Борбордук шайлоо комиссиясынын төрайымы Нуржан Шайлдабекова

Шайлдабекова: үгүт иштеринде концерт, спорттук оюндарды өткөрүүгө тыюу салынат

271
(жаңыланган 17:40 03.08.2020)
Борбордук шайлоо комиссиясынын төрайымы Нуржан Шайлдабекова 4-октбярда өтө турган парламенттик шайлоонун үгүт иштери учурунда массалык оюн-зоокторго тыюу салынарын айтты.
Шайлдабекова: үгүт иштеринде концерт, спорттук оюндарды өткөрүүгө тыюу салынат

Конституцияда шайлоонун үгүт иштери учурунда массалык түрдө эл чогултуп спорттук оюндарды, концерт өткөрүүгө тыюу салынган. Бул мыйзам азыркы эпидемиологиялык шартка абдан туура келип жатат. Бул тууралуу Нуржан Шайлдабекова Sputnik Кыргызстан радиосунун "Ачык кеп" программасына маек куруп жатып билдирди.

Анын айтымында, быйыл октябрь айында өтүүчү парламенттик шайлоодо үгүт иштери көбүнесе интернет платформасында жүргүзүлөт.

Шайлдабекова: шайлоо өткөрүүгө санитардык каражаттар колдоо катары келет

"Баш мыйзамда шайлоо алдындагы үгүт иштеринде спорттук оюндарды, концерттерди өткөрүүгө тыюу салынган. Анткени оюн-зооктордо партиянын программасы, талапкерлер тууралуу маалымат айтылбай эле жөн гана көңүл ачуу максаты аткарылып жатат. Андыктан Конститутция буга чейин эле мындай аракеттерге тыюу салган болчу. Бирок азыр эпидемиологиялык абал курчуп турганда бул мыйзамды аткарылышына өзгөчө көңүл бурулушу шарт. Шайлоону өткөрүү боюнча түзүлгөн республикалык штаб да бул боюнча алгоритмдерди иштеп чыгат", — деди Шайлдабекова.

Ал Кыргызстандын ар бир жараны санитардык-эпидемиологиялык эрежелерди сактоого милдеттүү экендигин кошумчалады.

271
Белгилер:
үгүт, коронавирус, шайлоо, Нуржан Шайлдабекова
Тема:
Шайлоо-2020 (169)
Тема боюнча
Бактыгулов: келе жаткан шайлоодо аймактардагы лидерлер чоң роль ойнойт
Дарыгер-психиатр Музурхат Курманалиев

Курманалиев: өлкөдө Альцгеймер дарты менен ооруган 300дөй киши каттоодо

27
Дарыгер-психиатр Музурхат Курманалиев көргөзмөлөргө барып, сүрөт тартып, токуп же жөн эле сейилдесе оорунун белигилери анча байкалбай деле каларын айтты.
Курманалиев: өлкөдө Альцгеймер дарты менен ооруган 300дөй киши каттоодо

Альцгеймер оорусуна чалдыккан адамдарга вагабандаж жана плюшкин синдромдору мүнөздүү. Алар түйүнчөгүн чогултуп бир жака кете тургандай камданып жана сырттан болгон керексиз эски-уску буюмдарды алып келип топтой беришет. Бул тууралуу Музурхат Курманалиев Sputnik Кыргызстан радиосунун эфиринде маек куруп жатып билдирди.

Жай кыймылдаган адамдардын өмүрү кыскабы? Окумуштуулардын жообу

Анын айтымында, Альцгеймер оорусун адамдар бири-бирине жумшак, сый мамиле жасап алдын алса болот.

"Республика боюнча Альцгеймер дартына кабылган 300дөн ашык киши каттоодо турат. Бирок бул сандар айсбергдин учу эле. Туугандары маани бербеген же ооруганын билип туруп кайрылбаган адамдар көп. Өзгөчө айыл жергесинде жашаган карылар ансыз деле үйдөн чыкпайт. Аларга балдары кийим, тамагын даярдап берип, пенсиясын алып келип беришет. Ошону менен бирге ата-энесинин ооруп калганын айткандан уялгандар да бар. Качан гана кийимин кие албай, таза эле өзүн алып жүрө албай калганда ооруканага кайрылышат. Негизи адам баласы бири-бирине жумшак, мээрим менен мамиле кылса, толеранттуу болсо Альцгеймерге кабылган адамдын оорусунун белгилери анча деле билинбей калат. "Сыр аяктын сыры кетсе да сыны кетпейт" дегендей, эгер адам мурда жумшак, сөзгө көнгөн адам болсо, ооруп калгандан кийин деле андан да жумшак болуп калат. Себеби альцгеймердин негизги белгиси мүнөздүн курчушу болуп жатпайбы. Эгер ооруган адамга жакшы мамиле жасаса, ал деле ошондой жооп алат. Мындайча айтканда, альтруисттик мамилени күчөтүү керек. Бул адамдар жаш баладан да таарынчаак болуп калат", — деди Курманалиев.

Дарыгер-психиатр Альцгеймер оорусун дарылап айыктыруу, ооруну кечеңдетүү мүмкүн эместигин кошумчалады.

