Маданият, маалымат жана туризм министрлигинин маалымат катчысы Айнура Асанбаева

Асанбаева: онлайн иш-чараларга бардык мекендештер күбө боло алат

44
Маданият, маалымат жана туризм министрлигинин маалымат катчысы Айнура Асанбаева карантинге байланыштуу бир катар иш-чара онлайн форматында өткөнүн белгиледи.
Асанбаева: онлайн иш-чараларга бардык мекендештер күбө боло алат

Өнөрпоздорго шык, дем берген көрүүчүлөр жок иш-чараларды онлайн өткөрүү түйшөлтөт. Бирок бүт дүйнөдөгү мекендештерибиздин күбө болушуна мүмкүндүк түзүп жатат. Бул тууралуу Айнура Асанбаева Sputnik Кыргызстан радиосуна маек куруп жатып билдирди.

Анын айтымында, 9-сентябрь  - Комуз күнүнө карата 7-13-сентябрь аралыгында "Комуз жумалыгы" жарыяланган.

Кремлде жаңырган комуз менен балалайка элдин жүрөгүн балкытты. Видео

"Комуз жумалыгынын" алкагында комузчулар Токтогул Сатылганов, Ниязалы Борошов жана Карамолдо Орозовдун айкелдерине өнөр адамдары гүлчамбар коюшуп, залкарлар эскерилди. Мындан тышкары, комуз жана күүлөрүнүн өнүгүү тенденциясы тууралуу илимий-практикалык конференция болуп, атайын концерт берилет. Белгилей кетүүчү жагдай, өнөрпоздорго шык, дем берген көрүүчүлөр жок иш-чараларды онлайн өткөрүү түйшөлтөт. Бирок министрлик учурдагы абалга ылайык заманбап техникаларды колдонуу менен кырдаалдан чыга алды. Социалдык тармактарда түз эфирлерди уюштуруп турдук. Бул формат дагы өзүнүн эффективдүүлүгүн көрсөтө алды. Анткени ар кайсы аймактардагы, ал тургай чет жактардагы жарандарыбыз дагы күбө боло алышат экен. Учурдагы 7-13-сентябрь аралыгында уюштурулуп жаткан "Комуз жумалыгына" дагы жарандарыбыз активдүү катышууда. Натыйжада алыскы аймактардагы окуучулардан тарта карыяларыбызга чейин катышууга мүмкүнчүлүк түзүлдү", — деди Асанбаева.

Ошондой эле ал "#таңшыкомуз" хештэгин колдонуп, өнөктүккө активдүү катышкандарга министрлик тарабынан атайын белектер тапшырыла турганын кошумчалады.

Эске салсак, Комуз күнү өлкөдө президенттин Жарлыгы менен 2019-жылдан бери 9-сентябрда белгиленип келет.

44
Белгилер:
маданият, онлайн, комуз
Тема боюнча
Колуктусун энесинин сынынан өткөрүп үйлөнгөн. Замирбек Үсөнбаев тууралуу 8 факты
Башталгыч кесиптик билим берүү башкармалыгынын башчысы Бектур Ибрагимов. Архив

Ибрагимов: бүтүрүүчүлөрдүн 10-15%ы дароо эмгек миграциясына кетүүдө

16
(жаңыланган 12:37 13.06.2021)
Башталгыч кесиптик билим берүү башкармалыгынын башчысы Бектур Ибрагимов орто мектепти бүтүргөн окуучулардын 10-15 пайызы чет жакка иштөөгө аттанарын айтты.

Ата-энелердин көпчүлүгү эле балдарынын жогорку билим алуусуна умтулат. Эгер юрист же экономист тууганы болсо, өз перзентин да ошол кесипти аркалоого үндөшөт. Ошол эле учурда баланын кызыгуусун көп деле эске ала беришпейт. Бул тууралуу Бектур Ибрагимов Sputnik Кыргызстан радиосунун эфиринде маек куруп жатып билдирди.

Ибрагимов: бүтүрүүчүлөрдүн 10-15%ы дароо эмгек миграциясына кетүүдө

Анын айтымында, эмгек миграциясына чыгардан мурда кесиптик окууларды бүтүрүп алуу маданиятын жайылтуу зарыл.

"Өлкөдө соңку жылдары кесиптик билим берүү бир аз колго алына баштады. Ошого карабай балдарынын жогорку билим алуусуна тырышкан ата-энелер көп. Алар бүтүрүүчүнүн ой-кыялдарына көп учурда көңүл деле бурушпайт. Жыйынтыгында бала окууну аягына чыгарбай таштап коет же башка факультеттерге которулуп кетет. Ошондуктан башынан эле бала менен сүйлөшүп, тескерисинче, аны кайсы бир кесиптин ээси болуп алууга үндөө керек. Өзгөчө азыр көп талап кылынган фермер, тигүүчү, ширетүүчү, крановщик, ашпозчу, куруучу жана башка ушул сыяктуу. Бул кесиптер чет мамлекетке чыкса да жумуш таап кетишине көмөкчү боло алат. Андан кийин эгер баланын каалоосу болсо, жогорку билим алса болот", — деди Ибрагимов.

