Ветеринария инспекциясына караштуу малдын ылаңдарына мониторинг жүргүзүү бөлүмүнүн башчысы Чыңгыз Романов. Архив

Романов: Кыргызстанда кутурма оорусунан жылына 1-2 киши каза табат

38
Ветеринария инспекциясына караштуу малдын ылаңдарына мониторинг жүргүзүү бөлүмүнүн башчысы Чыңгыз Романов денеге кутурма вирусунун киргени 3-6 жумада байкаларын айтты.
Романов: Кыргызстанда кутурма оорусунан жылына 1-2 киши каза табат

Кутурма адамдын жашына, жаныбар тиштеп алган жерине, жаракаттын оор же жеңил экендигине байланыштуу өнүгөт. Мисалы, жаракат баш же бет жакта болсо кыска, ал эми бут жакта болсо оорунун өнүгүү мезгили узак убакка созулат. Бул тууралуу Чыңгыз Романов Sputnik Кыргызстан радиосунун эфиринде маек куруп жатып билдирди.

Ошто жыл башынан бери алты жаныбардан кутурма табылган

Анын айтымында, Кыргызстанда кутурма оорусунан жылына 1-2ден киши каза табат.

"Оорунун өнүгүүсү үч этапка бөлүнөт. Башталыш этабы тиштелген жер ачышып, кызарып, шишип чыгат. Вирус нерв жолдору менен жүрүп отуруп, баш мээни жана жүлүндү катуу жабыркаткандыктан, адамдын ички дүйнөсүндө жана психикасында өзгөрүүлөр пайда болот. Суудан, жарыктан корко баштайт. Элден бекинип, көпчүлүктү жактырбай, жалгыздыкты самайт. Башы ооруп, алсырап, тамакка табити тартпайт. Экинчи этап — кутуруу процесси. Ары-бери чуркап, көзү кызарып, шилекейи агып, тер басат. Бул учурда адам тиштеп алышы мүмкүн. Кийинки этапта ооруган адам тынчтанып, коркунуч сезими жоголот. Оорулуунун буту баспай, алдастай баштайт да өлүмгө дуушар болот. Бизде 2018-жылы студентти, экинчи учурда кичинекей баланы ит тиштеп алып каза болушкан. 2019-жылы бир кемпирди да ит тиштеп алып, ал ооруканага кайрылбай жүрө бергендиктен бир жуманын ичинде көз жумган. Өлкөбүздө жылына 1-2 киши бул илдеттен каза болот. Ал эми өткөн жылы 31 малдан кутурма табылган. Көбү ит жана ири мүйүздүү малдан чыкты. 2015-жылдан бери ар бир итти эмдөөдөн өткөрүп, каттоо күбөлүктөрүн берип, маалыматтык базага каттап жатабыз. Былтыртадан баштап мындай итке каргы да тагып баштадык", — деди Романов.

Адис кутурмадан өлгөн жаныбарлар ветеринардык-санитардык талаптардын негизинде өрттөлүп же беккари чуңкуруна салынып жок кыланарын кошумчалады.

38
Белгилер:
Чыңгыз Романов, белги, илдет, кутурма
Тема боюнча
Кутурмага кабылган адам айыкпайт. Дарыгер илдеттен сактануу жолдорун айтты
Эндокринолог Айпери Биримкулова

Биримкулова: организмде йод ашыкча болсо оору алып келет

150
(жаңыланган 18:42 25.10.2020)
Эндокринолог Айпери Биримкулова калкан безинин салмагы 15-20 грамм болгону менен адам организми үчүн өтө маанилүү функцияны аткарарын айтты.
Биримкулова: организмде йод ашыкча болсо оору алып келет

Йод жетишсиз болгондо богок оорусу пайда болот, бирок анын ашыкчасы да дартты чакырат. Бул тууралуу Айпери Биримкулова Sputnik Кыргызстан радиосунун эфиринде маек куруп жатып билдирди.

Анын айтымында, деңиз азыктарында жана балык этинин курамында йод көп.

"Кыргызстан тоолуу өлкө болгондуктан климатыбызга жараша йод жетишсиздиги көп байкалат. Андыктан тамак-ашка йоддолгон тузду колдонуу керек. Бирок йод ашыкча болгон учурда да адам ар түрдүү ооруларга чалдыгат. Мындай учурда кишинин чачы түшүп, ачуусу бат келип, депрессияга кабылып, өзүн чарчаңкы сезип, ал тургай колдору титиреп, жүрөгү катуу согуп, көзү чанагынан чыгып кетейин деп чоңоюп кетиши мүмкүн. Бул учурда, өкүнүчтүүсү, көпчүлүк бейтаптар башка органдарын текшертип же психологдун жардамын күтүп жүрө беришет", — деди Биримкулова.

