Борбордук шайлоо комиссиясынын төрайымынын орун басары Абдыжапар Бекматов. Архив

Бекматов: шайлоодо акча тараткандар да, алгандар да 2,5 жылга чейин соттолот

3496
Борбордук шайлоо комиссиясынын төрайымынын орун басары Абдыжапар Бекматов мыйзам боюнча шайлоодо акча тараткандар жана алгандар 2,5 жылга эркинен ажыратыларын айтты.
Бекматов: шайлоодо акча тараткандар да, алгандар да 2,5 жылга чейин соттолот

Бирөө үчүн башка адам добуш берип коюу, карусель системасын жасоо мыйзамдарга киргизилген оңдоп-түзөөлөрдүн натыйжасында жокко чыгарылган. Бирок учурда шайлоо уюштуруп, өткөрүүдө эки көйгөй ачык бойдон калууда. Бул тууралуу Абдыжапар Бекматов Sputnik Кыргызстан радиосуна маек куруп жатып билдирди.

Анын айтымында, эми жаңы кодекстерге ылайык, акча тараткан адам эле эмес, анын тууганы болгон талапкер, ал мүчө болгон саясий партияга да чара көрүлөт.

"Шайлоо уюштуруп, өткөрүүдө "добушту акчага сатып алуу" жана "административдик күч колдонуу" боюнча эки маселе көйгөй жаратууда. 2019-жылы ишке кирген кодекстер боюнча эми бул эки жол менен мыйзам бузган жарандарга 26 миң акчалай айып пул салынат же жасаган ишинин оордугуна жараша 2,5 жылга чейин эркинен ажыратылат. Ал эле эмес ошол акча тараткан адам колдогон талапкер да жоопко тартылып, ал мүчө болгон саясий партияга да чара көрүлөт. Мындай жазалар акча алган адамдарга да тиешелүү", — деди Бекматов.

Ал жогорудагыдай мыйзам бузууга күбө болгон жарандарды тиешелүү органдарга кайрылууга чакырды.

3496
Белгилер:
эреже, мыйзам, шайлоо, Абдыжапар Бекматов
Тема боюнча
Бекматов: шайлоочулар 20-сентябрга чейин өзүн тизмеден тактап алуусу зарыл
Саламаттык сактоо министрлигинин башкы кардиологу Акбай Сарыбаев

Сарыбаев: жүрөк оорусунун пайда болушуна көбүнчө атеросклероз себепкер

128
(жаңыланган 11:45 29.09.2020)
Саламаттык сактоо министрлигинин башкы кардиологу Акбай Сарыбаев жүрөк ооруларынын пайда болушуна 90 пайыз кан тамырдын атеросклероз оорусу себепкер экенин айтты.
Сарыбаев: жүрөк оорусунун пайда болушуна көбүнчө атеросклероз себепкер

Республикада жүрөк-кан тамыр оорулары орчундуу илдеттердин сап башында. Кыргызстандагы жалпы өлүмдүн дээрлик 52 пайызы ушул илдеттин кесепетинен болуп жатат. Бул тууралуу Акбай Сарыбаев Sputnik Кыргызстан радиосунун эфиринде маек куруп жатып билдирди.

COVID пандемиясынан кийин жүрөк оорулуулар көбөйүшү мүмкүн

Анын айтымында, ар бир адам кан басымын, салмагын, боюнун узундугун, канындагы холестеринди, канттын көлөмүн билип, аны көзөмөлдөп турушу керек.

"Инсульт, инфаркт, жүрөктүн алсыздыгы  — калк арасында көп кездешкен илдеттер. Бул оорулардын пайда болушуна 90 пайыз кан тамырдын атеросклероз оорусу себепкер. Атеросклероз — бул артериялык кан тамырларынын биринин май менен бүтөлүп, кандын сызылып аз өтүп, бара-бара кан тамырдын ичкериши. Мындай учурда кайсы орган болбосун кан жетишпегендиктен ооруй баштайт. Эгер жүрөк болсо инфаркт, мээ болсо инсульт болот. Ал эми атеросклероздун пайда болушунун үч башкы себеби бар. Биздин өлкөдө биринчи орунда жогорку кан басым же гипертония, экинчиде тамеки чегүү, үчүнчүсү канда холестериндин көп болушу. Мындан кийинки факторлор ашыкча салмак, аз кыймылдоо, кант диабети, стресс жана спирт ичимдиктерин ичүү. Статистиканы алып карасак, Кыргызстанда 21 жаштан өйдө адамдардын 47,8 пайызы гипертония менен жабыркайт. Ошону менен бирге бизде 18 жаштан баштап ар бир төртүнчү адам тамеки чегет. Элдин 26 пайызында ашыкча салмак маселеси бар. 30 пайыздан ашыгы ичимдикти көп ичет жана 80 пайызы аз кыйлмылдайт. Ушуну баары жүрөк-кан тамыр ооруларына алып келет", — деди Сарыбаев.

