Бишкек мэриясынын Жер ресурстары башкармалыгынын башчысы Азамат Сагындык уулу

Сагындык уулу: эми шаардыктар ижара боюнча онлайн кайрылышат

180
Бишкек мэриясынын Жер ресурстары башкармалыгынын башчысы Азамат Сагындык уулу жерди ижарага берүү комиссиясы онлайн режимде иштээрин айтты.
Сагындык уулу: эми шаардыктар ижара боюнча онлайн кайрылышат

Эми Бишкек шаарында жерди ижарага алуу иштеринин баары электрондук режимде жүргүзүлөт. Бул тууралуу Азамат Сагындык уулу Sputnik Кыргызстан радиосуна маек куруп жатып билдирди.

Анын айтымында, дүкөн, дарыкана же башка багытта борбор калаадан ижарага жер алып иштетүүнү каалагандар шаар мэриясына электрондук түрдө билдирүү калтыруу менен кайрыла алышат.

"Бишкекте жерди ижарага берүү иштери толугу менен электрондошту. Эми ижарачылар мурдагыдай болуп мэрияга келип отурбай, онлайн-билдирүү калтыра алышат. Мындан сырткары, ижарага берүүнү чечүүчү комиссиянын иши да биздин башкармалыктын социалдык тармактагы баракчалары аркылуу онлайн өтүп турат. Демек, каалаган адамдын баары муну көрө алат. Бул өз убагында ачыктыкты камсыздайт. Ошондой эле шаардагы бардык күркө, дарыкана, дүкөндөргө QR-код берилет. QR-коду бар ижарачылар атайын тиркеме аркылуу эле тиешелүү документ иштерин бүткөрө алат. Аларга мурдагыдай болуп ар багыттагы текшерүүлөр келбейт", — деди Сагындык уулу.

Ал жерди ижарага алууну каалагандар QR-код үчүн аталган мекемеге өздөрү кайрылуусу шарт экендигин кошумчалады.

180
Белгилер:
ижара, жер
Тема боюнча
Шаршенова: жергиликтүү өз алдынча башкаруу органдарында бирдиктүү база түзүлдү
Врач-эндокринолог Гүлжамал Турсункулова. Архивдик сүрөт

Турсункулова: кишинин семирип кетишинин үч башкы себеби бар

587
Эндокринолог Гүлжамал Турсункулова эркектерге караганда аялдар бат эле ашыкча салмак кошуп аларын айтты.
Турсункулова: кишинин семирип кетишинин үч башкы себеби бар

Кишинин семирип кетүүсүнүн үч башкы себеби бар. Бул тууралуу Гүлжамал Турсункулова Sputnik Кыргызстан радиосуна маек куруп жатып билдирди.

Арыктоо үчүн күнүмдүк тамакка колдончу азыктар тизмектелди

Анын айтымында, ашыкча салмак кант диабетинин пайда болушуна жана башка жүрөк-кан тамыр ооруларынын жаралышына өбөлгө түзүшү мүмкүн.

"Адамдардын ашыкча салмак кошуп алышынын башкы үч себеби бар. Алар — туура эмес тамактануу, генетика жана гормондордун бузулушу. Өзүнүн семирип баратканын түшүнгөн адам алгач эндокринологго кайрылып, себебин аныктап алганы жакшы. Анткени арыктайм деген айрым кишилер дароо эле диета кармоодон башташат. Эгер толуп кетүүсүнүн себеби туура эмес тамактануу болбосо, анда мындай диеталар организмге олуттуу зыян келтирип коюшу мүмкүн. Дагы бир маанилүү маселе — бизде туура тамактануу дегенди калориялуу азык-түлүктөрдү жеш керек деп түшүнгөндөр да жок эмес. Тескерисинче, майлуу, күчтүү тамактар организм үчүн пайдасы аз азыктар болуп эсептелет. Дүйнөдө семирип кетүүнү кедей өлкөлөрдүн "оорусу" деп аташат. Анткени калкы бай жашаган мамлекеттерде адамдар жашылча, жемиштерди төрт мезгил бою жеп, туура тамактанууга далалаттанышат",— деди Турсункулова.

