Ашпозчулар ассоциациясынын президенти, башкы ашпозчу Берик Эгинбаев

Эгинбаев: карантинде ашпозчулардын айлыгы 70 пайызга азайды

54
Ашпозчулар ассоциациясынын президенти, башкы ашпозчу Берик Эгинбаев шеф-повар болуу үчүн жогорку билим алуу зарыл экенин айтты.
Эгинбаев: карантинде ашпозчулардын айлыгы 70 пайызга азайды

Башкы ашпозчу экономика, адамдар менен иштешүү үчүн психологияны, тамак даярдоонун заманбап технологиясын жана документ менен иштөөнү билүүсү кажет. Ошондуктан анын жогорку билим алып, квалификациясын жогорулатып туруусу маанилүү. Бул тууралуу Берик Эгинбаев Sputnik Кыргызстан радиосунун эфиринде маек куруп жатып билдирди.

Көмөч казан эскирип калганын кантип билсе болот? Шеф-повардан кеңештер

Анын айтымында, жөнөкөй ашпозчуга базалык билим алуу жетиштүү.

"Жакында эле Chef a la Russe чемпионатына катышып келдик. Ал жактан Россиянын Улуттук кулинардык ассоциациясынын президенти Виктор Беляевге жолуктук. Ал адам менен жакын мамиледебиз. "Кыргыздар бүт баарын басып алдыңар" деп дайыма тамашалап күлүп калат. Беш жыл мурда ашпозчу кесиби анча бааланган эмес. Ал эми азыр болсо бул кесипке кызыгып билим алган жаштар көбөйгөнү кубандырат. Россияда жүргөн жердештерди алып карай турган болсок, 600 миңден ашык мигранттардын көбү ашпозчулар. Беляев да Москвада кыргыздар аябай күчтүү адис катары эсептелинерин айтып өттү. Ал эми пандемия учурунда дүйнө жүзү боюнча ашпозчулар ассоциациясынын мүчөлөрү маалымат алышып турдук. Карантин маалында көбү жумушсуз отуруп калышты. Биздин ашпозчулардын айлык маянасы 70 пайызга чейин түштү. Пландалган иш-чаралар да өткөн жок", – деди Эгинбаев.

Ал кулинария боюнча практикалык билим алууну онлайн өткөрүү ыңгайсыз болгонун, окуучулар бир гана теориялык билим алышканын кошумчалады.

54
Белгилер:
кесип, ашпозчу, кулинария
Тема боюнча
Ташкенттиктер рекорд коюп, узундугу он метр шишкебек жасашты. Видео
Жусуп Баласагын атындагы Кыргыз улуттук университетинин жооптуу катчысы Жылдыз Койчиева

Койчиева: Улуттук университетке жети миң студентти кабыл алуу мерчемделүүдө

27
(жаңыланган 17:09 13.05.2021)
Жусуп Баласагын атындагы Кыргыз улуттук университетинин жооптуу катчысы Жылдыз Койчиева абитуриенттерди кабыл алуу эки жылдан бери онлайн жүрүп жатканын маалымдады.

Окууга тапшыруу үчүн документтер пандемияга байланыштуу өзгөргөн жок, болгону катталуу онлайн болуп, документтерди "PDF" форматына өткөрүп тиркөө зарыл. Бул тууралуу Жылдыз Койчиева Sputnik Кыргызстан радиосуна маек куруп жатып билдирди.

Койчиева: Улуттук университетке жети миң студентти кабыл алуу мерчемделүүдө

Анын айтымында, 2021-2022-окуу жылында Улуттук университеттин 23 факультетине 7000 абитуриент кабыл алуу мерчемделүүдө.

"Абитуриенттерди кабыл алуу комиссиясы өз убагында тийиштүү иштерди жүргүзүүдө. ЖОЖдор Билим берүү министрлигинин көзөмөлүндө биргеликте иш алып барууда. Соңку эки жылда пандемияга байланыштуу окуу жайларына катталуу онлайн өтүп жатат. Бул айрымдарга жеңилдик жаратканы менен кээ бирлер үчүн түшүнбөгөн маселелери жаралып калууда. Өткөн жылы министрликтин сайтында абитуриенттерди каттоого алып, анан өзүбүздүн сайт аркылуу кабыл алып жаттык. Улуттук университетте 23 факультет, педагогикалык кесиптик колледж жана Ош филиалы бар. Мына ушунун баарына ар кандай адистиктер боюнча кабыл алуу жүргүзүлөт. Пандемияга байланыштуу документ тапшыруу процедурасына өзгөрүү кирген жок. Бирок катталуу онлайн болгондуктан абитуриенттер бардык документтерди "PDF" форматына өткөрүп, министрликтин сайтына катталуусу зарыл. Ошондон кийин университетти тандап, анан кабыл алуу жүргүзүлөт. Быйыл жылдагыдай эле жети миң орунга кабыл алууну мерчемдеп жатабыз. Жакынкы коңшу өлкөлөрдөн тапшырууну каалагандар бардык факультетке алына берет", — деди Койчиева.

