Врач высшей категории, терапевт в одной из клиник Ала-Букинского района Джалал-Абадской области Феруза Исмаилова

Исмаилова: COVID менен күрөшүү жүрөк оорусу барлар үчүн оор болду

54
Жогорку категориядагы дарыгер, Жалал-Абад облусунун Ала-Бука районундагы ооруканалардын биринин терапевт-кардиологу Феруза Исмаилова өнөкөт оорусу бар адамдар алдын алуу чараларын азыртан көрүп башташы керектигин айтты.
Исмаилова: COVID менен күрөшүү жүрөк оорусу барлар үчүн оор болду

Ала-Бука бийик тоолуу, абасы таза район болгондуктан вирус менен күрөшүүнү жеңилдетти. Бирок кардиологиялык илдети барлар үчүн оор болду. Бул тууралуу Феруза Исмаилова Sputnik Кыргызстан радиосунун эфиринде маек куруп жатып билдирди.

Анын айтымында, кайсы дары-дармек болбосун дарыгердин гана көрсөтмөсү менен колдонуу керек.

Коронавирустун экинчи толкуну эмнеси менен кооптуу? Каратаевдин жообу

"Адистер күзүндө коронавирустун экинчи толкуну болот деген божомолду айтып жатышат. Бул толкунга эң биринчи кезекте жүрөк оорусу бар адамдар даяр болушу керек. Буга алдын алуу иштери жардам берет. Азыркы учурда кан басымы, стенокардия оорусу менен жабыркагандар кан басымын нормалдаштыруучу, канды суюлтуучу препараттарды ичиши зарыл. Анан, албетте, дары-дармектерди дарыгердин индивидуалдуу консультациясы жок ичкенге болбойт. Себеби препаратты өз алдынча колдонгон учурда адамдын ашказан оорусу болсо аны козгоп, күчөтүп коюшу мүмкүн. Ошондой эле үйдөн дем алуу көнүгүүлөрүн жасап, дарыгердин кеңеши менен ромашка, ит мурун жана башка ушул сыяктуу дары чөптөрдү колдонсо болот. Эгер бейтаптын абалы оор болсо, анда адиске кайрылып олуттуу дарыланууга өтүшү зарыл", — деди Исмаилова.

Дарыгер иммунитетти көтөрүш үчүн куурулган тамактарды азайтып, табигый азыктарды колдонуу керектигин кошумчалады.

54
Белгилер:
профилактика, кардиолог, регион
Тема боюнча
Естебесова: COVID-19дан айыккандан кийин деле суюктукту көп ичүү керек
Ветеринария инспекциясына караштуу малдын ылаңдарына мониторинг жүргүзүү бөлүмүнүн башчысы Чыңгыз Романов

Романов: сибирь жарасынын инкубациялык мөөнөтү 3-4 күн

44
(жаңыланган 21:11 27.09.2020)
Ветеринария инспекциясына караштуу малдын ылаңдарына мониторинг жүргүзүү бөлүмүнүн башчысы Чыңгыз Романов ооруган малдын этин пайдаланганга болбой турганы байма-бай айтылганына карабай адамдар аны союп, этин таратып салган учурлар болуп жатканын айтты.
Романов: сибирь жарасынын инкубациялык мөөнөтү 3-4 күн

Ооруган малдын этин бышырып, көпкө кайнатып, кууруса деле сибирь жарасы сырткы чөйрөгө туруктуу болгондуктан илдет жуктуруп алуу коркунучу жогору. Бул тууралуу Чыңгыз Романов Sputnik Кыргызстан радиосунун эфиринде маек куруп жатып билдирди.

Ат-Башы: сибирь жарасы менен ооруган уйдун эти элге тарап, эки киши жабыркады

Анын айтымында, Кыргызстанда жылына сибирь жарасына кабылган 2-3 учур аныкталат.

"Микроб териге кирген жерде алгач кызыл так пайда болот, андан кийин томпоюп шишимик тартат. Кийинчерээк ал ыйлакчага айланып, сууга, бир аздан кийин ириңге толуп, бат эле жарага айланат. Ал эми өпкөдөн же ичеги-карындан кармаган күйдүргү өмүргө коркунучтуу. Бактыга жараша, бизде мындай формада кармаган учур каттала элек. Оору сасык тумоого кабылгандай эле башталып, бактерия тез көбөйүп, канга өтүп кетет. Сибирь жарасынын инкубациялык мөөнөтү 3-4 күн. Диагнозду өз убагында коюп, дарылабаса оорулуу 2-3 күндүн ичинде эле өлүмгө учурашы мүмкүн. Клиникалык белгилери температура көтөрүлүп, ичи өтүп, жөтөлгөндө кан аралаш какырык чыгат, тамак шишип кетет", – деди Романов.