Кардиолог туура тамактануу, көп кыймылдоо жана ден соолуктун абалын көзөмөлдөп туруу жүрөк ооруларын алдын аларын кошумчалады.

128
Белгилер:
кардиолог, жүрөк, Акбай Сарыбаев
Тема боюнча
Инсульттун көпчүлүк биле бербеген алгачкы белгилери айтылды
Россиядагы кыргыз элчилигинин консулдук бөлүмүнүн юристи Мурзапаяз Карагулов

Карагулов: миграциялык карталар электрондошсо мигранттарга ыңгайлуу болот

24
Россиядагы кыргыз элчилигинин консулдук бөлүмүнүн юристи Мурзапаяз Карагулов Россия миграциялык карталарды электрондоштурса эмгек мигранттарына тийгизе турган таасири тууралуу айтып берди.
Карагулов: миграциялык карталар электрондошсо мигранттарга ыңгайлуу болот

Россия миграциялык карталарды электрондоштурууну пландап жатат. Мындан чочулоонун кажети жок, тескерисинче, эмгек мигранттары үчүн ыңгайлуу шарт түзүлөт. Бул тууралуу Мурзапаяз Карагулов Sputnik Кыргызстан радиосунун эфиринде маек куруп жатып билдирди.

Анын айтымында, мигранттар аталган документти жоготуп алып түйшүк тарткан учурлар көп эле кездешет.

Боронов РФте көпүрө урап жабыркаган мекендештерге жардам берүүнү тапшырды

"Россиянын аймагына киргенде чек ара кызматкерлери паспортуң аркылуу камерадан өткөрүп, колуңа миграциялык кагаз берет. Муну жоготуп алып Федералдык миграциялык кызматка (ФМС) кайрылып, убара тартып калыбына келтирген учурлар көп. Андыктан миграциялык карталар электрондошсо, эмгек мигранттарынын өздөрүнө эле ыңгайлуу болмок. Анткени дагы бир көйгөй, биздин жарандар көп учурда Кыргызстандын ички паспорту (ID-карт) менен келип, миграциялык картасын да жоготуп алган жагдайлар кездешет. Андыктан чет элге чыгуучу паспорт менен учууга кеңеш берип кетмекчимин. Ошондо мөөр басылып, кайсы күнү чек араны кесип өткөнү так билинет. Миграциялык картасын жоготуп алган учурда да бул мөөр далил болуп бере алат. Аталган документти электрондоштуруу мына ушундай түйшүктөн арылтат ", — деди Карагулов.

Ал кыргызстандыктарды Россияга чыгып жатканда бул жактын эмгек мигранттарына тиешелүү маалыматтар менен таанышып алуусу зарыл экенин кошумчалады.

24
Белгилер:
миграция, Россия, Кыргызстан
Тема боюнча
Россиядагы мигранттар тууралуу жаңы мыйзам эмне берет. Талдоо
Укол даярдап жаткан дарыгер. Архив

Кыргызстанда 100 миңден ашуун киши сасык тумоого каршы вакцина алды

0
(жаңыланган 09:40 30.09.2020)
Өлкөнүн бардык аймактарындагы ооруканаларда тобокел тобуна киргендерге жана социалдык аялуу катмардагы адамдарга сасык тумоого каршы акысыз вакцинация жасалууда.

БИШКЕК, 30-cен. — Sputnik. Кыргызстанда сасык тумоого каршы сатып алынган вакцина толук колдонулганын Республикалык штаб кабарлады.

Ага ылайык, биринчи этап менен препараттын 119 643 миң дозасы сатып алынып, аймактарга бөлүштүрүлгөн:

  • Бишкек шаары — 27 000 доза;
  • Чүй облусу — 24 000;
  • Ош шаары — 5 000;
  • Ош облусу — 18 000;
  • Жалал-Абад облусу — 17 643;
  • Баткен облусу — 9000;
  • Ысык-Көл облусу — 9000;
  • Нарын облусу — 5000;
  • Талас облусу — 5 000.

Учурда вакцинанын 118 682 дозасы же 99,2 пайызы колдонулду. Октябрь айында сасык тумоого каршы вакцинанын дагы 770 миң дозасы келери күтүлүп жатат.

COVID жайылып баратат, бет кап тагынгыла! Штаб сактануу чараларын күчөттү

Эскерте кетсек, республиканын бардык Үй-бүлөлүк медицина борборлорунда жана фельдшердик-акушердик пунктуларында тобокел тобуна киргендерге, ошондой эле социалдык аялуу катмардагы адамдарга сасык тумоого каршы акысыз вакцинация жасалууда.

0
Белгилер:
вакцина, эмдөө, сасык тумоо
Тема боюнча
Министрлик базарды хлордогондон кийин вирус күчөөдө дегендерге жооп кайтарды