Акын, котормочу жана радиожурналист, КРдин маданиятына эмгек сиңирген ишмер Тенти Орокчиев. Архив

Орокчиев: радио угуу үчүн убакыт бөлүүнүн кажети жок

37
(жаңыланган 13:20 22.05.2020)
Акын, котормочу жана радиожурналист, КРдин маданиятына эмгек сиңирген ишмер Тенти Орокчиев радио маалымат таратууда өз актуалдуулугун жоготпой турганын айтты.
Орокчиев: радио угуу үчүн убакыт бөлүүнүн кажети жок

Радио угуу үчүн атайын убакыт бөлүүнүн кажети жок. Анткени аны иш менен алектенип же автоунаа айдап бара жатып тыңдай берүү мүмкүнчүлүгү бар. Мындай пикирин Тенти Орокчиев Sputnik Кыргызстан радиосуна маек куруп жатып билдирди.

Анын айтымында, интернеттин өнүгүүсү менен радио аркылуу маалымат жеткирүү ылдам болуп калды.

"Күнүнө баш-аягы үч сааттай радио угам. Радиодон табитиңе жараша жаңылыктарды, адабий, маданий, саясий, социалдык багыттагы берүүлөрдү, маектерди, ыр-күү, оюн-зоок программаларын тыңдоого ыңгайлуу. Маселен ошол эле гезит, интернет маалыматтарын окуу үчүн көз жабыркайт. Атайын убакыт бөлүш керек. Ал эми радио угуу үчүн атайын убакыт коротпойсуң. Отуруп же автоунаа айдап бара жатып тыңдай берсең болот. Албетте, кабыл алуусуна жараша ар ким өзү тандайт. Мындан тышкары, радио аркылуу аудио китептерди берүү тажрыйбасы дагы кеңири жайылууда. Бул абдан жакшы көрүнүш", — деди Орокчиев.

Ошондой эле ал учурда радиого чыккан маектерди текстке түшүрүп жарыялоо кеңири колдонула баштаганын кошумчалады.

37
Белгилер:
маалымат, радио, журналистика
Тема боюнча
Орокчиев: көзү өтүп кеткендердин маегин угуп "бул тирүү экен" дегендер болгон
Генералдык штабдын экс-начальниги, запастагы генерал-майор Асанбек Алымкожоев. Архивдик сүрөт

Алымкожоев: наамы барлар эми генерал болууну көздөөдө

109
Генералдык штабдын экс-начальниги, запастагы генерал-майор Асанбек Алымкожоев атайын класстык чиндери барларга аскердик наам ыйгаруу боюнча мыйзам долбоорунун кажети жок экенин айтты.
Алымкожоев: наамы барлар эми генерал болууну көздөөдө

Аскердик жогорку кызматтарда аталган тармакта жетиштүү тажрыйба топтогондор гана кызмат өтөшү керек. Мындай пикирин Асанбек Алымкожоев Sputnik Кыргызстан радиосуна маек куруп жатып билдирди.

Анын айтымында, аталган мыйзам долбоору аскер кызматынын кадырына шек келтирүүсү ыктымал.

"Атайын наамдары жана класстык чиндери бар күч түзүмдөрүндө эмгектенген кызматкерлерди аскердик кызматка пайдаланууда же аскерге чакырууда алардын наамына жана класстык чинине төп келген аскердик наамды кайра аттестациялоо тартибинде ыйгаруу боюнча мыйзам долбооруна каршымын. Себеби ар бир кесиптин өзгөчөлүктөрү бар. Аскер кызматкери болуш үчүн аралыктан же тыштан окутулбайт. Аскер кызматкери билим алгандан кийин тийиштүү тажрыйба топтоп, ошого жараша чин алат. Мыйзам долбоорунда көрсөтүлгөн күч түзүмдөрүндө иштегендер взводдун же ротанын командири болуп келгенин ушуга чейин уга элекмин. Алар чоң даражадагы кызматтарга келүүнү көздөшөт. Буга ошол эле депутаттар же атайын наамдары бар жогорку кызматтагылар кызыкдар болуп жатышат. Алардын байлыгы, даражасы бар. Эми генерал болууну көздөшүүдө", — деди Алымкожоев.

Ошондой эле ал аскердик жогорку кызматтарда кадрдык жетишсиздик жок экендигин кошумчалады.

Эскерте кетсек, буга чейин депутаттар тобу тарабынан укук коргоо, прокуратура органдарында кызмат өтөп жаткан же өтөгөн, офицердик курамдын кызматтарын пайдалануу үчүн аскердик кызматка чакырууда атайын наамдары жана класстык чиндери барларга даражасына төп келген аскердик наамды кайра аттестациялоо тартибинде ыйгаруу сунушталган.

