Кыргызпатенттин алдындагы Интеллектуалдык менчик мамлекеттик фондунун башкы адиси Динара Акун кызы

Акун кызы: жазуучу, акын, сүрөтчүлөргө улуттук сынак жарыяланды

754
(жаңыланган 13:48 27.08.2020)
Кыргызпатенттин алдындагы Интеллектуалдык менчик мамлекеттик фондунун жетектөөчү адиси Динара Акун кызы улуттук сынактын калыстар тобуна катышуучулардын эмгеги сыр номер менен жөнөтүлөрүн айтты.
Акун кызы: жазуучу, акын, сүрөтчүлөргө улуттук сынак жарыяланды

Акын, жазуучу, сүрөтчүлөр үчүн улуттук сынак башталды. Авторлордун эмгектери алты номинация боюнча кабыл алынат. Проза, поэзия, балдар көркөм адабияты, альбомдор, каталогдор, социалдык, гуманитардык багыттагы плакаттар, брошюралар жана илимий-популярдуу чыгармалар. Бул тууралуу Динара Акун кызы Sputnik Кыргызстан радиосуна маек куруп жатып билдирди.

Анын айтымында, сынакка Кыргыз Республикасынын 30 жаштан жогорку  жарандары катыша алат.

"Чыгармачыл адамдарды колдоо максатында Кыргызпатент жыл сайын улуттук сынак жарыялап келет. Быйыл бул иш-чарага акын, жазуучулар, сүрөтчүлөр мурда эч жерге жарык көрбөгөн эмгектерин жибере алышат. Жеңүүчүлөрдүн чыгармалары биздин мекеменин эсебинен каржыланып, китеп болуп чыгат. Ал эми сүрөтчүлөрдүн жеке каталогу жарык көрөт. Сынактын калыстар тобуна белгилүү жазуучу, сүрөтчү, илимдин доктор, кандидаттары кирген. Катышуучулардын чыгармасы бизге келип түшөрү менен аларга жиберилет. Калыстар кайсы чыгарманын автору ким экенин билбейт, анткени сыр номер астында, аты-жөнү  коюлбайт. Долбоордун максаты —  кыргыз адабиятын,  көркөм сүрөт чыгармачылыгын колдоо. Кененирээк маалыматты Кыргызпатенттин расмий сайтынан тапса болот", — деди Акун кызы.

Маектеш улуттук сынакка авторлор 30-ноябрга чейин өз чыгармаларын жөнөтө аларын кошумчалады.

754
Белгилер:
сүрөтчү, жазуучу, чыгармачылык, сынак
Тема боюнча
Балаңыз спортко шыктуубу? Мамагенттик сынак жарыялап, шартын түшүндүрдү
ЖОЖго кабыл алуунун үч туру тең аяктап, дагы кошумча сынак жарыяланды
Мамлекеттик тил боюнча улуттук комиссиянын төрагасы Назаркул Ишекеев. Архив

Ишекеев: тилге байланыштуу бири-бирине каршы келген мыйзамдар бар

31
Мамлекеттик тил боюнча улуттук комиссиянын төрагасы Назаркул Ишекеев 2021-2025-жылдары мамлекеттик тилди өнүктүрүү боюнча программа иштелип чыкканын билдирди.
Ишекеев: тилге байланыштуу бири-бирине каршы келген мыйзамдар бар

Кыргыз тилинин системалуу өнүгүшү үчүн алгач тилге байланыштуу мыйзамдарды иреттеп алыш керек. Анткени бири-бирине карама-каршы келгендери да бар. Бул тууралуу Назаркул Ишекеев Sputnik Кыргызстан радиосунун эфиринде маек куруп жатып белгиледи.

Анын айтымында, алгачкы кадам катары көрнөк-жарнак боюнча мыйзамдар иреттелип чыкты.

"Мамлекеттик тилди өркүндөтүүдөгү көйгөйлөрдү чечүү үчүн алгач бири-бирине каршы келген мыйзамдарды иреттеп чыгуу зарыл. Бул иштер тилди өнүктүрүү боюнча беш жылга түзүлгөн жаңы программада жигердүү колго алынат. 2015-2020-жылдарга карата түзүлгөн иш планга да киргизилип, айрымдары аткарылган. Алсак, көрнөк-жарнак боюнча мыйзамдар толугу менен иреттелип, эми анын мазмунуна да айыл өкмөттөрү, район жетекчилиги жана шаар мэриясы жооп берет. Аларда атайын түзүлгөн комиссиянын курамына тилчилер кирген", — деди Ишекеев.

