Саясат таануучу Шерадил Бактыгулов. Архив

Бактыгулов: шайлоонун расмий жыйынтыгы азыркыдан айырмаланышы мүмкүн

357
Саясат таануучу Шерадил Бактыгулов добуш берүү аяктагандан кийин дагы шайлоонун жыйынтыгына таасир бере турган жагдайлар бар экендигин билдирди.
Бактыгулов: шайлоонун расмий жыйынтыгы азыркыдан айырмаланышы мүмкүн

Кайсы бир партия тарабынан добушту сатып алуу, коркутуп-үркүтүү жана башка мыйзам бузуу аныкталса, алган добушуна карабай ал партияны БШК шайлоодон четтетип койгонго укугу бар. Бул тууралуу Шерадил Бактыгулов Sputnik Кыргызстан радиосуна маек берип жатып билдирди.

Анын айтымында, өлкө тарыхында жетиштүү добуш алып, бирок ар кандай жагдайлардан улам депутаттык мандат албай калган партиялар болгон.

Жаңы чакырылышка кимдер депутат болуп келди? Болжолдуу тизме

"Шайлоонун толук жыйынтыгы чыкканда учурдагыдан айырмаланып калышы ыктымал. Анткени азыр кээ бир партияларга шайлоо босогосунан өтүшү үчүн 800-1500 добуш жетпей жатат. Алыскы аймактардагы добуштар эсептелсе, бул көрүнүш өзгөрүшү мүмкүн. Мындан тышкары, партиялар Бишкек, Ош шаарларынан жана жети облустан 0,7 пайыз регионалдык босогону басып өтүүсү зарыл. Форма №2 менен аракеттер дал ушул аймактык босогону басып өтүү үчүн жасалды. Бул жагдайларды эске алганда "өттү" делген партиялардын арасынан регионалдык босогону ала албай калгандары болушу мүмкүн. Себеби 2007-жылы "Ата Мекен" партиясы республика боюнча жетиштүү добуш алып, бирок регионалдык босогону басып өтө албай, Жогорку Кеңешке кирбей калган. Ошондой эле шайлоонун жүрүшүндө орун алган мыйзам бузуулар боюнча келип түшкөн арыздар каралат. Анын негизинде кайсы бир партия мыйзам бузганы аныкталса, ошол участоктогу добуш берүүнүн натыйжасын БШК эсепке албай коюуга укугу бар. Буга утурлай эле Конституция боюнча кайсы бир партиянын добуш сатып алуу, коркутуп-үркүтүү жана башка шайлоонун натыйжасына кедергисин тийгизе турган мыйзам бузганы аныкталса, аны БШК шайлоодон четтетип коё алат", — деди Бактыгулов.

Серепчи "мыйзам бузуу" делген окуяларды жакшылап талдап, атайын жасалган чагым эместигине ынануу керектигин кошумчалады.

357
Белгилер:
мыйзам бузуулар, БШК, саясый партия, шайлоо, Шерадил Бактыгулов
Тема:
Шайлоо-2020 (252)
Тема боюнча
Кыргызстанда парламенттик шайлоо кандай өттү? Күндүн урунттуу учурлары
Козу карын өстүрүү боюнча технолог Эрмек Джусумбеков

Джусумбеков: козу карын бизнесине кызыгуум окуучу кезимден башталган

107
Козу карын өстүрүү боюнча технолог Эрмек Джусумбеков Кыргызстанда колго өстүрүлгөн козу карындын вёшенка жана шампиньон деген эки сорту бар экендигин билдирди.
Джусумбеков: козу карын бизнесине кызыгуум окуучу кезимден башталган

Козу карын өстүрүү өлкөдө анчалык өнүгө элек, бирок жапайы түрлөрүн терип сатуу колго алынган. Бул тууралуу Эрмек Джусумбеков Sputnik Кыргызстан радиосунун эфиринде маек куруп жатып маалымдады.

Анын айтымында, Кыргызстанда тамак-ашка колдоно турган жапайы козу карындын 90дон ашуун түрү бар.

"Козу карын өндүрүүгө болгон кызыгуум мектеп жашымдан башталган. Германиядан келген бир аяш атам алгач ирет колго козу карын өстүрсө болорун көрсөткөн. Ошондон тарта бул менин кыялыма айланган. Көптөгөн керектелүүчү техникалары жок эле өз күчүм менен козу карын өстүрүүгө көп жылдар аракет кылып жүрдүм. Жасаган ишим эч майнап бербей, ата-эне, жакындарым "таштачы ушул ишиңди" деген күндөр да болду. Мен ошентсе да аракетимди токтотпой, китепкана, Илимдер академиясындагы материалдар, интернетти казып окуп отуруп, бул багыттагы ишкерликти өз алдымча жолго коюп алдым.  Учурда башкаларга козу карын өндүрүү боюнча кеп-кеңеш берип, бизнес-план түзгөнгө көмөктөшөм. Козу карын бизнеси эгер жалгыз адам жасаса, абдан кирешелүү десек болот, ошону менен катар эле түйшүгү да күч. Азырынча өлкөдө ишкерликтин бул түрү жакшы колго алына элек. Ага караганда жапайы түрлөрүн терип, чет мамлекеттерге сатуу жолго коюлуп калган. Кыргызстандын жапайы козу карындарынын негизги кардары Кытай. Алар нукура азык деп жогору баалашат. Ал эми колго өндүрүлгөнү ушул тапта ички рынокко гана чыгып жатат", — деди Джусумбеков.

