Экономика илиминин доктору, профессор Төлөнбек Абдыров

Абдыров: акыркы саясий окуялар экономикага терс таасирин тийгизет

69
(жаңыланган 17:08 17.10.2020)
Экономика илиминин доктору, профессор Төлөнбек Абдыров соңку күндөрү болуп жаткан окуялар өлкөдөгү инвестициялык климаттын начарлашына алып келе турганын айтты.
Абдыров: акыркы саясий окуялар экономикага терс таасирин тийгизет

Өлкөдөгү акыркы саясий окуялар экономикага жана келечекте инвесторлорду тартууга аябай терс таасирин тийгизет. Мындай пикирин Төлөнбек Абдыров Sputnik Кыргызстан радиосуна маек куруп жатып билдирди.

Анын айтымында, акыркы убактарда өндүрүшкө инвесторлор дээрлик келбей, ал эми соода жана кызмат көрсөтүү тармагына келген инвесторлор кете баштады.

Россия Кыргызстанга каржылык колдоо көрсөтүүнү токтотту

"Өлкөдөгү акыркы саясий окуялар экономикага терс таасирин абдан тийгизет. 2005-2010-жылдарда болгон саясий окуялар деле экономикалык көрсөткүчтөрдүн жаман жагына өзгөрүүсүнө алып келгенин экономисттер белгилеп келет. Себеби өлкөгө келе турган потенциалдуу инвесторлорду чочутат. Айрым ишканалардын өрттөлүп, тонолгону тууралуу маалыматтар, сүрөттөр интернетке чыгып кетти. Бул нерсенин зыяны көп. Дүйнө жүзүндө ар кандай рейтингдер бар. Инвесторлор биздеги абалды ошолор аркылуу билип коёт. Мисалы, глобалдуу атаандашуунун индекси деген бар. Анда 144 мамлекетте 120 индикатор боюнча изилдөө жүргүзүлөт. Алсак, жеке менчикти сактоо, интеллектуалдуулук менчикти коргоо, коррупцияга каршы иштер, соттун көз карандысыздыгы, кримчөйрөнүн таасири, аларга каршы иштердин жүрүшү ж.б. индикаторлор бар. Бул көрсөткүчтөр боюнча Кыргызстанда абал дурус эмес. Маселен, кайсы бир ишкер инвестиция тартуу үчүн өлкөдөгү позитивдүү жагдайларды сүрөттөп берсе, инвестор барып рейтингден карап чечим кабыл алат", — деди Абдыров.

Экономист өлкөдө инвесторлорго жагымдуу жагдай түзүү үчүн айрым жазаларды катаалдатуу керектигин кошумчалады.

69
Белгилер:
рейтинг, инвестор, экономика
Тема боюнча
Кыргызстан миллиондогон доллар жоготобу? Эксперттердин кооптонуусу
Эндокринолог Айпери Биримкулова

Биримкулова: организмде йод ашыкча болсо оору алып келет

23
(жаңыланган 18:42 25.10.2020)
Эндокринолог Айпери Биримкулова калкан безинин салмагы 15-20 грамм болгону менен адам организми үчүн өтө маанилүү функцияны аткарарын айтты.
Биримкулова: организмде йод ашыкча болсо оору алып келет

Йод жетишсиз болгондо богок оорусу пайда болот, бирок анын ашыкчасы да дартты чакырат. Бул тууралуу Айпери Биримкулова Sputnik Кыргызстан радиосунун эфиринде маек куруп жатып билдирди.

Анын айтымында, деңиз азыктарында жана балык этинин курамында йод көп.

"Кыргызстан тоолуу өлкө болгондуктан климатыбызга жараша йод жетишсиздиги көп байкалат. Андыктан тамак-ашка йоддолгон тузду колдонуу керек. Бирок йод ашыкча болгон учурда да адам ар түрдүү ооруларга чалдыгат. Мындай учурда кишинин чачы түшүп, ачуусу бат келип, депрессияга кабылып, өзүн чарчаңкы сезип, ал тургай колдору титиреп, жүрөгү катуу согуп, көзү чанагынан чыгып кетейин деп чоңоюп кетиши мүмкүн. Бул учурда, өкүнүчтүүсү, көпчүлүк бейтаптар башка органдарын текшертип же психологдун жардамын күтүп жүрө беришет", — деди Биримкулова.

