Кыргызстандын банктар союзунун президенти Анвар Абдраев

Абдраев: банк сектору анчалык деле пайдалуу эмес

50
(жаңыланган 13:58 21.09.2020)
Кыргызстандын банктар союзунун президенти Анвар Абдраев өлкөдө айрым кредиттер КМШ мамлекеттерине салыштырмалуу төмөн пайызда бериле турганын белгиледи.
Абдраев: банк сектору анчалык деле пайдалуу эмес

Банк аманаттарды чогултуп, насыяга берет. Ортодо түшкөн каражат ар кандай кызматтарга бөлүнүп отуруп, банктардын пайдасы өтө деле чоң эмес. Бул тууралуу Анвар Абдраев Sputnik Кыргызстан радиосуна маек берип жатып билдирди.

Анын айтымында, насыянын пайызына таасир берүүчү бир нече объективдүү жана субъективдүү себептер бар.

Кыргызстанда пандемия маалында кредит алгандар менен депозиттердин саны өстү

"Айыл чарбаны колдоо максатында ипотека боюнча насыялардын пайыздары Кыргызстанда КМШ боюнча төмөн болуп эсептелет. Өнөктөш мамлекеттердин ичинде кредиттердин пайызы деле биздегиден бир аз эле жогору. Айрымдарында төмөнүрөөк, мындайча айтканда, чоң айырма жок. Алсак, Россияда пайыздык чен орточо 8,11 пайыз, Беларуста 10,4 пайыз, Арменияда 10,5 пайыз. Ал эми калган өлкөлөрдө биздегиден жогору. Ал тургай бизден экономикасы күчтүү Казакстанда 16,7 пайыз менен берилет. Ал эми бизде орточо көрсөткүч 16,75 пайыз. Дүйнө боюнча ала турган болсок, бизде жогору делинет. Буга бир канча себеп бар. Алсак, Кыргызстанда аманаттардын пайызы 13 пайызга чейин жетип, салыштырмалуу кыйла жогору. Банк ортомчу катары иш алып барып, элден аманаттарды алат. Ага ар кандай банктык кызматтарды кошуп, бир аз пайдасын эсептеп, насыяга берет. Бул жагдайдан алганда банк сектору анчалык деле киреше таппайт. Демек, өлкөдө насыянын пайызы төмөн болуш үчүн аманаттардын пайызы дагы ылдый болушу керек", — деди Абдраев.

Ошондой эле ал өлкөдөгү 23 банктын экөө мамлекеттик, бирөө Улуттук банкка караса, калгандары менчик болуп саналарын кошумчалады.

50
Белгилер:
аманат, насыя, банк
Тема боюнча
Кыргызстанда сомдун көлөмү 150 миллиарддан ашып, жаңы рекорд койду
Экономика илимдеринин доктору, профессор Айылчы Сарыбаев

Сарыбаев: миллиарддап зыян келтиргендерге экономикалык мунапыс берилбеши керек

69
Экономика илимдеринин доктору, профессор Айылчы Сарыбаев учурда өлкөдө жарыяланган экономикалык мунапыс жөн гана чакырыктай болуп жатканын айтты.
Сарыбаев: миллиарддап зыян келтиргендерге экономикалык мунапыс берилбеши керек

Мамлекетке миллиардаган зыян келтиргендерге экономикалык мунапыс берилбеши керек. Анткени алардын мыйзамсыз аракети мамлекеттин түзүлүшүнө, моралдык, социалдык-экономикалык абалына кедергисин тийгизген. Мындай пикирин Айылчы Сарыбаев Sputnik Кыргызстан радиосуна  маек куруп жатып билдирди.

Анын айтымында, өлкөдө буга чейин үч жолу экономикалык мунапыс жарыяланып, натыйжа берген эмес.

30 күн убакыт берем, уурдаган акчаңарды кайтаргыла! Жапаровдун видеокайрылуусу

"Мамлекеттик кылмышкерге экономикалык мунапыс берүү мүмкүн эмес. Миллиондогон, миллиарддаган зыян келтиргендер соттун чечими менен эркинен ажыратылып, ошол каражаттын баары кайра кайтарылат. Эгерде соттун чечими, тергөөнүн тыянагы жок болсо, ал жөн эле чакырык болуп калат. Бул даана коррупционерлердин жолу. Мамлекеттин казынасынан миллиондогон доллар өөнөгөндөр жөн эле каражат жагынан зыян келтирген жок. Алар мамлекеттин түзүлүшүнө, моралдык, социалдык, экономикалык абалына кедергисин тийгизди. Анткени алар бир кезде уурдап алган акчаны тегеретсе, он жылдын ичинде он эсе көбөймөк. Жүздөгөн, миңдеген адамдын жашоосунун жакшырышына өбөлгө болмок. Медицина, билим берүү, чек ара тармагындагы бир катар көйгөйлөрдү чечүүгө мүмкүндүк түзмөк. Андыктан коррупционерлер мамлекеттик кылмышкер катары жоопко тартылышы керек", — деди Сарыбаев.