Ал козу карын өндүрүү ишкерлиги кирешелүү, түйшүктүү гана эмес, өзгөчө кызыктуу экенин кошумчалады.

107
Белгилер:
козу карын, бизнес
Тема боюнча
Шаршеев: ишкерлик боюнча да жаңы көз караштар жаралууда
Соода-өнөр жай палатасынын кичи комитетинин төрагасы, экономика министринин кеңешчиси Улукман Мамытов

Мамытов: сомду санариптештирүү аркылуу кризистен чыксак болот

155
(жаңыланган 11:06 22.10.2020)
Соода-өнөр жай палатасынын кичи комитетинин төрагасы, экономика министринин кеңешчиси Улукман Мамытов сомду санариптештирүү долбоору иштелип жаткандыгын билдирди.

Кыргызстан инвесторлорго таянып отура бербей, сомду санариптештирүү менен экономикалык көз карандысыздыкка жетишсе болот. Мындай пикирин Улукман Мамытов Sputnik Кыргызстан радиосунун эфиринде маек куруп жатып маалымдады.

Мамытов: сомду санариптештирүү аркылуу кризистен чыксак болот

Анын айтымында, учурда сомду санариптештирүү боюнча долбоор иштелип жатат.

Абдыров: акыркы саясий окуялар экономикага терс таасирин тийгизет

"Экономика министрлигинин алдында Экономикалык саясатты изилдөө институту бар. Бул мекеме тарабынан сомду санариптештирүү долбоору сунушталууда. Максаты — тышкы карыздан кутулуу үчүн электрондук сомду ички рынокто колдонуу. Бирок азыр актуалдуу болуп жаткан маселелердин дагы бири  —  бизде эле эмес, жалпы дүйнө жүзүндө күтүлүп жаткан кризис. Андан чыгуу үчүн да өлкө бюджетин толуктоо зарылчылыгы турат. Андыктан дайыма эле инвесторлордон көз каранды болуп отура бербешибиз керек. Абалдан сомду санариптештирүү менен чыксак болот. Мындай ыкманы учурда Италия колдонууда. Алар дал өздөрүнүн акчасындай болгон эле электрондук баалуу кагаздарды чыгарышкан. Ушул эле ыкманы Кытай жана Россия колдонууну пландап жатканын билдиришти. Кыргызстан дагы бул долбоорду ишке ашыруу менен кризистен чыкса болот", — деди Мамытов.

Ал сомду электрондоштуруу долбоору алгач сынамык иретинде ишке киргизилерин кошумчалады.

155
Белгилер:
кризис, долбоорлор, санарип, сом
Тема боюнча
Шаршеев: ишкерлик боюнча да жаңы көз караштар жаралууда
Россия президенти Владимир Путин

Владимир Путин алгачкы жолу Кыргызстандагы абал тууралуу пикирин айтты

237
(жаңыланган 00:27 23.10.2020)
Россия лидери постсоветтик өлкөлөрдүн калыптанып келе жаткан мамлекеттүүлүгүнө кылдаттык менен мамиле кылууга чакырды.

БИШКЕК, 22-окт. — Sputnik. Кыргызстанда болуп жаткан нерселер — кыргыз элине түшкөн мүшкүл. Мындай пикирин Россия президенти Владимир Путин "Валдай" эл аралык дискуссия клубунун 17-жыйынында сүйлөп жатып айтты.

"Кыргызстанда болуп жаткан нерселер — кыргыз элине түшкөн мүшкүл. Шайлоолордун арты менен элдик толкундоо келет. Бул эмнеден кабар берет? Көптөгөн өлкөлөр өз мамлекеттүүлүгүнө жаңыдан кадам таштап жатат. Андыктан мен кесиптештериме постсоветтик өлкөлөрдүн калыптанып келе жаткан мамлекеттүүлүгүнө кылдаттык менен мамиле кылууну айтып келем. Бул өлкөлөрдөгү суверенитеттин калыптанып келе жаткан институттарын бузуп албаш үчүн кеп-кеңештерди айтып ички иштерине кийлигишпөө керек. Эл ич ара мамилени өзү калыпка салышы зарыл”, — деди Путин.

Токаев: Кыргызстандагы абалдын турукташуусуна кубанып жатам

Ошондой эле ал Россия Кыргызстан бутуна туруп кетишине жардам берүү үчүн көп нерсе кылганын, кыргыз экономикасына жана башка тармактарына жүз миллиондогон каражаттарды бөлгөнүн айтты.

“Албетте, биз санаа тартпай коё албайбыз. Бирок биз кеңеш берип же кайсы бир саясий күчкө насаатчы болгон жокпуз. Кыргызстанда абал тез арада турукташып, эки элдин достук мамилеси сакталып калат деп үмүт кылам”, — деди Россия лидери.

Ошондой эле ал мурдагы СССРдин курамына кирген өлкөлөрдүн элдери менен көптөгөн жылдар бою бир мамлекеттин алкагында жашагандыктан, ар тараптан жакындыктар бар экенин кошумчалады.

237
Белгилер:
пикир, Владимир Путин, Россия, Кыргызстан
Тема боюнча
Путин Коопсуздук кеңеши менен Кыргызстандагы кырдаалды талкуулады