Эржигитов: беш жыл аралыгында МИК аркылуу 4 700 адам үйлүү болду
(жаңыланган 14:27 11.09.2020)
Мамлекеттик ипотекалык компаниянын маалымат кызматынын жетекчиси Мелис Эржигитов беш жыл аралыгында 4700дөн ашуун адам аталган мекеме аркылуу турак жайлуу болгонун айтты.Эржигитов: беш жыл аралыгында МИК аркылуу 4 700 адам үйлүү болду
Мамлекеттик ипотекалык компания пандемиядан улам кардарларга жеңилдиктерди берүүдө. Ар бир насыя алуучу менен жекече сүйлөшүү жүрөт. Бул тууралуу Мелис Эржигитов Sputnik Кыргызстан радиосуна маек куруп жатып билдирди.
Анын айтымында, бюджеттен быйыл 500 миллион сом каралган. Аталган сумманын 61 миллиону берилип, калганы өлкөдөгү эпидемиологиялык кырдаалга байланыштуу токтоп турган. Эми 200 миллиону бөлүндү.
"Мамлекеттик ипотекалык компаниянын түзүлгөнүнө беш жыл толду. Бул аралыкта 16 000ден ашуун үй-бүлө турак жайлуу болду. Жалпысынан 5 миллиард сомдон ашуун каражат жумшалды. Бирок пандемия учурунда бизде да кыйынчылыктар жаралды. Өлкө бюджетинен бөлүнчү каражаттын 200 миллиону экинчи жарым жылдыкта араң берилип отурат. Бул да болсо коронавирустун экономикага тийгизген таасиринен деп билсек болот. Ошого карабай биз өз кардарларыбызга жеңилдиктерди берүүнү улантуудабыз. Буга чейин 1000дей жаран арыз менен кайрылып насыясынын мөөнөтүн белгилүү бир учурга жылдырып туруу боюнча жеңилдик алышты", — деди Эржигит уулу.
Ал жеңилдик берүүнүн негизинде 40 миллионго чукул каражатты төлөө мөөнөтү узартылганын кошумчалады.
Белгилер:
Ишекеев: тилге байланыштуу бири-бирине каршы келген мыйзамдар бар
Ишекеев: тилге байланыштуу бири-бирине каршы келген мыйзамдар бар
Кыргыз тилинин системалуу өнүгүшү үчүн алгач тилге байланыштуу мыйзамдарды иреттеп алыш керек. Анткени бири-бирине карама-каршы келгендери да бар. Бул тууралуу Назаркул Ишекеев Sputnik Кыргызстан радиосунун эфиринде маек куруп жатып белгиледи.
Анын айтымында, алгачкы кадам катары көрнөк-жарнак боюнча мыйзамдар иреттелип чыкты.
"Мамлекеттик тилди өркүндөтүүдөгү көйгөйлөрдү чечүү үчүн алгач бири-бирине каршы келген мыйзамдарды иреттеп чыгуу зарыл. Бул иштер тилди өнүктүрүү боюнча беш жылга түзүлгөн жаңы программада жигердүү колго алынат. 2015-2020-жылдарга карата түзүлгөн иш планга да киргизилип, айрымдары аткарылган. Алсак, көрнөк-жарнак боюнча мыйзамдар толугу менен иреттелип, эми анын мазмунуна да айыл өкмөттөрү, район жетекчилиги жана шаар мэриясы жооп берет. Аларда атайын түзүлгөн комиссиянын курамына тилчилер кирген", — деди Ишекеев.
Төрага 2021-2025-жылдарга карата түзүлгөн мамлекеттик тилди өркүндөтүү программасында кыргыз тилин окутуу методологиясын жана технологиясын өнүктүрүүгө басым жасаларын кошумчалады.
Белгилер:
Ырсалиева: экологиялык көйгөйлөр экономикалык чыгымдарга туш кылат
Ырсалиева: экологиялык көйгөйлөр экономикалык чыгымдарга туш кылат
Жер кыртышынын нымдалышуусу, оор жүк ташыган автоунаалардын каттоосу сейсмикалык термелүүлөргө алып келет. Бул тууралуу Айгүл Ырсалиева Sputnik Кыргызстан радиосуна маек берип жатып билдирди.
Анын айтымында, экологияга көңүл бурулбаса ал эбегейсиз экономикалык чыгымдарды жаратат.
Кара-Кечеде көчкү түшкөн аймакка убактылуу жол салынды
"Жакында Кара-Кече — Дыйкан жолуна абдан чоң өлчөмдөгү көчкү түшүп, 600 метр аралыктагы жолду тосуп калды. Буга жамгыр, кардын көп жаашынан улам жер кыртышынын нымдалышы, оор габариттүү жүк ташуучу автоунаалардын каттоосу сейсмикалык термелүүлөргө алып келүүдө. Ошондой эле кен казуу иштери дагы өз таасирин тийгизбей койбойт. Негизи эле Кыргызстандын 90 пайыздан ашуун аймагы тоолуу жер болуп саналат. Бизде миңден ашуун жер көчкү түшүшү мүмкүн деген жерлер бар. Мындай кырсык кайталанбашы үчүн тийиштүү органдар даярдыкта болуусу шарт. Учурда өлкөдө экономикалык көйгөлөргө көбүрөөк басым жасалып, экологияга анчейин маани берилбей келет. А чынында экологияга аяр мамиле кылышыбыз керек. Себеби ушул сыяктуу жаратылыш кырсыктары түз жана кыйыр түрүндө эбегейсиз экономикалык чыгымдарга туш кылат", — деди Ырсалиева.
Эколог көмүр казуу иштерин дагы тийиштүү талаптарды сактоо менен жүргүзүү зарылдыгын кошумчалады.
Белгилер:
Россияда доллардын баасы кескин кымбаттап кетти
(жаңыланган 00:14 24.09.2020)
Доллардын сомго карата баасы сезилерлик өзгөргөн жок. Анткен менен Россия акчасынын наркы түшүп кетиши, доллардын Кыргызстандагы баасына таасир этип койгон учурлар көп.БИШКЕК, 23-сен. — Sputnik. Россияда апрель айынан бери биринчи жолу доллар 77 рублге чыгып, кескин кымбаттады. Бул тууралуу РИА Новости жазды.
Москва биржасынын маалыматына караганда, бир доллар Бишкек убактысы боюнча саат 20:24тө 77,07 рублди түздү (96 тыйынга кымбаттады). Ал эми евро 80 тыйынга кымбаттап, 89,93 рубль болду.
Белгилей кетсек, доллардын сомго карата баасы сезилерлик өзгөргөн жок. Анткен менен Россия акчасынын наркы түшүп кетиши, доллардын Кыргызстандагы баасына таасир этип койгон учурлар көп.
Белгилер: