Социалдык фонддун маалымат кызматынын жетекчиси Жеңишбек Мукамбетов. Архив

Мукамбетов: октябрда пенсия өз убагында берилет

97
(жаңыланган 15:24 08.10.2020)
Социалдык фонддун маалымат кызматынын жетекчиси Жеңишбек Мукамбетов октябрь айына пенсиялар көбөйтүлгөн тарифте берилерин айтты.
Мукамбетов: октябрда пенсия өз убагында берилет

Өлкөдөгү туруксуз кырдаалга карабай үстүбүздөгү жылдын октябрь айында пенсиялар өз убагында берилет. Социалдык фонд тарабынан бардык иштер штаттык режимде аткарылды. Бул тууралуу Жеңишбек Мукамбетов Sputnik Кыргызстан радиосунун эфиринде маек куруп жатып билдирди.

Анын айтымында, келерки аптадан тарта аталган мекеменин аймактардагы кызматкерлери пенсионерлер менен жолугуп, маалыматтык түшүндүрүү иштерин жүргүзүшөт.

"Октябрь айынын пенсиялары өз убагында кечиктирилбей берилет. Бул 10-23-октябрь күндөрү карыяларыбыз акчасын колуна алып калат дегенди билдирет. Болгону айдын 10у дем алыш күнгө туш болгондуктан, каражат 12-октябрда которулат. Ошол күндөн тарта пенсионерлерге бериле баштайт. Бул биз тараптан жасалып жаткан иштер, ал эми банк аркылуу карточка менен пенсия алган жарандар ошол банктын ишмердүүлүгүнө жараша болот. Ошондой эле өкмөттүн токтому менен пенсияны көтөрүүнүн кезектеги иш-аракеттери толугу менен жүргүзүлдү. Ага ылайык, жашоо минимумунан төмөн акча алган карыялардын пенсиясынын базалык бөлүгүнө беш пайыз, башкача айтканда, 100 сом кошулат. Ошондой эле камсыздандыруу бөлүгүнө да 200 сомдон кем эмес кошумча каражат которулат. Ал эми 4 287 сомдон жогору алгандардын камсыздандыруу бөлүктөрү гана индексацияланып, жети пайыздан кем эмес кошулат", — деди Мукамбетов.

Ал карыяларды сарсанаа болбоого чакырды.

97
Белгилер:
октябрь, пенсия, Жеңишбек Мукамбетов
Тема боюнча
Мукамбетов: ЕАЭБ алкагында бирдей пенсиялык система иштейт
Туризм ассоциациясынын төрагасы Эрмек Мырзабеков

Мырзабеков: кышкы туризм дагы кризиске кептелүү коркунучунда

35
Туризм ассоциациясынын төрагасы Эрмек Мырзабеков өлкөдө кышкы туризм да киреше алып келе албай тургандыгын айтып, бул тармактагы ишкерлерге тынчсызданды.
Мырзабеков: кышкы туризм дагы кризиске кептелүү коркунучунда

Коронавирустун таасиринен улам болгон туризм тармагындагы кризистин таасири алдыда билинет. Мындай пикирин Эрмек Мырзабеков Sputnik Кыргызстан радиосуна маек берип жатып билдирди.

Анын айтымында, коронавирус туризм бизнесин эки доорго бөлүп койду.

Кыргызстанда туризм тармагында канча адам ишсиз калды. Кейиштүү сандар

"2019-жылга салыштырмалуу туризм багытындагы өнүгүү тескери динамиканы көрсөтүп калды. Көпчүлүгү кризис деп жатат. А чынында каатчылык эми болот. Себеби туризм менен жан баккан аймактарыбыз бар. Алсак, Ысык-Көл облусунун тургундары, ишкерлери турсезондо каражат таап, аны менен бир жыл жашайт. Быйыл андай болгон жок. Демек, алар мурда топтолгон, катылган каражаттарын колдонушууда. Ал акчалар деле акыры түгөнөт. Мына ошондо биздин экономика, коом үчүн кыйын убак келет. Албетте, учурда кышкы туризмди тосуп алууга даярдыктар көрүлүп жатат. Бирок медиктер боолголоп жаткандай эпидемиологиялык абал кайрадан начарласа, кышкы туризм тармагында кызмат көрсөткөн ишкерлер дагы катаал күнгө туш болушу ыктымал. Негизи эле бул вирус дүйнө жүзүндөгү туризмди эки доорго бөлүп койду", — деди Мырзабеков.

Ошондой эле ал туризм тармагына өкмөт тарабынан бөлүнгөн каражат жеткиликтүү деңгээлде таканчык боло албастыгын кошумчалады.

