Дарыгер-психиатр Музурхат Курманалиев

Психиатр Альцгеймер оорусунун негизги белгилери тууралуу айтып берди

220
(жаңыланган 12:02 12.10.2020)
Дарыгер-психиатр Музурхат Курманалиев Альцгеймер оорусуна билимине, жашоо образына, жашаган социалдык катмарына карабастан бардык адамдар чалдыгышы мүмкүн болгон психикалык оору экенин айтты.
Психиатр Альцгеймер оорусунун негизги белгилери тууралуу айтып берди

Альцгеймер оорусу — эс тутумдун бузулушу, жүрүм-турумдун өзгөрүшү жана интеллектинин прогрессивдүү түрдө төмөндөшү менен мүнөздөлгөн борбордук нерв системасынын дегенеративдүү илдети. Бул тууралуу Музурхат Курманалиев Sputnik Кыргызстан радиосунун эфиринде маек куруп жатып билдирди.

Жай кыймылдаган адамдардын өмүрү кыскабы? Окумуштуулардын жообу

Анын айтымында, 65 жаштан жогорку адамдардын 5-10 пайызы Альцгеймер же кем акыл оорусунан азап тартып келишет.

"Бул илдеттин белгилери 45 жаштан тарта байкала баштайт. Алсак, адамдын кулк-мүнөзү, жүрүм-туруму өзгөрөт. Индивидуалдык сапаттар өтө курч, рельефтүү, даана көрүнөт. Мисалы, мурда активдүү, шаңдуу жүргөн адам оорудан улам андан бетер шайыр болуп калат. Көпчүлүктүн арасында тамашалашканда, анысы башкаларга өөн, өтө орой болуп, иренжитип же уялтып коюшу мүмкүн. Айрым адамдар жаш кезинде лидер болсо, кийин кеп-сөзгө келбей калат. Бул нерсе жакын туугандарына мүнөзү бузулуп баштагандай көрүнөт. Бара-бара оору экени анык билине баштайт. Андан тышкары, эске тутуусу начарлайт. Адам турмушта өтө унутчаак болуп, маалыматтарды кабыл алышы кыйындайт. Жадагалса тууган-тааныштарынын атын, жүзүн, өзүнүн жашаган көчөсүн унутат. Эң кызыгы, акыркы маалыматтарды унутканы менен тээ мурдагы болгон окуяларды так, даана, жаңы эле болуп өткөндөй айтып бере алат. Илдет тууралуу немис психиатры Алоис Альцгеймер 1907-жылы биринчи жолу сүрөттөп жазган. Ал далилдегендей, мээнин клеткаларынын азыктануу процесси начарлайт. Ошондон улам жогорку психикалык функциялар бузулат. Бул эс-акыл деңгээлинин төмөндөшүнө алып келет. Башкача айтканда, абстракциялык ой жүгүртүүсү начарлап кетет. Айлана-чөйрөдө болуп жаткан окуялардын логикалык байланышын жоготот. Андан тышкары, өзүн кароого таптакыр мүмкүнчүлүгү болбой калат да, алар башкалардын камкордугуна муктаж болот. Ошондуктан аларды үйдө жалгыз калтыруу өтө кооптуу", — деди Курманалиев.

Дарыгер деменция менен Альцгеймер оорусунун окшоштугу көп болгондуктан экөө тең бирдей дарыланарын жана ошону менен бирге адамдын кароосуна муктаж экенин кошумчалады.

220
Белгилер:
оору, психикалык абал, Альцгеймер оорусу
Тема боюнча
Алжыбай жашоонун эң жөнөкөй жолу айтылды
Эндокринолог Айпери Биримкулова

Биримкулова: организмде йод ашыкча болсо оору алып келет

150
(жаңыланган 18:42 25.10.2020)
Эндокринолог Айпери Биримкулова калкан безинин салмагы 15-20 грамм болгону менен адам организми үчүн өтө маанилүү функцияны аткарарын айтты.
Биримкулова: организмде йод ашыкча болсо оору алып келет

Йод жетишсиз болгондо богок оорусу пайда болот, бирок анын ашыкчасы да дартты чакырат. Бул тууралуу Айпери Биримкулова Sputnik Кыргызстан радиосунун эфиринде маек куруп жатып билдирди.

Анын айтымында, деңиз азыктарында жана балык этинин курамында йод көп.

"Кыргызстан тоолуу өлкө болгондуктан климатыбызга жараша йод жетишсиздиги көп байкалат. Андыктан тамак-ашка йоддолгон тузду колдонуу керек. Бирок йод ашыкча болгон учурда да адам ар түрдүү ооруларга чалдыгат. Мындай учурда кишинин чачы түшүп, ачуусу бат келип, депрессияга кабылып, өзүн чарчаңкы сезип, ал тургай колдору титиреп, жүрөгү катуу согуп, көзү чанагынан чыгып кетейин деп чоңоюп кетиши мүмкүн. Бул учурда, өкүнүчтүүсү, көпчүлүк бейтаптар башка органдарын текшертип же психологдун жардамын күтүп жүрө беришет", — деди Биримкулова.