Дарыгер таттуу, газы бар суусундуктар да салмак кошууга өбөлгө болорун кошумчалады.

587
Белгилер:
ден соолук, салмак
Тема боюнча
Эндокринолог: уйку гормону бузулган адам бат картаят
Улуттук банктын расмий өкүлү Аида Карабаева

Карабаева: ЕАЭБде доллардан арылуу маселеси бир нече жолу талкууланган

39
Улуттук банктын расмий өкүлү Аида Карабаева Кыргызстанда либералдык валюта саясаты ишке ашырылгандыктан эл аралык валюталарды колдонуу жарандардын чечиминен көз каранды экендигин айтты.
Карабаева: ЕАЭБде доллардан арылуу маселеси бир нече жолу талкууланган

Соңку учурларда өлкөлөр арасында өз ара соода жүргүзүүдө улуттук валютаны колдонуу актуалдуу болууда. Доллардан арылуу маселеси ЕАЭБдин кеңешинде дагы талкууланып келет. Бул тууралуу Аида Карабаева Sputnik Кыргызстан радиосуна маек берип жатып билдирди.

Анын айтымында, АКШ — Кытай соода тиреши жана АКШнын Россияга санкцияларды киргизүүсү Россия менен Кытайдын ортосунда улуттук валютаны колдонууга түрткү болууда.

ЕАЭБ менен Кытай: кызматташуунун бир нече тармагы талкууланды

"Акыркы учурда өлкөлөр арасында өз ара соода жүргүзүүдө улуттук валютаны колдонуу абдан актуалдуу болууда. Доллардан арылуу маселелери ЕАЭБдин өкмөттөр аралык кеңешиндеги отурумунда бир нече жолу каралган. Учурда Россия жана Кытайдын соода жүргүзүүсүндө АКШ долларынын үлүшү азаюуда. Мындай кадам келечекте ЕАЭБ ичинде акча жүгүртүүгө юань же башка бир бирдиктүү акча кирип калышы мүмкүн деген да ойду жаратпай койбойт. Ошондой эле дүйнөлүк эксперттер да юандын дүйнөлүк же регионалдык валюта болуу мүмкүнчүлүгү бар экенин айтышууда. Анткен менен бул үчүн бир катар шарттар болушу зарыл. Алсак, өлкөлөр аралык экспорттук-импорттук операциялардын көлөмү бирдей болушу керек. Валюта тобокелчиликтерин камсыздандырууга мүмкүнчүлүк берген жагдай түзүлүүсү шарт", — деди Карабаева.

Ошондой эле ал Кытайдын бийлиги акыркы он жылда өз акчасынын ролун жогорулатууга жана эл аралык валюта статусун алууга багытталган аракеттерди жүргүзүп, натыйжада доллар, евро, фунт жана иена менен бирге 2016-жылдан тартып юань эл аралык валюта фондунун куржунунда экенин кошумчалады.

39
Белгилер:
соода, юань, Евразиялык экономикалык биримдик, Аида Карабаева
Тема боюнча
Ишемкулов: Өзбекстандын ЕАЭБге жакындашуусу эки тарапка тең пайдалуу

БУУнун Коопсуздук кеңешин кеңейтүү... Тынчтыкты сактоо үчүн эмнесин калтыруу зарыл?

0
БУУга мүчө-өлкөлөрдүн лидерлери уюмду жаңылоодо. Башкы ассамблеянын мааракелик отурумунда реформалоо боюнча бир нече сунуш түштү.

Быйыл Бириккен Улуттар Уюмуна 75 жыл толду. Ага мүчө-өлкөлөр бир катар жерлерин өзгөртүүнү чечишти. Дүйнө башкача боло баштады, түзүм өзгөрдү. Эмне болгон күндө да, өзгөрүү баары бир жакшы жакка алып бара турган ыңгайлуу учур. Маселен, Владимир Путин вето укугун сактоону сунуштады. Дүйнөдө туруктуулукту сактоо эмне үчүн маанилүү деген суроого төмөнкү видеодон жооп алууга болот.

0
Белгилер:
Владимир Путин, БУУнун Башкы Ассамблеясы, БУУ, Россия
Тема боюнча
Путин: БУУ бир орунда катып калбай, заманга ылайыкташуусу керек