Легпром жеңил өнөр жай ассоциациясынын президенти Сапар Асанов

Асанов: ЕАЭБге киргенден бери тигүү өнөр жайынын иши жеңилдеди

54
"Легпром" жеңил өнөр жай ассоциациясынын президенти Сапар Асанов 2019-жылы жеңил өнөр жайы 10 миллиард, ал эми тигүү тармагы 8 миллиард сомдук продукция өндүргөнүн, ал эми быйыл көрсөткүч анча жакшы эместигин айтты.
Асанов: ЕАЭБге киргенден бери тигүү өнөр жайынын иши жеңилдеди

Акыркы 18-20 жылда тигүү өнөр жайы өз ордун таба алды. Бүгүнкү күнү "Кыргызстандан чыгарылган" деген бренд Орто Азияда, бөтөнчө РФте жаңы деңгээлге чыкты. Бирок Кытай сыяктуу чоң атаандаштар бар. Бул тууралуу Сапар Асанов Sputnik Кыргызстан радиосунун эфиринде маек куруп жатып билдирди.

Садамкулова: тигүү өнөр жайынын өндүрүмү 20,5%га төмөндөдү

Анын айтымында, Кыргызстан ЕАЭБге киргенден бери кошумча бажы төлөмдөрү жок тигүү өнөр жайынын иши жеңилдеген.

"Жеңил өнөр жайы — Кыргызстандын экономикасындагы жалгыз көзгө басар 100 пайыз эскпортко багытталган тармак. Жергиликтүү продукциянын 95 пайыздан көбү сыртка сатылат. Өзгөчө, өлкө Евразия экономикалык биримдигине мүчө болгондон тарта экспортко жакшы жол ачылган. Муну менен катар кошумча бажы төлөмдөрү алып салынып, тармактын иши жеңилдеген. Бирок соңку учурда коронавирус пандемиясы, чек аралардын жабылышы түздөн-түз кедергисин тийгизип жатат. Анын үстүнө кездемелерди, сырьелордун бардыгын сырттан алып келебиз. Бизде кездемелер өтө аз санда чыгарылат", — деди Асанов.

Ал ондон ашык ишкана жабдууларды алып келип бир суткада 500 миң бет кап тиккенин кошумчалады.

54
Белгилер:
кийим, тигүүчү, Жеңил өнөр жайы, Сапар Асанов
Тема:
ЕАЭБдеги Кыргызстан (219)
Тема боюнча
Жапаров: Кыргызстанда бир гана тармак жабыркаган жок
Нуска китеп борборунун жетекчиси Анаркан Садыкулова

Садыкулова: кандай китеп окуурун билбеген жаштар көбөйдү

23
"Нуска" китеп борборунун жетекчиси Анаркан Садыкулова учурда жаштар арасында кандай темадагы китеп окуурун билбеген, жашоодогу багытын издегендер көбөйгөнүн айтты.
Садыкулова: кандай китеп окуурун билбеген жаштар көбөйдү

Эмне жөнүндө китеп окуй турганыңды жан дүйнөң менен сезип, билип турушуң керек. Бул абдан маанилүү. Мындай пикирин Анаркан Садыкулова Sputnik Кыргызстан радиосунун эфиринде маек куруп жатып билдирди.

Анын айтымында, китеп окуган адамдын акылы тунук, даражасы бийик, ой-чабыты кенен болот.

"Акыркы 30 жылды алсак, китептен такыр алыстагандар бар. Жаштар эле эмес улуу муундагы адамдар деле эмне окуурун билбейт. Мисалы, дүкөнгө кирип кандай темадагы чыгарма издеп жатканын билишпейт. Азыркы жашоо көбүнесе акчага байланып калды", — деди Садыкулова.

Ошондой эле жетекчи китеп окуу маданиятын калыптандыруу керектигин кошумчалады.

23
Белгилер:
бизнес, жаштар, билим, китеп, нускама
Тема боюнча
Министр: китептерде ката кетпеши үчүн "Окуу китеби" борбору ачылды
Инвестицияны илгерилетүү жана коргоо агенттигинин инвестициялык потенциалды өнүктүрүү бөлүмүнүн жетекчиси Илимбек Абдиев

Абдиев: "Жер-Үй" боюнча инвестор менен калктын ортосунда диалог болду

12
(жаңыланган 11:19 19.01.2021)
Инвестицияны илгерилетүү жана коргоо агенттигинин инвестициялык потенциалды өнүктүрүү бөлүмүнүн жетекчиси Илимбек Абдиев "Жер-Үй" кенинде жаңжалдын чыгуусуна эмне себеп болгонун айтып берди.
Абдиев: Жерүй боюнча инвестор менен калктын ортосунда диалог болду

"Жер-Үйдөгү" чатакка жергиликтүү калктын жумушсуздугу, социалдык-экономикалык абал себеп. Бул тууралуу Илимбек Абдиев Sputnik Кыргызстан радиосуна маек куруп жатып билдирди.

Анын айтымында, шайлоодон кийин инвестициялык климат жакшы жагына өзгөрүп жатканы байкалууда.

"Жер-Үйдөгү" чатактын чыгуусуна жергиликтүү калктын жумушсуздугу, социалдык-экономикалык абал себеп болууда. Ошондой эле жергиликтүү тургундардын арасында колдогондор жана колдобогондор болуп, бөлүнүү бар экен. Мындан ары тирешүүнүн уланбашы үчүн инвестор менен калктын ортосунда диалог жүрдү. Жергиликтүү тургундардын арасынан экология жаатында адистер бар болсо, тизмесин түзүү, бирдиктүү талаптарды коюу сунушталды. Тийиштүү маалыматтар "Жер-Үйдүн" жетекчилигине да, өкмөткө да жеткирилди", — деди Абдиев.

Ошондой эле ал облуста кээ бир социалдык объектилердин курулушуна каражат бөлүнсө да айрым себептерден улам бүткөрүлбөй турганын кошумчалады.

12
Белгилер:
калк, инвестор, ишкерлик
Тема боюнча
Кыргызстанга кандай инвестициялар тартыла турганы айтылды
Стамбул аэропортундагы учактар. Архив

Эртеңден тарта Стамбул Бишкек Стамбул авиакаттамынын саны көбөйтүлөт

17
(жаңыланган 14:46 19.01.2021)
Жаңы чечимге ылайык, эртеңден тарта Стамбулга жумасына жети рейс аткарылат. Буга чейин авиакомпания жумасына беш рейс жасап турган.

БИШКЕК, 19-янв. — Sputnik. "Манас" эл аралык аэропорту Стамбул — Бишкек — Стамбул авиакаттамынын санын көбөйтмөй болду. Бул тууралуу аталган аба майдандан билдиришти.

Ага ылайык, эртең, 20-январдан тарта, Стамбул — Бишкек — Стамбул авиакаттамы боюнча жумасына жети рейс аткарылат.

Жүргүнчүлөрдү Turkish Airlines авиакомпаниясы ташыйт. Буга чейин авиакомпания жумасына беш рейс жасап турган.

17
Белгилер:
рейс, каттам, Бишкек, Стамбул, "Манас" эл аралык аэропорту
Тема боюнча
Кийинки жумадан тарта Бишкектен Лейлекке учак каттай баштайт