Кыргызстандын Россиядагы элчиси Аликбек Жекшенкулов

Жекшенкулов: КР жарандарынын Россиядан ипотека алуусуна аракеттер көрүлүүдө

105
(жаңыланган 12:44 25.06.2020)
Кыргызстандын Россиядагы элчиси Аликбек Жекшенкулов эмгек мигранттарынын арзандатылган ипотека алуусу боюнча сүйлөшүүлөр жүрүп жатканын айтты.
Жекшенкулов: КР жарандарынын Россиядан ипотека алуусуна аракеттер көрүлүүдө

Россиядан кыргызстандыктардын ипотека жолу менен турак-жай алуусу эң чоң маселелердин бири. Жергиликтүү жарандар менен тең укукта болбосо да арзаныраак, ыңгайлашкан тартипте ишке ашуусун көздөгөн сүйлөшүүлөрдү дембе-дем жүргүзүп келе жатабыз. Бул тууралуу Аликбек Жекшенкулов Sputnik Кыргызстан радиосуна маек куруп жатып билдирди.

Анын айтымында, ипотекалык насыя берүүгө Россиялык банктар да кызыкдар.

"Россияда эмгектенип жүргөн кыргыз жарандарынын бул жактан ипотекалык жол менен турак жайга ээ болуусу боюнча сүйлөшүүлөрдү тынбай жүргүзүп келебиз. Мындай сунушубузга жергиликтүү банктар да кызыкдар. Улуттук банкты ортого салып бул аракеттерди ишке ашырса болот. Бирок көп жагдайлар биздин мекендештердин өзүнөн көз каранды. Анткени убагында каттоосун узартпай, жергиликтүү мыйзам тартиптерин сактабай иш алып барган кыргызстандыктар да көп. Элчилик дайыма документтериңерге так болгула, бул жакка келерде орус тилин үйрөнүп алгыла деп эскертип келебиз. Албетте, баары эмес, бирок ушундай жоопкерчиликсиз мекендештерибизден азырынча жергиликтүү банктар чочулап турат", — деди Жекшенкулов.

Дипломат аталган маселени чечүүгө Россиядагы кыргыз элчилиги болгон күчүн жумшарын кошумчалады.

105
Белгилер:
турак-жай, элчи, ипотекалык насыя, Россия, Кыргызстан, Аликбек Жекшенкулов
Тема боюнча
Бийбосунов: сентябрда Екатеринбургда Кыргыз-Россия бизнес форуму өтөт
Башталгыч кесиптик билим берүү башкармалыгынын башчысы Бектур Ибрагимов. Архив

Ибрагимов: бүтүрүүчүлөрдүн 10-15%ы дароо эмгек миграциясына кетүүдө

15
(жаңыланган 12:37 13.06.2021)
Башталгыч кесиптик билим берүү башкармалыгынын башчысы Бектур Ибрагимов орто мектепти бүтүргөн окуучулардын 10-15 пайызы чет жакка иштөөгө аттанарын айтты.

Ата-энелердин көпчүлүгү эле балдарынын жогорку билим алуусуна умтулат. Эгер юрист же экономист тууганы болсо, өз перзентин да ошол кесипти аркалоого үндөшөт. Ошол эле учурда баланын кызыгуусун көп деле эске ала беришпейт. Бул тууралуу Бектур Ибрагимов Sputnik Кыргызстан радиосунун эфиринде маек куруп жатып билдирди.

Ибрагимов: бүтүрүүчүлөрдүн 10-15%ы дароо эмгек миграциясына кетүүдө

Анын айтымында, эмгек миграциясына чыгардан мурда кесиптик окууларды бүтүрүп алуу маданиятын жайылтуу зарыл.

"Өлкөдө соңку жылдары кесиптик билим берүү бир аз колго алына баштады. Ошого карабай балдарынын жогорку билим алуусуна тырышкан ата-энелер көп. Алар бүтүрүүчүнүн ой-кыялдарына көп учурда көңүл деле бурушпайт. Жыйынтыгында бала окууну аягына чыгарбай таштап коет же башка факультеттерге которулуп кетет. Ошондуктан башынан эле бала менен сүйлөшүп, тескерисинче, аны кайсы бир кесиптин ээси болуп алууга үндөө керек. Өзгөчө азыр көп талап кылынган фермер, тигүүчү, ширетүүчү, крановщик, ашпозчу, куруучу жана башка ушул сыяктуу. Бул кесиптер чет мамлекетке чыкса да жумуш таап кетишине көмөкчү боло алат. Андан кийин эгер баланын каалоосу болсо, жогорку билим алса болот", — деди Ибрагимов.

Подкасттын толук вариантын видеодон көрүңүз:

15
Белгилер:
Бектур Ибрагимов, кеңеш, тандоо, кесип, бүтүрүүчү
Тема боюнча
Мурзаев: адам максатты туура кое билсе өнүгөт
Балык чарба департаментинин директорунун орун басары Маил Алиаскаров. Архив

Алиаскаров: былтыр ЕАЭБге 3 158 тонна балык экспорттолду

14
(жаңыланган 12:31 13.06.2021)
Балык чарба департаментинин директорунун орун басары Маил Алиаскаров Кыргызстандан балык эң көп көлөмдө ЕАЭБ өлкөлөрүнө сатыларын айтты.

