Кыргызстан мусулмандар дин башкармалыгынын фатва бөлүмүнүн адиси Бактияр Токтогазы уулу

Токтогазы уулу: Орозо айтта карантиндин бардык эрежелерин сактоого чакырабыз

65
(жаңыланган 13:36 24.05.2020)
Кыргызстан мусулмандар дин башкармалыгынын фатва бөлүмүнүн адиси Бактияр Токтогазы уулу быйылкы Орозо айт үй-бүлөлүк майрам катары белгиленерин айтты.
Токтогазы уулу: Орозо айтта карантиндин бардык эрежелерин сактоого чакырабыз

Өлкөдөгү абалга байланыштуу быйылкы Орозо айтты карантиндик эрежелерди толук сактоо менен ар ким өз үйүндө өткөрүүгө тийиш. Бул тууралуу Бактияр Токтогазы уулу  Sputnik Кыргызстан радиосуна маек куруп жатып билдирди.

Анын айтымында, аталган майрамга байланыштуу расмий билдирүүсүндө муфтият да тартипти сактоого чакырат.

“ Биз жашап жаткан мамлекетибиздин мыйзамдарына баш ийишибиз керек. Ар бир адам өзүн коомчулукка зыян алып келбегидей шартта алып жүрүүсү зарыл. Андыктан “айт” деген сөз майрам дегенди түшүндүргөнүнө карабай, өлкөдөгү бардык майрамдар сыяктуу эле бул күндү да үй бүлө мүчөлөрү менен, эч жака чыкпай, конокко барбай, конок тоспой өткөрүү талапка ылайык. Бардык Орозо айт майрамын күтүп жаткан атуулдарды карантиндин эрежелерин сактоого чакырабыз”, — деди Токтогазы уулу.

Буга чейин да Кыргызстан мусулмандар дин башкармалыгынын жетекчиси, муфтий Максат Токтомушев ушундай маанайдагы чакыруу менен чыккан.

65
Белгилер:
эреже, карантин, орозо айт, Бактияр Токтогазы уулу
Тема:
Орозо — 2020 (21)
Тема боюнча
Кыргызстандыктар алдыда үч күн эс алат
Ж. Баласагын атындагы КУУнун тарых жана чөлкөм таануу факультетинин деканы, тарых илимдеринин кандидаты Турат Сырдыбаев

Сырдыбаев: Ленинград блокадасынан улам кийин Кыргыз ССРинде илим өскөн

30
Ж. Баласагын атындагы КУУнун тарых жана чөлкөм таануу факультетинин деканы, тарых илимдеринин кандидаты Турат Сырдыбаев Улуу Ата Мекендик согушта 872 күн курчоодо калган Ленинград шаары тууралуу айтып берди.
Сырдыбаев: Ленинград блокадасынан улам кийин Кыргыз ССРинде илим өскөн

Советтер Союзу учурунда Ленинград шаары Кыргыз ССРинин шефтигинде болгон. Башкача айтканда, айыл чарба продукциялары, азык-түлүк менен аталган калааны азыркы Кыргызстан камсыздап турган. Бул боюнча Турат Сырдыбаев Sputnik Кыргызстан радиосунда маек куруп жатып билдирди.

Анын айтымында, Улуу Ата Мекендик согуш учурунда Кыргыз ССРинин экономикасы абдан өскөн. Завод, фабрикалар курулган.

"Ленинград шаары үч жылдай курчоодо калып, тарыхта болуп көрбөгөндөй кыйынчылыкты өткөргөн баатыр калаа. Ага бүткүл Советтер Союзу жардамын аяган эмес. Бул жерде азыркы Кыргызстандын да эмгеги чоң. Анткени шефтикке алып, азык-түлүк менен камсыздап турган эле. Курчоодо калган шаардыктарды чыгарып кетүү жумуштары колго алынганда болжолдуу эсеп менен 500 000дей адам чыгып кеткен. Алар жаш балдар, аялдар жана окумуштуу, илимпоздор эле. Мына ушулардын көпчүлүгү Кыргыз ССРине келип отурукташып калышкан. Анын үзүрү менен илим-билим жогорулап, завод, фабрикалар курулуп, экономика өскөн. Ошол кездеги Фрунзе шаарындагы көптөгөн ишканалар согуш жылдары курулган. Керектүү тетиктер темир жолу аркылуу алып келинип, жерге түшүрүүлөрү менен адистер ошол жерден ишин башташкан. Заводдордун имараттары иштеп жаткан станокторду курчап кийин курулган. Анткени советтик калктын завод, фабрикалардын курулушун күтүп отура турган убактысы жок эле. Согуш талаасында атылган ар бир алтынчы ок "Фрунзе" заводунан чыккан деген сөз жөн жерден айтылып калган эмес", — деди Сырдыбаев.

Тарыхчы Фрунзе-Балыкчы темир жолу сыяктуу маанилүү объектилер жергиликтүү калктын күжүрмөн эмгеги менен курулуп, 12-13 жаштагы балдар кадыресе кара жумушка тартылганын кошумчалады.

