Улуттук госпиталдын кан тамыр хирургиясы бөлүмүнүн башчысы Таалай Байсекеев. Архив

Байсекеев: кан тамыр оорусу барларга коронавирус өзгөчө кооптуу

78
Улуттук госпиталдын кан тамыр хирургиясы бөлүмүнүн башчысы Таалай Байсекеев кан тамыр дарты барлар COVID-19га чалдыккан учурда милдеттүү түрдө дарыгерге кайрылуусу зарылдыгын айтты.
Байсекеев: кан тамыр оорусу барларга коронавирус өзгөчө кооптуу

Коронавируста кан коюуланып кеткендиктен, варикозу барлар илдетти башкаларга караганда оор көтөрүшү мүмкүн. Жеңил түрүн жуктуруп алгандары деле элес албай жүрө бербей, сөзсүз түрдө дарыгерге кайрылуусу керек. Бул тууралуу Таалай Байсекеев Sputnik Кыргызстан радиосунун эфиринде маек куруп жатып билдирди.

Коронавирустун акчада, смартфондо канча сакталып турары айтылды

Анын айтымында, кан тамыр оорулары бар адамдар вирус жуктуруп алган учурда өпкө, жүрөк дарыгеринен сырткары кант тамыр дарттарын караган медиктердин да көзөмөлүндө болуусу шарт.

"Кайсы гана оору болбосун дароо дарыгерге кайрылуу зарыл. Бизде, тилекке каршы, атуулдук жоопкерчилик жакшы өнүккөн эмес. Оорусу күчөп төшөккө жатып калмайын өз алдынча дарыланып жүрө бергендер көп. Коронавирусту деле эч бир медициналык мекемеге кайрылбай, башка бейтапка жазылган дарылардын рецеби менен айыккан адамдар четтен саналат. Бирок кан тамыр оорусу бар адамдар мындай кайдыгерликке барбашы керек. Өзгөчө варикоз менен жабыркагандар вирустун белгилери байкалары менен алгач Үй-бүлөлүк дарыгерлер тобуна, андан соң кан тамыр дартын караган медиктерге кайрылуусу зарыл. Анткени коронавируста кан коюлуп, анын кыймылы жай болуп калат. Бул тромбордун кан тамырга жабышып, белгисиз бир убактан соң ал жылып кетип башка бир жерден кан тамырды жарып чыгышы мүмкүн. Вирус менен алышып чабал болуп турган организм үчүн мындай көрүнүштүн жыйынтыгы өтө кооптуу болушу ыктымал", — деди Байсекеев.

Дарыгер учурда өлкөдө кайрадан коронавирус жуктургандар көбөйүп жаткандыгын айтып, кан тамыр оорусу бар адамдарды өзгөчө сак болууга чакырды.

78
Белгилер:
жоопкерчилик, коронавирус, кан тамыр
Тема:
Коронавируска байланыштуу Кыргызстандагы кырдаал (2337)
Тема боюнча
Адис: коронавирус ашыкча салмагы бар адамдар үчүн кооптуу
Улуттук илимдер академиясына караштуу Энвер Гареев атындагы ботаникалык бак илим-изилдөө институтунун директорунун милдетин аткаруучу Гүлайым Донбаева

Донбаева: жаңы сейил бактарга жергиликтүү көчөттөрдү отургузуш керек

38
(жаңыланган 19:09 28.10.2020)
Улуттук илимдер академиясына караштуу Энвер Гареев атындагы ботаникалык бак илим-изилдөө институтунун директорунун милдетин аткаруучу Гүлайым Донбаева аталган бакчанын уникалдуулугу эмнеде экенин айтып берди.
Донбаева: жаңы сейил бактарга жергиликтүү көчөттөрдү отургузуш керек

Ботаникалык бакчада ар кандай ооруларга туруктуу өсүмдүктөрдүн түрлөрү бар. Алар жаңы салынып жаткан сейил бактарга отургузуу үчүн сунушталууда. Бул тууралуу Гүлайым Донбаева Sputnik Кыргызстан радиосуна маек куруп жатып маалымдады.

Анын айтымында, тыштан алып келинген өсүмдүктөр өлкөнүн шартына ылайыкташтырылбагандыктан өспөй калууда.

Ботаника багын Илимдер академиясынан бөлүү каралып жатат

"Эгемендүүлүк алгандан бери жеке ишкерлер чет өлкөдөн көчөттөрдү алып келип, көчөлөрдө сатышууда. Алып келинген бак-шактар менен бирге ар кандай өсүмдүктөрдүн дарттары кошо кирип жатат. Ал ооруга бул жакта мурдатан өскөн бактар туруштук бергени менен сырттан алып келингендер зыян тартып жатышат. Мисалы, учурда эмен багы, каштандардын жай мезгилинде эле жалбырагы саргарып түшүп жатканына күбө болуп жатабыз. Мезгилдин өтүшү менен өсүмдүктөр климатка жараша өзгөрүүдө. Акыркы жылдары Бишкек шаарында экологиялык абал начарлап, ар кандай себептер менен түтүн каптап жатат. Бул өсүмдүктөргө дагы терс таасирин тийгизүүдө. Мындан улам Ботаникалык бакчанын илимий кызматкерлери изилдөө жүргүзүп, ар кандай ооруларга туруктуу көчөттөрдү отургузууну, жаңы салынып жаткан сейил бактарга дагы жергиликтүү көчөттөрдү тигүүнү сунуштап жатышат", — деди Донбаева.

