Айыл чарба, тамак-аш өнөр жайы жана мелиорация министрлигинин Өсүмдүктөрдүн карантини департаментинин директору Илич Марсбек уулу

Марсбек уулу: ЕАЭБге айыл чарба продукциясын экспорттоо кескин өстү

269
(жаңыланган 11:33 03.09.2020)
Айыл чарба, тамак-аш өнөр жайы жана мелиорация министрлигинин Өсүмдүктөрдүн карантини департаментинин директору Илич Марсбек уулу айыл чарба продукциясын экспорттоо иштери электрондоштурулганын айтты.
Марсбек уулу: ЕАЭБге айыл чарба продукциясын экспорттоо кескин өстү

ЕАЭБ өлкөлөрүнө жашылча, мөмө-жемиштерин чыгаруу үчүн документ иштери учурда ашып кетсе 3-4 сааттын ичинде бүткөрүлөт. Бул тууралуу Илич Марсбек уулу Sputnik Кыргызстан радиосуна маек куруп жатып билдирди.

Анын айтымында, экспорттук кагаз иштери электрондошкондон тарта өлкөдөн сыртка чыгарылган айыл чарба продукцияларынын көлөмү кескин жогорулаган.

"ЕАЭБ өлкөлөрүнүн ортосунда бирдиктүү документ жүгүртүү эрежеси кабыл алынган соң алгач Кыргызстан электрондоштуруу боюнча бир топ көйгөйлөргө кабылып келген. Бирок соңку жылдары уюмга мүчө башка мамлекеттерди кууп жетип, азыр беш мамлекет ортосунда бирдей тартипте иш жүргүзүлүүдө. Мунун ыңгайлуу жагын алгач эле продукциясын ЕАЭБ мамлекеттерине саткан дыйкандар сезишти. Мурда товарын чек арадан алып өтүү үчүн тиешелүү сертификат алууга бир нече күн коротуп кезек күтүшсө, азыр 700 сом төлөп, жарым күнгө жетпеген убакытта керектүү документтерин алып кетишет. Мунун жыйынтыгында соңку жети айда эле өлкөдөн 110 тонна жашылча-жемиш, 134 тонна фасоль жана жасмык (чечевица) ЕАЭБ мамлекеттерине жана Түркия, Чыгыш Европага экспорттолду. Бул багытта республика боюнча төрт лаборатория иш алып барууда, бешинчиси Нарын облусуна жаңыдан курулуп жатат. Кыргызстандан жөнөтүлүп жаткан жүккө алган документтери уюмга мүчө болгон беш мамлекеттин чек араларынан өтүүдө жарайт", — деди Марсбек уулу.

Ал пандемия учурунда да айыл чарба продукциялары уюм алкагында эч тоскоолдуксуз өткөрүлүп жатканын кошумчалады.

269
Белгилер:
айыл чарба, экспорт, Евразиялык экономикалык биримдик
Тема боюнча
Сазбаков: Кыргызстандан ЕАЭБ өлкөлөрүнө экспорттун көлөмү көбөйүүдө
Ветеринария инспекциясына караштуу малдын ылаңдарына мониторинг жүргүзүү бөлүмүнүн башчысы Чыңгыз Романов

Романов: сибирь жарасынын инкубациялык мөөнөтү 3-4 күн

44
(жаңыланган 21:11 27.09.2020)
Ветеринария инспекциясына караштуу малдын ылаңдарына мониторинг жүргүзүү бөлүмүнүн башчысы Чыңгыз Романов ооруган малдын этин пайдаланганга болбой турганы байма-бай айтылганына карабай адамдар аны союп, этин таратып салган учурлар болуп жатканын айтты.
Романов: сибирь жарасынын инкубациялык мөөнөтү 3-4 күн

Ооруган малдын этин бышырып, көпкө кайнатып, кууруса деле сибирь жарасы сырткы чөйрөгө туруктуу болгондуктан илдет жуктуруп алуу коркунучу жогору. Бул тууралуу Чыңгыз Романов Sputnik Кыргызстан радиосунун эфиринде маек куруп жатып билдирди.

Ат-Башы: сибирь жарасы менен ооруган уйдун эти элге тарап, эки киши жабыркады

Анын айтымында, Кыргызстанда жылына сибирь жарасына кабылган 2-3 учур аныкталат.

"Микроб териге кирген жерде алгач кызыл так пайда болот, андан кийин томпоюп шишимик тартат. Кийинчерээк ал ыйлакчага айланып, сууга, бир аздан кийин ириңге толуп, бат эле жарага айланат. Ал эми өпкөдөн же ичеги-карындан кармаган күйдүргү өмүргө коркунучтуу. Бактыга жараша, бизде мындай формада кармаган учур каттала элек. Оору сасык тумоого кабылгандай эле башталып, бактерия тез көбөйүп, канга өтүп кетет. Сибирь жарасынын инкубациялык мөөнөтү 3-4 күн. Диагнозду өз убагында коюп, дарылабаса оорулуу 2-3 күндүн ичинде эле өлүмгө учурашы мүмкүн. Клиникалык белгилери температура көтөрүлүп, ичи өтүп, жөтөлгөндө кан аралаш какырык чыгат, тамак шишип кетет", – деди Романов.

