Билим берүү жана илим министрлигинин Мектептик билим берүү башкармалыгынын жетектөөчү адиси Айнура Кусеинова. Архив

Кусеинова: абал тынчыса 6-класска чейинки окуучулар мектептен окуйт

155
Билим берүү жана илим министрлигинин Мектептик билим берүү башкармалыгынын жетектөөчү адиси Айнура Кусеинова мектеп окуучулары качан салттык тартиптеги окууга өтүп, мектепке барышы ыктымалдыгын билдирди.
Кусеинова: абал тынчыса 6-класска чейинки окуучулар мектептен окуйт

Өлкөдөгү кырдаал турукташса, 1-класстан 6-класска чейинки окуучулар мектептен окутулат. Бирок санитардык-эпидемиологиялык кырдаал начарлап кеткен аймактарда окуучулардын аралыктан же мектептен окуй турганы Саламаттык сактоо министрлигинин чечими менен кабыл алынат. Бул тууралуу Айнура Кусеинова Sputnik Кыргызстан радиосуна маек куруп жатып маалымдады.

Анын айтымында, 30-сентябрда 6-октябрдан баштап 2-6-класстын окуучулары реалдуу режимде окуу боюнча буйрук чыгып, бирок аны аткаруу акыркы убактардагы окуяларга байланыштуу убактылуу токтотулган.

Мугалимдикке окуган студенттердин стипендиясы 100%га көтөрүлдү

"Өлкөдө түзүлгөн кырдаалга байланыштуу окуучулар аралыктан окуп жатат. Ал үчүн телеканалдар аркылуу атайын видеосабактар уюштурулган. Өлкөдөгү абал жакшыра турган болсо, мурда мерчемделип жаткандай 1-класстан 6-класска чейин реалдуу режимде окутулат. Ал үчүн Саламаттык сактоо министрлигинин чечими керек. Андан тышкары, жергиликтүү өзүн-өзү башкаруу жана санитардык-эпидемиологиялык көзөмөл органдары тарабынан мониторинг жүргүзүлөт. Эгерде эпидемиологиялык абал туруктуу болсо 6-класска чейинки окуучулар мектептен окутулат. Ал эми балдардын, мугалимдердин ден соолугуна кооптуулук жаралган аймактарда окуу аралыктан улантылат. Окуу жылы башталгандан бери 1-класстар мектепте окутулуп жаткан. Себеби алар маалыматтык-технологияларды колдонуу жөндөмдөрү жок. Учурда аларды дагы убактылуу аралыктан окутууга туура келүүдө. Мугалимдер ийкемдүү расписание түзүп, кайтарым байланыш менен окутушууда", — деди Кусеинова.

Адис саясий кырдаалга байланыштуу уюлдук байланыштын иши үзгүлтүккө учурашы окуунун жүрүшүнө терс таасирин тийгизбегенин кошумчалады.

155
Белгилер:
Кыргызстан, мектеп, билим берүү
Тема боюнча
Мэрия: Бишкекте 2-6-класстар үчүн окуу процесси белгисиз убакытка жылды
Эндокринолог Айпери Биримкулова

Биримкулова: организмде йод ашыкча болсо оору алып келет

14
(жаңыланган 18:42 25.10.2020)
Эндокринолог Айпери Биримкулова калкан безинин салмагы 15-20 грамм болгону менен адам организми үчүн өтө маанилүү функцияны аткарарын айтты.
Биримкулова: организмде йод ашыкча болсо оору алып келет

Йод жетишсиз болгондо богок оорусу пайда болот, бирок анын ашыкчасы да дартты чакырат. Бул тууралуу Айпери Биримкулова Sputnik Кыргызстан радиосунун эфиринде маек куруп жатып билдирди.

Анын айтымында, деңиз азыктарында жана балык этинин курамында йод көп.

"Кыргызстан тоолуу өлкө болгондуктан климатыбызга жараша йод жетишсиздиги көп байкалат. Андыктан тамак-ашка йоддолгон тузду колдонуу керек. Бирок йод ашыкча болгон учурда да адам ар түрдүү ооруларга чалдыгат. Мындай учурда кишинин чачы түшүп, ачуусу бат келип, депрессияга кабылып, өзүн чарчаңкы сезип, ал тургай колдору титиреп, жүрөгү катуу согуп, көзү чанагынан чыгып кетейин деп чоңоюп кетиши мүмкүн. Бул учурда, өкүнүчтүүсү, көпчүлүк бейтаптар башка органдарын текшертип же психологдун жардамын күтүп жүрө беришет", — деди Биримкулова.