Ошондой эле ал чет өлкөдө жүрүп окууну каалагандар үчүн дистанттык окутуу дагы бар экенин кошумчалады.

27
Белгилер:
Жылдыз Койчиева, билим берүү, ЖОЖ, абитуриент
Тема боюнча
Окуу жайлар жылына эки ирет абитуриент кабыл алат. Токтом өкмөттө каралууда
Бишкек шаардык кайгуул милициясынын маалымат катчысы Байказы Айтикул уулу

Айтикул уулу: биринчи кварталда Бишкекте 841 жол кырсыгы катталды

25
Бишкек шаардык кайгуул милициясынын маалымат катчысы Байказы Айтикул уулу аталган кызмат азыркы учурда жөө кайгуул күзөт кызматы менен мамлекеттик авто инспекциясынын бириктирилген милдетин аткарарын айтты.

Бишкек шаардык кайгуул милициясында учурда 761 кызматкер иштесе, анын 40ы аял киши. Акыркы төрт айда 251 кызматкер ишин мыкты аткаргандыгы үчүн сыйланса, 158 кызматкер жарандардан келген арыздарга байланыштуу тартиптик жазага тартылды. Бул тууралуу Байказы Айтикул уулу Sputnik Кыргызстан радиосунун эфиринде маек куруп жатып билдирди.

Айтикул уулу: биринчи кварталда Бишкекте 841 жол кырсыгы катталды

Анын айтымында, "Коопсуз шаар" долбоорунун камералары орнотулбаган көчөлөрдө жол кырсыктары көп катталат.

"Бүгүнкү күндө Бишкек шаарынын кайгуул милициясы коомдук коопсуздукту сактоо, жол кыймылынын коопсуздугун камсыздоо жана 102 линиясы аркылуу жарандардан түшкөн ар кайсы багыттагы чакырууларды кабыл алып, үч багытта ыкчам чара көрүп жатат. 2021-жылдын биринчи кварталынын жыйынтыгы боюнча Бишкек шаарынын аймагында 841 жол кырсыгы катталды. Анын кесепетинен 1084 адам жаракат алып, 19 жаран каза тапты. 2020-жылга салыштырмалуу мерт болгондор жети кишиге аз. Андан сырткары, 102 номери аркылуу чакыруулар боюнча үй-бүлөлүк чыр-чатактарды жайгарып, суук мезгилде подъезд, жылуу суу түтүктөрүндө баш калкалаган үй-жайсыз жарандарды муниципалдык жайга жеткирип жаттык. Ошондой эле өспүрүмдөр аралашкан кылмыш фактылары каралды. Ал эми үстүбүздөгү төрт ай ичинде Кайгуул кызматы тарабынан 111 миң 628 жол эрежисин бузуу фактысы катталды. Терезесин караңгылатып алган, коопсуздук кур тагынбаган жана "Коопсуз шаар" долбоору боюнча айып пулун төлөбөгөн айдоочуларга протокол түзүлдү. Аларга жалпы 154 миллион 632 миң 500 сом айып пул салынып, анын ичинен 34 миллион 153 миң 872 сом мамлекеттик бюджетке түштү", — деди Айтикул уулу.

Маалымат кызматынын өкүлү эгер тартип, жол эрежелерин бузуу катталса кайгуул милициянын нөөмөт бөлүмүнүн 0509 102 122 whatsapp номерине фото, видео жөнөтсө болорун кошумчалады.

25
Белгилер:
Байказы Айтикул уулу, жол кырсык, коопсуздук, Кайгуул милициясы
Тема боюнча
Ош: үч ай ичинде жол кырсыктарынан 23 адам каза болду
 Чүйдүн Сокулук районундагы чарба жана курулушка керектүү материалдарды саткан дүкөндөн өрт чыкты

Сокулуктагы дүкөндүн өрттөнгөн видеосу

73
(жаңыланган 22:51 13.05.2021)
Тилсиз жоо менен күрөшүүгө ӨКМден эки бөлүм жана өрт өчүрүүчү-куткаруучулардын бир штабы тартылды. Ал саат 20:43тө чектөөгө алынды.

БИШКЕК, 13-май — Sputnik. Чүйдүн Сокулук районундагы чарба жана курулушка керектүү материалдарды саткан дүкөндөн өрт чыкты. Бул тууралуу ӨКМдин маалымат кызматы кабарлады.

Дүкөн Новопавловка айылынын Киров көчөсүндө жайгашкан. Тилсиз жоо менен күрөшүүгө саат 19:54тө эки бөлүм, ал эми саат 20:14тө өрт өчүрүүчү-куткаруучулардын штабы тартылган.

Өрт саат 20:43тө чектөөгө алынган. Учурда толук өчүрүү иш-чаралары жүргүзүлүгөн.

Ал эми саат 21:56да толугу менен өчүрүлдү.

73
Белгилер:
видео, дүкөн, өрт, Новопавловка
Тема боюнча
Алайда үй өрттөнүп, 56 жаштагы киши каза болду. Сүрөттөр