Кыргызстандын климаты балык өндүрүүгө абдан ыңгайлуу келгендиктен бул багытта соңку жылдары жакшы өзгөрүүлөр бар. Атап айтсак, акыркы 17 жылдын ичинде эле өндүрүштүн көлөмү 50 тоннандан 5 140 тоннага жетти. Башкача айтканда, 100 пайыздан көбүрөк өлчөмгө өстү. Бул тууралуу Маил Алиаскаров Sputnik Кыргызстан радиосунун эфиринде маек куруп жатып билдирди.

Алиаскаров: былтыр ЕАЭБге 3 158 тонна балык экспорттолду

Анын айтымында, өлкөдө көбүнесе кубулма (радужная форель — ред.) форель балыктары өстүрүлөт.

"2020-жылы Кыргызстан ЕАЭБ өлкөлөрүнө 3 158 тонна балык экспорттоду. Басымдуу бөлүгү Россия жана Казакстанга кетти. Ошондой эле 400 килограммды Араб Эмирлигине жибердик. Бизде көбүнесе кубулма балыгы өстүрүлгөндүктөн, алардын ар бир даанасынын наркы 300 сомдон кем болбойт. Ошондуктан былтыр жалпы суммасы 11 миллион 278 миң 571 долларга балык саттык. ЕАЭБ өлкөлөрүнө мындан да көп көлөмдө экспорттоого мүмкүнчүлүк бар", — деди Алиаскаров.

Ал Литвага да көп эмес көлөмдө Кыргызстандан балык чыгарылып турарын кошумчалады.

14
Белгилер:
экспорт, Евразиялык экономикалык биримдик, балык, Маил Алиаскаров
Тема:
ЕАЭБдеги Кыргызстан
Тема боюнча
Алиаскаров: Кыргызстан балык өстүрүүгө ыңгайлуу өлкө
Өспүрүм бала. Архив

Акыйкатчы институту: Чүйдөгү балдар үйүндө өспүрүм белгисиз жагдайда каза болду

0
Маалыматка караганда, Военно-Антоновкадагы балдар үйүнүн тарбиялануучусу, 6-класстын окуучусу Игорь Якуниндин өлүмү боюнча факт Сокулук райондук милициясы тарабынан 1-июнда катталган.

БИШКЕК, 13-июн. — Sputnik. Военно-Антоновкадагы балдар үйүндө 13 жашар өспүрүм көз жумуп, мындан улам өлкө акыйкатчысы аталган мекеменин жетекчисинин кызматтан четтетилишин талап кылып жатат. Бул тууралуу окуяны өз көзөмөлүнө алган Акыйкатчы институтунан билдиришти.

Маалыматка караганда, Военно-Антоновкадагы балдар үйүнүн тарбиялануучусу, 6-класстын окуучусу Игорь Якуниндин өлүмү боюнча факт Сокулук райондук милициясы тарабынан 1-июнда катталган. 2-июнда Кылмыш жана жоруктардын бирдиктүү реестрине каттоого алынган.

"Баланы багып алууга ниеттенип жүргөн АКШлык үй-бүлө жактоочу жалдаган. Анын маалыматы боюнча, тергөө амалдарын жүргүзүүдө бир катар мыйзам бузуулар болгон. КР Акыйкатчы институту ИИМге ишти министрликтин Башкы тергөө башкармалыгына өткөрүп берүү тууралуу, ошондой эле Билим берүү жана илим министрлигине балдар үйүнүн директорун тергөө учурунда кызматынын четтетүү тууралуу кат жолдоду", — деп айтылат билдирүүдө.

Акыйкатчы институтунан билдиришкендей, каза болгон өспүрүм буга чейин өзүн асырап алуучулар менен төрт жолу жолуккан.

"Якуниндин трагедияга чейин ден соолугу чың болгону тууралуу медициналык маалым каттар бар. Дагы бир маанилүү нерсе, 2020-жылы февралда КР Акыйкатчы аппаратынын балдарды коргоо бөлүмү балдар мекемелерине, анын ичинде Военно-Антоновкадагы балдар үйүнө да мониторинг жүргүзгөн эле. Жыйынтыгында бир катар сунуштамалар берилген. Бирок алар өз убагында аткарылган эмес. Бул фактылар боюнча да күнөөлүү адамдарды жоопкерчиликке тартуу боюнча иштер жүргүзүлүүдө", — деп айтылат билдирүүдө.

Мекемеден кошумчалашкандай, бул фактыны иликтөө боюнча өкмөттүк комиссия түздүрүү боюнча аракеттер көрүлүп жатат.

Ал эми өлкө президентинин маалымат кызматынан билдиришкендей, аталган окуя боюнча ведомстволор аралык комиссия түзүлүп, маселени Кыргызстандын Балдар укугу боюнча ыйгарым укуктуу өкүлү Жыпариса Рысбекова өз көзөмөлүнө алды. Учурда окуянын чоо-жайы такталып жатат.

0
Белгилер:
иликтөө, Акыйкатчы институту, өлүм, өспүрүм, балдар үйү
Тема боюнча
Айзаданы ала качууга шектүүлөрдүн бири окуянын чоо-жайын айтып берди