Санитардык-эпидемиологиялык көзөмөл департаментинин сыноочу лабораториялык борборунун жетекчиси Айгүл Жумаканова. Архив

Жумаканова: студенттер лабораториялык сыноолорго киргизилбейт

66
Санитардык-эпидемиологиялык көзөмөл департаментинин сыноочу лабораториялык борборунун жетекчиси Айгүл Жумаканова учурда өлкө боюнча жалпы 13 лаборатория иш алып барып жатканын айтты.
Жумаканова: студенттер лабораториялык сыноолорго киргизилбейт

Өлкөдө вирусологиялык изилдөө жаатында кадр жетишпейт. Алсак, республика боюнча 28 кызматкер вирусологиялык изилдөө жүргүзүп жатат. Мындан улам жардамга студенттерди тартуудабыз. Бирок алар лабораториялык сыноолорго киргизилбейт. Бул тууралуу Айгүл Жумаканова Sputnik Кыргызстан радиосуна маек куруп жатып билдирди.

Анын айтымында, республика боюнча коронавирусту аныктаган жаңы 10 ПЦР-лаборатория ачуу сунушталды.

"Өлкөдө вирусту аныктоо жаатында кадр маселеси абдан курч. Учурда республика боюнча жалпы вирусологиялык изилдөөлөргө тартылган 28 кызматкер иштеп жатат. Алар тынымсыз иштеп жатканына байланыштуу эки-экиден бригадага бөлүнүшкөн. Мындан улам студенттер ишке тартылууда. Бирок вирусологиялык билим алып, окуусун аяктай электер изилдөө иштерине киргизилбейт. Лабораторияларда маалыматтык базалар бар. Күнүнө 4-5 миңдин тегерегинде анализдер изилденүүдө. Ошончо адамдын аты-жөнү, туулган жылы, айы, жашаган жери жана башка маалыматтар топтолуп, маалыматтык базага киргизилет. Мына ушул иштерге, анан анализ алганга студенттер тартылууда", — деди Жумаканова.

Ошондой эле ал өлкөдө үч вирусологиялык лаборатория бар экендигин, абалга байланыштуу кошумча лабораторияларды тартууга муктаждык жаралганын кошумчалады.

66
Белгилер:
лаборатория, анализ, коронавирус, тест
Тема боюнча
Бир саатта жыйынтык чыгат. КРде коронавирус башка ыкма менен аныктала баштады
Министрлик: коронавирусту аныктаган лаборанттар чарчашты, иш абдан көп
Жумаканова: президентти коштоп Москвага баргандар үч ирет анализ тапшырган
Лид-аниматор Самара Мастанова

Мастанова: он мүнөттүк мультфильмди төрт күндө жасап бүтөбүз

3
(жаңыланган 17:43 28.10.2020)
Лид-аниматор Самара Мастанова Кыргызстанда кандай анимациялык эмгектер жасалып жатканын айтып берди.

Мастанова: он мүнөттүк мультфильмди төрт күндө жасап бүтөбүз

Лид-аниматор сценаристтер жана сүрөтчү-мультипликатор менен иштейт. Алсак, окуяга канча каарман, кандай фон, образдар керектигин дал ушул адис айтып турат. Бул тууралуу Самара Мастанова Sputnik Кыргызстан радиосунун эфиринде маек куруп жатып билдирди.

Балдар видеороликтери менен укмуштай акча тапчубуз. Дасыккан ютубердин баяны

Анын айтымында, бир команда кыска метраждуу он мүнөттүк мультфильмди төрт күндө жасап бүтөт.