Эскерте кетсек, 1944-жылы 27-январда Ленинград шаары фашисттердин курчоосунан толугу менен бошотулган.

30
Белгилер:
тарых, согуш, Ленинград блокадасында
Тема боюнча
Уулунун ордуна заводдо слесарь болгон эне. Согуштун азабын тарткан Кыргызстан
Өнөр жай, энергетика жана жер казынасын пайдалануу боюнча мамлекеттик комитеттин төрагасынын милдетин аткарып жаткан Жыргалбек Сагынбаев. Архив

Сагынбаев: Таласта ЕАЭБ аймагына эт экспорттогон ишкана ачылат

24
Өнөр жай, энергетика жана жер казынасын пайдалануу боюнча мамлекеттик комитеттин төрагасынын милдетин аткарып жаткан Жыргалбек Сагынбаев Жер-Үй кенине курулган алтын комбинаты ушул жылдын 15-февралына чейин алгачкы продукциясын чыгарарын айтты.
Сагынбаев: Таласта ЕАЭБ аймагына эт экспорттогон ишкана ачылат

Талас облусунда ЕАЭБ өлкөлөрүнө эт экспорттогон комбинат курулат. Бул тууралуу Жыргалбек Сагынбаев Sputnik Кыргызстан радиосунда маек куруп жатып билдирди.

Анын айтымында, аталган эт комбинатын куруу иштерин "Жер-Үй" алтын комбинаты каржылайт.

"Инвесторлор менен жергиликтүү калктын ортосунда диалог түзүлүп, эки тарапка тең пайдалуу боло турган шарттарда иштөөгө үйрөнүшүбүз керек. Азыр кыргызстандыктар деле түшүнүп калды. Мисалы, Таластагы "Жер-Үй" компаниясын ала турган болсок, анын ишмердүүлүгүнө кайдыгер карабаган жергиликтүү тургундар мага бат-баттан келип турушат. Мен аларга инвесторлор алтын чыкканга чейин төлөгөн салыгы продукция өндүрүлө баштаган соң таптакыр башка суммага өзгөрөрүн түшүндүрүп келем. Жакында Талас облусуна ЕАЭБ өлкөлөрүнүн аймагына эт экспорттогон комбинат курулат. Муну менен жумуш орундары түзүлүп, ошол аймактын экономикасы көтөрүлөт", — деди Сагынбаев.

Аткаминер инвестор тартууда жергиликтүү калк менен туура сүйлөшүү жүргүзүү боюнча айыл өкмөт, аким жана башка тиешелүү жетекчилер атайын окутуулардан өтүп жатканын кошумчалады.

24
Белгилер:
Евразиялык экономикалык биримдик, Жер-Үй алтын кени, Талас облусу, Жыргалбек Сагынбаев
Тема боюнча
Бактыгулов: учурдагы экономикалык кризис ЕАЭБге анчейин таасирин тийгизбейт
Генералдык штабтын аскер кызматкерлери. Архив

Генштабды Коргоо министрлигине айлантуунун эмне зарылдыгы бар эле. Адистердин пикири

26
(жаңыланган 22:55 27.01.2021)
Жаңы бийликтин келиши менен Кыргызстандын Куралдуу күчтөрүнүн Генералдык штабы кайрадан Коргоо министрлиги болуп өзгөрүшү ыктымал.

Бүгүн Генштабдын маалымат кызматы бул ведомствонун кайра өзгөрүшү боюнча кабарды Sputnik агенттигине тастыктаган.

Мекеменин Facebook баракчасында "Жарандар министрликти түзүүгө кандай карайт?" деген сурамжылоо жүргүзүлгөн. Андагы пикирлерге таянсак, оюн калтыргандардын көбү бул идеяны колдогон.

Эске салсак, Коргоо министрлиги 2014-жылы жоюлуп, КРдин Куралдуу күчтөрүнүн бардыгы Генералдык штабдын карамагына өткөн. Министрлик өкмөткө, штаб мамлекет жетекчисине баш ийерин белгилей кетели.

КРдин Куралдуу күчтөрүнүн Генералдык штабы — аскердик башкаруунун борбордук органы. Өлкөнүн куралдуу күчтөрүн жана башка аскердик түзүмдөрдү жетектеп, аларды даярдоо менен алектенет.

Бул эки органдын аталышына жараша министр же начальник башкарса, КРдин Куралдуу күчтөрүнүн башкы командачысы кандай гана өзгөрүү болбосун Баш мыйзам боюнча президент болот.

Sputnik Кыргызстан агенттиги аскер тармагында жогоруда белгиленгендей, күтүлүп жаткан өзгөрүү боюнча эксперттердин пикирин укту.

Алымкожоев: экөөнүн тең артыкчылыгы бар, бирок кийин Генштабга кайтабыз

Генералдык штабдын биринчи начальниги, запастагы генерал-майор Асанбек Алымкожоев КМШ мамлекеттеринин бардыгында жана Кытайда куралдуу күчтөр Коргоо министрлигине гана баш ийе турганын, бул жагдай Кыргызстанга аталган өлкөлөр менен кызматташууга таасирин тийгизип жатканын белгиледи.