Ал оорунун жогорудагыдай белгилери байкалган учурда алгач эндокринологдорго кайрылып, гормондорун текшертип алышы зарылдыгын кошумчалады.

14
Белгилер:
Айпери Биримкулова, йод, ден соолук
Тема боюнча
Турсункулова: Кыргызстанда 617 000 адам кант диабети менен жабыркайт
Ветеринар Ашырбай Жусупов

Жусупов: мал кармаган короону жылына эки жолу дезинфекциялаш керек

7
(жаңыланган 18:21 25.10.2020)
Ветеринар Ашырбай Жусупов малды убак-сааты менен бастырып, тиешелүү гигиеналык талаптарды сактоо зарылдыгын айтты.
Жусупов: мал кармаган короону жылына эки жолу дезинфекциялаш керек

Мал чарбалары кышка карата комплекстүү даярданышы керек. Бул тууралуу Ашырбай Жусупов Sputnik Кыргызстан радиосуна маек куруп жатып билдирди.

Анын айтымында, оорулардын жайылып кетүү коркунучун алдын алуу максатында малдын түрүнө жараша бөлөк-бөлөк багылуусу керек.

Дене ууланат. Малдан адамга жуккан күйдүргүдөн кантип сактануу керек

"Мал күзүндө жайлоодон эттүү келет. Ушул кезде дайымкы профилактикалык иш-чараларды жүргүзүү зарыл. Башкача айтканда, семиз малга эмдөө жасалса эффективдүүлүгү жогорураак. Учурда ветеринария кызматы тарабынан тогуз ылаңга каршы акысыз вакцина сайылат. Андан тышкары, малдын тоюту салына турган акырды, суу иче турган ноосун, деги эле короону жазда жана күздө дезинфекциялоо шарт. Себеби илдеттер көбүнчө малдын жаткан жеринен жугат. Анан албетте комплекстүү тоют даярдалат. Тоют ар түрдүү жана витаминдүү болсо, семиз мал ооруга көп чалдыкпайт", — деди Жусупов.

Адис фермер түзүүдө алгач аталган багытта тиешелүү адабияттарды окуп, керектүү маалыматтарга ээ болуу менен мал багууну сапаттуу деңгээлге чыгарса болорун кошумчалады.

7
Белгилер:
тоют, ветеринария, мал, Ашырбай Жусупов
Тема боюнча
Саткынов: мал күзгү эмдөөдөн өтүп жатат
Баткен облусунда чек ара бекетиндеги мунара. Архив

Асманга ок атылды. Кыргыз-тажик чек арасында кайрадан жаңжал чыкты

9
(жаңыланган 19:42 25.10.2020)
Тажик жарандары Үч-Төбө айылынан чек ара аркылуу жер алдынан суу түтүк өткөрүп жатканда кыргыз чек арачылары келип, ишти токтотууну талап кылышкан.

БИШКЕК, 25-окт. — Sputnik. Кыргыз-тажик чек арасында чатак чыкканын Мамлекеттик чек ара кызматы кабарлады.

Ага ылайык, бүгүн, 25-октябрда, саат 17:00дөр чамасында тажик жарандары Баткен облусунун Үч-Төбө айылынан чек ара аркылуу жер алдынан суу түтүк өткөрүп башташкан.

"Окуя болгон жерге кыргыз чек арачылары барып, тактала элек аймактагы ишти токтотууну талап кылышкан. Бирок тажик тарап айткандарга баш ийбей, кайым айтышкан. Аскер кызматкерлеринин өмүрүн жана саламаттыгын сактоо максатында, ошондой эле абалдын курчуп кетпеши үчүн Кыргызстандын чек арачылары эскертүү иретинде асманга ок чыгарууга аргасыз болушту", — деп айтылат маалыматта.

Учурда түтүк өткөрүү иши токтотулду. Эки өлкөнүн чек ара өкүлдөрү сүйлөшүү жүргүзүүдө. Ага жергиликтүү бийлик органдары менен укук коргоо органдарынын өкүлдөрү катышып жатат.
Мамлекетик чек аранын аталган аймагында абал туруктуу деп бааланды.

9
Белгилер:
ок атуу, Жаңжал, Мамлекеттик чек ара кызматы, Тажикстан, Кыргызстан
Тема боюнча
Кыргыз-өзбек жумушчу тобу чек арадагы чечиле элек тилкелерди карап чыгышты