Ал оорунун жогорудагыдай белгилери байкалган учурда алгач эндокринологдорго кайрылып, гормондорун текшертип алышы зарылдыгын кошумчалады.

150
Белгилер:
Айпери Биримкулова, йод, ден соолук
Тема боюнча
Турсункулова: Кыргызстанда 617 000 адам кант диабети менен жабыркайт
Ветеринар Ашырбай Жусупов

Жусупов: мал кармаган короону жылына эки жолу дезинфекциялаш керек

33
(жаңыланган 18:21 25.10.2020)
Ветеринар Ашырбай Жусупов малды убак-сааты менен бастырып, тиешелүү гигиеналык талаптарды сактоо зарылдыгын айтты.
Жусупов: мал кармаган короону жылына эки жолу дезинфекциялаш керек

Мал чарбалары кышка карата комплекстүү даярданышы керек. Бул тууралуу Ашырбай Жусупов Sputnik Кыргызстан радиосуна маек куруп жатып билдирди.

Анын айтымында, оорулардын жайылып кетүү коркунучун алдын алуу максатында малдын түрүнө жараша бөлөк-бөлөк багылуусу керек.

Дене ууланат. Малдан адамга жуккан күйдүргүдөн кантип сактануу керек

"Мал күзүндө жайлоодон эттүү келет. Ушул кезде дайымкы профилактикалык иш-чараларды жүргүзүү зарыл. Башкача айтканда, семиз малга эмдөө жасалса эффективдүүлүгү жогорураак. Учурда ветеринария кызматы тарабынан тогуз ылаңга каршы акысыз вакцина сайылат. Андан тышкары, малдын тоюту салына турган акырды, суу иче турган ноосун, деги эле короону жазда жана күздө дезинфекциялоо шарт. Себеби илдеттер көбүнчө малдын жаткан жеринен жугат. Анан албетте комплекстүү тоют даярдалат. Тоют ар түрдүү жана витаминдүү болсо, семиз мал ооруга көп чалдыкпайт", — деди Жусупов.

Адис фермер түзүүдө алгач аталган багытта тиешелүү адабияттарды окуп, керектүү маалыматтарга ээ болуу менен мал багууну сапаттуу деңгээлге чыгарса болорун кошумчалады.

33
Белгилер:
тоют, ветеринария, мал, Ашырбай Жусупов
Тема боюнча
Саткынов: мал күзгү эмдөөдөн өтүп жатат
Футзал оюнчусу топ менен. Архивдик сүрөт

Кыргызстандык футзалчы Ильяс Чотбаев Тажикстанда чемпион болду

0
(жаңыланган 12:22 26.10.2020)
Ильястын "Сипар" клубу ордо калаанын "Соро компания" командасын утуп, өз тарыхында алгачкы жолу өлкө чемпиону болууга жетишти.

БИШКЕК, 26-окт. — Sputnik. Кыргызстандын футзал боюнча улуттук командасынын оюнчусу Ильяс Чотбаев "Сипар" клубу менен Тажикстандын профессионалдык футзал лигасынын чемпиону болду. Бул тууралуу Кыргызстандын футбол союзунун маалымат кызматы Instagram баракчасына жазды.

Посмотреть эту публикацию в Instagram

Публикация от Ассоциация футзала КР 🇰🇬 (@futsal_kgz)

Худжанддык клуб финалдык серияда 3:1 эсебинде ордо калаанын "Соро компания" клубун утуп, өз тарыхында алгачкы жолу өлкө чемпиону болууга жетишти.

Футзал: мыкты дарбазачы Акматалиев Россиянын "Волгарь" клубуна өттү

Финалдык сериянын төртүнчү беттешинде Ильяс эсеп айырмасын теңеген. Андан ары командалаштары Саломов менен Рахматов бирден топ киризип, жеңишти ишенимдүү камсыздашкан.

Кыргызстандык футзалчы Ильяс Чотбаев бул оюнда мыкты футболчу деп табылган. Ал Кыргызстандын "Фарватер" клубунан "Сипарга" өтүп, август айынан бери ойноп келет.

0
Белгилер:
чемпион, Тажикстан, футзал
Тема боюнча
Бишкекте футзал боюнча эл аралык турнир өтөт. Кимдер катыша алат?
Футзал: мыкты дарбазачы Акматалиев Россиянын "Волгарь" клубуна өттү