Экс-начальник Генерального штаба Вооруженных сил Кыргызской Республики Асанбек Алымкожоев во время беседы
© Sputnik / Табылды Кадырбеков
Генералдык штабдын биринчи начальниги, запастагы генерал-майор Асанбек Алымкожоев
"Мурдагы Советтер Союзунун Коргоо министрликтери аскердик-техникалык жактан өз ара кызматташат. Кыргызстандыкы Генералдык штаб деп аталганы үчүн иштешүүдө кыйынчылыктар жаралып жатканы айтылат. Себеби айрым мамлекеттерде Генштаб Коргоо министрлигине баш ийип, өзгөчө кырдаалдарды жөнгө сала турган орган катары иш алып барат. Биздикилер ушул максатта, тагыраагы, карым-катнаш үчүн министрлик рангына ээ болууга аракет кылып жаткан болушу мүмкүн", — деди Алымкожоев.

Ал Генералдык штабды Кыргызстан өзү ойлоп таппаганын, армиясы чоң батыш өлкөлөр ушундай аталышты алып жүрөрүн белгиледи. Ошондой эле анын министрликтен артыкчылыктары дагы бар экенин айтат.

"Убагында Генштаб бардык күч структуралары бир колдо болсун деген максатта түзүлгөн. НАТО өлкөлөрүнүн куралдуу күчтөрү Генералдык штабдын башкаруусунда. Мындай орган аскерлердин күжүрмөн даярдыгына өзгөчө көңүл бурат. Негизи, Коргоо министрлиги бюджет саясатын чечет. Бизде да Генштаб жоокерлерди даярдоо менен көбүрөөк алектенип, акча каражатын Коргоо иштери боюнча комитет караштырчу. Менимче, азыркы жол менен кете бергенибиз туура болмок. Бирок кандай болгон күндө да азыркы бийликтин чечимин сыйлайбыз", — деди генерал.

Алымкожоев Кыргызстандын Куралдуу күчтөрү 5-10 жылдан кийин кайра Генералдык штабга кайтууну ойлонушу мүмкүндүгүн кошумчалады.

Бейшенов: Коргоо министрлигинин жоюлушуна каршы чыкканбыз

КРдин мурдагы коргоо министринин экс-орун басары Мурат Бейшенов 2014-жылы Генералдык штабга өтөбүз деген демилге көтөрүлгөндө Коопсуздук кеңешине эксперт катары чакырылган экен. Ал ошондо эле кээ бир кесиптештери буга каршы чыкканын айтат.

Экс-заместитель министра обороны КР, член Совета ветеранов ВОВ, тружеников тыла и участников военных действий КР Мурат Бейшенов
© Фото / Клуб региональных экспертов "Пикир"
КРдин мурдагы коргоо министринин экс-орун басары Мурат Бейшенов
"Генералдык штаб конституциялык орган эмес, начальниги өкмөттүн мүчөсү эмес. Чоң мамлекет эмеспиз, армиябыз эбегейсиз болбогондон кийин штабдын эмне кереги бар дегенбиз. Бийлик ондогон миллион сом каражатты кетирип түзүмдү бул органга өткөргөн. Алты жыл болду, эмне өзгөрдү? Эми кайра Коргоо министрлиги болот деп жатат. Ички жана эл аралык документтерди алмаштырууга кайрадан ондогон миллион каражат кетет, бул чоң убаракерчилик да", — деди Бейшенов.

Ал убагында Коргоо министрлигин жоюп, Куралдуу күчтөрдү Генштабга өткөргөндөр жоопко тартылышы керек деген оюн кошумчалады.

Чотбаев: мурдагыдай эле Коргоо министрлиги болушу керек

Улуттук гвардиянын мурдагы генералы, афган согушунун ардагери, генерал-полковник Абдыгул Чотбаев Коргоо министрлиги менен Генералдык штабдын ишинде көп деле айырмачылык жоктугун, кеп аларды ким жетектей турганында болуп жатканын айтты.

Экс-глава Национальной гвардии КР, генерал-полковник Абдыгул Чотбаев
© Sputnik / Табылды Кадырбеков
Улуттук гвардиянын мурдагы генералы, афган согушунун ардагери, генерал-полковник Абдыгул Чотбаев
"Менимче, мурдагыдай эле Коргоо министрлиги болушу керек. Коңшу мамлекеттердин ичинен бизде эле Генштаб болгондуктан алардын жанында толук кандуу орган боло албай жатабыз. Биздики АКШ менен Түркиянын Генералдык штабынын чала варианты болуп калган", — деди генерал-подполковник.

Чотбаев Коргоо министрлигин жоюуга запастагы генералдар башында эле каршы болгонун белгиледи.

26
Белгилер:
өзгөртүүлөр, министрлик, Генералдык штаб, Куралдуу күчтөр, Кыргызстан
Тема боюнча
Курал кармаган аскерлер, тизилген техника. Кыргыз армиясынын даярдыгы видеодо