Ал оорунун жогорудагыдай белгилери байкалган учурда алгач эндокринологдорго кайрылып, гормондорун текшертип алышы зарылдыгын кошумчалады.

150
Белгилер:
Айпери Биримкулова, йод, ден соолук
Тема боюнча
Турсункулова: Кыргызстанда 617 000 адам кант диабети менен жабыркайт
Ветеринар Ашырбай Жусупов

Жусупов: мал кармаган короону жылына эки жолу дезинфекциялаш керек

33
(жаңыланган 18:21 25.10.2020)
Ветеринар Ашырбай Жусупов малды убак-сааты менен бастырып, тиешелүү гигиеналык талаптарды сактоо зарылдыгын айтты.
Жусупов: мал кармаган короону жылына эки жолу дезинфекциялаш керек

Мал чарбалары кышка карата комплекстүү даярданышы керек. Бул тууралуу Ашырбай Жусупов Sputnik Кыргызстан радиосуна маек куруп жатып билдирди.

Анын айтымында, оорулардын жайылып кетүү коркунучун алдын алуу максатында малдын түрүнө жараша бөлөк-бөлөк багылуусу керек.

Дене ууланат. Малдан адамга жуккан күйдүргүдөн кантип сактануу керек

"Мал күзүндө жайлоодон эттүү келет. Ушул кезде дайымкы профилактикалык иш-чараларды жүргүзүү зарыл. Башкача айтканда, семиз малга эмдөө жасалса эффективдүүлүгү жогорураак. Учурда ветеринария кызматы тарабынан тогуз ылаңга каршы акысыз вакцина сайылат. Андан тышкары, малдын тоюту салына турган акырды, суу иче турган ноосун, деги эле короону жазда жана күздө дезинфекциялоо шарт. Себеби илдеттер көбүнчө малдын жаткан жеринен жугат. Анан албетте комплекстүү тоют даярдалат. Тоют ар түрдүү жана витаминдүү болсо, семиз мал ооруга көп чалдыкпайт", — деди Жусупов.

Адис фермер түзүүдө алгач аталган багытта тиешелүү адабияттарды окуп, керектүү маалыматтарга ээ болуу менен мал багууну сапаттуу деңгээлге чыгарса болорун кошумчалады.

33
Белгилер:
тоют, ветеринария, мал, Ашырбай Жусупов
Тема боюнча
Саткынов: мал күзгү эмдөөдөн өтүп жатат
Футзал оюнчусу топ менен. Архивдик сүрөт

Кыргызстандык футзалчы Ильяс Чотбаев Тажикстанда чемпион болду

0
(жаңыланган 12:22 26.10.2020)
Ильястын "Сипар" клубу ордо калаанын "Соро компания" командасын утуп, өз тарыхында алгачкы жолу өлкө чемпиону болууга жетишти.

БИШКЕК, 26-окт. — Sputnik. Кыргызстандын футзал боюнча улуттук командасынын оюнчусу Ильяс Чотбаев "Сипар" клубу менен Тажикстандын профессионалдык футзал лигасынын чемпиону болду. Бул тууралуу Кыргызстандын футбол союзунун маалымат кызматы Instagram баракчасына жазды.

Посмотреть эту публикацию в Instagram

Публикация от Ассоциация футзала КР 🇰🇬 (@futsal_kgz)

Худжанддык клуб финалдык серияда 3:1 эсебинде ордо калаанын "Соро компания" клубун утуп, өз тарыхында алгачкы жолу өлкө чемпиону болууга жетишти.

Футзал: мыкты дарбазачы Акматалиев Россиянын "Волгарь" клубуна өттү

Финалдык сериянын төртүнчү беттешинде Ильяс эсеп айырмасын теңеген. Андан ары командалаштары Саломов менен Рахматов бирден топ киризип, жеңишти ишенимдүү камсыздашкан.

Кыргызстандык футзалчы Ильяс Чотбаев бул оюнда мыкты футболчу деп табылган. Ал Кыргызстандын "Фарватер" клубунан "Сипарга" өтүп, август айынан бери ойноп келет.

0
Белгилер:
чемпион, Тажикстан, футзал
Тема боюнча
Бишкекте футзал боюнча эл аралык турнир өтөт. Кимдер катыша алат?
Футзал: мыкты дарбазачы Акматалиев Россиянын "Волгарь" клубуна өттү