27
Белгилер:
психикалык абал, илдет, Альцгеймер оорусу
Тема боюнча
Алжыбай жашоонун эң жөнөкөй жолу айтылды
Ден соолугунан мүмкүнчүлүгү чектелүү адамдарга жана улгайган жарандарга социалдык кызматтарды өнүктүрүү башкармалыгынын башкы адиси Мира Тургунбаева

Тургунбаева: социалдык стационар мекемелеринде 700дөй улгайган жаран бар

11
(жаңыланган 12:00 01.10.2020)
Ден соолугунан мүмкүнчүлүгү чектелүү адамдарга жана улгайган жарандарга социалдык кызматтарды өнүктүрүү башкармалыгынын башкы адиси Мира Тургунбаева өлкөдө 1-октябрда карыялар күнү 30 жылдан бери белгиленип жатканын айтты.
Тургунбаева: социалдык стационар мекемелеринде 700дөй улгайган жаран бар

Эмгек жана социалдык өнүктүрүү министрлигине караштуу 17 социалдык стационардын алтоосунда 700гө чукул карыяга мамлекет тарабынан кам көрүлүүдө. Бул тууралуу Мира Тургунбаева Sputnik Кыргызстан радиосуна маек берип жатып билдирди.

Анын айтымында, учурда 513 миңден ашык адам улгайган жарандардын катарына кирип, карыялар калктын сегиз пайызын түзөт.

Карылар жана балдар үйүн коомдук көзөмөлгө алуу мыйзам долбоору сунушталууда

"Улгайган адамдарга карата мамлекеттик саясат улуттук мыйзамдарга ылайык жүргүзүлөт. Карыяларга кам көрүү боюнча өкмөттүн беш жылдык планы бекитилген. Анын негизинде иш жүрүүдө. Мындан тышкары, жыл сайын 15-сентябрдан тарта улгайган жарандар үчүн бир айлык жарыяланып, көмөк көрсөтүлүп келет. Тилекке каршы, быйыл эпидемиологиялык абалга байланыштуу бул датага карата иш-чаралар жетиштүү деңгээлде уюштурулбай калды. Коомчулукта жашы өтүп калгандарга сый мамиле кылып, аларга кам көрүү менталитетке сиңип калган. Ошентсе дагы ар кандай турмуштук жагдайлардан улам жалгыз күн кечирип же асыроосуз калган карыяларыбыз жок эмес. Булар үчүн атайын мекемелерде кам көрүлөт. Алсак, Эмгек жана социалдык өнүктүрүү министрлигине караштуу 17 социалдык стационар бар. Алардын алтоо улгайган жарандарга социалдык колдоо көрсөтөт. Учурда бул мекемелерде 700гө чукул карыя өкмөт тарабынан багууга алынган. Ошондой эле мамлекеттик социалдык тапшырык мыйзамынын негизинде улгайган жарандар үчүн атайын борборлор түзүлүп, социалдык колдоо көрсөтүү иштери жасалууда", — деди Тургунбаева.

Ошондой эле ал мыйзамга ылайык эркектер 63, ал эми аялдар 58 жаштан кийин улгайган болуп эсептелерин кошумчалады.

11
Белгилер:
коронавирус, Карылар үйү, камкордук
Тема боюнча
Айтматовдун 100гө чыккан мугалими карылар үйүндө. Ыктыярчы менен маек
Кочкор районунун тушунда болгон жол кырсыгы

Кочкордун тушунда эки машина кагышып, жабыркагандар ооруканага жетпей үзүлдү

0
(жаңыланган 14:22 01.10.2020)
Mercedes-Benz үлгүсүндөгү автоунаанын ичине 60 жаштагы эркек киши менен 56 жаштагы аял кыпчылып калган.

БИШКЕК, 1-окт. — Sputnik. Кочкор районунун тушунда "ГАЗ-53" жүк ташуучу унаа менен Mercedes-Benz үлгүсүндөгү машина кагышып, эки адам ооруканага жетпей көз жумду. Бул тууралуу ӨКМдин маалымат кызматы кабарлады.

  • В Кочкорском районе Нарынской области столкнулись грузовик и легковое авто, погибли два человека
    Кочкор районунун тушунда "ГАЗ-53" жүк ташуучу унаа менен Mercedes-Benz үлгүсүндөгү машина кагышып, эки адам ооруканага жетпей көз жумду
  • В Кочкорском районе Нарынской области столкнулись грузовик и легковое авто, погибли два человека
    Кырсык 30-сентябрь күнү саат 16:00дө Бишкек — Нарын — Торугарт унаа жолунун 209-чакырымында катталган.
1 / 2
Кочкор районунун тушунда "ГАЗ-53" жүк ташуучу унаа менен Mercedes-Benz үлгүсүндөгү машина кагышып, эки адам ооруканага жетпей көз жумду

Билдирмеге ылайык, кырсык 30-сентябрь күнү саат 16:00дө Бишкек — Нарын — Торугарт унаа жолунун 209-чакырымында катталган.

"Каргашанын кесепетинен Mercedes-Benz үлгүсүндөгү автоунаанын ичине 60 жаштагы эркек киши менен 56 жаштагы аял кыпчылып калган. ӨКМдин куткаруучулары аларды автоунаадан чыгарып, Тез жардам кызматына өткөрүп беришкен", — деп айтылат маалыматта.

Тилекке каршы, жабыркагандар Кочкор райондук ооруканага жетпей көз жумганы кошумчаланды.

0
Белгилер:
өлүм, жол кырсык, Нарын облусу, Кочкор, ӨКМ
Тема:
2020-жылдын башынан бери Кыргызстанда болгон жол кырсыктар
Тема боюнча
Кишилерди кууп барып бус менен тебелетип... Кызыл-Кыядагы окуянын видеосу