Медиа серепчи Өмүрбек Сатаев

Сатаев: журналисттерге аккредитация берилбей, жалган кабарлар көп тарады

65
(жаңыланган 17:07 16.05.2020)
Медиа серепчи Өмүрбек Сатаев пандемия учурунда журналисттердин иши оор болгонун айтты.
Сатаев: журналисттерге аккредитация берилбей, жалган кабарлар көп тарады

Карантиндин алгачкы айында журналисттерге аккредитация берилген жок. Натыйжада фейк маалыматтар көп тарап жатты. Мындай пикирин Өмүрбек Сатаев Sputnik Кыргызстан радиосуна маек куруп жатып билдирди.

Анын айтымында, учурда интернеттин өнүгүүсү менен элдин маалыматтын чын-төгүнүн аныктоосу кыйынга туруп жатат. Мындай абалды эске алып, пандемия сыяктуу учурларда расмий ЖМКларга иштөөгө токтоосуз уруксат берилиши керек эле.

“Карантин журналисттерге бир топ татаалдыктарды жаратты. Бир айга чукул убакыт журналисттер аккредитациясыз иштешти. Маалымат жыйындарга, сюжеттерди тартканга чыгуу мүмкүнчүлүктөрү болгон жок. Мындан улам элге маалымат жетишсиз болуп калды. Башка өлкөлөрдө журналисттер үчүн атайын шарттар түзүлдү. Албетте, медициналык коопсуздукту камсыздоо максаты болду. А бирок аудиторияга так жана ачык кабар жеткиликсиз болуп, эл арасында жалган маалыматтар тарап жатты. Бул боюнча бир нече мисалдарды келтирүүгө болот. Ал эми карапайым калк кайсынысы жалган, кайсынысы так экенин айырмалай беришпейт. Бул мамлекеттин өзүнө деле зыян болот”, — деди Сатаев.

Серепчи аудио, видео жана тексттик маалыматты бир учурда бир эле ЖМК таркатууга багытталган конвергенттик журналистика күч алып бара жатканын белгиледи.

65
Белгилер:
аккредитация, журналистика, телевидение, карантин, пандемия, Өмүрбек Сатаев
Тема боюнча
Бишкекте журналист өткөрмө кагаз саткан жигитти тузакка түшүрдү. Окуянын чоо-жайы
Финансы министринин орун басары Мирланбек Байгончоков

Байгончоков: мамлекеттик ипотекалык насыялардын үстөк пайызы төмөндөтүлдү

58
Финансы министринин орун басары Мирланбек Байгончоков 2020-жылдын 31-декабрындагы өкмөттүн буйругуна ылайык, мамлекеттик ипотекалык насыя 7-9 пайыздык ченден 6-8 пайызга төмөндөтүлгөнүн айтты.

Ипотека алууда пайыздарды төмөндөтүү шарты кардардын алгачкы төккөн төлөмүнө жараша эсептелет. Мисалы, баштапкы төлөм катары жалпы сумманын 10 пайызы төлөнсө, анда сегиз пайыздык ченем менен насыя берилет. Мындай маалыматты Мирланбек Байгончоков Sputnik Кыргызстан радиосунун эфиринде маек куруп жатып билдирди.

Байгончоков: мамлекеттик ипотекалык насыялардын үстөк пайызы төмөндөтүлдү

Анын айтымында, мамлекеттик ипотекалык компаниянын ишин колдоо үчүн республикалык бюджеттен сырткары башка тараптардан инвестицияларды тартуу каралууда.

"Мамлекеттик ипотекалык насыя буга чейин 7-9 пайыз болсо, өкмөттүн буйругуна ылайык, 6-8 пайызга төмөндөтүлдү. Башкача айтканда, бир пайызга ылдыйлады. Мындан тышкары, Экономика министрлиги жана Мамлекеттик ипотекалык компания биргелешип өнүгүү концепциясын даярдады. Анда ипотека боюнча жеңилдетүүлөр да каралышы мүмкүн", — деди Мирланбек Байгончоков.

Аткаминер Германия мамлекети менен жүргүзүлгөн сүйлөшүүлөрдүн негизинде Мамлекеттик ипотекалык компанияга гранд катары 10 миллион евро каражаты берилгенин кошумчалады.