Төрага 2021-2025-жылдарга карата түзүлгөн мамлекеттик тилди өркүндөтүү программасында кыргыз тилин окутуу методологиясын жана технологиясын өнүктүрүүгө басым жасаларын кошумчалады.

31
Белгилер:
көйгөй, мыйзам, мамлекеттик тил, Назаркул Ишекеев
Тема боюнча
Ишекеев: адамдын эне тилин билүү деңгээли апасынан көз каранды
Айлана-чөйрөнү коргоонун мыкты кызматкери, эколог Айгүл Ырсалиева

Ырсалиева: экологиялык көйгөйлөр экономикалык чыгымдарга туш кылат

18
Айлана-чөйрөнү коргоонун мыкты кызматкери, эколог Айгүл Ырсалиева өлкөдө көчкү түшүү коркунучундагы миңден ашуун тоо бар экендигин айтты.
Ырсалиева: экологиялык көйгөйлөр экономикалык чыгымдарга туш кылат

Жер кыртышынын нымдалышуусу, оор жүк ташыган автоунаалардын каттоосу сейсмикалык термелүүлөргө алып келет. Бул тууралуу Айгүл Ырсалиева Sputnik Кыргызстан радиосуна маек берип жатып билдирди.

Анын айтымында, экологияга көңүл бурулбаса ал эбегейсиз экономикалык чыгымдарды жаратат.

Кара-Кечеде көчкү түшкөн аймакка убактылуу жол салынды

"Жакында Кара-Кече — Дыйкан жолуна абдан чоң өлчөмдөгү көчкү түшүп, 600 метр аралыктагы жолду тосуп калды. Буга жамгыр, кардын көп жаашынан улам жер кыртышынын нымдалышы, оор габариттүү жүк ташуучу автоунаалардын каттоосу сейсмикалык термелүүлөргө алып келүүдө. Ошондой эле кен казуу иштери дагы өз таасирин тийгизбей койбойт. Негизи эле Кыргызстандын 90 пайыздан ашуун аймагы тоолуу жер болуп саналат. Бизде миңден ашуун жер көчкү түшүшү мүмкүн деген жерлер бар. Мындай кырсык кайталанбашы үчүн тийиштүү органдар даярдыкта болуусу шарт. Учурда өлкөдө экономикалык көйгөлөргө көбүрөөк басым жасалып, экологияга анчейин маани берилбей келет. А чынында экологияга аяр мамиле кылышыбыз керек. Себеби ушул сыяктуу жаратылыш кырсыктары түз жана кыйыр түрүндө эбегейсиз экономикалык чыгымдарга туш кылат", — деди Ырсалиева.

Эколог көмүр казуу иштерин дагы тийиштүү талаптарды сактоо менен жүргүзүү зарылдыгын кошумчалады.

18
Белгилер:
кырсык, көчкү, экология
Тема боюнча
38 адам жер алдында калган. Жер көчкүгө күбө болгон өзгөндүк Калдыбаевдин маеги
Бир рубль монетасы жана долларлык монета жана купюрасы. Архив

Россияда доллардын баасы кескин кымбаттап кетти

0
(жаңыланган 00:14 24.09.2020)
Доллардын сомго карата баасы сезилерлик өзгөргөн жок. Анткен менен Россия акчасынын наркы түшүп кетиши, доллардын Кыргызстандагы баасына таасир этип койгон учурлар көп.

БИШКЕК, 23-сен. — Sputnik. Россияда апрель айынан бери биринчи жолу доллар 77 рублге чыгып, кескин кымбаттады. Бул тууралуу РИА Новости жазды.

Москва биржасынын маалыматына караганда, бир доллар Бишкек убактысы боюнча саат 20:24тө 77,07 рублди түздү (96 тыйынга кымбаттады). Ал эми евро 80 тыйынга кымбаттап, 89,93 рубль болду.

Белгилей кетсек, доллардын сомго карата баасы сезилерлик өзгөргөн жок. Анткен менен Россия акчасынын наркы түшүп кетиши, доллардын Кыргызстандагы баасына таасир этип койгон учурлар көп.

0
Белгилер:
баа, доллар, Россия
Тема боюнча
Россияда евронун баасы рекорддук көрсөткүчкө жетти. Кыргызстанда абал кандай?