Радиостудия Sputnik Кыргызстан в Бишкеке - Sputnik Кыргызстан
Радио

Калдыбаева: сабырдуулук адамдын эмоционалдык интеллектинен көз каранды

© Sputnik / Досхан НусупбековПсихолог Сейил Калдыбаева
Психолог Сейил Калдыбаева - Sputnik Кыргызстан
Жазылуу
Психолог Сейил Калдыбаева аралыктан окутуу үчүн окуучудан мурда ата-энелер моралдык жактан даяр болуп, баланы күч менен окутууга аракет кылбашы керек экендигин белгиледи.
Калдыбаева: сабырдуулук адамдын эмоционалдык интеллектисинен көз каранды

Аралыктан окутууда ата-энелер балдарынын жөндөмүнө, мүмкүнчүлүгүнө карап, ошого жараша талап койгону туура. Эгерде бала сабакты түшүнбөй жатса, бул жагдайды трагедия кылып ага басым жасабаш керек. Бул тууралуу Сейил Калдыбаева Sputnik Кыргызстан радиосуна маек куруп жатып билдирди.

Анын айтымында, аралыктан окуу коомго жаңы кирип жаткандыктан, аны кабылдоо баарына эле жеңил боло бербесин эске алуу зарыл.

Онлайн окутуу билим алууга доо кетирип жатат. Мугалимдин маеги

"Балдардын баары окшош эмес. Аларды бири-бирине салыштырып же ата-энелер өзүнүн элестетүүсү боюнча кандайдыр бир талаптарды коюп алып ага жетпей жаткан балага карата зордук-зомбулук көрсөтүүгө чейин барбашы керек. Мындай жагдай болуп кетпеш үчүн ата-энелер өзүнүн эмоционалдык интеллекти менен иштеши зарыл. Себеби сабырдуулук, өзүн-өзү кармоо адамдын эмоционалдык интеллектинен көз каранды. Аралыктан окутуу учурунда ата-энелер балдарына карата зордук-зомбулук көрсөткөн учурлар кездешүүдө. Бул коомчулукка ачыкталып калгандары. Канчасы ачыкталбай "жабылуу аяк жабылуу бойдон" калып жаткан да учурлар бар. Мындай болбошу үчүн ата-энелер моралдык, психологиялык жактан даяр болушу зарыл. Баланын жөндөмү, деңгээли, билимге умтулуусу жана аны кабыл алуу шыгына карап талап койгону дурус", — деди Калдыбаева.

Психолог баланы сындагандан көрө шыктандырган кыйла жемиштүү боло турганын кошумчалады.

Жаңылыктар түрмөгү
0