ИИМдин коомдук коопсуздук кызматынын координациялоо жана алдын алуу башкармалыгынын жашы жете электердин иши боюнча бөлүмүнүн башчысы Нуржан Адылова. Архив

Адылова: 30-майда өтчү Акыркы коңгуроону милиция көзөмөлдөйт

90
ИИМдин коомдук коопсуздук кызматынын координациялоо жана алдын алуу башкармалыгынын жашы жете электердин иши боюнча бөлүмүнүн башчысы Нуржан Адылова 30-майда милиция кызматкерлери күчөтүлгөн тартипте иштээрин айтты.
Адылова: 30-майда өтчү Акыркы коңгуроону милиция көзөмөлдөйт

30-майда республика боюнча Акыркы коңгуроо салтанаты онлайн түрдө белгиленерин Билим берүү жана илим министрлиги билдирди. Ушуга байланыштуу күч түзүмдөрү да өздөрүнүн тиешелүү иштерин жүргүзүшөт. Бул тууралуу Нуржан Адылова Sputnik Кыргызстан радиосунун эфиринде маек куруп жатып билдирди.

Анын айтымында, атайын чыгарылган буйруктун негизинде милиция кызматкерлери окуучулардын жаратылышка эс алууга чыгуусуна жана башка чогулууларына жол бербөө үчүн көз салып турат.

"Быйыл Акыркы коңгуроо салтанаты онлайн өтө турган болду. Биз ата-энелер жана бүтүрүүчүлөр муну түшүнүү менен кабыл аларына ишенебиз. Ошентсе да 30-майда биздин кызматкерлер күчөтүлгөн тартипте иштейт. Алар атайын буйруктун негизинде тартипке көз салып турушат. Эгер Республикалык штаб, Билим берүү жана илим министрлигинин эскертүүлөрүнө карабай кече өткөрүү үчүн чогулган окуучулар же мектепти бүтүргөндүгүнүн юбилейлик датасын белгилеп жүргөн адамдар тобу болсо, милиция кызматкерлери тарабынан кармалып, айып салынат", — деди Адылова.

Ал ата-энелерди ушул күнү балдарына көз салып турууга, коомдук тартипти сактоого өз салымдарын кошууга чакырды.

90
Белгилер:
коронавирус, тартип, акыркы коңгуроо
Тема боюнча
Мукеева: акыркы 30 жылда медициналык билим берүү начарлады
Социалдык фонддун маалымат кызматынын жетекчиси Жеңишбек Мукамбетов. Архив

Мукамбетов: Түштүк Кореядагы мигранттар ошол жактан пенсияга чыга алышат

26
Социалдык фонддун маалымат кызматынын жетекчиси Жеңишбек Мукамбетов Түштүк Кореяда эмгектенген кыргызстандыктар келишим боюнча ал жактан да пенсияга чыга алышарын айтты.
Мукамбетов: Түштүк Кореядагы мигранттар ошол жактан пенсияга чыга алышат

Түштүк Кореяда эмгектенип келген 20дай мекендеш ал жактан пенсияга чогулткан акчасын кайтарып алышты. Бул тууралуу Жеңишбек Мукамбетов Sputnik Кыргызстан радиосунун эфиринде маек куруп жатып билдирди.

Анын айтымында, аталган мамлекетке жумушка орношууда келишимде эмгек мигрантынын пенсия маселеси да каралганын көпчүлүгү биле бербейт.

"Түштүк Кореяга келишим аркылуу кетип, мөөнөтү бүткөндө кайтып келген кыргызстандыктардын пенсияга чогулткан акчасы банктык эсебине которулуп жатат. Мындай жол менен 20дай мекендешибиз 3000 доллардан 8000 долларга чейин алышты. Ал жакта пенсияга чыгууда топтомо системасы гана иштейт. Ошондуктан эмгек мигранты айлыгынын 4,5 пайызын, иш берүүчү 4,5 пайызын өздөрүнүн социалдык фондуна которуп турат. Эмгек мигрантынын келишими бүткөн соң, ал Түштүк Кореядан чыгып кетип жатканда чогулган акчаны алып кетсе болот. Бирок муну көпчүлүк мекендештерибиз билбегендиктен, жөн эле учуп келе беришкен. Корея өлкөсү ошол киши жашаган аймактагы социалдык фонддун өкүлчүлүгүнө сурам жөнөтүп, жыйынтыгында эмгек мигранттарынын жеке эсебине акчасын которуп берген учурлар болду. Алардын мыйзамы боюнча адам иштеп кеткен соң беш жыл аралыгында пенсиясына чогулткан акчасын ала алат. Ошондуктан мурда-кийин Түштүк Кореяга келишим менен барып иштеп келген кыргызстандыктар бизге кайрылып, керектүү документтерин берсе биз ал жакка жиберип, ошол учурда топтолгон пенсиясын алдырып бере алабыз", — деди Мукамбетов.

