Веб-адис Айдана Аидланова

Аидланова: смартфонубуз биз жөнүндө маалыматтын 90 пайызына ээ

172
(жаңыланган 14:02 10.11.2020)
Веб-адис Айдана Аидланова социалдык баракчаларга, банктык карточкаларына, электрондук почта жана башка тармактардын баарына бир эле сыр сөз коюп алуу кооптуу экенин айтты.
Аидланова: смартфонубуз биз жөнүндө маалыматтын 90 пайызына ээ

Жаңы эле сатып алган смартфонго жеке маалыматтарды жазып, уюлдук оператордун SIM-картасын туташтырып, ошондой эле тиркемелерди орнотуп ондогон компанияларга биз жөнүндө маалыматты пайдалануу мүмкүнчүлүгүн беребиз. Бул тууралуу Айдана Аидланова Sputnik Кыргызстан радиосунун эфиринде маек куруп жатып билдирди.

Анын айтымында, айрым компаниялар адамдар тууралуу маалымат топтоп, аны сатышат.

"Телефон кесиптештерибиз жана досторубузга караганда биз жөнүндө көбүрөөк билет. Анда 90 пайыз маалымат сакталат. Ошондуктан телефонубуздун коопсуздугу абдан маанилүү. Смартфон видео, үн жаздырып да алышы мүмкүн. Мисалы, бүгүн эле досуңуз менен бир буюм алууну же тамактанып келүүнү сүйлөшсөңүз, бир-эки күндөн кийин эле интернеттен ошол нерсенин жарнамасын көрүп каласыз. Алсак, компаниялар кардарлары тууралуу маалымат чогултуп, өз кызматын ким кандайча пайдаланарын жакшыраак билип, анын негизинде продукцияны өркүндөтүп, башка кызматтарды да кошушат. Колдонуучулар жөнүндө маалыматтарды топтоп, анализдеп, сайттарга максаттуу жарнамаларды беришет. Ошондой эле сиз геолокацияңызды күйгүзгөндө үйүңүздүн жанында жайгашкан фитнес-клубдун жарнамасын көрө аласыз. Андан сырткары, көп адамдар телефонду блоктогондо, почтасына, түрдүү баракчаларына бир эле сыр сөздү колдонот же болбосо туулган күнү, номерин жана аты-жөнүн жазып коюшат. Мындай кылган туура эмес. Андан көрө хеш-функцияны колдонуңуз. Ал жөнөкөй сөздү татаалдаштырып берет", — деди Аидланова.

Адис смартфонго, SIM-картага PIN-код коюп, телефонго антивирусту көчүрүп, операциялык системаны улам жаңылап туруу менен аппаратты коопсуз колдонсо болорун кошумчалады.

172
Белгилер:
коопсуздук, смартфон
Тема боюнча
Кубаттуулугу эң күчтүү смартфон аталды
Эксперт геолокацияны кимдерге билдирбеш керектигин айтты
КРдин Мамлекеттик миграция кызматынын Россиядагы өкүлчүлүгүнүн жетекчиси Майрамбек Бейшенов

Бейшенов: эми мигранттар тааныштарын сатып алган үйүнө каттатууга укуктуу

23
КРдин Мамлекеттик миграция кызматынын Россиядагы өкүлчүлүгүнүн жетекчиси Майрамбек Бейшенов коронавирустун биринчи толкунунан кийин РФте эмгек мигранттарга талап күч экенин маалымдады.
Бейшенов: эми мигранттар тааныштарын сатып алган үйүнө каттатууга укуктуу

Мигранттар туугандарын жана тааныштарын сатып алган үйүнө каттата алат. Бул тууралуу Майрамбек Бейшенов Sputnik Кыргызстан радиосуна маек берип жатып билдирди.

Анын айтымында, мигранттарга жеңилдик берген бир катар мыйзамдар ишке кирүүдө.

"Мигранттардын жашоо-турмушун жакшыртуу боюнча аракеттер көрүлүүдө. Алсак, мигранттар кыймылсыз мүлк сатып алган болсо, ага туугандарын жана тааныштарын каттоого тургуза алат. Мындан тышкары, Россияда иш берүүчүлөрдүн электрондук порталы түзүлөт. Ал эмгек мигранттарына ошол аркылуу жумушка орношууга мүмкүндүк түзүлөт. Бул демилге 2021-2022-жылда ишке ашып калуусу күтүлүүдө. Ал аркылуу Кыргызстанда туруп эле иш берүүчү менен байланышып, жумушка орношо алат", — деди Бейшенов.

Ошондой эле ал учурда мигранттарга Россиянын жарандыгын алуу үчүн өз өлкөсүндө жарандыктан чыгуунун кажети жок болуп калганын кошумчалады.

23
Белгилер:
коронавирус, Россия, миграция, Майрамбек Бейшенов
Тема боюнча
Кыргызстандык мигранттарга иш табуу жеңил болгон Россиянын аймактары
Бишкек аба кыймылын тейлөө борборунун 1-класстагы диспетчери Канат Төлөгөнов

Төлөгөнов: авиадиспетчерлердин иши оор, үч күн иштеп, үч күн эс алат

17
Бишкек аба кыймылын тейлөө борборунун 1-класстагы диспетчери Канат Төлөгөнов жумуш психоэмоционалдык жактан оор болгондуктан үч күн иштеп, үч күн эс алышарын айтты.
Төлөгөнов: авиадиспетчерлердин иши оор, үч күн иштеп, үч күн эс алат

Инструктаж башталардан бир саат мурун жумушка келебиз. Бул убакытта медициналык кароодон өтүп, пульс жана кан басым өлчөнөт. Алкоголго да текшерилип, баары жайында болгондо гана жумушка киришебиз. Бул тууралуу Канат Төлөгөнов Sputnik Кыргызстан радиосунун эфиринде маек куруп жатып билдирди.