Подкасттын толук вариантын видеодон көрүңүз:

16
Белгилер:
Бектур Ибрагимов, кеңеш, тандоо, кесип, бүтүрүүчү
Тема боюнча
Мурзаев: адам максатты туура кое билсе өнүгөт
Балык чарба департаментинин директорунун орун басары Маил Алиаскаров. Архив

Алиаскаров: былтыр ЕАЭБге 3 158 тонна балык экспорттолду

17
(жаңыланган 12:31 13.06.2021)
Балык чарба департаментинин директорунун орун басары Маил Алиаскаров Кыргызстандан балык эң көп көлөмдө ЕАЭБ өлкөлөрүнө сатыларын айтты.

Кыргызстандын климаты балык өндүрүүгө абдан ыңгайлуу келгендиктен бул багытта соңку жылдары жакшы өзгөрүүлөр бар. Атап айтсак, акыркы 17 жылдын ичинде эле өндүрүштүн көлөмү 50 тоннандан 5 140 тоннага жетти. Башкача айтканда, 100 пайыздан көбүрөк өлчөмгө өстү. Бул тууралуу Маил Алиаскаров Sputnik Кыргызстан радиосунун эфиринде маек куруп жатып билдирди.

Алиаскаров: былтыр ЕАЭБге 3 158 тонна балык экспорттолду

Анын айтымында, өлкөдө көбүнесе кубулма (радужная форель — ред.) форель балыктары өстүрүлөт.

"2020-жылы Кыргызстан ЕАЭБ өлкөлөрүнө 3 158 тонна балык экспорттоду. Басымдуу бөлүгү Россия жана Казакстанга кетти. Ошондой эле 400 килограммды Араб Эмирлигине жибердик. Бизде көбүнесе кубулма балыгы өстүрүлгөндүктөн, алардын ар бир даанасынын наркы 300 сомдон кем болбойт. Ошондуктан былтыр жалпы суммасы 11 миллион 278 миң 571 долларга балык саттык. ЕАЭБ өлкөлөрүнө мындан да көп көлөмдө экспорттоого мүмкүнчүлүк бар", — деди Алиаскаров.

Ал Литвага да көп эмес көлөмдө Кыргызстандан балык чыгарылып турарын кошумчалады.

17
Белгилер:
экспорт, Евразиялык экономикалык биримдик, балык, Маил Алиаскаров
Тема:
ЕАЭБдеги Кыргызстан
Тема боюнча
Алиаскаров: Кыргызстан балык өстүрүүгө ыңгайлуу өлкө

Жети секундда сулата чапты. UFC 263 мелдешинин урунттуу учурларынын видеосу

0
(жаңыланган 14:51 13.06.2021)
13-июнда эртең менен аралаш мушташ боюнча UFC 263 турнири жыйынтыкталды. Мелдеш кызыктуу кармаштар, нокауттар жана реванштар менен коштолду.

Башкы беттеште промоушендин орто салмактагы чемпиону Исраэль Адесанья менен италиялык Марвин Веттори кез келди. Бул турнирде Нейт Диас Леон Эдвардс менен мушташты.

Эң жеңил салмактын чемпиондук наамы үчүн Дейвесон Фигередо менен Брэндон Моренонун реванштык беттеши, аягында Фигередонун атаандашына көрсөткөн урмат-сыйы мелдешке өзүнчө көрк берди.

Экс-чемпион, дивизиондун лидери жеңилип, чемпиондук курду алдырганына карабай атаандашын асманга көкөлөткөнүн UFC Russia өзүнүн Instagram баракчасына чыгарды.

Посмотреть эту публикацию в Instagram

Публикация от UFC Russia (@ufcrussia)

Ал эми америкалык мушкер Терранс Маккини дебюттук таймашында атаандашы Мэтт Фреволду жети секундада эле жыга чапты. Ал мекендешинин ээгине удаасы менен эки кубаттуу сокку урганда ал жерге сулк кулаган. Ийгилигине кубанган мушкер так секирип жатып бутун кокустатып алды. Алып баруучу Маккининин буту тизесинен чыгып кеткенин айтты.

0
Белгилер:
реванш, нокаут, беттешүү, турнир, UFC
Тема боюнча
Баш көтөртпөй... Абдыкааров OPEN FC Гран-при мелдешинин финалына чыккан видео