Вирустарды көзөмөлдөө боюнча республикалык илимий борбордун жетекчиси Зуридин Нурматов. Архив

Нурматов: COVID-19 майдын этегинде токтошу божомолдонууда

244
(жаңыланган 12:13 17.05.2020)
Вирустарды көзөмөлдөө боюнча республикалык илимий борбордун жетекчиси Зуридин Нурматов өзгөчө абалдын токтотулганына карабастан карантиндик режим сакталышы керектигин айтты.
Нурматов: COVID-19 майдын этегинде токтошу божомолдонууда

COVID-19 майдын этегинде токтошу божомолдонууда. Ошондуктан жарандар медицина кызматкерлери койгон талаптарды аткарууну улантуусу зарыл. Бул тууралуу Зуридин Нурматов Sputnik Кыргызстан радиосуна маек куруп жатып билдирди.

Анын айтымында, уруксат берилген ишканаларда бардык санитардык-эпидемиологиялык эрежелер сакталуусу зарыл.

"Коронавирус 1965-жылы табылган. Ага чейин деле жаратылышта жашап келген. Андан бери жыл сайын кадимки сасык тумоону козгогон вирустардын катарында эле дартты козгоп келген. Бирок акыркысы бир пайыздай жугузгандарды өлүмгө чейин жеткирип, өпкөдө пневмония дартын чакырып коркунучтуурак болуп жатат. Анткен менен вирустардын көпчүлүгүнө, анын ичинде коронавируска дагы мезгил өз таасирин тийгизет. Медиктердин буга чейин жасаган аракети, киргизилген карантин, маска тагынуу режими, гигиена эрежелеринин сакталышы, адамдардын ортосундагы аралык, мезгилдик фактор жана башка нерселер менен COVID-19 майдын этегинде токтойт деп божомолдоп жатабыз", — деди Нурматов.

Ошондой эле ал коронавирус жуктуруп алгандардын көпчүлүгүндө дарттын белгилери жок болуп жатканын кошумчалады.

244
Белгилер:
медицина, карантин, коронавирус
Тема боюнча
Нурматов: коронавирустан сактанууда жылуу суу жардам берет
Россияда ооруканалардын биринин буфетинде эмгектенген Кайырбүбү Абдыкадырова. Архивдик үрөт

Абдыкадырова: өпкөмдүн 56 пайызы COVID менен жабыркап айыктым

939
Россияда ооруканалардын биринин буфетинде эмгектенген Кайырбүбү Абдыкадырова кантип коронавирустан айыкканын айтып берди.

Вирус өпкөмдүн 56 пайызын жабыркатыптыр. Бул тууралуу Кайырбүбү Абдыкадырова Sputnik Кыргызстан радиосуна маек куруп жатып билдирди.

Абдыкадырова: өпкөмдүн 56 пайызы COVID менен жабыркап айыктым

Анын айтымында, COVID-19 вирусун кайдан, кантип жуктуруп алганын өзү билбей калган.

"Россияда ооруканалардын биринде буфетте иштейм. Бир күнү эле тамагым кычышып, кадимки тамак оорунун белгилери байкалды. Врачка көрүнсөм жөн эле тамак оорусу деп сормо дары жазып берди. Аны колдонуп дагы 4-5 күн үйдө болдум. Бирок оору жоголбой эле күндөн-күнгө күчөп, дене табым 38,5 градуска чыга баштады. Башка дарыгерге барып көрүнсөм алар өпкөнү компьютердик томографиядан өткөрүп, 56 пайызын вирус жабыркатканын айтышты. Андан соң мени Тез жардам менен COVID-19ду дарылаган бейтапканага алып кетишти. Жалпысынан 10-11 күн абдан кыйналдым, ооруканага жаңы барганда өз алдынча дем ала албай аппаратка туташтырышты. Тамакка болгон табитиң жоголуп, көкүрөк тушуң катуу ооруйт экен. Жашым 60ка барып калгандыктан, чынында корктум. Медиктер мыкты дарылагандыктан айыгып кеттим", — деди Абдыкадырова.

Ал вирус аныкталганга чейин беш ирет COVID-19га анализ тапшырып, баары таза чыкканын кошумчалады.

939
Белгилер:
ден соолук, Россия
Тема боюнча
Иманалиев: COVID-19дан улам быйылкы эс алуу тартиби бир топ өзгөрөт
Биотүрдүүлүктү сактоо жана өзгөчө корголуучу жаратылыш аймактары департаментинин бөлүм башчысы Талант Турдуматов

Турдуматов: аңчылыкка тыюу салынса браконьерлик күчөп кетиши ыктымал

21
(жаңыланган 10:44 07.06.2020)
Биотүрдүүлүктү сактоо жана өзгөчө корголуучу жаратылыш аймактары департаментинин бөлүм башчысы Талант Турдуматов аңчылыктын айрым түрлөрүнө мораторий киргизүү боюнча мыйзам долбоору бул багыттагы мурдагы укуктук документтерди кайталап жатканын айтты.
Турдуматов: аңчылыкка тыюу салынса браконьерчилик күчөп кетиши ыктымал

Аңчылыкка тыюу салуудан мурда егерлердин штатын чечүү керек. Ал үчүн 500 миллион сом каражат керектелет. Ансыз браконьерлик күчөп кетүүсү ыктымал. Бул тууралуу Талант Турдуматов Sputnik Кыргызстан радиосуна маек куруп жатып билдирди.