"Мен Кыргыз-түрк "Манас" университетин аяктап жатканда дипломдук ишимде анимация жасадым. Албетте, бизде бул тармакка басым жасалып окутулбайт. Бирок интернетте видео сабактардын жардамы менен анимациялык тасма жаратса болот. Ошону менен бирге аталган окуу жайда Кыргызстандын алдыңкы аниматорлорунун бири Каныбек Өмүрбековдун кошумча курстарына катышуу мүмкүнчүлүгү бар. Азыр мен — иштеп жаткан студияда лид-аниматормун. Менин функциям тапшырык келсе бөлүштүрүп, жумуштун аткарылышын көзөмөлдөп, бүткөн анимациянын композициясы, пландарын карап, каталарын текшерүү. Алсак, бизде 8-9 кишиден турган 2D жана 3D жасаган командалардын бирден лид-аниматору болот. Азыркы учурда биздин эмгектер "Ютубдагы" каналга чыгып жатат. Бул өспүрүмдөргө арналган контент десек болот. Анда адамдардын жашоосундагы ийгилиги же жеңилүүсү, сүйүү же көңүл калуу жана кайгылуу, же тескерисинче, күлкүлүү окуялары чагылдырылат. Анимациялардын үнү кыргызча, түркчө, казакча, орусча, немец жана англис тилинде коштолуп чыгып жатат", — деди Мастанова.

Ал 2D жана 3D анимацияларды Moho pro, Blender программаларынын жардамы менен жасап жатышканын кошумчалады.

3
Белгилер:
анимация, тасма, мультфильм
Тема боюнча
Мультфильм каарманына айланган ар улуттун кыздары. Суктанткан сүрөттөр
Милдеттүү медициналык камсыздандыруу фондунун программаларын ишке ашыруу башкармалыгынын башчысы Жыпара Азизбекова

Азизбекова: республикада COVID-19ду дарылоо үчүн дары-дармек жетиштүү

142
(жаңыланган 17:03 27.10.2020)
Милдеттүү медициналык камсыздандыруу фондунун программаларын ишке ашыруу башкармалыгынын башчысы Жыпара Азизбекова коронавирустун экинчи толкунуна көрүлүп жаткан даярдык тууралуу айтып берди.
Азизбекова: республикада COVID-19ду дарылоо үчүн дары-дармек жетиштүү

ММК фонду коронавирусту дарылоо үчүн саламаттык сактоо уюмдарына консолидацияланган бюджеттен 1 миллиард 611 миллион 804 миң сом бөлүп берди. Бул тууралуу Жыпара Азизбекова Sputnik Кыргызстан радиосунун эфиринде маек куруп жатып билдирди.

Өкмөт Россиядан COVID-19га каршы вакцинаны алып келүү шартын караштырууда

Анын айтымында, учурда саламаттык сактоо уюмдарында 322 миллион сомдон ашкан дары-дармектин запасы бар.

"Акча дары-дармектерди, жеке коргонуу каражаттарын жана респираторлорду сатып алууга бөлүндү. Жалпысынан республикада COVID-19ду дарылоо үчүн дары-дармек жетиштүү десек болот. Коронавирусту дарылоо боюнча жаңы иштелип чыккан 4-протоколго ылайык 92 аталыштагы препараттар алынып жатат. Анын ичинде Кавасаки синдромуна каршы дары, иммуноглобулиндер бар. Негизинен республикада бир ай ичинде дары-дармектерге болгон муктаждык 149 583 миң сомду түзөт. Бүгүнкү күндө 7 миллион 966 миң жеке коргонуучу каражаттары бар. Алсак, 308 миң коргоочу костюм, 2 миллион 645 миң даана медициналык маска, 381 миң респиратор, 3 миллион 673 миң кол кап, 778 миң бахила, 108 миң даана көз айнек. Ал эми облустарды алсак, Баткенде 20 миллион 356 миң сомдук, Бишкекте 45 миллион 714 миң, Жалал-Абадда 41 миллион 576 миң жана Ошто 179 миллион сомдук дары-дармекке каражат бар", – деди Азизбекова.

Ал республика боюнча коронавирус менен ооруган бейтаптар үчүн 4 538 керебет, ал эми резервде 3 221 орун даяр экенин кошумчалады.

142
Белгилер:
даярдык, коронавирус, дары-дармек
Тема:
Коронавируска байланыштуу Кыргызстандагы кырдаал
Тема боюнча
Бир күндө 568 адамдан COVID-19 аныкталды, 3 400 бейтап ооруканада
COVID кесепетинен ишсиз калгандарга жөлөк пул берүү сунушталды. Шарты