Маданият, маалымат жана туризм министрлигинин Маданий мурастарды сактоо жана өнүктүрүү башкармалыгынын башкы адиси Чынарбек Жолдошев

Жолдошев: петроглифтер табылгандан тарта тарыхый баалуулук болуп эсептелет

157
(жаңыланган 11:27 22.09.2020)
Маданият, маалымат жана туризм министрлигинин Маданий мурастарды сактоо жана өнүктүрүү башкармалыгынын башкы адиси Чынарбек Жолдошев тарыхый эстеликтердин статусуна токтолду.
Жолдошев: петроглифтер табылгандан тарта тарыхый баалуулук болуп эсептелет

Тарыхый эстеликтер тууралуу мыйзамда так көрсөтүлгөн. Кыргызстандын аймагынан жөнөкөй жаран болобу, кайсы бир ишкана же чет өлкөлүк инсан болобу, тарыхый эстелик таап алса, аны өз алдынча талкалоого, бузууга, ал тургай ордунан жылдырууга акысы жок. Бардык өлкө аймагынан табылган тарыхый эстеликтер ошол замат "кол тийбестикке" ээ болот. Бул тууралуу Чынарбек Жолдошев Sputnik Кыргызстан радиосунун эфиринде маек куруп жатып билдирди.

Анын айтымында, тарыхый эстеликтер архитектуралык, монументалдык, искусстволук, жаратылыш тарабынан пайда болгон жана археологиялык болуп бөлүнөт. Булардын эң баалуусу — археологиялык табылгалар.

"Мыйзам боюнча республиканын кайсы гана аймагынан археологиялык эстелик табылбасын, ал мамлекеттик баалуулук катары эсептелип, зыян келтирүүгө тыюу салынган. Керек болсо жайгашкан ордунан да жылдырууга болбойт. Эгер бул эгин талаасы, курулуш түшө турган же башка бир турмуш-тиричиликке колдонулуучу аянт болсо, аны таап алган тарап Маданият, маалымат жана туризм министрлигине тез арада билдирүү жибериши зарыл. Аны археологдор иликтеп, өз баасын берген соң гана ал аймакта андан ары кандайдыр бир аракеттерди жүргүзсө болор-болбосу аныкталат. Кээ бир тарыхый эстелик табылган жерге керек болсо бак отургузууга да тыюу салынат. Ал эми Алай районуна караштуу Терген-Таш аймагы боюнча айта турган болсок, алгач бул жер илимге 1985-жылы белгилүү болгон. 2000-жылдары да окумуштуулар барып, иликтөө иштерин жүргүзүп, бирок тилекке каршы, толук аягына чыкпай токтоп калган. Демек бул жерди иликтенип жаткан тарыхый аймак десек болот. Мындай жерден көмүр казууга тыюу салынат. Азыр эми көмүр казуу иштери токтотулду. Иликтөө иштери жасалганда да алгач айыл өкмөтү, андан соң район, облустун деңгээлинде тиешелүү токтомдор чыгып, анан республикалык маанидеги тарыхый жай деп табылат. Тарыхый баалуу жай катары дүйнөлүк деңгээлде корголгон аймакка кирип калышы да мүмкүн", — деди Жолдошев.

Адис кыргызстандыктардан петроглиф же башка тарыхый эстеликтер табылган учурда дароо тиешелүү органдарга билдирип коюуну өтүндү.

Иштебеген Тарых музейинин айланасына тосмо эмне үчүн коюлган? Расмий жооп

Эскерте кетсек, мындан бир жума мурда Алай районуна караштуу Калдырама, Боз-Бээ, Ак-Бай жайлоолорунда жайгашкан Көк-Көлдүн айланасындагы уникалдуу петроглифтер талкаланып, көмүр казуу иштери жүрүп жаткандыгы тууралуу маалымат тараган. Көп өтпөй жергиликтүү бийлик казуу иштери убактылуу токтотулганын билдирген.

157
Белгилер:
тарыхый баалуулуктар, петроглиф
Тема боюнча
Алайда талкаланган петроглифтер маданий баалуулуктар тизмесинде жок болуп чыкты
Милдеттүү медициналык камсыздандыруу фондунун программаларын ишке ашыруу башкармалыгынын башчысы Жыпара Азизбекова

Азизбекова: республикада COVID-19ду дарылоо үчүн дары-дармек жетиштүү

135
(жаңыланган 17:03 27.10.2020)
Милдеттүү медициналык камсыздандыруу фондунун программаларын ишке ашыруу башкармалыгынын башчысы Жыпара Азизбекова коронавирустун экинчи толкунуна көрүлүп жаткан даярдык тууралуу айтып берди.
Азизбекова: республикада COVID-19ду дарылоо үчүн дары-дармек жетиштүү

ММК фонду коронавирусту дарылоо үчүн саламаттык сактоо уюмдарына консолидацияланган бюджеттен 1 миллиард 611 миллион 804 миң сом бөлүп берди. Бул тууралуу Жыпара Азизбекова Sputnik Кыргызстан радиосунун эфиринде маек куруп жатып билдирди.

Өкмөт Россиядан COVID-19га каршы вакцинаны алып келүү шартын караштырууда

Анын айтымында, учурда саламаттык сактоо уюмдарында 322 миллион сомдон ашкан дары-дармектин запасы бар.