35
Белгилер:
каатчылык, коронавирус, туризм
Тема боюнча
Карап эле турсаң!.. Бирде бар, бирде жок болгон Көл-Суунун укмуш сүрөттөрү
Ветеринария инспекциясына караштуу мал ылаңына мониторинг жүргүзүү бөлүмүнүн башчысы Чыңгыз Романов

Романов: кутурма жуктуруп алгандан кийин андан айыгуу кыйын

42
Ветеринария инспекциясына караштуу мал ылаңына мониторинг жүргүзүү бөлүмүнүн башчысы Чыңгыз Романов мамлекетте каражат жетишсиз болгондуктан жапайы жаныбарлар арасында кутурма оорусуна каршы алдын алуу иш-чараларын жүргүзүүгө мүмкүнчүлүк жок экенин айтты.
Романов: кутурма жуктуруп алгандан кийин андан айыгуу кыйын

Ветеринария инспекциясы кутурманы алдын алуу максатында аталган илдет тууралуу кыска видеороликтерди жер-жерлерде көрсөтүп келет. Андан тышкары, үй жаныбарларын кармоо, багуу шарттары боюнча окуучулар, студенттер арасында түшүндүрүү иштерин жүргүзүп жатат. Ошондой эле эл көп топтолгон коомдук жайларга кутурма оорусу тууралуу буклет, брошюралар таркатылууда. Бул тууралуу Чыңгыз Романов Sputnik Кыргызстан радиосунун эфиринде маек куруп жатып билдирди.

Ошто жыл башынан бери алты жаныбардан кутурма табылган

Анын айтымында, кутурма дарты дүйнөнүн 53 мамлекетинде кездешет, андан жылына 70 миңден ашык адам каза табат.

"Кутурма ылаңы менен карышкыр, ит, чөө, ийри мүйүздүү жаныбарлар, келемиш, түлкү, суур, чымчыктар, адам, кыскасы, жылуу кандуу жандыктын баары ооруйт. Жаратылышта кутурманы козгоочу вирустар жапайы жырткычтар арасында сакталып келет. Кутурган жаныбар адамды тиштегенде вирус шилекейи аркылуу жугат. Шилекей адамдын денесиндеги жарага түшүп же мурунга, оозго кирип кетсе да оору козголот. Адамдарга көбүнчө вирус ит-мышык тиштегенде өтөт. Өзгөчө күз-кыш жана жаз мезгилинде токойдогу ачка жапайы жаныбарлар айыл аралап кетип, үй жаныбарлары менен контакт болот. Жылына мамлекеттик бюджеттин эсебинен 500 миңдин тегерегинде вакцина сатып алынып, аймактарда кутурмага каршы эмдөө жүргүзүлөт. Ал эми адамдар өз учурунда эмдөө алып ооруну алдын алса болот. Илдет жуктуруп алгандан кийин андан айыгуу кыйын", — деди Романов.

Адис кайсы жаныбар тиштебесин, жаракат алган жерин самындап жууп, йод же таза спирт менен сүртүп, дароо ооруканага кайрылуу керектигин эске салды.

42
Белгилер:
оору, кутурма, Чыңгыз Романов
Тема боюнча
Кутурмага кабылган адам айыкпайт. Дарыгер илдеттен сактануу жолдорун айтты
Автоунаа жол кырсыктан кийин. Архив

Портер талкаланып, айдоочусу жабыркаган. Оштогу үрөй учурган кырсыктын видеосу

0
(жаңыланган 15:56 25.10.2020)
Кырсыктын кесепетинен Hyundai Porter үлгүсүндөгү унаанын айдоочусу жаракат алып, райондук ооруканага жеткирилген.

БИШКЕК, 25-окт. — Sputnik. Ош облусунда оор жүк ташуучу унаа менен Hyundai Porter үлгүсүндөгү унаа кагышты.

Кырсыктын видеосу "Короче" Тelegram каналына жарыяланды.

Анда көрүнүп тургандай, жүк ташуучу унааны катуу сүзгөн портер талкаланып калган.

Ош облустук жол кыймылынын коопсуздугун камсыздоо бөлүмүнүн өкүлү Алтынбек Теңизбаевдин айтымында, кырсык 23-октябрь күнү саат 11:00дөр чамасында Ош — Араван унаа жолунун 11-чакырымында болгон.

"Араван районунун 29 жаштагы тургуну Hyundai Porter үлгүсүндөгү унаа менен Ош шаарын көздөй келе жаткан. Ал эми Renault үлгүсүндөгү оор жүк ташуучу унаанын 45 жаштагы айдоочусу Араванды карай бараткан. Эки машина жолдун 11-чакырымына келгенде кагышкан. Кырсыктын кесепетинен Hyundai Porter үлгүсүндөгү унаанын айдоочусу жаракат алып, райондук ооруканага жеткирилген", — деди Теңизбаев.

Кара-Суу: унаадан чыккан өрт эки кичинекей баланын өмүрүн алды

Аталган факты Кылмыштардын жана жоруктардын бирдиктүү реестрине катталып, тергөө органдары тарабынан тийиштүү экспертизалар дайындалды.

0
Белгилер:
жаракат, айдоочу, жол кырсык, Араван району, Ош
Тема:
2020-жылдын башынан бери Кыргызстанда болгон жол кырсыктар
Тема боюнча
Чүйдө 46 жаштагы аялды коюп кеткен айдоочу колго түштү