Адис быйыл сибирь жарасы малдан жана топурактан эки, ал эми адамдардан үч учур катталганын кошумчалады.

44
Белгилер:
дарылоо, сибирь жарасы
Тема боюнча
Дене ууланат. Малдан адамга жуккан күйдүргүдөн кантип сактануу керек
Маданият, маалымат жана туризм министрлигинин маданий мурастарды сактоо жана өнүктүрүү башкармалыгынын башкы адиси Чынарбек Жолдошев

Жолдошев: Кыргызстанда азырынча 583 археологиялык аймак бар экени белгилүү

14
(жаңыланган 19:21 27.09.2020)
Маданият, маалымат жана туризм министрлигинин маданий мурастарды сактоо жана өнүктүрүү башкармалыгынын башкы адиси Чынарбек Жолдошев өлкөдөгү петроглифтер тууралуу айтып берди.
Жолдошев: Кыргызстанда азырынча 583 археологиялык аймак бар экени белгилүү

Кыргызстанда азырынча илимге белгилүү 583 археологиялык жайлар бар. Алардын 85и окумуштуулар тарабынан иликтенип, каттоого алынган. Бул тууралуу Чынарбек Жолдошев Sputnik Кыргызстан радиосунун эфиринде маек куруп жатып билдирди.

Анын айтымында, Ош шаарындагы Сулайман-Тоодо 400гө жакын баалуу петроглифтер жайгашкан.

"Кыргызстандын ичинде тарыхый баалуу аймактар абдан көп. Илимге белгилүү болгону азырынча 583 деп катталган. Ал эми археологдордун буту баса элек канча жер белгисиз жатат. Петроглифтерди республиканын бардык облустарынан эле кезиктирүүгө болот. Мисалы, Өзбекстан менен чектеш Сүрөттүү-Таш айылында б.з.ч. II кылымга таандык күлүк жылкылары менен атагы чыккан Даван мамлекетинин аттары таштарга чегип түшүрүлгөн. Бул ошол кезинде кытай империясы суктанган Даван өлкөсү тууралуу кенен маалыматты камтып турган ачык асман алдындагы документтер десек болот. Ушул эле доорго таандык саймалы таштар Араванда, Ноокат районунда да бар. Алайдын Үч-Дөбө айылынан чыгып келаткан талаада петроглифтер али толук иликтене элек. Мындан сырткары, Ысык-Көл облусунда Тору-Айгыр айылынан тарта Чолпон-Ата шаарына чейин бүтүндөй эле петроглифтердин мекени десек болот. Таласта Манас ордонун ичинде жана Жалтырак-Таш деген жерде түрк дооруна таандык уникалдуу петроглифтер жатат. Дүйнөнү таң калтырып, жылына бир ай гана көрүүгө мүмкүн болгон, деңиз деңгээлинен 3,5 миң метр бийиктикте жайгашкан Тогуз-Тородогу саймалы таштар коло дооруна таандык", — деди Жолдошев.

Адис петроглифтерди коргоп, сактоо ар бир кыргызстандыктын милдети экенин кошумчалады.

14
Белгилер:
тарыхый баалуулуктар, петроглиф
Тема боюнча
Жолдошев: петроглифтер табылгандан тарта тарыхый баалуулук болуп эсептелет
Алайдын тоолору. Архивдик сүрөт

Түндө Алайда жер титиреди

0
(жаңыланган 10:45 28.09.2020)
Жердин титирегени Алай районунун Ачык-Суу, Жайылма жана Кашка-Суу айылдарында сезилген. Андан жабыркагандар жана кыйроолор болгон жок.

БИШКЕК, 28-сен. — Sputnik. Түндө Ош облусунун аймагында очогунда күчү 4 баллга жеткен жер титирөө катталды. Бул тууралуу Сейсмология институтуна таянуу менен ӨКМ кабарлады.

Түндө Таласта кар жаады. Видео

Жер бүгүн, 28-сентябрь күнү, саат 02:32де титиреген. Ал Алай районунун Ачык-Суу, Жайылма, Кашка-Суу айылдарында 3 баллга чейин сезилген.

Жер силкинүүдөн жабыркагандар жана кыйроолор болгон жок.

0
Белгилер:
жер титирөө, ӨКМ, Алай району, Ош
Тема боюнча
Табият албууттанганда. Кыргызстандагы жүрөк үшүн алган жаратылыш кырсыктары