Ал оорунун жогорудагыдай белгилери байкалган учурда алгач эндокринологдорго кайрылып, гормондорун текшертип алышы зарылдыгын кошумчалады.

23
Белгилер:
Айпери Биримкулова, йод, ден соолук
Тема боюнча
Турсункулова: Кыргызстанда 617 000 адам кант диабети менен жабыркайт
Ветеринар Ашырбай Жусупов

Жусупов: мал кармаган короону жылына эки жолу дезинфекциялаш керек

10
(жаңыланган 18:21 25.10.2020)
Ветеринар Ашырбай Жусупов малды убак-сааты менен бастырып, тиешелүү гигиеналык талаптарды сактоо зарылдыгын айтты.
Жусупов: мал кармаган короону жылына эки жолу дезинфекциялаш керек

Мал чарбалары кышка карата комплекстүү даярданышы керек. Бул тууралуу Ашырбай Жусупов Sputnik Кыргызстан радиосуна маек куруп жатып билдирди.

Анын айтымында, оорулардын жайылып кетүү коркунучун алдын алуу максатында малдын түрүнө жараша бөлөк-бөлөк багылуусу керек.

Дене ууланат. Малдан адамга жуккан күйдүргүдөн кантип сактануу керек

"Мал күзүндө жайлоодон эттүү келет. Ушул кезде дайымкы профилактикалык иш-чараларды жүргүзүү зарыл. Башкача айтканда, семиз малга эмдөө жасалса эффективдүүлүгү жогорураак. Учурда ветеринария кызматы тарабынан тогуз ылаңга каршы акысыз вакцина сайылат. Андан тышкары, малдын тоюту салына турган акырды, суу иче турган ноосун, деги эле короону жазда жана күздө дезинфекциялоо шарт. Себеби илдеттер көбүнчө малдын жаткан жеринен жугат. Анан албетте комплекстүү тоют даярдалат. Тоют ар түрдүү жана витаминдүү болсо, семиз мал ооруга көп чалдыкпайт", — деди Жусупов.

Адис фермер түзүүдө алгач аталган багытта тиешелүү адабияттарды окуп, керектүү маалыматтарга ээ болуу менен мал багууну сапаттуу деңгээлге чыгарса болорун кошумчалады.

10
Белгилер:
тоют, ветеринария, мал, Ашырбай Жусупов
Тема боюнча
Саткынов: мал күзгү эмдөөдөн өтүп жатат
Баткен облусунда чек ара бекетиндеги мунара. Архив

Асманга ок атылды. Кыргыз-тажик чек арасында кайрадан жаңжал чыкты

33
(жаңыланган 19:42 25.10.2020)
Тажик жарандары Үч-Төбө айылынан чек ара аркылуу жер алдынан суу түтүк өткөрүп жатканда кыргыз чек арачылары келип, ишти токтотууну талап кылышкан.

БИШКЕК, 25-окт. — Sputnik. Кыргыз-тажик чек арасында чатак чыкканын Мамлекеттик чек ара кызматы кабарлады.

Ага ылайык, бүгүн, 25-октябрда, саат 17:00дөр чамасында тажик жарандары Баткен облусунун Үч-Төбө айылынан чек ара аркылуу жер алдынан суу түтүк өткөрүп башташкан.

"Окуя болгон жерге кыргыз чек арачылары барып, тактала элек аймактагы ишти токтотууну талап кылышкан. Бирок тажик тарап айткандарга баш ийбей, кайым айтышкан. Аскер кызматкерлеринин өмүрүн жана саламаттыгын сактоо максатында, ошондой эле абалдын курчуп кетпеши үчүн Кыргызстандын чек арачылары эскертүү иретинде асманга ок чыгарууга аргасыз болушту", — деп айтылат маалыматта.

Учурда түтүк өткөрүү иши токтотулду. Эки өлкөнүн чек ара өкүлдөрү сүйлөшүү жүргүзүүдө. Ага жергиликтүү бийлик органдары менен укук коргоо органдарынын өкүлдөрү катышып жатат.
Мамлекетик чек аранын аталган аймагында абал туруктуу деп бааланды.

33
Белгилер:
ок атуу, Жаңжал, Мамлекеттик чек ара кызматы, Тажикстан, Кыргызстан
Тема боюнча
Кыргыз-өзбек жумушчу тобу чек арадагы чечиле элек тилкелерди карап чыгышты