Өзгөчө кырдаалдар министрлигине караштуу Суучулдар кызматынын жетекчиси Урматбек Шамырканов. Архив

Шамырканов: суучул-куткаруучунун айлыгы 4,5 миң сом

60
(жаңыланган 13:14 18.06.2020)
Өзгөчө кырдаалдар министрлигине караштуу Суучулдар кызматынын жетекчиси Урматбек Самырканов учурда куткаруучу-суучулдарды даярдоо курстары өтүп жатканын айтты.
Шамырканов: суучул-куткаруучунун айлыгы 4,5 миң сом

Жаңыдан жумушка кирген жарандык куткаруучу-суучулдун айлык акысы 4500 сом, андан сырткары, ай сайын тамак-ашына 3000 сомдон берилет. Ошентип жалпысынан 7500 сом айлык чыгат. Бирок андан социалдык фондго, пенсияга кармалгандан кийин колуна 6000 сомдой акча тиет. Бул тууралуу Урматбек Шамырканов Sputnik Кыргызстан радиосуна маек куруп жатып билдирди.

Анын айтымында, жарандык багытта иш алып барган суучулдардын тамак-ашына берилген акча өлкөдө эң жогорку нарк болуп эсептелет. Анткени аскердик чини бар куткаруучуларга бул багытта 2100 сом гана бөлүнөт.

"Суучул-куткаруучулар атайын окуудан өтүп, машыгышат. Кыштын күнү, катаал шарттарда иштөө үчүн жылдын ушул мезгилинде машыгуулар болуп турат. Мындай шартта иш алып баруунун өзүнүн эрежелери бар. Мисалы, кыштын күнү бир суучул суу астында 15 мүнөттөн ашык жүрбөйт. Ал денени кургак кармаган атайын костюм менен түшүп, издөө иштерин жүргүзөт. Чыгары менен жылуу кийимин кийип, ысык чай ичет. Дасыккан инструкторлор мындай учурда көз салып турушат. Ошентсе да суучул-куткаруучулардын ден соолугун жылына бир жолу чыңдоо максатында эс алуучу жай берилсе жакшы болмок. Учурда жетекчилик бул маселени чечүүгө аракет жасоодо, бирок азырынча жыйынтык чыга элек. Ошондой эле суучул-куткаруучулардын айлык акысы да аз. Жаш кадрларга жалпысынан 7500 сомдун тегерегинде маяна чыкса, колдоруна 6000дейи тиет", — деди Шамырканов.

Ошондой эле ал суучул-куткаруучулар жылына эки ирет медициналык кароодон өтүп турарын кошумчалады.

60
Белгилер:
суучул, көйгөй, айлык-акы
Тема боюнча
Абдраманов: унаабыз жок, бейтаптарды такси менен ташыйбыз
Куралдуу күчтөрдүн Генералдык штабынын инженердик башкармалыгынын башчысынын орун басары, полковник Ислам Кошкеев

Кошкеев: Баткенде 50 гектар айдоо жер авиациялык бомбадан тазаланган

36
Куралдуу күчтөрдүн Генералдык штабынын инженердик башкармалыгынын башчысынын орун басары, полковник Ислам Кошкеев инженердик аскерлер соңку жылдарда кандай иштерди аткарганын санап берди.
Кошкеев: Баткенде 50 гектар айдоо жер авиациялык бомбадан тазаланган

Баткен облусунда 50 гектардан ашык жерден 150 килограммдан ашуун авиациялык бомба табылып зыянсыздандырылды. Бул тууралуу Ислам Кошкеев Sputnik Кыргызстан радиосуна маек куруп жатып билдирди.

Анын айтымында, 1960-80-жылдары Ак-Турпакта авиациялык полигон болуп, машыгуулар жүрүп турган.

"Эгемендүүлүк алгандан кийин инженердик аскерлер көптөгөн иштерди аткарууга жетишти. Пандемия учурунда калктуу аймактардан четине жана шаарлардын ичине коюлган блок-постторду жабдуу жана орнотууну колго алды. 2018-жылы Баткен облусунун Ак-Турпак айылында алты айдан ашуун убакытта жарылбай калган 50дөн ашуун авиациялык бомбаны залалсыздандыруу иштери аткарылды. 50 гектардан ашуун аймак тазаланып, ал жер айдоого берилди. Башкача айтканда, мунун арты менен айыл чарбасынын өсүшүнө салым кошулду. Көчмөндөр оюндарында тийиштүү инженердик жабдуулар менен камсыздап, элдин коопсуздугун сактоого көмөк көрсөтүлдү. Бул иштер УКМК менен биргеликте жүрдү. Ошондой эле Баткен коогалаңында инженердик аскерлер өз функциясын жана милдеттерин кынтыксыз аткара алышты", — деди Кошкеев.

