Радиостудия Sputnik Кыргызстан в Бишкеке - Sputnik Кыргызстан
Радио

Жумалиев: оруп-жыюу иштери 70 пайызга жыйынтыкталып калды

© Sputnik / Табылды КадырбековАйыл чарба, тамак-аш өнөр жайы жана мелиорация министрлигинин алдындагы айдоо жерлерин өнүктүрүү, үрөн өстүрүү жана органикалык айыл чарба өндүрүш бөлүмүнүн жетекчиси Жигитали Жумалиев. Архив
Айыл чарба, тамак-аш өнөр жайы жана мелиорация министрлигинин алдындагы айдоо жерлерин өнүктүрүү, үрөн өстүрүү жана органикалык айыл чарба өндүрүш бөлүмүнүн жетекчиси Жигитали Жумалиев. Архив - Sputnik Кыргызстан
Жазылуу
Айыл чарба, тамак-аш өнөр жайы жана мелиорация министрлигинин алдындагы айдоо жерлерин өнүктүрүү, үрөн өстүрүү жана органикалык айыл чарба өндүрүш бөлүмүнүн жетекчиси Жигитали Жумалиев күзгү оруп-жыюу иштери тууралуу маалымат берди.

Жумалиев: оруп-жыюу иштери 70 пайызга жыйынтыкталып калды

Быйыл республика боюнча кылкандуу дан эгиндерин оруп-жыюу иштери 70 пайызга жыйынтыкталып калды. Бул тууралуу Жигитали Жумалиев Sputnik Кыргызстан радиосуна маек куруп жатып билдирди.

Анын айтымында, орточо эсеп менен буудайдын түшүмдүүлүгү 27,7 центнерден эсептелүүдө. Түшүм жакшы болгон аймактарда бул көрсөткүч 60-70 центнерге жетет.

"Быйыл пандемияга байланыштуу кылкандуу дан эгиндерин көп себүү тапшырмасы коюлган. Биз аянтын гана көбөйтпөстөн, түшүмдүн сапатын жакшыртууга басым жасадык. Ал үчүн дыйкандарга сертификатталган уруктук буудайларды 30 пайыз арзандатуу менен тараттык. Мындан сырткары, оруп-жыюуда төгүп-чачпай, ысырап кылбай чогултуп алуу да катуу колго алынды. Ал үчүн заманбап техникалар тартылып, кооперативдердин эмгеги чоң болду. Учурда республика боюнча Нарын облусунан башка аймактарда оруп-жыюу иштери аяктап калды. Ысык-Көлдө иш кызуу уланууда. Чүй боорундагы буудай, арпаны оруп бүткөн комбайндар көл кылаасына жардам берүү үчүн жөнөтүлдү. Түшүмдүүлүк боюнча айта турган болсок, Чүйдө 36 центнерден 60-70 центнерге чейин буудай жыйнаган дыйкандар болду. Таласта 32, Жалал-Абадда 30 центнерге чыкты", — деди Жумалиев.

Ал 2020-жылга болжолдуу түрдө 680 миң тонна буудай жыйноо пландалганын кошумчалады.

Жаңылыктар түрмөгү
0