Профессор өлкөгө чоң суммада зыян келтиргендер мамлекеттик кылмышкер катары эсептелип, аларга жеңилдик берилбеши керектигин кошумчалады.

69
Белгилер:
коррупция, экономика, мунапыс, Айылчы Сарыбаев
Тема боюнча
9 млрд. сом салык төлөгөн эмес. "Кумтөрдүн" Финполдун айыптоосуна комментарийи
Улуттук банктын расмий өкүлү Аида Карабаева

Карабаева: эл аралык резерв экономикалык эмбарго болсо колдонулат

19
(жаңыланган 12:04 29.10.2020)
Улуттук банктын расмий өкүлү Аида Карабаева банктын эл аралык резервдери өлкөнүн алты айлык импортун жабууга жете турганын айтты.
Карабаева: эл аралык резерв экономикалык эмбарго болсо колдонулат

Улуттук банктын эл аралык резервдери үч миллиард доллардан ашты. Ал өлкө экономикасынын коопсуздугун камсыздоого белгиленген. Бул тууралуу Аида Карабаева Sputnik Кыргызстан радиосуна маек куруп жатып маалымдады.

Анын айтымында, эл аралык резервдерди колдонуу атайын мыйзамдар менен ишке ашат.

МВФтин дүйнөнү сактап калуу аракети жакырчылык коркунучун жаратат

"Улуттук банктын эл аралык резервдерин колдонуу боюнча "Кыргыз Республикасынын Улуттук банкы, банктар жана банк иштери жөнүндө" мыйзамда так белгиленген. Учурда эл аралык кордун (запас, резерв) көлөмү үч миллиард доллардан ашып, тарыхый максимумга жетти. Анын курамы алтындан, эл аралык туруктуу валюталардан турат. Бул сумма өлкөнүн алты айлык импортун жабууга жетет. Негизи эл аралык стандарт боюнча, алтын валюталык резерв өлкөнүн үч жарым айлык импортун камсыздоосу зарыл. Ал экономиканын коопсуздугун камсыздоо үчүн белгиленип, кандайдыр бир экономикалык эмбарго болсо колдонулат", — деди Карабаева.

Ал валюталык интервенциялар дагы эл аралык резервден жасала турганын кошумчалады.

19
Белгилер:
резерв, импорт, валюта, Аида Карабаева
Тема боюнча
15 сомго кымбаттаптыр. 2020-жылдагы доллардын курсу. Инфографика
Билим берүү жана илим министри Алмазбек Бейшеналиев Пакистандын Кыргызстандагы атайын жана ыйгарым укуктуу элчиси Сардар Азхар Тарик Ханды кабыл алды

Министр Пакистандын элчиси менен кара тизмеге кирген ЖОЖдорду талкуулады

0
(жаңыланган 18:17 29.10.2020)
Буга чейин Пакистан Кыргызстандын медициналык окуу жайларын кара тизмеге киргизгени айтылган. Тараптар дал ушул маселени талкуулашты.

БИШКЕК, 29-окт. — Sputnik. Билим берүү жана илим министри Алмазбек Бейшеналиев Пакистандын Кыргызстандагы атайын жана ыйгарым укуктуу элчиси Сардар Азхар Тарик Ханды кабыл алды. Бул тууралуу аталган министрликтин маалымат кызматы кабарлады.

Жолугушууда тараптар Пакистан Кыргызстандын медициналык окуу жайларын кара тизмеге киргизгени боюнча сүйлөшкөн.

"Кыргыз тарап өлкөдөгү медициналык окуу жайларды кара тизмеден чыгаруу маселесин чечүү жолдору боюнча Пакистандын КРдеги элчилигине расмий кат жолдоого милдеттенди. Пакистан тарап бул маселенин тез арада чечилишине жана КРде билим алган пакистандык студенттердин көбөйүшүнө кызыкдар экенин билдирди", — деп жазылат маалыматта.

Министр Бейшеналиев мындан ары министрлик тарабынан ЖОЖдорго эл аралык аккредитациялардан өтүү, чет элдик жарандарга көрсөтүлгөн кызматтардын сапатын жогорулатуу жана материалдык-техникалык, лабораториялык-клиникалык базаларды жакшыртуу сыяктуу бир катар талаптар коюла турганын айтты.

Буга чейин Пакистан Кыргызстандын медициналык окуу жайларын кара тизмеге киргизгени айтылган.

Болочок медиктерге 90 бюджеттик орун бөлүндү. Вирустун кесепетин эске алып.

Мындан сырткары, жолугушууда билим берүү жана илим тармагындагы өз ара кызматташуу дагы талкууланган.

0
Белгилер:
окуу жай, жолугушуу, элчи, министр, Пакистан, Кыргызстан
Тема боюнча
Пакистан Кыргызстандын медициналык окуу жайларын кара тизмеге киргизди. Себеби