Радиостудия Sputnik Кыргызстан в Бишкеке - Sputnik Кыргызстан
Радио

Тойматов: Суусамырда 23 миң гектарга чукул жерди алтыгана каптаган

© Фото / пресс-служба Министерства сельского хозяйства, пищевой промышленности и мелиорации КРНачальник отдела защиты растений и регистрации пестицидов Департамента химизации Жалилбек Тойматов.
Начальник отдела защиты растений и регистрации пестицидов Департамента химизации Жалилбек Тойматов. - Sputnik Кыргызстан
Жазылуу
Өсүмдүктөрдү коргоо жана химиялаштыруу департаментинин директорунун орун басары Жалилбек Тойматов алтыгананы механикалык жана химиялык ыкма менен жок кылуу жолдору бар экенин айтты.
Тойматов: Суусамырда 23 миң гектарга чукул жерди алтыгана каптаган

Алтыгананы жок кылуунун механикалык жолу жакшы натыйжа бербейт. Бул тууралуу Жалилбек Тойматов Sputnik Кыргызстан радиосуна маек куруп жатып билдирди.

Анын айтымында, алтыгана Чүй, Жалал-Абад жана Нарын облустарынын жайыт пайдалануучуларына зыянын тийгизүүдө.

"3-4 жыл мурдагы спутниктен алынган сүрөттөргө ылайык, Суусамыр өрөөнүндө 23 миң гектарга чукул жерди алтыгана каптаганы белгилүү болгон. Учурда аталган бадал канча жерге жайылып кеткени такталууда. Ал жайыт пайдалануучуларга, башка өсүмдүктөргө, малга зыянын тийгизип жатат. Анткени алтыгана чыккан жерге мал отоочу чөп чыкпай калат экен. Ошондой эле майда жандык ар кандай жаракат алып, малчылар чыгымга учуроодо. 2018-жылы Жайыт департаменти тарабынан атайын долбоордун алкагында 10 гектар алтыгана баскан жер химиялык, 25 гектары механикалык ыкма менен тазаланган. Анын натыйжасы менен аталган өсүмдүктү жок кылуу үчүн гарлондекс препаратын колдонуу сунушталган. Ал эми механикалык ыкманы колдонууда алтыгананын үстү кыркылып, бирок тамыры калып кеткендиктен бул ыкма керектүү жыйынтык бере алган жок деп табылган. Ошентсе дагы бул ыкманы колдонуу уланууда", — деди Тойматов.

Ошондой эле ал өлкөдө алтыгананы жок кылуу боюнча маселе 2016-жылдан бери көтөрүлүп жатканын кошумчалады.

Жаңылыктар түрмөгү
0