Медицина илимдеринин доктору, профессор Талантбек Батыралиев. Архив

Батыралиев: COVID-19 такыр жок болуп кетпейт, эми аны менен жашайбыз

Медицина илимдеринин доктору, профессор Талант Батыралиев коронавирус пандемиясына байланыштуу адатка айланган гигиена эрежелерин таштап салбоого чакырды.
Батыралиев: COVID-19 такыр жок болуп кетпейт, эми аны менен жашайбыз

COVID-19 вирусу такыр жок болуп кетпейт, эми биз аны менен жашайбыз. Мындай пикирин Талантбек Батыралиев Sputnik Кыргызстан радиосуна маек куруп жатып билдирди.

Анын айтымында, Кыргызстан коронавируска байланыштуу чектөөлөрдү убактысынан эртерээк алып салууда.

"COVID-19 такыр жок болуп кетет деп ойлоо жаңылыштык. Башка пайда болгон вирустар сыяктуу эле бул да биздин жашообузда кала берет. Ал эми ага вакцина табуу, вирустун адам ден соолугуна келечектеги таасири — бул башка маселе. Бул жакта туруп алып эле туура эмес дегенден алысмын, бирок жеке пикиримде, республика коронавируска байланыштуу чектөө эрежелерди эртерээк алып салып жаткандай сезилет. Оорунун экинчи толкуну болбойт же массалык түрдө жайылып кетпейт деп эч ким кепилдик бере албайт. Дүйнөлүк медиктер азыр бул суроонун айланасында баш катырууда. Ошондуктан ар бир адам өзүнүн ден соолугуна жоопкерчиликтүү карап, гигиенаны сакташы зарыл. Негизи көптөгөн чоң көйгөйлөрдү чечкенге караганда алдын алган оңой. Өздүк гигиенаны сактоонун аркасы менен башка да жугуштуу оорулар кескин кыскарды, тажрыйбадан көрүп жатабыз. Муну токтотпой күнүмдүк жашообуздун бир бөлүгү катары калыптандырып калышыбыз керек", — деди Батыралиев.

Мурдагы министр калктын саламаттыгы үчүн "таза кол, таза суу жана таза даараткана" деген аталыштагы программа ишке ашырылып, ушул үч багытта санитардык эрежелердин камсыздалышы боюнча аракеттер көрүлүшү зарылдыгын кошумчалады.

Белгилер:
келечек, гигиена, коронавирус, Талантбек Батыралиев
Тема боюнча
Батыралиев: врачтардын ишинен саясат жасабай, ынтымакта иш алып барсак
Психолог Самат Аалканов

Аалканов: финансылык пирамидалар эч кимге жакшылык алып келбейт

Психолог Самат Аалканов финансылык пирамидага азгырылбоонун психологиялык жолдорун айтып берди.

Финансылык пирамиданы ачык эле адамдарды алдоо катары кабыл алсак болот. Анткени алар баштаганда эле азгыруу методдорун колдонушат. Мындай пикирин Самат Аалканов Sputnik Кыргызстан радиосуна маек куруп жатып билдирди.

Аалканов: финансылык пирамидалар эч кимге жакшылык алып келбейт

Анын айтымында, финансылык пирамидада ийгиликке жеткендерге караганда алданып калгандардын саны көп болот.

"Кайсы гана пирамида бизнесин албаңыз, алар ошол тармакта акча табуу абдан жеңил экенин айтышат. Мисалы, белгилүү бир сумманы аларга берип коюп эле акчаңыздын болуп көрбөгөндөй тездикте көбөйөрүн убадалашат. Сизди катарына кошуу үчүн ийгиликке жетип, көп акча таап же кымбат баалуу буюмдарга ээ болуп жаткан адамдарды көрсөтүшөт. Бирок, тилекке каршы, бул айсбергдин бизге көрүнгөн чокусу гана. Анын түбүндө канчалаган адамдардын каражаты, бир тыйын таппай, тескерисинче, алданып отургандардын көз жашы турат. Биз жашоодо эч нерсе бекер эле келип калбасын түшүнүшүбүз керек. Бардык нерсеге эмгек жана чынчылдык менен гана жетерибизди билишибиз зарыл. Ошондо биз мындай пирамидаларга азгырылбай калабыз. Ал эми билбей кирип алып белгилүү бир суммада каражат короткон соң түшүнүп калсаңыз, жөн гана аны боло турган чыгым катары кабыл алып, сарсанаа болбой ошол нерседен чыгып кетүүгө аракеттениш керек. Кек сактап, өчөшүп же дагы башка ушундай кадамдарга баруу биринчи кезекте өзүбүз үчүн гана зыян алып келерин унутпашыбыз зарыл", — деди Аалканов.

Ал жеңил акча табуу жолу менен байып кетүүгө аракет жасоо өзүмчүлдүктүн белгиси экенин жана бул психологиялык көз карашта жашоо мыйзамына туура келбестигин кошумчалады.

Белгилер:
азгыруу, психология, бизнес, Пирамида, Самат Аалканов
Тема боюнча
Психолог адамдар эмнеге ушакташарын чечмелеп берди
Бишкек шаардык мамлекеттик санитардык-эпидемиологиялык көзөмөлдөө борборунун адиси, энтомолог Гүлкайыр Орокчиева

Орокчиева: Бишкекте кене чагып жети адам кайрылды

Бишкек шаардык мамлекеттик санитардык-эпидемиологиялык көзөмөлдөө борборунун адиси, энтомолог Гүлкайыр Орокчиева кене энцефалитин вакцина сайдырып алдын алса болорун айтты.