Полковник, мындан тышкары, ар бир аскердик окутуу инженердик аскерлердин катышуусу менен гана өтөрүн кошумчалады.

Эскерте кетсек, 2008-жылдан тарта 21-январда Кыргыз Республикасынын инженердик аскери өзүнүн кесиптик майрамын белгилеп келет.

36
Белгилер:
Баткен, бомба
Тема боюнча
Тизилген жан алгычтар. Карабахтын аянтын жарылуучу заттардан тазалаган видео
Мамлекеттик салык кызматынын маалыматтык камсыздоо бөлүмүнүн башчысы Эркин Сазыков. Архив

Сазыков: өткөн жылы камсыздандыруу төгүмдөрү 33 млрд. сомдон ашты

20
Мамлекеттик салык кызматынын маалыматтык камсыздоо бөлүмүнүн башчысы Эркин Сазыков 2020-жылы жүргүзүлгөн салык чогултуунун натыйжасы кандай болгонун айтып берди.
Сазыков: өткөн жылы камсыздандыруу төгүмдөрү 33 млрд. сомдон ашты

Былтыр 63 миллиард сомго чукул салык, 33 миллиард сомдон ашык камсыздандыруу төгүмдөрү жыйналган. Бул тууралуу Эркин Сазыков Sputnik Кыргызстан радиосуна маек куруп жатып билдирди.

Анын айтымында, 2019-жылдын январынан тарта Социалдык фонддун камсыздандыруу төгүмдөрүн башкаруу боюнча функциясы Салык кызматына өткөрүлүп берилген.

"Салык кызматы былтыр республикалык бюджетке 62 миллиард 958 миллион сом салык жыйнап, белгиленген планды 100,2 пайызга аткарган. Башкача айтканда, пландалгандан 107,3 миллион сомго көп чогултулган. Бул 2019-жылга салыштырмалуу 324,7 миллион сомго көп. Кошумчалай кетүүчү жагдай, пандемияга байланыштуу Салык кызматынын планы үч миллиард сомго жогорулатылган. Муну эске алып салыктар ашыгы менен топтолду. Ал эми камсыздандыруу төгүмдөрүнөн 33 миллиард 190,8 миллион сом чогултуп, белгиленген план 100,5 пайызга аткарылды. Бул 163 миллион сом ашыгы менен чогултулганын билдирет", — деди Сазыков.

Ошондой эле ал салык формалары менен камсыздандыруу төгүмдөрүн бириктирүү боюнча аракеттер көрүлүп жатканын кошумчалады.

20
Белгилер:
Кыргызстан, камсыздандыруу, салык, Эркин Сазыков
Тема боюнча
Кыргызстанда жан сактоо үчүн канча каражат керек. Статкомдун эсептөөсү
Балык уулап жаткан адамдар. Архив

Айыл чарба министрлиги муз үстүндө балык кармоо боюнча мелдеш өткөрөт

0
Бул иш-чара сергек жашоого үндөө жана балык уулоо спортун өнүктүрүү максатында уюштурулууда. Мелдешке ондон ашык команда катышары күтүлүп жатат.

БИШКЕК, 21-янв. — Sputnik. Айыл чарба министрлигинин алдындагы Балык чарба департаменти муз үстүндө балык кармоо боюнча мелдеш өткөрөт. Бул тууралуу министрликтин маалымат кызматы кабарлады.

Чүй-Бишкек балык уулоочулар жана балыкчылар коомдук бирикмеси менен биргеликте уюштурулуп жаткан бул иш-чара 23-январга белгиленген.

"Иш-чара сергек жашоо мүнөзүн жайылтуу жана Кыргызстанда балык уулоо спортун өнүктүрүү максатында уюштурулууда. Биздин өлкөдө спорттун бул түрүн жигердүү өнүктүрүүгө бардык шарттар түзүлгөн. Учурда Балык чарба департаменти дарыя сууларында жашоочу осман жана форель балыктарын кармоого уруксат билеттерин берет", — деп билдирген Балык чарба департаментинин директору Эдил Ниязов.

Мелдеш Төмөнкү Ала-Арча каналындагы 3-суу сактагычта өтөт. Каалоочулар команда түзүп катыша алышат. Командада капитанды кошкондо төрт адам болушу керек.

Толук маалымат алуу үчүн 0 (312) 31 86 23, 0 (312) 319046, 0 700 95 69 40 номерлерине кайрылууга болот.

0
Белгилер:
Айыл чарба жана мелиорация министрлиги, балык, мелдеш, балык уулоо
Тема боюнча
Кышкысын балык уулоодо муздун калыңдыгы канча болушу керек?