Анын айтымында, жүздөгөн адамдын жашоосу бир нече адистен көз каранды болгондуктан авиадиспетчер кесиби жоопкерчилиги чоң жумуш болуп эсептелет.

"12-апрель - космонавттар күнү төрөлүп, атым Канат деп да коюлганы бул кесипти тандоомо кандайдыр бир түрткү болгон. Кичинемден бери космонавт болом деп кыялдандым. Убакыттын өтүшү менен приоритеттер да өзгөрдү. Ошентип космонавтикага жакын авиация тармагын, анын ичинен авиадиспетчер кесибин тандадым. Алгачкы күндөрү жоопкерчиликти жон териң менен сезип, үн титиреген учурлар болгон. Бизде тандоо өтө катаал. Начар окугандардын 99 пайызы өздөрү иштөөдөн баш тартышат. Алсак, мен окуган учурда 20 студент болсок, анын 10у гана өз кесиби менен иштеп жатат. Бул адистикке тапшырып жаткандар медициналык комиссиядан, кесиптик-психологиялык жарактуулук сынагынан (ВЛЭК) өтүшөт. Окуу жайды бүткөндөн соң англис тили сертификатын алабыз. ICAO эл аралык уюмдун талабына жараша диспетчер тилди төртүнчү деңгээлде билиши керек. Андан кийин "Кыргыз аэронавигация" мамлекеттик ишканасына барып стажировкадан өтөбүз. Мына ошол жерден айдоочулук көбүлүк алгандай эле авиадиспетчер деген күбөлүк алабыз. Ансыз эч ким диспетчер болуп иштей албайт. Ал эки жылдык мөөнөткө берилип, ар эки жыл сайын жогорудагы айтылган талаптарды жаңылап турабыз. Бизде бул кесипке Абдраимов атындагы Кыргыз авиациялык институтунда гана окутат. Ал эми айрымдары Алматыдагы академиядан, Красноярск, Санкт-Петебургдагы окуу жайлардан окуп келишет", — деди Төлөгөнов.

Ал 2016-жылы Дача Суга учак кулаганда пультта отурбаганы менен нөөмөттө болгонун жана диспетчерлер так иштегендиктен, териштирүү учурунда аларга эч кандай доо коюлбагандыгын кошумчалады.

17
Белгилер:
аэродром, учак
Тема боюнча
Украинада кулаган учактан аман калган курсант окуя кандай болгонун айтып берди
Автоунаа номери. Архив

Мамкаттоо 604 миң сомго автоунаанын бир номерин жана эки "ХАН" сатты

0
(жаңыланган 14:45 24.11.2020)
Мамкаттоо 7-декабрга автоунаалар үчүн 700дөн ашык өзгөчө номер сатууну пландап жатат. Аукционго бардык айдоочулар катыша алат.

БИШКЕК, 24-ноя. — Sputnik. Кыргызстанда автоунаага тагылуучу "01 888 BBB" сериялык номери аукциондо 604 000 сомго сатылды. Бул туурасында Мамлекеттик каттоо кызматы билдирди.

Кечээ, 23-ноябрда, nomer.srs.kg порталында сандар менен тамгалардын өзгөчө айкалышындагы автономерлерди сатуу боюнча онлайн-аукцион өткөрүлдү. Аталган номер 80 миң сом баштапкы сумма менен аукционго коюлган.

"Жалпысынан өзгөчө номерлерди сатуу боюнча 14 аукцион пландаштырылган. Анын жарымы ээсин тапты. Беш номерди бишкектиктер, экөөнү Жалал-Абад облусунун "04" аймактык коду менен сатып алышкан. Ал эми "ХАН" тамгаларынын айкалышы бар номерлерди борбор калаанын эки тургуну алып кетти", — деп айтылат маалыматат.

Ошондой эле баштапкы наркы 60 миң сомдон башталган "01 555 SSS" номерин алууга кызыккандар арбып, 430 000 сомго чейин көтөрүлгөн.

Ал эми "01 777 XAH" 72 миң, "01 007 XAH" номери 32 миң сомго сатылган.

"01 111 JJJ" номерин 82 миң, "04 111 III" 60 миң жана "04 007 AMG" 32 миң сомго алып кетишкен.

Сатылган жети автономердин жалпы баасы 1 миллион 312 миң сом түздү. Кирешенин 91 пайызы мамлекеттик бюджетке которулат.

Кечээ-бүгүн болуп өткөн аукциондордун жыйынтыгы боюнча дагы 46 кооз унаа номери сатылары күтүлүүдө. Жакында "01 777 ZZZ" номери боюнча аукцион аяктаган. Жеңүүчү ага 810 000 сом сунуштаган, акчасын үч күндүн ичинде төлөшү керек.

Мамлекеттик каттоо кызматы онлайн-аукциондор nomer.srs.kg сайтында баарына жеткиликтүү экендигин белгиледи. 7-декабрга 700дөн ашык өзгөчө номер сатуу пландалууда.

0
Тема боюнча
Кыргызстанда эң өтүмдүү автоунаалардын баасы. Инфографика