Анын айтымында, 2017-жылдагы өкмөттүн токтомунда жаныбарлардын айрым түрлөрүнө 2026-жылга чейин аңчылык кылууга тыюу салынган.

"Аңчылыкка убактылуу тыюу салуу боюнча мыйзам долбоору 2015-жылдан бери төртүнчү жолу каралып жатат. Бул жолкусунда да эч кандай өзгөрүүсүз эле сунуштап жатышыптыр. Анткени көп жылдан бери аңчылык кылууга тыюу салынган жаныбарлардын тизмесине маралды кошуп келишет. Ал эми бул жаныбарды атууга буга чейин эле тыюу салынган. Өлкөдө мергенчиликке уруксат берилген аянт 15 миллион гектар болсо, анын алты миллиону өкмөттүн карамагында. Ал жерде 2016-жылдан баштап аңчылык толугу менен токтотулган. Ал эми калган аймактарды атайын ушул багытта иш алып барган фирмалар карайт. Алардын 160-170тей мергенчиси өзүнө таандык аянтты коруп, көзөмөлгө алышат. Эгерде мыйзам долбоору өтүп кетсе, жеке менчик фирмалар көзөмөл кылган жерлер каралбай калат. Себеби өкмөт көзөмөл кылган 6 миллион гектар аянтта 43 егер иш алып барат. Ошондуктан мораторий киргизиштен мурда 160 адистин штатын чечүү зарыл. Ал үчүн 500 миллион сом керектелет. Эгерде мындай болбосо, браконьерлик көбөйүп кетүүсү ыктымал", — деди Турдуматов.

Ошондой эле ал бардык жаныбарларды атууга тыюу салууга да болбой турганын белгилеп, себеби жаныбарлар арасында ар кандай ылаң жайылганда кооптуу жагдай жарала турганын кошумчалады.

Белгилей кетсек, 29-майда "Кыргыз Республикасында жаныбарлардын айрым түрлөрүнө аңчылык кылууга убактылуу тыюу салуу жөнүндө" Кыргыз Республикасынын мыйзам долбоору коомдук талкууга коюлган. Анда 2026-жылдын 31-декабрына чейин бир катар жаныбарларга аңчылык кылууга убактылуу тыюу салуу каралган.

21
Белгилер:
аңчылык, жаныбарлар, мораторий
Тема боюнча
Кадыров: жаныбарларды атууга тыюу салган мыйзам долбоорунун терс жактары көп
Медициналык беткаптагы балдар ойноп жатышат

COVID-19: Кытайда эпидемиологиялык кооптуулук төмөндөдү

0
Болжол менен бир ай мурда Кытайда эпидемиологиялык абал турукташып, көрсөткүч бир топко төмөндөгөн. Бирок Цзилинь провинциясында жана Уханда кайра вирус аныкталгандар катталган.

БИШКЕК, 7-июн. — Sputnik. Кытайдагы аймактардын баарында коронавирус боюнча эпидемиологиялык кооптуулук төмөндөдү. Бул тууралуу РИА Новости жазды.

Билдирмеге ылайык, жекшемби күнү Цзилинь шаарынын бийлиги райондордогу эпидемиологиялык кооптуулукту жогорку көрсөткүчтөн төмөнкү, ортоңкудан төмөнкү көрсөткүчтөргө ылдыйлата алышкан.

Жыйынтыгында Кытайда коронавирус боюнча эпидемиологиялык абал кооптуу делген бир да район калган эмес.

Болжол менен бир ай мурда Кытайда эпидемиологиялык абал турукташып, көрсөткүч бир топко төмөндөгөн. Бирок Цзилинь провинциясында жана Уханда кайра вирус аныкталгандар катталгандыктан, айрым шаарлар кайра кооптуу аймакка кирген.

Коронавирус тууралуу

2019-жылдын декабрь айынын аягында Кытайдын Ухань шаарында белгисиз өпкө оорусу жайылып баратканы байкалган. Оору деңиз азыктарын саткан базардан тараган. Адистер дарттын козгогучу коронавирустун 2019-nCoV деп аталган жаңы тиби экендигин боолголошкон. 11-март күнү Дүйнөлүк саламаттык сактоо уюму коронавирус боюнча дүйнөдө пандемия жарыялаган.

0
Белгилер:
кооптуулук, эпидемия, коронавирус, аймак, Кытай
Тема:
Кытайдагы жаңы типтеги коронавирус
Тема боюнча
Казакстан президентинин маалымат катчысынан COVID табылды
G20 өлкөлөрү коронавирус менен күрөшүүгө 21 миллиард доллар бөлөт