109
Белгилер:
Аскер, наам, аскердик кызматташуу, Асанбек Алымкожоев
Тема боюнча
Даниярова: аскерге чакырылгандар эки жума карантинге алынып, тест тапшырат
Маданият, маалымат жана туризм министрлигинин Маданий мурастарды сактоо жана өнүктүрүү башкармалыгынын башкы адиси Ринат Бакеев

Бакеев: айрым китепканалар окурмандарды соцтармактар аркылуу тейледи

167
Маданият, маалымат жана туризм министрлигинин Маданий мурастарды сактоо жана өнүктүрүү башкармалыгынын башкы адиси Ринат Бакеев райондордо китепканаларды санариптештирүүгө мүмкүнчүлүктөр чектелүү экендигин айтты.
Бакеев: айрым китепканалар окурмандарды соцтармактар аркылуу тейледи

Карантин учурунда аймактардагы кээ бир китепканалар техникалык мүмкүнчүлүктүн жоктугуна карабастан, социалдык тармактар аркылуу кызмат көрсөтүштү. Бул тууралуу Ринат Бакеев Sputnik Кыргызстан радиосуна маек куруп жатып билдирди.

Анын айтымында, республика боюнча 1065 китепкана бар.

"Облустук, шаардык, райондук жана айылдык китепканаларда жалпы эки миңден ашуун китепканачы эмгектенет. Мезгилге жараша китепканалардын фондунда турган китеп, журнал, библиографиялык очерктер жана гезиттер электрондоштурулууда. Азыркы күндө жалпы 56 миң 500 китеп санарипке өткөрүлдү. Бул иш токтоп калбай жүргүзүлүүдө. Карантин учурунда китепканалар көптөгөн иштерди онлайн уюштурду. Мисал катары Жеңиштин 75 жылдыгына карата өткөрүлгөн иш-чараларды атоого болот. Ошондой эле окурмандарга аралыктан кызмат көрсөтүлдү. Кээ бир аймактардагы китепканалар техникалык мүмкүнчүлүктүн жоктугуна карбастан, социалдык тармактар аркылуу окурмандарды тейлешти. Мисалы, Бишкек шаары боюнча 800дөн ашуун окурман онлайн-режимде тейленди. Мындан тышкары, 2000ден ашык электрондук китеп окурмандарга берилди", — деди Бакеев.

Ошондой эле ал республикалык, облустук, райондук китепканачылардын орточо айлыгы болгону 7000 сом, ал эми айылдык китепканачылардын орточо айлыгы 4-5 миң сомдун тегерегинде экенин кошумчалады.

167
Белгилер:
санариптик берүү, окурман, китепкана, Ринат Бакеев
Тема боюнча
Бакашева: эриш-аркак жылдын алкагында мерчемделген 30дай иш-чара жылды
Нью-Йорк шаарынын Таймс-сквериндеги көчө шыпыргыч

Америкада депрессияга түшүп, тынчсыздангандар кескин көбөйдү

0
(жаңыланган 10:28 28.05.2020)
АКШнын Эл каттоо кызматы пандемиянын ар кайсы тармакка тийгизген таасирин баалоо үчүн жума сайын сурамжылоо жүргүзө баштады.

БИШКЕК, 28-май — Sputnik. Америкада пандемия башталгандан бери депрессия менен тынчсызданууга кабылгандар кескин көбөйдү. Бул тууралуу Washington Post АКШнын Эл каттоо кызматынын изилдөөсүнө таянып жазды.

Бюро апрелдин аягында жумушка орношуу, финансы, билим берүү жана саламаттык сактоо чөйрөсүнө пандемиянын тийгизген таасирин баалоо үчүн жума сайын сурамжылоо жүргүзө баштаган. Акыркы сурамжылоо 7-майдан 12-майга чейин жүргүзүлүп, ага 42 миң респондент катышкан. Анда адамдардын психикалык абалын билүү үчүн төрт суроо берилген.

Басылманын маалыматы боюнча, иликтөөгө катышкандардын 24 пайызында олуттуу депрессиянын белгилери аныкталса, 30 пайызында тынчсыздануу байкалган. Мындай симптомдор көбүнчө жаштарда кездешкени айтылат. Ошондой эле эркектерге караганда аялдарда тынчсыздануу менен депрессия көп катталган.

Адистер пандемияга чейин бул көрсөткүч кыйла ылдый болгонун белгилешет. Маселен, 2014-жылы сурамжылоого катышкандардын 25 пайызы маанайы чөгүп жүргөнүн айткан. 2020-жылы бул статистика 50 пайызга өскөн. Анын 10 пайызы күн сайын маанайы жок экендигин билдиришкен.

АКШнын калкты каттоо бюросу үч ай ичинде жума сайын сурамжылоо өткөрүүнү ниеттенип жатат.

Америка COVID-19 инфекциясы аныкталган учурлардын саны боюнча дүйнөдө биринчи орунда турат. Ал жакта ооругандардын саны 1 миллион 600 миңден ашып, жүз миңден көп киши көз жумду.

0
Белгилер:
депрессия, пандемия, коронавирус, АКШ
Тема:
Кытайдагы жаңы типтеги коронавирус
Тема боюнча
Коронавируска каршы Япония чыгарган вакцина июлда сынактан өтөт
Япония Кыргызстан баш болгон 11 өлкөнүн жарандарына кирүүгө тыюу салды