Ал бакчада 6500дөн ашык өсүмдүктүн түрү бар экенин кошумчалады.

38
Белгилер:
экология, парк, өсүмдүктөр
Тема боюнча
Вандалдар Бишкектин чок ортосундагы скульптураны өрттөп кетишти. Видео
Лид-аниматор Самара Мастанова

Мастанова: он мүнөттүк мультфильмди төрт күндө жасап бүтөбүз

196
(жаңыланган 17:43 28.10.2020)
Лид-аниматор Самара Мастанова Кыргызстанда кандай анимациялык эмгектер жасалып жатканын айтып берди.

Мастанова: он мүнөттүк мультфильмди төрт күндө жасап бүтөбүз

Лид-аниматор сценаристтер жана сүрөтчү-мультипликатор менен иштейт. Алсак, окуяга канча каарман, кандай фон, образдар керектигин дал ушул адис айтып турат. Бул тууралуу Самара Мастанова Sputnik Кыргызстан радиосунун эфиринде маек куруп жатып билдирди.

Балдар видеороликтери менен укмуштай акча тапчубуз. Дасыккан ютубердин баяны

Анын айтымында, бир команда кыска метраждуу он мүнөттүк мультфильмди төрт күндө жасап бүтөт.

"Мен Кыргыз-түрк "Манас" университетин аяктап жатканда дипломдук ишимде анимация жасадым. Албетте, бизде бул тармакка басым жасалып окутулбайт. Бирок интернетте видео сабактардын жардамы менен анимациялык тасма жаратса болот. Ошону менен бирге аталган окуу жайда Кыргызстандын алдыңкы аниматорлорунун бири Каныбек Өмүрбековдун кошумча курстарына катышуу мүмкүнчүлүгү бар. Азыр мен — иштеп жаткан студияда лид-аниматормун. Менин функциям тапшырык келсе бөлүштүрүп, жумуштун аткарылышын көзөмөлдөп, бүткөн анимациянын композициясы, пландарын карап, каталарын текшерүү. Алсак, бизде 8-9 кишиден турган 2D жана 3D жасаган командалардын бирден лид-аниматору болот. Азыркы учурда биздин эмгектер "Ютубдагы" каналга чыгып жатат. Бул өспүрүмдөргө арналган контент десек болот. Анда адамдардын жашоосундагы ийгилиги же жеңилүүсү, сүйүү же көңүл калуу жана кайгылуу, же тескерисинче, күлкүлүү окуялары чагылдырылат. Анимациялардын үнү кыргызча, түркчө, казакча, орусча, немец жана англис тилинде коштолуп чыгып жатат", — деди Мастанова.

Ал 2D жана 3D анимацияларды Moho pro, Blender программаларынын жардамы менен жасап жатышканын кошумчалады.

196
Белгилер:
анимация, тасма, мультфильм
Тема боюнча
Мультфильм каарманына айланган ар улуттун кыздары. Суктанткан сүрөттөр
ӨКМ кызматкерлери. Архив

Токмоктун базарында чыккан өрттү толугу менен өчүрүштү

0
(жаңыланган 00:22 29.10.2020)
Токмоктун базарындагы дүкөндөн чыккан жалынды өрт өчүрүүчүлөр болжол менен эки сааттан ашык алышып жатып өчүрүшкөн.

БИШКЕК, 29-окт. — Sputnik. Токмоктогу "Булак" базарынын аймагында эт саткан дүкөндөн чыккан өрттү үч бригада өчүрдү. Бул тууралуу ӨКМдин маалымат кызматынан кабарлашты.

"Тилсиз жоо алгач чектөөгө алынып, андан кийин толугу менен саат 23:29да өчүрүлдү", — деп билдирди маалымат кызматы.

Эске салсак, ӨКМге Токмок шаарынын базарындагы дүкөндөрдүн биринен чыккан тилсиз жоо тууралуу маалымат 19:12де түшүп, ал жерге үч бригада жөнөп кеткени кабарланган.

Министрликтен кырсыктан жабыркагандар жок экендигин айтышты. Өрттүн жалпы аянты болжол менен 600 чарчы метрге жеткен. 

0
Белгилер:
видео, өрт, базар, Токмок, Кыргызстан
Тема боюнча
Ош шаарындагы өрт: эки киши ооруканага түштү