Адис ошондой эле эмгек мигранты Түштүк Кореяда иштеп келген соң көзү өтүп кетсе, анын ошол жакта пенсияга чогулткан акчасын мураскерлери ала алышарын кошумчалады.

26
Белгилер:
мигранттар, пенсия, Түштүк Корея, Жеңишбек Мукамбетов
Тема боюнча
Шамшиев: Россияда 800 миң кыргызстандыктын 470 миңи мыйзамсыз иштейт
Айыл чарба, тамак-аш өнөр жайы жана мелиорация министри Тилек Токтогазиев. Архив

Токтогазиев: өкмөт фитосанитардык көзөмөлдү бизге берсе иретке келтиребиз

528
Айыл чарба, тамак-аш өнөр жайы жана мелиорация министри Тилек Токтогазиев контрабандалык жол менен чыгып жаткан айыл чарба продукцияларын токтотуу үчүн фитосанитардык көзөмөл жүргүзүү милдетин министрликке өткөрүп берүү зарыл деген пикирин билдирди.
Токтогазиев: өкмөт фитосанитардык көзөмөлдү бизге берсе иретке келтиребиз

Ветеринардык жана фитосанитардык коопсуздук мамлекеттик инспекциясынан фитосанитария багытын айыл чарба министрлигинин карамагына өткөрүү зарыл. Бул тууралуу Тилек Токтогазиев Sputnik Кыргызстан радиосунун эфиринде маек куруп жатып белгиледи.

Анын айтымында, аталган тармак министрликке өтсө андагы коррупциялык элементтерди жоюп, ишти иретке келтирүүгө министрге бир жума убакыт жетиштүү.

"Бир эле нерсени мисал кылып кетейин. Кыргызстандан расмий түрдө сыртка жылына 5000 тонна жүгөрү чыгарылса, контрабандалык жол менен 500 миң тонна сатылып кетет экен. Муну мага жүгөрү өстүргөндөр өздөрү айтышты. Биз айрым продукциялардын ЕАЭБден башка мамлекеттерге сатылуусуна убактылуу тыюу салдык. Анда жүгөрү дагы бар. Алар келип мындай маалыматты айткан соң эми жүгөрүнү бул тизмеден чыгаралы деп турабыз. Анткени үчүнчү мамлекеттерге сатууну пландаштырып алган дыйкандар жабыркап калышат экен. Ошондуктан фитосанитардык көзөмөл милдетин биздин министрликке өткөрүү керек. Эгер өкмөт бул ишти бизге тапшырса бир жумада тармакты иретке келтирип коюуга сөз берем. Аталган убакытта ишке ашыра албасам мени жумуртка менен чабышсын", — деди Токтогазиев.

Министр ача туяктууларды башка мамлекеттерге сатууга убактылуу салынган тыюунун башкы максаты сыртка чыгарылып жаткан ургаачы малдардын санын азайтуу болгондугун кошумчалады.

528
Белгилер:
көзөмөл, контрабанда, Тилек Токтогазиев
Тема боюнча
Эргешова: күнөскана үчүн урук тандаганда гибрид өсүмдүктөргө басым жасоо керек
Париждеги глобалдык коопсуздук жөнүндөгү мыйзам долбоорго каршы митинг

Унаалар өрттөлүп, ок атылды. Франциядагы башаламандыктын видеосу

0
(жаңыланган 00:15 29.11.2020)
Каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

БИШКЕК, 28-ноя. – Sputnik. Париждеги (Франция) тынчтык митингинде башаламандык жаралып, демонстранттар менен полиция кагыша кетти. Бул тууралуу Russia Today агенттигинин Telegram-каналына жарыяланды.

Жарандар глобалдык коопсуздук жөнүндөгү мыйзам долбоорго каршы митингге чыгышкан. Андагы пунктулардын бирине ылайык, физикалык жана психикалык жактан зыян келтирүү максатында полиция адамынын сүрөтүн же идентификациялоонун кайсы бир элементин жайылткандарга бир жыл абакта отуруу жана 45 миң евро айып пул салынат.

Акцияга жарандардан сырткары ЖМК өкүлдөрү, адвокаттар жана бир нече парламентарийлер катышкан.

Кийинчерээк каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

Андан соң митингчилер менен укук коргоочулар кагыша кеткен.

Башаламандык учурунда бир нече унаа жана мотоцикл өрттөлгөн.

Көчөлөрдөн кулак тундуруучу гранаталардын үнү угулуп турган.

Маалыматка караганда, демонстранттардын айрымдары дүкөндөрдүн витриналарын жана унааларды талкалашкан.

0
Белгилер:
Митинг, башаламандык, Франция
Тема боюнча
Нарышкин: Россиянын Тышкы чалгын кызматы үчүн ЦРУ башкы атаандаш