Радиостудия Sputnik Кыргызстан в Бишкеке - Sputnik Кыргызстан
Радио

Чукумбаев: Кыргызстандагы токойлордун картасы түзүлөт

© Sputnik / Асель СыдыковаКыргыз токой аңчылык жайгаштыруу” мекемесинин директору Сабырбек Чукумбаев
Кыргыз токой аңчылык жайгаштыруу” мекемесинин директору Сабырбек Чукумбаев - Sputnik Кыргызстан
Жазылуу
"Кыргыз токой аңчылык жайгаштыруу” мекемесинин директору Сабырбек Чукумбаев республикада токойлордун 30 пайызын картайып калган бактар түзөрүн айтты.
Чукумбаев: Кыргызстандагы токойлордун картасы түзүлөт

Өлкөдөгү токойлорду улуттук инвентаризациялоо иштери жыйынтыкталып калды. Бул республикада эгемендүүлүк алгандан бери экинчи ирет жасалып жаткан иш-чара. Мындай маалыматты Сабырбек Чукумбаев Sputnik Кыргызстан радиосунун эфиринде маек куруп жатып билдирди.

Анын айтымында, аталган долбоорду ишке ашыруу үчүн Дүйнөлүк банк 1 миллион доллар каражатты грант түрүндө бөлгөн.

"Токойлорду инвентаризациялоо программасы улуттук статуска ээ. Эгемендүүлүк алгандан бери экинчи ирет жүргүзүлүп жатат. Алгачкы жолу жасалганда математикалык эсеп менен гана токой аянттары чыгарылган болчу. Бул ирет космостук видеотартуулар менен аныкталып, токойдогу ар бир бактын жаш курагын, кайсы аймакта кандай ооруга чалдыкканын, канча пайызы кайсы жылдары кыркылып кеткенин, дүмүрлөрүнө чейин иликтеп аныкталат. Бул эле эмес, токой менен чогуу жайыттар, анын ичинде, өстүрүлгөн башка айдоо аймактары да кагазга түшүрүлүп, жыйынтыгында картасы түзүлөт. 10 жыл мурдагы инвентаризация иштерине таянуу менен учурда Кыргызстандын аймагынын 5,62 пайызын токой ээлейт деп айта алабыз", — деди Чукумбаев.

Ал аталган долбоор Орто Азиянын башка мамлекеттеринде жасала электигин кошумчалады.

Жаңылыктар түрмөгү
0