Азыркы учурда Бишкекте дарыгерлерге кене чаккан жети адам кайрылды. Былтыр ушул эле мезгилде 15 киши кайрылган эле. Бул тууралуу Гүлкайыр Орокчиева Sputnik Кыргызстан радиосунун эфиринде маек куруп жатып билдирди.

Орокчиева: Бишкекте кене чагып жети адам кайрылды

Анын айтымында, 2010-жылдары энцефалит менен ооругандар көп болуп, өз учурунда толук дарыланбаган жаш бала каза болгон.

"Кене чаккандан кийин адамга үч күндүн ичинде иммуноглобулин сайылат. Анын таасири бир айга жетет. Үч күндөн ашып кетсе ийне сайылбайт, отуз күн дарыгердин көзөмөлүндө болот. Кене чаккандан баштап жетинчи жана онунчу суткада кан тапшырылып, вирустун бар-жогу текшерилет. Эгер адамды чаккан кене вирусту алып жүргөн болсо 7-14 күндүн ичинде булчуң, муундар, баш катуу ооруп, дене табы 38-39 градуска чейин көтөрүлөт. Оорунун башталышы сасык тумоого окшоп кетет. Энцефалитти алдын алуу үчүн вакцина алса болот. Кене энцефалитинин эпидемиологиялык кырдаалын эске алып Саламаттык сактоо министрлиги тарабынан комплекстүү алдын алуу иш-чаралары жүргүзүлүп турат. Жыл сайын токойчулар, егерлер, чабандар, геолог студенттер жана башка жумушу же окуусу боюнча вирустук кене энцефалитинин очогуна чыккандарга профилактикалык эмдөө жасалат. Вакцина эки ирет бекер сайылат. Эмдөө алган адам тоого 14 күндөн кийин чыгышы керек. Андан соң бир жана үч жылдан кийин ревакцинация жасалат. Ал эми жөнөкөй жарандар жеке клиникаларга кайрылып, акча төлөп эмделе алышат", — деди Орокчиева.

Дарыгер кене энцефалити менен ооругандар бир жыл невропатологдун каттоосуна алынарын кошумчалады.

Белгилер:
вакцина, алдын алуу, энцефалит, кене, Гүлкайыр Орокчиева
Тема боюнча
Кенеден кантип сактануу керектигин терапевт айтып берди
Беларустун ички иштер министрлигинин кызматкерлери.Архивдик сүрөт

ФСБ: Лукашенкону өлтүрүүгө камданып, Беларуста төңкөрүш даярдагандар кармалды

(жаңыланган 03:18 18.04.2021)
Зенкович АКШ менен Польшада жүрүп келгенден кийин Москвадагы ресторандардын биринде беларустук генералдар менен жолугуп, пландалган аракеттердин ишке ашышы үчүн өлкө башында тургандардын көзүн тазалоо керектигин айткан.

БИШКЕК, 18-апр. — Sputnik. Москвадан 9-май күнү Беларусь президенти Александр Лукашенкону жок кылып, өлкөдө аскердик төңкөрүш жасоого камданып жүргөндөр кармалды. Бул тууралуу ФСБнын коомдук байланыш борборуна таянуу менен РИА Новости жазды.

Маалыматта колго түшүрүлгөндөр Беларусь менен Россиянын жарандыгын алган Юрий Зенкович менен беларусиялык Флександр Федута аттуу адамдар экени айтылат.

Россиянын атайын кызматы коңшу өлкөнүн Мамлекеттик коопсуздук комитети менен биргеликте иш алып барган.

"Беларустук кесиптештердин берген маалыматы боюнча, Зенкович менен Федута мессенжерлердин биринде аскердик төңкөрүштүн планын талкуулап, Москвада оппозициялык маанайдагы генералдар менен жолугууну көздөгөн", — деп айтылат кабарда.

Зенкович АКШ менен Польшада жүрүп келгенден кийин Москвадагы ресторандардын биринде беларустук генералдар менен жолугуп, пландалган аракеттердин ишке ашышы үчүн өлкө башында тургандардын көзүн тазалоо керектигин айткан. Түзүлгөн план боюнча радио жана теле борборлорду басып алып, ички аскер бөлүктөрүнүн жолун тосуу каралган. Күч структураларынын ишин токтотуу үчүн электр энергияны өчүрүү даярдалганы маалым болду.

Натыйжада конституциялык түзүлүш өзгөрүп, бийлик "Улуттук элдешүү комитетине" өтмөк.

Зенкович менен Федутага карата Беларустун тергөө органдары 357-беренесинин ("Мамлекеттик бийликти басып алууга аракет кылуу") негизинде иш алып барууда.

Белгилер:
бийлик, мамлекеттик төңкөрүш, Өлтүрүү, ФСБ, Александр Лукашенко, Россия, Беларусь
Тема боюнча
Лукашенконун уулуна генерал наамы берилди
Лукашенко Беларустагы митингдердин көпкө созулушуна пандемияны айыптады