58
Белгилер:
арзандатуу, ипотекалык насыя
Тема боюнча
Ошто муниципалдык ипотека аркылуу берилчү үчүнчү үй курула баштады
Экономика министринин кеңешчиси Улукман Мамытов

Мамытов: электрондук акча менен санарип акча эки башка

28
Экономика министринин кеңешчиси Улукман Мамытов өндүрүштөр аралык кызмат көрсөтүү жана товар алмашууда санарип акчаны колдонуу боюнча демилге көтөрүлүп жатканын айтты.

Санарип акча менен өндүрүштү өстүрүп, экономиканы көтөрсө болот. Мындай пикирин Улукман Мамытов Sputnik Кыргызстан радиосуна маек куруп жатып билдирди.

Мамытов: электрондук акча менен санарип акча эки башка

Анын айтымында, санарип акчаны колдонуу боюнча долбоорду сынамык түрүндө киргизүү демилгеленип жатат.

"Коомчулукта электрондук акча менен санарип акчанын айырмасын түшүнгөндөр аз. Маселен, электрондук акчаны накталай түрдө алууга мүмкүнчүлүк бар. Ал эми санарип каражатты накталоого болбойт. Аны күнүмдүк турмушта соода тегеретүүдө да колдоно албайбыз. Санарип акча өндүрүштөр аралык кызмат көрсөтүү жана товар алмашууда айлантылат. Ошондой эле мамлекет менен өндүрүш компаниялардын ортосундагы салык, соцфонд сыяктуу ар кандай төлөмдөр дагы санарип акча аркылуу жүргүзүлөт. Мисалы, кайсы бир компания мамлекеттин тапшырыгы менен мектеп кура турган болсо, ага санарип акча берилет. Компания ал каражатка цемент, кирпич, куруу материалдарын сатып алат. Ал эми санарип сомго соода кылган өндүрүштөр мамлекетке төгө турган төлөмдөрүнөн ошол акча аркылуу кутулса болот. Натыйжада өлкөдө акчанын көлөмү көбөйүп, өндүрүштүн өсүшүнө мүмкүнчүлүк түзүлөт", — деди Мамытов.

Ошондой эле ал санарип акча өлкө ичинде гана колдонулуп анын кепили катары мамлекет турарын кошумчалады.

28
Белгилер:
өндүрүш, экономика, акча, санарип
Жолду өтүп бараткан окуучу. Архивдик сүрөт

Мектептер ачылат, балдарга аяр мамиле жасагыла! Милиция айдоочуларга эскертти

0
(жаңыланган 21:28 17.01.2021)
Борбор калаанын милициясы айдоочуларга кайрылып жатып эртең, 18-январдан тарта, мектептерде 1-5-9унчу жана 11-класстар окуй баштаарын эскертти.

БИШКЕК, 17-янв. — Sputnik. Бишкек шаардык милициясы коомдук транспорттун айдоочуларын окуучуларга, бөтөнчө кичинекей класстын балдарына аяр мамиле жасоого чакырды.

ШИИББ айдоочуларга кайрылып жатып эртең, 18-январдан тарта, мектептерде 1-5-9унчу жана 11-класстар окуй баштаарын эскертти.

"Шаардык милиция коомдук транспорттун айдоочуларын окуучуларга, бөтөнчө кичинекей класстын балдарына аяр мамиле жасоого чакырат. Аларга түшүнүү жана жоопкерчилик менен мамиле жасап, зарыл болсо жардамыңыздарды аябаңыздар. Жолдордо жана аялдамаларда этият болуңуздар, балдар бар жерден абайлап өтүңүздөр жана суукта калтырбай алып кетиңиздер", — деп жазылган билдирмеде.

Ошондой эле жоголгон окуучуну кезиктирип калгандарды жакынкы аралыктагы милицияга тапшырып же күнү-түнү иштеген 102 номерине чалып коюуну өтүнүштү.

0
Белгилер:
эскертүү, мектеп, окуучу, Бишкек
Тема боюнча
Эки топко бөлүнүп, 20-25 мүнөттөн окушат. Мектептеги окуу боюнча 6 суроого жооп