркаган адамдар жок.

Бир үй-бүлөдөн эле... Сүлүктү шахтасындагы төрт кишинин өлүмүнүн чоо-жайы

Жолду тазалоо үчүн Кытайдын жол куруучу компаниясынан бир жүктөгүч, эки самосвал тартылып, бир тараптуу ачылган. Кеч киргендигине байланыштуу саат 20:20да тазалоо иш-чаралары убактылуу токтотулган. Иштин эртең дагы улантылары айтылат.

65
Белгилер:
тазалоо, жол тосуу, автоунаа, Жер көчкү
Тема боюнча
Адам өмүрүн эмес, сөөгүн сактап калган учурлар болот. Куткаруучунун маеги
Жыл башынан бери 35 адам сууга чөктү. Өкмөт коңгуроо кагууда