"Акча дары-дармектерди, жеке коргонуу каражаттарын жана респираторлорду сатып алууга бөлүндү. Жалпысынан республикада COVID-19ду дарылоо үчүн дары-дармек жетиштүү десек болот. Коронавирусту дарылоо боюнча жаңы иштелип чыккан 4-протоколго ылайык 92 аталыштагы препараттар алынып жатат. Анын ичинде Кавасаки синдромуна каршы дары, иммуноглобулиндер бар. Негизинен республикада бир ай ичинде дары-дармектерге болгон муктаждык 149 583 миң сомду түзөт. Бүгүнкү күндө 7 миллион 966 миң жеке коргонуучу каражаттары бар. Алсак, 308 миң коргоочу костюм, 2 миллион 645 миң даана медициналык маска, 381 миң респиратор, 3 миллион 673 миң кол кап, 778 миң бахила, 108 миң даана көз айнек. Ал эми облустарды алсак, Баткенде 20 миллион 356 миң сомдук, Бишкекте 45 миллион 714 миң, Жалал-Абадда 41 миллион 576 миң жана Ошто 179 миллион сомдук дары-дармекке каражат бар", – деди Азизбекова.

Ал республика боюнча коронавирус менен ооруган бейтаптар үчүн 4 538 керебет, ал эми резервде 3 221 орун даяр экенин кошумчалады.

135
Белгилер:
даярдык, коронавирус, дары-дармек
Тема:
Коронавируска байланыштуу Кыргызстандагы кырдаал
Тема боюнча
Бир күндө 568 адамдан COVID-19 аныкталды, 3 400 бейтап ооруканада
COVID кесепетинен ишсиз калгандарга жөлөк пул берүү сунушталды. Шарты
Мамлекеттик салык кызматынын маалыматтык камсыздоо бөлүмүнүн башчысы Эркин Сазыков

Сазыков: маркалоонун максаты ЕАЭБге товарды тоскоолдуксуз экспорттоо

24
(жаңыланган 12:03 27.10.2020)
Мамлекеттик салык кызматынын маалыматтык камсыздоо бөлүмүнүн башчысы Эркин Сазыков товарларды милдеттүү маркалоо 2021-жылдын 1-апрелине чейин жылдырылганын белгиледи.
Сазыков: маркалоонун максаты — ЕАЭБге товарды тоскоолдуксуз экспорттоо

Маркалоонун максаты — ЕАЭБ аймагына товарды тоскоолдуксуз экспорттоо. Ошондой эле маркалоо жасалма товарларды аныктоого мүмкүндүк түзүп, көмүскө экономика менен күрөшүүгө шарт түзөт. Бул тууралуу Эркин Сазыков Sputnik Кыргызстан радиосуна маек берип жатып маалымдады.

Анын айтымында, алкоголдук продукцияларды, тамекини милдеттүү түрдө маркалоо пландалууда.

Жумабеков: маркалоодон өтпөгөн айрым товарлар экспортко чыкпайт

"Маркалоо аркылуу товар тууралуу бардык маалыматты QR-кодго сактаганга мүмкүн болот. Айрым товарларды милдеттүү түрдө маркалоону киргизүүнү буга чейин эки жолу, эми кийинки жылдын 1-апрелине чейин жылдырылды. Буга коронавирус пандемиясы себеп болууда. Маркалоонун эң негизги максаты — контрафактылык товарлар, көмүскө экономика менен күрөшүү жана ЕАЭБ аймагына тоскоолдуксуз экспорттоо. Ал жакта товарларды маркалоо башкы талап болуп саналат. Мындан тышкары, салыгын өз учурунда төлөп жаткан ишкерлердин укугун коргоо. Себеби салык төлөөдөн качып жүргөндөр товарын арзан сатып, ак ниет иш алып барып жаткандарга зыянын тийгизүүдө", — деди Сазыков.

Ошондой эле ал маркалоону жылдырууга ишкерлердин кайрылуулары дагы себеп болгонун кошумчалады.

24
Белгилер:
Евразиялык экономикалык биримдик, салык, Эркин Сазыков
Тема боюнча
Айрым товарларды милдеттүү түрдө маркалоонун мөөнөтү узартылды. Себеби
Экс-депутат Эльвира Сурабалдиева. Архив

Эльвира Сурабалдиева вице-премьерлик кызматка киришти

0
(жаңыланган 14:29 28.10.2020)
Буга чейин өкмөт башчынын орун басарлыгын аркалаган Аида Исмаилованын талапкерлиги эмгек жана социалдык өнүктүрүү министри кызматына сунушталып, колдоо тапкан эмес.

БИШКЕК, 28-окт. — Sputnik. Эльвира Сурабалдиева Кыргызстандын вице-премьер-министри болуп дайындалды. Тиешелүү жарлыкка президенттин милдетин аткаруучу Садыр Жапаров кол койгонун өлкө башчынын маалымат кызматы билдирди.

Сурабалдиева вице-премьерликти ким сунуштап, кантип макул болгонун айтты

Эскерте кетсек, Сурабалдиеванын талапкерлигин алгач Жогорку Кеңештин тармактык комитети колдоп, андан соң депутаттар жалпы жыйында карашкан. Натыйжада эл өкүлдөрү өкмөттүн жаңы мүчөсү үчүн бир добуштан макул болушкан. Сурабалдиева Аида Исмаилованын ордуна келди, эми социалдык тармакты тескемекчи.

0
Белгилер:
Жогорку Кеңеш, министр, вице-премьер-министр, Садыр Жапаров, Аида Исмаилова, Эльвира Сурабалдиева
Тема боюнча
Депутаттар Исмаилованы социалдык өнүктүрүү министри кызматына колдогон жок. Видео