Адис быйыл сибирь жарасы малдан жана топурактан эки, ал эми адамдардан үч учур катталганын кошумчалады.

44
Белгилер:
дарылоо, сибирь жарасы
Тема боюнча
Дене ууланат. Малдан адамга жуккан күйдүргүдөн кантип сактануу керек
Маданият, маалымат жана туризм министрлигинин маданий мурастарды сактоо жана өнүктүрүү башкармалыгынын башкы адиси Чынарбек Жолдошев

Жолдошев: Кыргызстанда азырынча 583 археологиялык аймак бар экени белгилүү

12
(жаңыланган 19:21 27.09.2020)
Маданият, маалымат жана туризм министрлигинин маданий мурастарды сактоо жана өнүктүрүү башкармалыгынын башкы адиси Чынарбек Жолдошев өлкөдөгү петроглифтер тууралуу айтып берди.
Жолдошев: Кыргызстанда азырынча 583 археологиялык аймак бар экени белгилүү

Кыргызстанда азырынча илимге белгилүү 583 археологиялык жайлар бар. Алардын 85и окумуштуулар тарабынан иликтенип, каттоого алынган. Бул тууралуу Чынарбек Жолдошев Sputnik Кыргызстан радиосунун эфиринде маек куруп жатып билдирди.

Анын айтымында, Ош шаарындагы Сулайман-Тоодо 400гө жакын баалуу петроглифтер жайгашкан.

"Кыргызстандын ичинде тарыхый баалуу аймактар абдан көп. Илимге белгилүү болгону азырынча 583 деп катталган. Ал эми археологдордун буту баса элек канча жер белгисиз жатат. Петроглифтерди республиканын бардык облустарынан эле кезиктирүүгө болот. Мисалы, Өзбекстан менен чектеш Сүрөттүү-Таш айылында б.з.ч. II кылымга таандык күлүк жылкылары менен атагы чыккан Даван мамлекетинин аттары таштарга чегип түшүрүлгөн. Бул ошол кезинде кытай империясы суктанган Даван өлкөсү тууралуу кенен маалыматты камтып турган ачык асман алдындагы документтер десек болот. Ушул эле доорго таандык саймалы таштар Араванда, Ноокат районунда да бар. Алайдын Үч-Дөбө айылынан чыгып келаткан талаада петроглифтер али толук иликтене элек. Мындан сырткары, Ысык-Көл облусунда Тору-Айгыр айылынан тарта Чолпон-Ата шаарына чейин бүтүндөй эле петроглифтердин мекени десек болот. Таласта Манас ордонун ичинде жана Жалтырак-Таш деген жерде түрк дооруна таандык уникалдуу петроглифтер жатат. Дүйнөнү таң калтырып, жылына бир ай гана көрүүгө мүмкүн болгон, деңиз деңгээлинен 3,5 миң метр бийиктикте жайгашкан Тогуз-Тородогу саймалы таштар коло дооруна таандык", — деди Жолдошев.

Адис петроглифтерди коргоп, сактоо ар бир кыргызстандыктын милдети экенин кошумчалады.

12
Белгилер:
тарыхый баалуулуктар, петроглиф
Тема боюнча
Жолдошев: петроглифтер табылгандан тарта тарыхый баалуулук болуп эсептелет
Алайдын тоолору. Архивдик сүрөт

Түндө Алайда жер титиреди

0
(жаңыланган 10:45 28.09.2020)
Жердин титирегени Алай районунун Ачык-Суу, Жайылма жана Кашка-Суу айылдарында сезилген. Андан жабыркагандар жана кыйроолор болгон жок.

БИШКЕК, 28-сен. — Sputnik. Түндө Ош облусунун аймагында очогунда күчү 4 баллга жеткен жер титирөө катталды. Бул тууралуу Сейсмология институтуна таянуу менен ӨКМ кабарлады.

Түндө Таласта кар жаады. Видео

Жер бүгүн, 28-сентябрь күнү, саат 02:32де титиреген. Ал Алай районунун Ачык-Суу, Жайылма, Кашка-Суу айылдарында 3 баллга чейин сезилген.

Жер силкинүүдөн жабыркагандар жана кыйроолор болгон жок.

0
Белгилер:
жер титирөө, ӨКМ, Алай району, Ош
Тема боюнча
Табият албууттанганда. Кыргызстандагы жүрөк үшүн алган жаратылыш кырсыктары